Ka Nupepa Kuokoa, Volume III, Number 24, 11 Iune 1864 — He mau kanaka lele pali! [ARTICLE]

He mau kanaka lele pali!

E ka Nupepa Kuokoa e ; Aloha oe:—Ua loaa mai ka wn kupono e kamailio pu kaua, no ka loaa ana mai o kahi ukana, a nau ia e hookomo iho ma kahi kaa-wale o kou kino holo okoa, a nolaila, me oe no ka mahalo ia, a me makou no ka iini puuwai, a e ola kou inoa ma o ke akua la. Ma anei kakou e ike ai, i ke kumu o keia mau kanaka lele pali ma ka po poaha iho nei oia ka la 21 o Aperila; oke kumu o keia lele ana, i ua ahiahi la no, hele aku la no makou mai Kalalau aku a hiki ma Pahakuao, a iho aku la makou i ua pali nei, kahi a ua mau kanaka nei i lele ai; o keia iho ana o makou i ua pali nei, i iho i ke kamokoi ia, a hiki ilalo, noho makou i ka mokoi a poeleele, hoomakaukau makou no ka hoi, a pii e aku la no lakou ia, elua mau wahi keiki mamua, o Alii mamua, o Kaala aku mahope ona, a o Samuela aku mahope aku o laua la, aia no wau a me A? Mulihele ke noho nei ma ke kuinu o ka pali, a ke pii la hoi laua la mamua, ia pii ana aku nae la, ka haule mai la no ia o Alii, nona hoi ka haule, puiwa e hoi o Kaala o ka haule pu aku la no ia o laua ia make hookahi, " o ka la manu paha ia o Kamalama ke lole-lua nei ka make i ka wa hookahi," o ka haule aku la no ia a lalo, o ka make aku la no ia, make loa kekahi a ma hope pohala hou ae ana, ua puka nae ke poo eha ka uha, a me ka lehelehe-luna, ma ka nana iho he mea e ka manaonao; o Alii hoi haki ka lima; o ke kuapoi o ke kuli, unu ia mai la iluna. A nolaila, mo he mea ia e ao mai ana ka pali ia makou. Oke aloha no kou eua hoa aloha nei, e moe ae keia ua hala ka wa moe Na K. Paulo. J}popo, Kalalau, A"auai. Jip<r. 21, 1864.