Ka Nupepa Kuokoa, Volume III, Number 24, 11 June 1864 — Moa Nu Hou. [ARTICLE]

Moa Nu Hou.

E ka Nupepa Kuokoa e ; Aloha oe.—E hoolaha ae oe i keia wahi nu ma kela wahi keia wahi o keia mau mokupuni, i ike mai ai ka poe e lawe ana i kou kino, a me na keiki puni nu hou mai Hawaii a Kauai. Eia ua wahi nu hou la, ua hanau mai he ohana Moa na kekahi kanaka ma Waipio, Hawaii, o Nauhanelua, ka mea nana ua ohana moa nei, a mailoko mai o keia ohana moa, kekahi moa kupanaha, penei kona ano: He moa keiki eleele, o ke ano nae, he moa maoli no; aka, eia kona wahi kupanaha, he ekolu ona mau wawae, o na wawae kahiko e like no me ke ano mau o ka moa, a o ke kolu hoi oka wawae, aia malalo iho o ka pupua, ma ka aoao hema o ka puka hoomaha. Aia ma ka wawae kupanaha, me he mea la, elua wawae malaila; aka, hookahi no iwi, e like me ka wawae okoa, a he kuekue malalo iho, a hiki aku i ka mahae ana o na manamana, malaila, ua kaawale ekolu manamana malaila, a ma kekahi mahele o ua wawae la, elua manamana, huiia, elima manaAana ma ka wawae kupanaha, ewalu hoi manamana ma na wawae kahi&o, huiia he 13 manamana wawae o keia wahi moa ano kupanaha! Nani kau ihau hana eke Akua. Ke ola nei no keia wahi moa. A. W. P. Waileleohiilawe. Waipio, Hamakua, Hawaii, Aper. 29, 1860.