Ka Nupepa Kuokoa, Volume III, Number 24, 11 June 1864 — Pehea na Malihini? [ARTICLE]

Pehea na Malihini?

Ma ka la 25 o Feberuari, malmhiki 1843, ua hele mai kekahi haole Enelani maanei a ua lawe oia i ke ea o ka aina, ka aina a ke Akua i haawi ai ia Kamehameha i hooilina paa Joa nona ano kana poe mamo, mai ia wa mai a hiki wale i keia wa, ua kiai mau kekahi poe i keia paeaina. Ua kuko lakou i ka aina ona alii Hawaii, me ke ake nui e lilo ia lakou ; me he mea la ua nele lakou i ka aina; a ke makemake nei e kauo aku ia Hawaii i panalaau no Beritania. Aole keia he mea hou. Ua loheia no ma na aina e; a ua paiia no hoi ma kekahi mau palapala haole keia makemake o kekahi poe Enelani. Nolaila, pehea kakou i na malihini e noho nei me kakou ?

He manao akea maikai a me ke aloha waIe- no ko makou i na malihnii a pau e noho mei. Aohe no o makou makemake e hoino waleaku. E ake loa makou e mau loa ka noho aloha nna me lakou, Aka, oiai ua ike lea makou i ka manao ino-o kekahi. poe,. ke i nei makou, aole he pono ke hoopunahele koke ina malihini. E akahele;alia e lawe koke ia lakou i poe hoa kuka ponoi. Malia paha eia īwaena o kakou kekahi poe opu inoinoe hana maalea nei. E kali, E hoao ina malihini. Ma ko lakou hua e ike ia aku ai ko lakou ano. Kanaka Hawwah.