Ka Nupepa Kuokoa, Volume III, Number 23, 4 June 1864 — Holo ka mahi ko ma Kohala. [ARTICLE]

Holo ka mahi ko ma Kohala.

E ka Nitpepa Kuokoa e ; Aloha oe.—la'u e noho kupa ana ma Kohala nei iloko o na makahiki i hala aku la, aole au i ike i ka nani o keia aina iloko oia mau la ; a iloko o keia mau la a'u e ike nei, ua nui mai ka poe mahi ko maanei. Oia hoi na haole n me na kanaka maoli, e hana ana kela mea keia mea o lakou pakahi me kona mau kanaka hana, ma ka nana aku hoi, aohe nao aina i ka hana hoi a keia poe kamaeu. Nolaila, ke ala nui mai nei na kanaka ma Kohala nei i ka mahi ko. Ma ka aina nae o ka poe hui mahi ko ma Halaula, malaila na mea a ka maka e hoohalahala ole ai, ke nana aku i ka nui launa ole oke ko. Ama ia wahi no hoi ka oi aku o na kanaka paahana, Kamana, Kuihao, Sumeka, a me na kanaka paahana o kela ano keia ano. A ke hoomakaukau mai nei kekahi poe malihini e mahi ko maanei, pela ko'u Johe mai i kekahi oka poe mahi ko. Ma ko'u nana aku, he keu keia o ka aina nui o ka poe mahiai i nei mea he ko. Ma ka aina mahi ko o ka poe hui 800, eka 1 pau i ka mahiai ia, aole nae i pau ko lakou makemake a hiki i ke tausani eka a oi aku; pela ko lakou manao paa. A ua lilo no hoi keia mea he kumu e paipai mai ai i kekahi poe, e noho ana ma na aina kupono e mahiai ai. Oia iho la ke kauwahi malili manao o kuaaina, imua ona makamaka. TDa pau me ke aloha. Ke naue j nei no ko Makapala keiki, ua holu ka wai i na pali. Me ka mahalo. S. K. Hauailiki. Makapala, Kohala, Hawaii. Apr. 21,1864.