Ka Nupepa Kuokoa, Volume III, Number 23, 4 Iune 1864 — Olelo pane ia Makanahelehele O PUNA, HAWAII. [ARTICLE]

Olelo pane ia Makanahelehele O PUNA, HAWAII.

E ka Hiwahiwa Kaulana o Hawaii nei; Aloha iini ka.ua :—Maluna paha au o kou waa wiliwili e ee pakeke aku ai, kohi hoi e awala lua nei na hoewaa me ka ikaika o na lala iluna o na ale o Kaieiewaho, me kou nakui nae a pili aku i Ainahou, welo kihei a ke Aeloa ī ka hale pukaaniani nui o ka ike. Aia ka'u wahi umeke maloko o kou hale ahaaina naauao;o ka Buke 11, Helu 41, Oct. la 10, 1863. "He kanaka akamai o J. P. Kauwalu"—Oia ko'u alanui e hehi haaheo aku ai ma ka meheu o ko iala hapa pulima. Oiai, ua ukali loihi au ma ka waha o ka pepa, aole he wahi mea a ekemu iki o J. P. K—ia C. M—oiai, ke lawe nei no au ia pepa hoomanao; a ma ia manao hoi e hoouna aku ai au i ka Alahama ka oīali pakelo o ka Hema, e pulumi aku i na olelo kal&kala a C. Makanahelehele ke keiki ai niu o Puna.

Ua hui au me ia i koena la o Kona, a me ka ua kualau hehi i ka pilipiliula i ke kula. Ma ka nana ana a na maka i kona mau huaolelo, " He kanaka akamni o J. P. Kauwalu," eia kona ano, he mahalo ana i ke kanaka Kauwalu no ka naauao. Eia malalo iho na lalani palapala i paiia i kumu ku-e no kona manao ame ke kumu olelo. "No ka mea, he kanaka naauno io no, ua hokiki na hulu i ka puapua ;"o kahi mau olelo, ua pili i ka oiaio kukulu olelo, a o kekahi manao ona, ua " kapeke ke poi i ka ipukai onoa ka moe ;" oiai, ua kapa ia aku oe ma keia mau huaolelo au, " ua hokiki na hulu i ka puapua," ua hupo, ua maa ole i ka hale Kau Kanawai, u pela aku. oka pili anei keia o ka īwi i kona mau lala ? aole paha ea ? akaiki wale na niu moe o Kalapana ia oe. Ke pahapaha hou iho la o ua keiki Puna nei, " paa loa ka manao o Kapoho, a me Pohoiki e koho ia ia ; " ma ke kauo ana mai i ko'u noonoo akahele, ua loaa ia'u e ku-eo hookohi ana i ke alanui, a o kona uluna eia no, e hoopohala ana ia 1. P. K—aole pono ke koho ia L. M. no ka apana koho o Puna. O ka pili oiaio anei keia imua o kona poo manao? aole paha ea? aia nm Hihimanu ke poo manao, aia i Kumukahi ka wehe ana, aole keu i oi aku o ka 14,000 kapuai ka loa, ke kiekie okoa iho la no ia o Maunakea. Aloha wale oe e auku mai la ko poo i Puna, o ka hanehane mai a ka makani hooholu lau niu o ko aina eeke e a-u ia nei. Ma kuu ike ana, ua " nahae ka mana o ka ua i Alakai." Eke keiki o Puna e; a i manao oe e kakau manao i ka pepa o kakou, e aho e kawele mua i kou mau aniani ike, i malaelae ; i ole oe e naku poeleele mawaena o ka lehulehu, oiai, ma kou kumu manao, ua ku i ka mahalo, a ina ka uhola ana o ka lala kamailio, ua hilala i ke kai o Keaau. Ke helei mai nei o ua hoa la ina maka ona, "heleika maka a ula." No ke koho oleia paha o I. P. K. e lilo i Lunamakaainana, kani ka iala akaiki; " aole paha ia oe ia uwahi—e," makaala loa oe, oiai o ka V Alabama '* ia e hulei mai la i ke oho o ka niu. Aloha ino ka Hawaii imi loa, i ka olokaa ia ana o kona mau manao ma ka pali kahakai o Makahuna: Maanei e pau ai ka moni ana o ka maka o ke sila i ka wai uliuli o Mareka; a ma keia ! wahi, e paa mai ai au, "ma ka apua ka pane ana i ka mea nona na huaolelo like ole," aia a hulei mai ko o keiki me ka inoino, alaila, " hele ululu aku ke ahi me ka momoku. | Owau no kou paa kaulawaha oka naauao. JoESKPH. W AIALEALE. > Kona, Kauai. Mei 7,1864.