Ka Nupepa Kuokoa, Volume III, Number 23, 4 June 1864 — Kanikau aloha no Kina. [ARTICLE]

Kanikau aloha no Kina.

Ma ka Poaono, oia ka la 7 o Mei, make o Kina, o kona mai i make ai, he kani ma ka umauma. Ao ka nui ona makahiki o ko maua noho pu ana ma ka maluhia o ke Kanawai mare o ka aina he 10, a me na malama keu 4, a me na la i oleloia maluna, a o kona la no ia i haalele mai ai ia'u, i ka hoa pili he kane. Aua haku iho wau i wahi Kanikau nona. Eia malalo nei, a penei no ia: Aloha ka wahine Ka hoa pih o ke kane, Ka hoa lia o ke aumoe Ua hele oe i ke ala hoi ole mai, Ua noho au me ka u Me ka minamina ia oe, Aloha kahi a kaua e noho ai Aloha ka la wela o Kawa, Aloha ka lai o Honolulu Aloha ka halulu a na Lio, Aloha ka nehe a na kaa A me ka-u-wa a na kanaka, Kanikau la he aloha, nou no e Kina—e. Aloha ka wahine Ka hoa pili o ke kane, Auweauwekuu wahine —e. Kuu wahine mai ka nuku o Nuuanu Mai ke kawelu o Lanihuli, Huli aku nei au aole oe Aia paha oe i Kaala, 1 ka nana i ka uluiaau I ka ulu wehiwehi o Mamala, Malama no au he aloha He halia i ka la o Honolulu, 0 ka leo ka'u mea aloha 1 ka pane i ka olelo mai, Kanikau la he aioha, nou no e Kina—e. Aloha ka wahine Ka hoa pili o ke kane, Auwe ! auwe!! kuu wahine—e. Kuu wahine mai ke kai o Kaieiewaho, Aioha o Kalanipuu e au nei i ke kai Kahi a kaua i ike ai, Aloha Nawiliwili me Kaiapaki Aloha ke kula o Ahukini, Kini aloha ka luna o Haupu E kilohi ana ia Koloa, I ka nana i ka ulu wehiwehi Aloha ke kula o Nukole, 1 ka ua nihi ae Makalepa I ka nana i ka ulu wehiwehi, I ka ulu hau o Alio, 1 ka wai fffitlau i Wailua, I ka nani laula o Kapaa, I Kalukalu o kewa, I ka nalu hoi o Makaiwa, Kahi hoi a kaua e hele ai. Kanikau la he aloha, nou no e Kina—e. Aloha ka wahine ka hoa pili o ke kane Auwe ! auwe!! kuu wahine—e. Kuu wahine mai ka la o Kona Mai ka piiua o Kahoaea Kahi a kaua e hele ai, Aloha ke kula o Kalaheo E hiki aku ai i Wahiawa, Wa lono a ka pihe i ke one hanau Kukui lua i ka hono o na moku, O ka wai o Hanapepe ka'u aloha O ka noho lai mai i ka uka o Manuahi, Manuahi oe i naue aku nei Haalele i ka hoa pili he kane, Kanikau la ho aloha, nou no e Kina—e. Aloha ka wahine ka hoa pili o ke kane Auwe! auwe!! kuu wahine—e. Kuu wahine mai ke kula o Puuopapai Mai kaihona lepoula la e Mahinauli, Aloha ia wahi a kaua e hele ai, E ike ai kaua i ka makani Kolonahe he Naulu, Aloha ka wai o Waimea A me ka lai o Kipanaiki, He iki ka manao a loko e hana nei 0 ka u o ka minamina ia oe, Aloha kahi a kaua e noho ai, Aloha ka auwai loa o Peekaua, Aloha ke kula o Huluhulunui, Aloha ka ulu niu o Kekaha, Auwe! auwe !! kuu wahine—e. Aloha ke one o Kahua A me ka Ohai o Papiuhuli— A me ke kula Ohai o Limaloa, Aloha na Ohiki haehae kapa o Waiolono, He u aloha i na niu o Kaunalewa, 1 ka noho mai a Ainaike i ka lai— I ke kaha o Lolomauna. Kanikau la he aloha, nou no e Kina—e. Aloha ka wahine ka hoa pili o ke kane Kuu wahine mai ke one kani o Nohili Mai ka lei Pahapaha o Polihale— Mai ka hono o na moku o Niihau, Mai ka ai haaheo o ka aina, Auwe kuu wahine! kuu wahine hoi—e! S. W. Kahawaiolaa. Kawa, Honolulu, Oahu, Mei 14,1864.