Ka Nupepa Kuokoa, Volume III, Number 21, 21 May 1864 — Kahuna wahine hoomanamana. [ARTICLE]

Kahuna wahine hoomanamana.

E KA Nupbfa Kuokoa e; Aloha oe :—Ke kukuna la wela e paila ai ka Moana Pakipika, ka manu hehi ale ona kai anuanu, ka mokuahi lawe mea hou o keia mau mokupuni, e noho ana hoi malalo o ka malu o ka Moi aloha Kamehameha V.

E oluolu puha oe a me kou mau lala a pau, e hookomo iho i keia wahi puolo mea hou, ma kahi kaawale o kou kino holookoa, i ike mai ai o'u mau hoa, mai ka la puka i Haehae, a ka mole olu o Lehua ; i keia ahi kupanaha e a nei ma ke kaona o Lahai na, nona na hua e kau kehakeha ae la maluna, " Kahuna wahine hoomanamana."

O Hilea ka inoa o ua wahine nei, a penei hoi kana mau olelo poopunipuni, i ka manawa i hoi mai ai ke akua ona, oia hoi o Kahalaomapuena kona inoa ; o ke kaikuahine aala o Aiwohikupua i kekahi poe keiki kupa o Lele nei.

Penei kana olelo : " Ua hu ke dala aia i uka o Puulaina, nolaila, e pii oukou ilaila e eli ai." la manawa no, ua hoopiha koke ia na puuwai o ka poe e akoakoa ana iloko oia anaina i ka olioli nui no ka hu ana o ke dala, a me ka pomaikai nui e loua ana ia lakou. Ua hoomakaukau koke paha lakou i na mea paahana no ka eli ana i ke daia, me ka lawe ana o kela mea keia mea i ka eke pukapukaole, i wahi hoi no ke dala e waiho ai, a koe aku no kaeke pukapuka na Hagai. A i kekahi la, pii aku la ua poe nei e hoo-

ko i ka olelo a ua wahine nei, a hīki lakou ma kahi i olelo ia, a hoomaka koke no lakou ika eli; mai ka maka mua a hiki ika hope o ka ell ana, aole loa he wahi hunahuna dala i loaa ia lakou, aka, he mau kauna pohaku wale no ka mea i loaa ma ia luhi ana. Loaa ia lakou kekahi lalani oki Himeni 114, e i ana, "Poho kou luhi ana." Hopu hewa ika makani ika mea kauaheahe. O ka mua keia o kona hoopunipuni ana. Eia hou. I kekahi mau po, komo mai la he mau lole ano e, no na akua wale no a pau ua mau lole nei. Penei ka hana ana, komo mai la he lole silika eleele, alaila, hoi mai ia akua ona, o Kapunohu ka inoa, ina hoi e komo mai he kapa ulaula, he akua Mano ia, a pela aku. Ina po a pau e kahea ai oia, i ke akua ana e inakemake ai, me ke kaukau aku, e hoi mai eia ka ai la he Awa—e hoi, e hana i ka mai a kakou o Kuhilani ka inoa, e hana no a ola—a pololei—a paa ka io ka pilikia. Ika pau ana oke kahea ana, iho mai la ka noenoe o ka ona o ka awa, wili mai la kela me ke kuina kapa, a hookipu mai la me he mea ala ua hoi mai ke akua ona. He mau la ma hope iho, make loa iho la keia mai o Kuhilani kona inoa, he Kaikamahine na Kanei, ua lawe ia mai oia me ke kino anuanu ma luna o ke kaa, a hiki ma ka hale o kona poe makua. Eia no ke a nei keia ahi ma Lahaina nei a ke mahuahua mai nei no ka poe hele mai ia ia, alaila, olelo mai la kela, e ola ana oe, i ka hana ana iho, pala ka Maia. Pau ole no hoi ka apa a ko Hawaii nei poe, ua puka hoi ka la a ua malamalama, eia no ka ke noho nei iloko o Kapolikuakane na lala o §atana. E o'u mau hoa, a makamaka hoioka Ulu o Lele nei; ame na wahi eae o keia mau Mokupuni; mai puni wale i kekahi hana e like me keia, o huki ia oukou a poho i ka inimilo oka make maa. He ma—u ia, ke hoi nei kahi keiki o ka malu Kuikui o Halealoha, ke hea mai nei ka lau o ka Niu o Ewa e hoi au. Me ke aloha ika hui Kuokoa. S. P. Punahoa. Pinarose Eoir green Home, Lakuma.