Ka Nupepa Kuokoa, Volume III, Number 21, 21 May 1864 — E noonoo pono! [ARTICLE]

E noonoo pono!

No ke akamai o ha poe akamai, ua laha ae no ia iwaena o na Elelo o ka Honua holookoa a puni ke a mau mo[upuni. I ke Kuokoa e ! Aloha kaua :— Ke alakai, ka hoikeike, ka Elele a na lahui 0 ka honua, ka waha kamailio o na mamo a Isaraela i laha ae ma na moku o ke kai a puni ka honua. O ka ninau i ninauia e Maakuia, he ninau pili i ka emi ame ka ulu hou nna o ka lahui holookoa, i ka hua hoi i oleloia he aupuni ; ua hai ia, ua wehewehe ia, a ua kokua nui loaia ma ka hapai lima ana, a ma ke kakau ana, ma ka hoolaha akea ana i o ianei, a ua puni ka makahiki. A he makahiki huu keia, a he alii hou no hoi, a ke komo mai nei no keia ninau iloko o keia makahiki ia J.W. Kauwahi, ame kana wehewehe maikai ana no keia kau Ahaolelo, ame kona wehewehe ana i ka nui o ka hooiloilo ma ka waha o na kahuna; i oleloia he mau kahuna haiola, aole ka hoi! he mau kahuna hai make ka ! nolaila, mai maka'u ia lakou, no ka mea, he waha kanaka no kona e like me kakou ; 1 aka, ina he kaula ia na ke Akua, oia ka mea maka'u, e pana nae i ko lakou moolelo arae ka aina kahi a lakou i hele mai ai, ame ke ano o ka hana ana ; i ka nana ana ame na hoike e ike ai he mau kahuna wale no lakou ma ke ano i ku ia kakou. Aole palua ka haawina i ka mea hookahi, 0 na haawina e like me keia, i kekahi no ka Oihana i kekahi no ka Oihana, penei: Ina i kekahi ka Oihana Kahuna, a i kekahi no ke Kuhikuhipuuone, oia he Kilokilo, a i kekahi ke Kakaoleloana, i puka nae ke Kakaolelo 1 mea nana e wae na olelo maikai, a me na

olelo ino, a i ke Kaula ka wanana ana, i na e maikai ka wanana, maikai ka noho ai Aupuni ana, a i ino no hoi, ino no ka noho ai Aupuni ana, pela wale no ka noho ai Aupuni a na'lii o ka wa i hala, a pela no ka ka Baibala hoike ana; ke kuhi hewa ole nae au, a i kuhi.hewa e kala mai no.

Nolaila, ke noi aku nei au ia oe e Maakuia, mamuli o na rula o ka poe maikai no ka pane ana, a i hemahema, he hiki no i kela mea keia mea ke noiaku e hoihoi houia ka manao i paneia a i hoolahaia ma ke akea, e like me ka ninau no ke emi a me kahi e ulu hou ai, i loaa ka laau Lapaau o ka Lahui, e like me kou manao i ninau ai, e hai ia ka ninau.

O keia ninau a'u, aole pili ia oe; aole hoi ia lakou'la aku, aole hoi ia'u. A o keia ninau pili no ia ninau i ke Alii Aimoku, a na ke Alii Aimoku e hookolo ae i na Kahuna o kela ano keia ano Kahuna, ke Kuhikuhipuuone a Kilokilo hoi, ke Kakaolelo, a i loaa ole, e hoolimalima ke Alii me koha waiwai, a haawi i kekahi wahi o kona Aupuni, i uku no ka mea nana e wehewehe, alaila, ku mai ke Kaula a wehewehe i ke ano o ke emi ana, a e ulu hou ai, a ike ke Alii ua pono ka wehewehe ana, alaila, waiwai ke Alii, a waiwai no hoi ke Kaula, alaila, hoi ke Alii a noho i kona Nohoalii. Lilo ike Kaula ke kalai o ka aina, alaila, e kapa ia ua Kaula la, he Lunakanawai Kiekie. E like me ka noho ana o na Kaula i ka wa o ka Isaraela, ua ike no kakou.

A oia ke noi ia oe e Maakuia, ke kaula o na la hope o na pua a Kamehameha, a me ka nui kaula ae mahope ou, oiai e kau ana ka pua hookahi i koe o ka pau no ia, pau ia, papapau kakou, aoheahai lono, nolaila, e wiki i loaa ko ninau, aole palaha, holo no a hoihoi aku i ka ninau a ka haku o kaua, hai akea ae no i ko hoihoi ana i ka ninau a ke 'lii aimoku, mihi aku no e kala mai ia oe e Maakuia.

O ko ninau e Maakuia, he huli honua alan papa no ia, aia iloko o na mea elima e loaa ai ka ninau ana, nolaila, e kulai, e kahela, ho-aku i molaelae ka ninau, i uiui ia, i huliia, i loaa iloko o na kahuna a pau, na Kilokilo, Kuhikuhipuuone, na Kakaolelo, ame oukou na kaula. Aka, ina ua kauoha ia oe e ninau i keia ninau, (Aimoku) e hoihoi hou oe ia ia, me ka olelo aku, " ua huhu īa oe e na Kahuna au, e na kuhikuhipuuone, a kilokilo, ke kakaolelo, a me na kaula." Aole no i imiia ke kahuna ma kuaaina, a pela hoi ke kuhikuhipuuone, kakaolelo, kilokilo, ame ke kaula; i imi ia i hope no ke 'Lii Aimoku, i noho ia imua, a ui ninau, alaila ola ka aina. Aole i aoia ia ike i mea e olelo waie, e iike me kau kauoha, nolaila, he uiui he ninau, nawai ka ninau e Maakuia ? Na Maakuia no anei ? Na ke 'Lii Aimoku anei ? E noonoo pono oe a hai mai. O ka Lei Alii, ua ike no oe aia mamuli o na haole, ua ohi pau loa aku aohe mea i koe ia makou ; oka maiama akua wale iho no koe ia inakou, penei: Oka oihana kahuna o kela ano kahuna keia ano kahunn, ua haawiia e na 'iii i hala, ua lilo i ka haole, pela ke Kuhikuhipuuone, ke Kilo ; a o ke Kakaolelo a me ke Kaula, a me na hana kuloko a kuwaho hoi, auhea ka mea i koe ? Auhea ka hoi ka pono oia aoao ? Alua no ia lakou, oke ola a ola, oka make hoi a make. Auhea ko ke Akua haawina ? Auhea hoi ko ke 'Lii Aimoku ? Nolaila, e noonoo pono i pono kakou. Owau ka oukou kauwa makaainana. JN. K. K. Olelohuliiionua. Waiehu, Muui, Feb. 1, 1864.