Ka Nupepa Kuokoa, Volume III, Number 21, 21 May 1864 — Hoike Komite Elele Makaainana. [ARTICLE]

Hoike Komite Elele Makaainana.

E ka Lunahoomalu. O makou ka oukou komite i kohoia i ka Poaha iho nei, ua ae makou e hana i ka hana a oukou i haawi mai ai ia makou e hana. Ua noonoo makou, a ua kuka pu makou me ka oluolu, a ke hai aku nei makou i ka mea a makou i hooholo ai. Ua lokahi ka manao a ke komite, aole mea i kue i ka mea a makou i noonoo ai. Aole ma ka inoa oka hapanui o ke komite, aka, ke hai nei makou i ka manao o ke komite okoa, a penei no ia: O James I. Dowsett, (o Kimo Pelekane) no ia, o T. Metcalf, (o Meka no ia,) a 06. P, Judd, (oia no o Kauka.) ame W. N. Pualewa, oia na inoa a makou i ae ai, e hoike mai i keia po imua o keia halawai. A Ite manao nei makou, ina e kokua mai oukou, a e hoaipono i ka hana a ka oukou komite i hana'i, e hiki no'ia kakou e koho ia lakou ma ka balota ana i ka la 13 o lune e hiki mai ana, me ka lanakila ame ka oi loa o na balota mamua o na inoa e ae. A ke nonoi haahaa aku nei makou ia oukou, e na Makaainano 0 Honolulu nei, e hoapono mai oukou i ka makou hana i keia wa ano; alaila, e hiki no ia kakou e koho ma Honolulu nei, i mau Elele kupaa no ke Alii, ke Kumukanawai, ame na Makaainana 0 keia Aupuni. Na Komite, 0 E. O. Holo, J. W. Aukina, F. Pomaikai, W. I. Noa, Solomona, G. Kamai, J. Komo, P. Naone, J. Moanauli, H. A. P. Carter, ame E. P. Kamaipelekane. Ua hooholoia no na Elele a ka poe Komite 1 hoike mai ai, a mahope iho o ka ninau pakahiia ana no ka inakemake 0 ka lehulehu i na Elele a ke Komite i manao mai ai e koho, aia hoi, ua hooholoia, e like me ka mea i hoikeia maluna. Pomaikai maoli o Honolulu 1 ka loaa ana o keia poe noonoo, i poe nana e hele aku e kuka me ka Moi, iloko o keia hui makamaka ana Ana i kauoha mai nei ia kakou. He poe lakou a pau i hoike iko lakou makamaka io no keia lahuikanaka. E koho no e na makamaka mamuli o ka poe i hooholo ai, o kapaia mai kakou he poe kamalii. Ma ke ahiahi oka Poaha, ua hapai ia he halawai, nawai la ? a i ke komo ana'ku no o na kanaka, ua a\a Woke mai ka haunaele, a ua hoopauia ka halawai.