Ka Nupepa Kuokoa, Volume III, Number 20, 14 May 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Mea Kaumaha—Ua minamina makou i ka lohe ana mai nei, ua hauleia ka Ke Kuhinn Nui i ka Lio ma Waialae, a ua Eha nui loa ka! He \lai Puupuu Ulalii.—He mai puupuu Ulahi ma ka moku Kometa mai, a ua hoomaluia ua moku la i keia mau la, aia aeia mai e ka Papaho<sla, alaila, hoopiliia mai i ua moku la ma ka uwapo.

Ka Moi.—Ua lohe makou e holo ana ka Moi i Hanalei, Kauai, iloko o keia pule ae nei, me ka manao e holo kaapuni i kela Mokupuni. No ka pau ole oka hana hooponopono ana o ka mokuahi Kūauea, e holo ana ka Moi maluna o kekahi moku kialua hou, o Hans kona inoa, mai ka aina e mai. A e kapaia ana kona īnoa o Ka Haku o Hawaii. He $2,500 ke kumukuai i ukuia no ia moku, pela ko makou lohe. E olioli paha na makaainana o ia mokupuni i ka halawai pu me ko lakou Moi hou, a e kamailio pu i na mea e pili ana ike Aupuni. E ola mau loa ka Moi He Mea Hemahema.—Ma ke ahiahi o ka la Sabati i hala iho nei, holo aku ka Moku Kaua Beritania, Sut/ej, i Vitoria, Mokupuni o Vanekouva. He moku nui oia, he 3,000 a keu tona kona nui, ke minamina nei makou, no ka hiki olei ieeia moku ke komo mai iloko o ke awa o Honolulu hei, no ka papau 0 ke kai ma ke kowa o ka waha o ke awa. Makemake nui o Adimarala Kingcome ame kona mau Hope Luna a pau, e ku iloko o keia awa malie,' a e noho maanei eha piile paha, e hana hou i ka moku, a e kuai no hoi 1 ka ai a me na mea e pono ai ka moku, a e hoohlo i na dala he kanalima tausani paha, ($50,000,) no ia mau mea. Aka, no ka hiki ole ia iakou ke komo iloko, ku kela moku ekolu la mawaho o ke awa, a holo hou aku ika aina e. Nolaila, manao nui makou, he mea pono i ke Aupuni e imi koke i mea e hoohohonu iho ai i ke kowa papau o ka wah? oke awa o Honolulu nei; alaila, ma ka wa e holo mai ai na moku nui, he moku kaua, a moku kalepa paha, e hiki no ia lakou ke komo iloko o keia awa maikai, a e hana hou, a e kuai i na mea ai, bipi, hipa, kamano, palaoa, a pela'ku, a e hoowaiwai i na kanaka o keia aina. Ina aole hana kakou pela, e haalele mai auanei lakou i ko kakou mau Mokupuni, a e kipa'ku i na awa o na aina e.