Ka Nupepa Kuokoa, Volume III, Number 20, 14 Mei 1864 — Iloko o ke Kuhihewa ua ai ia. [ARTICLE]

Iloko o ke Kuhihewa ua ai ia.

I ka Nupepa Kjjokoa e ; Aloha oe :—I keia malama i kaahope ae nei, ua hoi na kanaka maukao Halawa, e oki wahie ai, mamuli o ke kauoha a ko lakou haku hana ; a ua akoakoa na kanaka a pau malalo iho o ka Hope Luna Nui, oia o J. Keaweluaole.— A hiki mai ka Poaono, (la hoomalolo) a i ke ahiahi o ua la la, o ka hebedoma mua a lakou i noho ai inauka; hoi na kanaka a pau ma ko lakou wahi, no ke Sabati ma ia ao ana'e, a koe iho ekolu wale no, i mea e malama ai i ka ukana a lakou. A hala aku la ka lehulehu, kuka iho la lakou nei i ka mea pono e kii ai i ai a i-a, no ka mea, he ai ka lakou mawaho, aole i ka Ahahui. A hooho lo iho la lakou, o Kaawa ke kii. Hoi aku la ua Kaawa nei a hiki ma ka hale, a loaa ka ai a me ka i-a, o kona hoi aku la no ia a hooala i kona mau hoa, me ka olelo aku, u Eia ka ai a me ka i-a a kakou." A lohe laua la no keia leo, o ka manawa no ia i ala ae ai a paina pu iho la la. kou. A iloko o ka wa e ai ana, ua loaa ka ninau ma kekahi o kona mau hoa, a pane aku la ia Kaawa, " Heaha keia? " " He lakake." (He Piula hoololohe auwai i ka kekahi.) O ke kupu mai 1& no ia o ka manao hoopaapaa iwaena o lakou, a mokuahana iho la lakou, me ka i aku, " Ua ike no ka hoi oe he Kekake keia ! aole hoi ou hai mai a ai hewa ana maua !! " " Kahaha ! Ua mau ko'u ike ia olua ma ka ai ana i ka mea i loaa mau ia'u, he ninau ka mua, a ua ike iho no olua i ke ano o keia mea, ua ai kakou, aole nae i loaa ka pilikia, a heaha aku auanei ka mea i koe ? " A i ke ahiahi o ka la Sabati, hoomakaukau hou ua Kaawa nei e kupa i ua Kekaka nei; aole nae i moa, hoea ana ka lehulehu, ka poe i hoi i ko lakou wahi. A launa p» iho la lakou, me ko lakou hai mai hoi i na nuhou i loaa ma ko lakou hoi ana. A ma ka po ana iho; makaukau lakou no ke paina ana. Aia iloko o ka wa e ai ana, ua kau nui ka poe e ai aha i ke samano, i ke kupa Kekake a Kaawa, no ka mea, aanui loa ko lakou ono, no ka īke aku i ka hele a kolii ke kai, i ka ua mea hoi o ka momona.

A o ko lakou koi koke aku la no ia e kuai me ko lakou ninau mua ole nae, aka, haawi koke no lakou i umi io samano no ua kupa la. Aua holo like ae la ia manao ia lakou a pau. A i ke 80 ana ae, ia lakou e akoakoa ana malalo ona kumu laau e like me ka mea mau ; ua kupu ka manao kolohe iloko o kekahi keiki hapahaole, a pane aku la ma kana olelo nane, i ka poe i ai i ua Kekake nei penei: " O kekahi poe paahana inalalo iho o ko lakou haku haua, ua ai lakou i ka Bubalo. e like paha me kakou e akoakoa nei malalo o keia kumu laau." Palua a pakolu kana hana ana pela, aole nae he hoakaka ia 0 ke ano o u& mea la. A hiki mai la o J. H. Keanu, a nana no 1 hoakaka mai ike ano o ua mea la, no ka mea, wahi hoi ana, " Ina ua ai oukou ike kekake i ka ponei, oia no ua Bubulo la a-i--ala e nane nei ia oukou ?" Pane lokahi like mai la lakou. "Ae." Wahi hou hoi a Ke« anu:—"CJa manao paha oukou he bipi ?" " Pela hoi ko makau manao ana, eia ka hoi auanei he hoopunipuni nana ! Aia nae hoi a hoi mai ia, (Kaawa) ike hoi ia i ka io o kana hana hoopunipuni !!" Ahiki mai la ko lakou manawa ai oka aina-kakahiaka, o Kaawa pu kekahi. la wa i kuupau loa iho ai ka lehulehu e hoohewa ana ia ia no ka hoopunipuni. A e like no me kanfr olelo i na hoa mua, pela aku no kela'ia lakou. Aloha oe—e aloha wau. N. Keaonaulu. JZohala % "Aper. 22, 1864,