Ka Nupepa Kuokoa, Volume III, Number 19, 7 May 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

Omamalu. —Omamalu iho nei ke alo o na Lani iloko o keia pule, a ke mau nei no ke Omamalu ana.

Ala ixou ka Hula.—Ua ala hou ka Hula ma ka apana o Koolaupoko, a ke huikau launa ole nei ka noho ana o kekahi poe. Pela oS. E. Papaai i hai mai nei; e pono ia oukou e na makamaka ke opiopi ia mea, a e kiola loa'ku hoi iaia ma ka paia, a e huli mamuli o ka pono.

Ka Moku Kaua Sutlej.—Ma ka Poaha iho nei, ku mai ka Moka Kaua Beritania Sutlej, he 17 la mai Tahiti mai. He moku nui keia, he 60 ka nui o kona mau pu, a he 700 ka nui o na kanaka oluna, o ka moku ia o ka x\dimarala Tingcome. Aka Poakahi ae nei holo aku oia i Vanakoua.

Oia mau no.—l keia holo ana'ku nei a ka moku Kekanlunhi, a hiki i Kona ame Kau, me ka hoolei aku hoi i kolaiUwnau ukana, ame ka hooili hou mai no hoi i na ukana o ia mau awa, he eiwa wale no la ame ka hapa, mai ka holo ana mai Honolulu aku, a hiki īkawa i ku hou mai ai. Holo ka hana ia Kekauluohi.

Moa Kupanaha.—Haiia mai nei makou e W. K. Jeeb. Daivdi o Punahou Honolulu Oahu, e hoike mai ana i ka hanau ana ia o kekahi Moa Kupanaha, ma ka la 30 iho nei o Aperila, oia hoi, ua hanau mat kekahi Moa wahine na Mr W. D. Alexander, i ke keiki hua me na wawae eha (4.) A

Ka Mea Hanoiiano R..G. DAvis.—Ma ka Poakolu iho nei, ua holo aku Ka Mea Hanohano R. G. Davis; (Lopaka,) kekahi ona Lunakanawai o ka Aha Kiekie i Kauai. ma ka moku Kalama, a mc kana Aliiwahine, a me kana Kaikamahine. I holo aku nei oia e wehe i ka Aha Kaapuni oia Mokupuui no ke kau Jiure o Mei nei.

Kahhna Hoopunipuni.—Ua hai mai nei o J. K. P. lakoho i kona ike ana i kekahi Kahuna- Hoopunipuni ma Kapauhi,* a he oiaio jio hoi, o ka makou no ia e nuku mau nei, aka, aole nae he 'mea a nialiu iki ia mai, me he mea la ua puu ka ike o na kanaka i ka poino pinepine e ulu hia mai nei, noloko o ka lakou hana Hoopumpuni, a o kahi meawale 110 i hiki'i i ko lnkou mau maka ke ike iho, oia no ka waa kaele nana e aloalo i keia iahui ma ke kae o ka make.

Holonui a Hoopai Ponoia.—Ua hopuia kekahi kanaka o Kahanu ka Inoa. no ka holonui ann me kona li6 a pakele mahunehune ke ola o kekahi wahine, a mahope koke iho no o ka pakele mahunehune ana o ka wahine, aine kona hina ana no hoi ilalo, holo loa ua kanaka nei i Waimalu, me ka haule nae o kona papale, a i kula'ku nei paha o Kaiwiula la, loaa ia ia keknhi makamaka ona, a lawe aku la oia i ka papale ame ka lio o kona makamaka, a holo mai la ua makamaka nei ona a hiki i Honolulu nei, hopu hewaia no ke kuhihewaia ana oka lio. Aka, ua kuhikuhi oia i ka mea nona mai ua lio nei,

ka mea i holonui ai, a ua kii kokeia e hopu ina Waiinalu, a ua hookolokoloia imua o ka mea mahaloia ka Lunakanawai Hoomalu o Honolulu ; a ua hoopai kuponoia ua o Kahanu, he $100. He kumu ao maikai keia i ka poe a pau, mai holonui o pilikia auanei.

Mai Hoohala.—Mai hoohala oukou e na makamaka, a me na Lunamakaamana o keia kau ae, i ka lokomaikai, a heluhelu ibo i ka palapala hoike a na Komite o Maui Hikina; no ka mea, he kumu manao maikai ia na jkukou e noonoo ai. i ; Mau Malihini Kaulana.—Ua hiki mai nei ma ka moku Smymiote, he elua mau malihini kaulana, oia hoi o Mr. W. T. Brigham, ame Mr. Mann ; noho laua maanei a liuliii loa, me ka imi i ke ano o na pua, a me na laalaau, a me na hoioholona a pau o ko Hawaii nei honua. Ua hiki pono ia laua ma ke ana honua ana, ke hoike i ke gula a me ke gula ole o ko Hawaii nei paeaina. He mea maikai maoli i ke Aupuni ke hoolimalima ia laua e ana ika honua o Hawaii nei, i akaka ke gula a me ke gula ole. Aloha ino.—Ua make i ke kakahiaka o nehineio Mrs. W. H. Oaimana, oia hoi ke Kaikamahine a ko makou hoalauna John Thornas Waterhouse (Halewai.) He piwa kona mai i make au "Ke uwe nei makou me ka minamina pu me ke kane i hooneleia i ka wahine, a me na makua pu hoi i hoilihune Koikamahine ia. Hookahi wale noakakou mea e hoomanao mau ai,oia hoi, u o ko ke Akua makeniake, aole o ko kakou ke hookoia;" no ka mea, ua hana oia ina mea a pau me ka pono. Kai Huakai a ka Puali Kinaiahi.—Ma ka Poakahi iho nei, la 2 o Mei, ua hele ka Puali Kinaiahi o Honolulu e kai huakai ma na alanui,-oia hoi ko lakou paikau makahiki. Ua kahikoia na lala o kela ame keia puali ma ko lakou mau kahiko nani holookoa, aua maikai no hoi. Mahope iho o ka pau ana o ka paikau ina ka hora 4 o ke ahiahi, hele ka puali holookoa raa ke Keena waiho mea Kaua o ko Hoiwhdu Rijīes, maluna ae o ka Hale Makeke ; ilaila kahi i hoomakaukauia'i o na mea ai kupono na na poe oia puali, a me ka pōe hoi i kauohaia e hele mai, a o makou pu kekahi iloko oia poe. Oka Hope Luna Kinaiahi mua o Mr. D. Foster, ka Peresidena o ua la la, po ke ano nawaliwali o R. B. NeVille Esq, ka Luna Nui o ka Oihana Kinaiahi o Honolulu. I ka wa i ai ai a pau, hoopuka mai ka Peresidena o ka La he manao, e inu aloha ia ke ola oka Moi Kainehameha V; ua hoopiha like kela mea keia mea i kona kiaha, a ua inu like na poe a pau me ka huro papakolu ana. Me he mea la iloko makou oke ka« hua kaua, ka lohe mau i ke pohapoha kupinai o na pani omole wai-momona, a me na mea inu e ae. He nui wale no na manao inu aloha i hoopukaia, a i inu ia no hoi me na naau i pana i ka pana hookahi o ke aloha lokahi. Ua haiolelo iki o Messrs W. L. Green, R. H. Stanley, H. M. Whitney, W. F. Allen, ame Capt. B. F. Snow, aua hauoli like ia no na olelo paipai a pau i hoopukaia. Ua hui aku hui mai ka poe hanohano, a me ka poe o lalo iho, a ua pau na kaha e pili ana ina kulana o keia ola ana, i ka opiqpiia a Wiiiho malie i ka hale; ao ka mea nui hookahi no a lakou i hiipoi ai, oia no ka inoa Hoahaneai Kinaiahi. Ua maikai no na kahiko o na Puali Kinaiahi a pau. No ka makaala o na Luna Kinaiahi, a me ka poe hoa o ka Oihana Kinaiahi, nolaila ke koe ame ka pakele pinepine oka waiwai o na poe Kalepa o kakou ma keia kulanakauhale, —aole lakou i manao no ko lakou pomaikai iho, aka, ua manao nui lakou ika poinaikai oka lehulehu, oko lakou pomaikai ko ia. Ano ia mea, iloko oko makou noonoo ana, ua pono loa keia kau Ahaolelo ke kokua nui i keia hana maikal.