Ka Nupepa Kuokoa, Volume III, Number 18, 30 April 1864 — He Kanikau no Hiiwai Kaao. [ARTICLE]

He Kanikau no Hiiwai Kaao.

Kuu kaikuaana mai ke kai o Kanekawa, Mai ke oue lai la e Oneloa, Mai ka pahoehoeloa o Puunahaka, Mai ka wai hukihuki kaula o Puumanawalea, Mai ka lai la e Puhalawili, Auwe kuu kaikuaana—e! Kuu kaikuaana o Kiaipahoehoe, Mai ka piina ikiiki o Malumalu, Hooniaha aku i ka luna o Mana, Mai ka maiu ohia la e Papaiki, Oia wahi a kaua e noho ai, Kuu kaikuaana o ke pili enaena i ka la, Mai ke a maka ooi o Akawale, Mai ka malu kukui o Makaiwa, A kakou e holoholo'i i ka wa kamalii, Kuu hoa o ka aina wai ole, Kuhi aku ka wai i ka maka o ka opua, Auwe kuu kaikuaana—e! Kuu kaikuaana o kn pali waha mai i ke kua, O ka aina ikiiki a ka wela i ka la, Kuu hoa o ka ai kau i luna o ka laau, Na ka manu e kiola iho i lalo, Kuu hoa o ka la pololi ai ole, Hoomaona aku kaua i ;ka hua o ka ulei, Kuu kaikuaana o ka wai kau iluna o ka laau, 0 ka wai hoi o kekahi aina aia ilaio, Kuu makamaka hoi o oe hoi—e, Neie au i ka makamaka ole ua hele oe, E pau pah aua nei ko'u kipa ana ia Olaa, Ua make aku la oe ko'u kuleana oia wahi, Auwe kuu kaikuaana—e! Ua li!o hoi oe i mahiai na'a, Aole e pau ko'u aloha iia oe, Eia ka'u uwe ia oe maloko o ka nupepa, 1 ike mai ai na kini makamaka o kaua, Mai Hawaii a Kauai, I ko'u uwe ana'ku hoi īa oe, I ko'u hoa o ka wa liilii, O ka wa eia ka makua., He mau ia wahi kanikau aloha ia oe, E Hiiwai Kaao—e ! Mele Kawahine. Panau, Puna, Hawaii, Ap. 12, 1864. hn .