Ka Nupepa Kuokoa, Volume III, Number 18, 30 April 1864 — He halawai Komite. [ARTICLE]

He halawai Komite.

Ma ka po o ka ]a 26 o Aper. oia ka Poakolu i hala ae nei, ua halawai na kanalea a pau o ka apana o Honolulu nei, ma ka luakini o Kaumakapili, mamuli o ke kahea ia ana e K. Maakuia kekahi o na Lunamakaainana o Honolulu nei. E akoakoa malie lakou, e kuka i ko lakou mau pono elike me ka pauku 3 ame 4 o ke Kumukanawai. Hoopuka mai o K. Maakuiu he olelo imua 0 ka aha penei. 1. O ka hana ka mea i pomaikai ai a e waiwai ai keia lahui kanaka, wahi ana, he hemahema nui ia o keia lahui. 2. Ekolii apana nuie īli ai ka pomaikai ame ka waiwai o ia hana. 1. Ka Moi, 2. Na 'Lii, 3. Na kanaka, wahi ana, aole pono ia oukou ke noonoo e na makaainana ma ka apana hookahi waie no. Hoopuka mai ka mea Hanohano John li, he olelo hoolana imua o ka aha. Hoohoioia ma ke noi a J. W. Makalena.e koho ia i 13 comite a na lakou e noonoo a kuka pono ina kumu kupono e hiki ai ke hanaia ma ka palapala hoopii. i mea e pokole ai ka hana, no ka mea, wahi ana, ua loihi a nahili wale na olelo i kamoilio ia me ka waiwai oie. Hooholoia na ka Lunahoomalu e koho i na komite he 13,hoike mai ka Lunahoomalu 1 ka inoa o na komile ma ke Kakauolelo la. Eia na Komite. W. N. Pualewa, Solomona, Keawe, Hu, J. W. Kanamu, Samuela, J. Kahai, P. Naone, A. Kalauli, Kiha (ehu,) Maj. W. L. Moehonua, S. W. Mahelona, L. A. Kalauhala. Hooholoia ma ke noi a W. N. Pualewa, e halawai na komite a pau ma ka Hale kula o Kauinakapili, hora 2 ahiahi o ka poakolu oia ka la 4 o Mei e hiki mai ana. Aua hookuu ia ka halawai me ka pule. Nolaila, ke kauoha ia nei na komite e akoakōa ae iakou ma kahi i hoikeia ma iuna nei, e hana, a lawelawe i ka oukou mau hana komite. J. K. Kaunamano, —Kakauoleīo. Honolulu, Aperila t 27, 1864.