Ka Nupepa Kuokoa, Volume III, Number 14, 2 April 1864 — Lilo i ka hula ame ke oli. [ARTICLE]

Lilo i ka hula ame ke oli.

E ka Nupepa Kuokoa e ; Aloha oe :—1 ka la 11 o keia malama, he ahaaina ma Honopueo kai, a malaila i akoakoa mai ai kekahi poe he lehulehu no, a ua hele pu mai no me ka poe i hoomakaukau mua ia no ka hula ame ke oli i ka inoa o ke kaikamahine a Aiwohi me Kamaka. oka inoa oua kaikamahine nei o Kaenaokalani, na ka makani (akua) i kapa i ka inoa o ua kaikamahine nei.

O ka nui ona dala i lilo a ka poe nana ke kaikamahine, $,9.00 ua loaa i ka mea hula ka polohuhu o ka eke, o ka nui o ka manawa o keia oli ame ka hula ana, hookohi hora paha me ka hapa.

Hookahi nae mea a'u e kanalua nei, o ka makukane o ke kaikamahine, oia o Aiwohi, no kona kokua mamuli o ka hula Hawaii, oiai ke noho nei oia ma ke ao ana'ku i na haumana o ke kula o Ainalea, nana no kekahi o na dala i haawi i ka hula—me he la e alakai ana oia i na haumana o kana kuia ma ka hula ame ke oli Hawaii.

Ina la nae mamua ae, o kana mea nui o ka lawe ana i ka hoahanau i mua o ke kahunapule me ka maopopo ole o ka hewa, pela mai kuu iohe i na kamaaina o keia wahi, I na pela kana hana e iike me a'u e lohe pei r ua piii ia ia ka lesu olelo ma Mataio 4, 5. "£ ka hookamani, e unuhi mui oe ike kaola mai loko ae o kou maka i\fp, alaila oe e ike pono ai i ka unuhi ae i |a pula iki noloko ae oka maka o kou hoahanau." A penei kekahi olelo a lesu: "Na ka mea hala ole o oukou e pehi, (na'u) mua i ka pohaku."

Auhea oukou ena Kumukula ? He .mea pono-anei e lilo oukou i poe kekua i ka hula ame ke oli ? £ like me keia Kumukula (Aiwohi,) e kokoa ana ika hula. Re hana oluolu anei ia no ka Papa Hoonaauao ? I ko'u manao, ao!e kupono e nohō Kumu ke kanaka peia. amamuli e alakai auanei oia i na keiki o kana kula, ma na hana pono ole. Me ke aloha 00, Wahine.