Ka Nupepa Kuokoa, Volume III, Number 14, 2 ʻApelila 1864 — He Kula Ohana NO NA KAIKAMAHINE HAWAII. [ARTICLE]

He Kula Ohana NO NA KAIKAMAHINE HAWAII.

E na hoa makamaka o'u a pau loa e noho ana malalo o ka malu oiei o keia huaolelo hookahi, oia hoi keia, " Pomaikai," o ke ano maoli o keia huaolelo " Pomaikai," oia no ka hana pono aku, a hana pono mai. A aia no na Moi o kakou 1 hala aku malalo o ka malu.o kaia kumu laau hookahi, a hiki mai i ka Moi Lani o kakou i hala aku la xna ka lima menemene ole o ka make. Aloha oukou. Ua kakau au i keia mau huaolelo e kau ae la maluna, a no ka olioii o ko'u manao, a me ka panapanau o na a-a makaiii e piiiana ina ka aoao o ko'u puuwai, a nana i paipai mai i ka Lunamanao o ko'u kino holookoa, a e hoeueu ana hoi i ka hookuina lewa o ko'u hapa pulima, e kakau maluna iho o keia pepa, me he ihu la no ka mokuahi Annie Laurie, e a-u hele ana iloko o ka moana uliuli a lipolipo, o na ale huli lua o Pailolo, ka ua mea o ka pioloke o na ale o ke kai, me he lio hou la a kahi a kauia kona kua e ke kahu, ike aku hoi ua mea he owala, kau hana ua mea o ka olioli. A kau nuiaku ka manao o na ohua, o ka ike aku ia Ainahou, kahi a ka mokuahi Kilauea e ku hana ole ana, ka ua mea o ka makemakemake, no ke kukuluia ana o ke Kula Ohana no na kaikamahine Hawaii, roa ka Apana o Makawao, Maui. Eia ka'u mea mahalo loa no keia mau kumu, inā no e lawa ka heluna ona haumana i na kaikamahine o ka Apana o Mukawao, oia hoi, mai ka Apana o Huelo, a hiki ma ka Apana o Keokea. 0 ka pau no ia o ka makemake o na kumu, pela mai ka lohe, a ina e lawa ole ka heluna o na haumana iloko o na Apana i haiia ae la maluna, alaila, e hiki no i na kaikamahine o na Apana e ae ke komo mai. He keu hoi keia o ka lokomaikai o keia mau kumu, o ka olua hana ia noi ia me ko olua makuakane e noho nei iwaena o makou iloko o keia Apana, oia hoi o Rev. J. S. Green, ke kahu o na hipa īloko o keia pa, e kapaia nei o ka Apana o Makawao. He hookahi wale no mea e aoia aima keia kula, o ka olelo Beritanie, a o na kaikamahine e hiki ke hookomoia mai ma keia kula, ana kaikamahine opiopio, a e hiki no hoi ke aoia ma na hana kupono i na wahine, oia hoi ka humuhumu, ulana kanini, wiii lopi, a me ke ao pu ia no hoi ma ke ano noho malie, hoolohe, amena hana pono a pau,

aole no e kupono ke hookomoia mai ma keia kula na kaikamahine nui, no ka mea, aole i makaala loa ko lakou hooikaika ana e imi i ka naauao ma ka olelo Beritania ; a no ka mea hoi, ua maa loa lakou ma ke ano mau o keia lahui.

A no ka mea hoi, o ka hapanui o ko'u kukulu manao ana, aole i pili aku i ka poe ike i ka olelo Beritania, a aole hoi no ka poe mea kaikamahine i makaukau loa ma ka olelo Beiritania. No mea, ua pili keia olelo no ka poe mea kaikamahine opiopio i ikeole a i lohe ole i ka olelo Beritania, oia hoi mai na makahiki elima, a hiki i ka walu, oia no na kaikamahine kupono loa i makemakeia e hookomo ma keia kula, a e aoia hoi lakou mi ka olelo Beritania, me ka miikoi a me ka eleu no hoi.

No ka mea, ao'.e he kula maikai eae ma na Apana a pau e like me keia kula, no ka mea, he emi loa ka uku no ka haumana hookahi, he umi dala no ka makahiki. A e like no me ka nui o na makahiki a ka makua i manao ai euioho, pela no e hoomauia'i ka noho ana ona haumana. Nolaila, eka poe mea kaikamahine, e heokomo mai i ka oukou mau kaikamahine iloko o keia kula i hoikeia'e la maluna, anoai o komo kekahi o

lakou iloko o ke kaula gula, oia hoi ka ike, ka naauao, a meka noho malie, a malia paha oia kekahi mea e loaa maiai kekahi mau makuahine Hawaii ano maikai, a i mau kumulau hoi nana e hoomahuahua i keia lahui mai kona uhiia ana e ka ponalo mau. oia no hoi ka emi ana o ka lahui. Nolaila, e wiki oe e ka nupepa Kuokoa, i ka hoolaha āku ina na wahi a pau au e kipa aku, no ka mea, o oe wale no ka mea wiwo ole, a koa loa boi, i ka hoike aku i na manao kuokoa oka lehulehu. Me ka mahalo. J. S. Kahaule. Papaaea, Hamakualoa, Maui, Mar. 12, 1864.