Ka Nupepa Kuokoa, Volume III, Number 13, 26 March 1864 — Kanikau no D. K. Kaai. [ARTICLE]

Kanikau no D. K. Kaai.

Aloha nui oe e D. K. Kaai, Ko Ewa pua rose naai, Ka ohenana i pakiliona ia ka ike, I huali memele i ke kahana o Lihue, I iniki wela i ka ili o ka ipo ahi, Ahi loko huila ike aloha ia oe la—ea ; | Owau ia e u nei i ko aloha la—ea, Aloha ka hea pili ia o ke kane, Ka lipoa aala o Pakaua. Ka uahi nokenoke o Pelekane, Ka wai lele nioopu o Kolumepia, Ka hoku welowelo iloko o lubita, Ka hekili uina nakolo iloko o Ikuwa, Kuu lei hemo ole i ke kau a kau, Akahi ka hoi kau la e hemo ai, Kuu m\namina, kuu ike ole ia oe, E kuu kane—e aloha oe. Ka aeto lele i ka maka o ka la, 1 pulu i ka hau o Maunakea, Akea oe e ka hoa ia ua kaawale, 1 ka la umi o Maraki ka heie <ina o kuu kane, 1 ka hora elua o la la, Lele ke ea pau ke aho, ame ka ike ana mai, Haalele i ka nui me ka lehulehu, Pau ka pili ana a ka uhane i ke kino, Lawe ia aku la oe e ka mea kamahao, Nalo na maka huna i ke nonli, Huli iho nei hoi au aohe oe, Auwe kua kane-—e. Kaumaha luuluu no hoi keia kmo, ī ka lohe ana mai i ka pihe uwe malee, Ua kau halialia mai ko lihane—la ; Anoano mai ana i kuu maka, Manuahi ke aloha i hiki wawe ua pau, I ike koke aku i ke kino make, A-u aku kuu kino o ke kula loa, 0 ke kula loa la e ka Ehaeha, Hu mai ke nloha nou e ke hoa, Kuu kane, kuu hoa pili hoi; Alo ua o Waahila o Halawa, 1 alawa iho au aole oe, Aia pāha oe i ke awalau, I ke kai maokioki o Ewa. O ke lepo kuehu a ka makani, O ka ia kanaka nui o Haupuu, O ka bele kuihone i ke awakea, O ka wai olu o Mapuea, * Ka luana kanaka o ka Makeke, Kahi a kaua e noho ai, He u he aloha īa oe la—ea ; Auwe kuu kane—e, Na G. Kaeha.