Ka Nupepa Kuokoa, Volume III, Number 11, 12 March 1864 — He Kanikau no Alani Woodward. [ARTICLE]

He Kanikau no Alani Woodward.

He uhane he aloha 110 Alani, Ka makahiapo a makou, Ko kino wailua noho i ka lai, Nana i ka raalu o ka Inia, I ka ulu vehiwehi o Halelose, Ui ae Manuhoa o ke keiki, Auwe kuu lejl kuu hiwahiwa. Kuu pula kaumaka a ke aloha, Aloha ino no kuu keiki, Kuu mea minamina e noho nei, Aole ua hala, ua nalo fa, Ua lilo me Hiku i ka nahele, Me na manu ai lehua o uka, I noho i ke anu o ka mauna. D. M. Woodward. He uhane la he aloha, Nou īio e Alani, £ uwe helu mai ana, 0 Umilani no he makua, Auwe kuu keiki, Lei aloha a makōa, Miiimili a ka makua, Kuu hoa pupuu anu, 0 na po kehau, Au iho nei ka manao, Aole ka pili aloha, Ua wehe tiiai i ka pili, 1 ka poli o ka makua, Kuu keiki, kuu lei aloha. Elena Umi W ■ tie uhane la he aloha, 1 Nou no e Alani, Ka hiapo heokahi oe, 1 naue iki iho nei, Me Lia i ka nahele, Me ka wahine noho anu, 1 mehana i ka »a noe, I ka liko o ka iehoa, Pauku me ka ilima, 0 kou kahiko ia, 1 hele e aku nei, 1 ke ala hoi ole mai,

E uwe helu ae ana, Auwe kuu keiki, Ka lei aloha a makou. N. W. E uwe helu mai ana, 0 Hana no he inakua, Auwe kuu keiki, Kuu pua lei mae ole, Kuu kiai hale hoi, Aia paha ka uhane, 1 ka hikina mai a ka la ? Hiki niai ana ke aloha, 0 ua kamaiki nei, Ukiuki wale hoi au, 1 kela manu kiko pua, Nana i lawe aku nei, Ka uhane o Alani, Noho mai la i ke aouli, I kahi ike ole ia. Hana. Paiauma mai ana, 0 Hina no he makua, Auwe kuu keiki, Kuu minamina pau ole, Ka luhi o makou, - Me kuu muli pokii, 1 manao ai e ola, Keia kino palupalu, Lawe e ia'ku nei, E ka la i Lehua, Elua hana a loko, O ka u, o ka minamina, Kuu keiki no hoi, O ka hale kele i ka ua, Kuu keiki, kuu lei aloha. Hina. E uwe helu mai ana, 0 Kana no he makua, Auwe kuu keiki, O ka wa keiki ole, Noho iho nei makou, 0 ka -U, o ka minamina, 1 ka hele ana aku nei, O ua kamaiki nei, Ohane h hoolai, Nou no e Alani, Auwe kuu keiki, Kuu lei aloha e. Kana. Uwe helū mai ana, O Paahao no he makua, Auwe kuu keiki, Wai lāha ole o Maleka,, Nou no ka uhane, Ohuohu i ka melekule, Kuu keiki nohoi, 0 ka makuni kolonahe, Aia paha ka uhane, Ke pili ula i ka la, Auwe kuu keiki, Kuu lei aloha e. Paahao. E uwe helu mai aua, Kawaihoa no he makua» Auwe kuu keiki, Kamakahi a makou, Ua hala aku nei oe, 1 ke ala hoi ole mai, Au iho nei ka manao, Ko kino wailua, Elua mtinao a loko, 0 ka u, o ka minamina, Pau ko makou ike aua, 1 kou noho ana mai, «> Ua lawe ak\i ke Akua, I Kana o ka uhane, Auwe kuu keiki, Kuu mea aloha e. Kawaihoa. E uwe helu mai ana, 0 Kahawalu no he makua, Auwe kuu keiki, Kuu pua lei kamahao, He mea i aloha ia, E makou a pau, Ua hala e āku ia, 1 ke ala hoi ole mai, Kahiko mai ka uhane, I ke kapa la o Kahik[, Hiki mai nei ke aloha, Hoanoano mai ana, Au iho nei ka manao, I kahi e ike ai, Kuu keiki, kuu lei aloha. Kahawalu. E uwe helu mai ana, Kaawa no he makua, Auwe kuu keiki, Kamalei a makou, Ei aku nei paha^oe, I ke ao malamalama, Aole ka hele ana'ku, Ka mohala o na pua, No Alani ka uhane, I naue i ke awakea, Aloha irto no oe, 1 ka hele hookahi ana, Me ka ua Apuakea, Loku mai la i Mokapu, Kaawaahlahi. E uwe helii mai ana, Nakea no he inoa, Auwe kuu pokii, Kuumuli hanau hope, Na'u i waele mūa, Mahope mai hoi oe, Kuu kokoolua hoi, O ka la o ka makalii, He!e aku nei no oe, Wehe i ka pili ua jraa. Nakeu. Uhane la hoolai, nou no e Alani» kiiu k^ne, Kuu kane mai ka la welawela e Kaneohe, Mai ka wai lelehuna la e Wailelie, Mai ke kai hawanawana fa e Kawaihae, Nui mai nei ke aloha paila kuu kino, Auwe kuu kane. Kuu kane mai ka paia ala i ka haia, Kuu kane mai ka poka hale o Lipuna, Aloha ia wahi a kakou e noho ai t Kuu kane mai ka ua kipuupuu o Waimea Aloha ia wahi a kakou e hele ai, Kuu kane, kuu lei aloha hoi e. Makoli.