Ka Nupepa Kuokoa, Volume III, Number 11, 12 March 1864 — Ia S. Kahaule O PAPAAEA, HAMAKUA-LOA, MAUI. [ARTICLE]

Ia S. Kahaule O PAPAAEA, HAMAKUA-LOA, MAUI.

E ke Kuokoa.—E ae mai oe ia'u e olelo ae i kn mea nona ka inoa maluna, no kana mau olelopale, malalo iho o kē poo "No ka Lahui Hawaii," i ikeia ma ka Helu 6, Buke 111 o ke Kuokoa. Ua imi au i ke.kumu o kana olelo pale i pale ai ma ka inoa o ka Lahui Hawaiu e like me kana kuhiknhi, wahi ana, 14 Ua ike iho ia ma ka olelo a ka hoa i kakauia ma ka Helu 44 o ua Kilohana nei, nona ke poo, "tto ka Hui." Ua huli iho nei nae au ina Helu 44 o ka Buke 11, a me ka Helu 44 o ka Buke I, a auhea Ia ? Nolaila, ke olelo nei au, i moeuhane ia paha ke kumu o na olelo pale a tS. Kahaule, i pale mai nei ma ka Helu 6o ka Buke III; ke kuhihewa ole au.

O ke kumu o ka'u olelo e olelo nei, aia no ia malalo iho o ke poo manao a S. Kahaule i olelo ai "No ka Lahui Hawaii." A penei oia i ninau ai, " Owai la o kekahi poe 0 kem Lahui Hawaii e hilinai ana i kē Akua, me ka malama i ko lakou mau kino iho ? " Ke manao nei au," wahi ana,'«aole e loaa kekahi kane, a me kekahi mau wahine iloko o keia Lahui; no ka mea, ua huli loa keia Lahui i ka hookamani, a meke akamai 1 ke kalohe." Kahaha ! ahu no hoi kupamaha a ka la i Mana, ka oleio a ka makamaka, e i raai nei, ma ke kau ana i kana mea kaupaona, aole e loaa ana ke kane, a mau kane; e laa hoi ka wahine, a. mau wahine, i hilinai i ke Akua, me ka malama pono i ko lakou mau kino iho. Alaila, he hewa wale no na meaa pau e noho nei iioko o ka Lahui ea? Aloha ino. / Auhea ka hoi na haipule oiaio o ke Akua Ola e noho nei iloko o ka Ekalesia mai Hilo a Niihau ? A me na Kumu Misionari Hawaii, i hoounnia'ku nei i ka Pae Aina o Nuuhiva, a ine Miukonisia, a me kekahi poe e ae i mahma pono i ke kanawal mare, he poe hewa wale no lakou ? ina pele, owau kekahi i kuhihewa i ka mea nona ka inoa maluna, he kanaka pono, a maikai hoi. He Luna kahiko ia no ka Ekalesia o Makawao, ia ia no ka malama o kela Betela (Luakini) ma Huelo. Aka nae, malalo iho o kela mau olelo i oleloia maluna," ua lilo ka pono o na mea a pau i mea pono ole, a o ka Lahui holookoa hoi, a me ua o S. K. no hoi. Eia ka ninau. Ehia ka nui o na kane i leu i ka auhau ma ka papa helu kanaka, ma ko ke Aupuni helu ana i ka makahiki IS6O ? Ehia ka nui o na wahine i ano makua ma ko ke Aupuni helu ana i ua makahiki la ? E hai mai. Ma ka papa helu a ke Alii Solomona i helu ai i ka Iseraela ma kona ano Kahuna, ua oleloia, " iwaena o na kane hookahi tausani, e loaa ana hookahi kanaka pono, a iwaena hoi o na wahine i like me ia, aole e loaa hookahi." A ina ua hai mai ke kanaka i piha i ka ike a me ka noiau mai ke Akua mai, no ka loaa o ke kanaka pono iloko o ke tausani hookahi. Ehia ka nui ona kane ma ka helu ana i ka M. H, 1860 ? 35,379, ua like la me kanakolu-kūmamalima kanaka pono, ina a ka avarita ia ma ka helu ana a Solomona.

A ia oe hoi, aole e loaa ana kahi mea pono hookahi iwaena o na kane, a me na wahine oko kakou Lahuikanaka. E ka ma« kamaka, ke manao nei au, aole oe i noonoo pono i kau mea i kamailio ai imua o ka lehulehu. Ma ke Aupuni hea la oka honua nei i ike ia'i ua penaia i ka waihooluu o ka pono, ame ka maemae ? Ke kauohaia nei oe e noonoo pono, no ka mea, " ma kau olelo ana e hoaponoia'i oe;, a ma kau olelo ana e hoahewaia'i oe," wahi a ka Haku a lesu. Me ke aloha. M. Aloha-Lahui.