Ka Nupepa Kuokoa, Volume III, Number 11, 12 March 1864 — Na Palapala. Ka Ahaaina ana o ka Ahahui Aloha O LAHAINA, MA HONOLULU NEI. [ARTICLE]

Na Palapala.

Ka Ahaaina ana o ka Ahahui Aloha O LAHAINA, MA HONOLULU NEI.

E ka Nupepa Kuokoa k ; Aloha oe :—lna paha he ahonui kou e hoqkomo iho ma kahi kaawale o kou mau kolamu, i keia manao, alaila, me oc no ka mahalo, me makou hoi ka iini. I ka pakele ana mai o ua Ahahui Aloha nei mai ka opu mai o ka moana, meko lakou loaa ana i na poino ili wale mai maluna iho o lakou, a pili lakou ma ka uwapo, ia manawa, hooholo hke ae la lakou me ko lakou Luna Nui, «; hapai i wahi aha, halawai haipule, i inea e hoomanao ai i ko ke Akua malama ana mai ia lakou, maiwaena mai o ka poino i haulehia mai iluna o lakou, ma ka moana. Ma ia hooholo ana no hoi, ua hooholo pu no lakou, e malama i Ahaaina ma Honolulu nei, ao ka lua ia ona mea i hooholo like ia e lakou. Amakala 11 o Feberuari, weheia na puka o kai Luakini ma' Kaumakapili, ua hiki mai ka Luna Nui, a me na hoa no hoi a pau o ia Ahahui. A maiuhiai ke anaina, ua hapaiia ka hoonani ana i ke Akua, ma ke mele ana rnai o na keiki puukani o ka malu Ulu o ua Ahahui nei i kekahi mau Himeni hoolea, a pau ke mele ana, haawai mai la ka Lna Hoomalu o ia halawai ia'u ka pule, a pau ia, hoomaka hou ka Himeni ana, a pau ia haawi hou no no ka Luna Hoomalu i ka haiolelo ana ia'u. la manawa, ua noonoo pokole ihoau i wahi olelo kupono i ka pakele ana mai o keia poe mai ka poino īli wale mai malana o lakou, a eia ua wah i kumu. munao la : " Pehea la auanei kakou e pakele ai ke malama ole i ke o!a nui nei." Aun wehewehe pokole no hoi au ma na niea pili i ka poe poino. A pau ia, ku mai o Kev. S. Kahoohalahala, a kokua i ka olelo, ua pili no ke ano nui o kana whewehe ana no ka poe i hoopakele ia, a pau ia, ku mai o Kalawaia, a kokua ; a pau kana, ku mai o L. Aholo, a wehewehe pono mai i ke ano o ko lakou pilikia ana, a mamuli o ia pilikia ana o lakou, aka hoi, ua pakele mai no ke ola, nolaila, ke hapai nei kakou i halnwai hoomanao i keia la. A pau ka haiolelo ana, hookuuia ke anaina pule, a ia manawa koke no, hapaiia ka noonoo ana no ka Ahaaina. Noonoo ia ka nui o ke dala e lawa ai ka ame kahi hoi e Ahaaina ai. A o ka mea i hoohoioia e ko ka hale ia manawa, no na mea e lawa ai ka Ahaaina,o ka hapaha ka palena o lalo, elima dala ka palena o luna» Ua luluia na hapaha a ka poe i pakele maiwaena inai o keia pilikia ma ka moana,a ua huipu aku nae me ka poe kamaaina o Honolulu nei, ma ia hana aloha, o ka nui o na dala he kanakolukumamamaono, ($36.) Ua kokua aloha wale mai Ka Mea Kiekie M. Kekuanaoa, i kahi e Ahaaina ai a mo ka ai, ua lawe kela ma ke ano aloha i na kamaaina kanu o ka Moi Kamehameha V., a ua kohoia i mau Komite ekolu nana e hoomakaukau a e kuai i na mea ai, o P. K. Kenwehawaii, Mr. S. Kahoohalahala, a me W. N. Pualewa. Oka nui ona dala ihooliloia no na mea ai, he $20 00, a o ke koena dala i koe iho, ua haawiia no ka Halemai o ka Moiwahine. Ma ka la 11 o Feb., oia ka Poaha, ua akoakoa hou mai na hoa ai ma Kaumakapili, a ma ka hora 3 o ke ahiahi, ua kaihuakai aku, o na wahine mamua, a o na kane mahope, ī uhiia me na kapa eleele, o keia kau huliamahi no ke kanikau kumakena, no ua Lani aloha 1$ i hele aku la. Ua kai hele aku kahuakai mai Kaumakapili, ma ke Alanui Beritania, a hiki ma' ke Alanui Maunakea, e iho ana i kai, a hiki ma ke Alanui Alii, e hele ana i ka Hikina, a hiki ma ke Alanui Papu, e iho ana i kai, a hiki ma ke alanui Moiwahine, e hele hou ana i ka Hikina, a mailaila«aku a komo maloko o ka Hale o Ka Mea Kiekie M. Kekuanaoa, ana hoi i kokua aloha wale mai ai i kona mau makaainana i' hoopakeleia mai waena o ka pilikiia Dui i haulehi iluna o lakou ma ka inoana. Ia koima ana aku iloko o ka hale, ua hoonaniia na rumi i na mea maikai, a 1 ua hoomakaukau inua ia hoi me na mea ai maikai o na ano Hawaii, a mamua o ka ni ana, ua hoonani mua la ka Mea Mana Loa, a ua ai no na hoa a pau me ka maikai, a ua lawa likena mea a pau i ka olioli a me ka hauoli. A pau ka ai ana, hapai hou ae la na meā makaukaa i ka Himeni, no na Mele Kanikau o ua Lani minamina la.i hele aku la. O ka mea hilu nae ma ia la, oia ka nui o ka ua e haule iho ana mai ka iewa lani mai, a ua kaumaha ke ano o na ao i ka oana'ku, a pela no hoi makou i ka noonoo ana iho i na mea a pau i pilikia ia ma ka moana. Ma ia hana ana aka pi hoopakeleia, ua koi pu ia inai knkou a pau, e hodmanao i ka inoa o ke Akua, ke kokua kokoke loa i ka wa popilikia. No ka mea, oka hoomanao ana i kona Inoa, ua hoonaniia ka Inoa o ke.Ak'ua ma o kakou la. Mamuili o ke kauoha a ka Luna Nui o ka Ahahui, a me ka Luna Hoomahi, a me ke Kakauolelo o ua Ahahui Aloha la, ua koiia mai au, e hoopuka ma ka nupepa Kuokoa, i ike na mea a pau i ke ano o na mea i hanaia e ua Ahahui Aloha la ma keia Kulanakauhale, nolaila, ke hooili nei au ike kope mao na Luna Hoopuka nupepa la, ke «oluolu hoi i ka manao oka Luna Hooponopono. Owau no me ka mahalo. W. N. Pualkwa. Honolulu, Feberuori 18, 1864.