Ka Nupepa Kuokoa, Volume III, Number 10, 5 March 1864 — Auhea ka oiaio? [ARTICLE]

Auhea ka oiaio?

0 ka ha keia o ke kau ana o keia ninau ma keia mau kukulu manao ana, a he kauna hoi kekahi olelo ana. Ena makamaka e no. ho mai nei iloko o ka ua piuwaiea, e nana like ae kakou, i ka ninau a ke hoa, e kau ae nei maluna, i kakauia ma ka aoao3o ka Helu 6, Buke ekolu o ko kakou JSupepa Kuokoa. Ua ike kakou i ka manao o ke hoa, ana e olelo mai nei. " Aole o'u manao e hoeueu hou ae i ke ana kau malie o ko'u hapa pulima, a e kau hou iho ma keia kukulu manao ana; aka hoi, no ka hou ana mai nei a ka naio hope eha ma kuu iwi hilo, holo wale iho hoi ka maeele i ke kuapoi o ka iwi huamoa, a panapanau hoi na aa makalii e moe ana ma ka aono hema o ka puuwai. a makaukau ka Luna nui iloko ka ona e pane mai ai." 1 hoole hoi oe i ke aha ? Krfi no nau ke kumuhana i hoeueu mai nei, a ke ninau mai nei oe i ka poe e heluhelu ana i ke Kilohana Pookela, e hai aku i ka oiaib, o na mea a D. W. P. Kahananui ameS. K. Poikaohu, no ka Hokuhele, o Naholoholo ka inoa. Nolaila, hai aku nei hoi au keia mea helūhelu nupepa, a ke welawela mai nei hoi kou naau ; i welawela ia la hoi i ke aha ? Ka eha hoi i loaa, eha pono ana ka hoi ia i ka ka oiwi mea i hoeueu ai. E o'u hoa e noho mai nei iloko o ka ua Kipuupuu o Waimea, a me ka la welawela o ka pohu malino o Kona, pa iho i ka poe inu laeiae oia aina lai, ula nonono kela i ka aluna ahiahi, a pela hoi ka poe e kiai halo ana i ka pali-kui o Makuaiki, i Waialoha la. Oiai hoi e lele ana ka auhau, ka papala, a| nihi kokolo aehoi ma ka pali o Koholaiki. E ala mai kakou, ae hakoko oe me ke Akua okioki poo o Mahiki, oiai, ke holoholo mai nei kela ma ke kahua kaua, ua hele a manumanu ke kua, a pahole ke alo; i ke ku ana'ku nei i ke kakala. Eia hoi ka pane mua a ke hoa, no kuu olelo ana'ku nei i ke kuhi-kalaikii; i Hono» kohau, ihea la ka pono, i Mokuoniki ka paha la ea ? Aia noia i kou manao ka hoihoi i Mokuoniki e kakau ai, anoai paha o lilo oe i kakauolelo no ka nui o na dala a na lawai-a oia wahi, a hoihoi aku i ka Hale-kuai e ku la i Keopukapaiole. Ake i mai nei e ninau aku wau i ke kumu o kona kakau ana iiailla, a oia iho la ka ka pono loa. Ime aha hoiia a'u e ninau aku ai ia oe ? Kai no ua waiho ae no hoi oe i kou manao i ke akea, eia ka hc ninau hou aku, ea, (akaka ke ioAiloi ia oe ka i-a nuku iki o kai.)

0 ko hoohalike no Wini, ka haole o na aina e au e olelo mai nei, aole he pili iki i kau kumumanao ; ua hala, a oe e P. A. K., no Honokohau oej aka nae, ua motio ae oe i Lahainaluna, ma ka malu kukui o Kaukaweli, a hoopuka mai nei oe i keia manao ninau iloko o ka wa e leula ana, aole i hoomaha, oia nae paha ea, ua ae aku ke kumu ia oe, e hoi oe i Honokohau e kakau mai i keia ninau i ikeia maluna, a paa; alaila, hoi ae oe ike kuia. He mea hou ia ika ike aku, aole mai mua mai, i ke kau waie no ia P. A. Kalalau, ua anu paha la, a ke kapa mai nei ua laiau, a ua kuhihewa, uhu o hala ka. j 1 lalau hoi oe i ke aha ? i au mau hoohalike pili ole e waiho kawalawala ae nei, a'u a ko hoa lea e hoonohonoho aku nei, ua pili no ia ia oe, no ka mea, o P. A. Kalaiaupunaakekuhihewa oe ; nolaila, nou no ia, he puupale ia ale na keia hookele. . Eia hoi, ke eha nei no kela i kuu i ana'ku nei, he kalohe maoli no, a ke i mai nei, "Akahi no au a ike ika hooliloia oka ninau maikai, i imiia ina la he nui, aua holo i ka maikai, he mea kalohe ka ia, ina ua kalohe ia ninau a ke hoa ; alaila, ua kalohe ka ninau aka mea Kiekle Loa." Kahaha ! he keu-keu oe ka mea nana i kapa aku ka ninau a ka mea Kiekie Loa.he kalohe, elike me ko'u kapa ana i kau ninau be kalohe. E aho oe e hoi hou e ao me ke akaheie, no ka mea, ke lalau wale ae nei oe. "1 ke aha hoi koiala mea e ao hou ai," i ka hoopili ana o ka ninau me ka ke Akua, nolaiia, aole e kohu ka malamalama me ka pouli, mai pinai mai oe i kau mau apana lole hou me ka lole kahiko, o nohae. Ke pane mai nei oe, "he ninau maikai ua lawaluia i ka laui, i hakuia hoi i ka hulu i • I mamo o ka Oo kani kua mauna o Halona, a uhoia aku hoi ma ke kahua o ke Kuokoa." £ na boa, ke ike nei kakou i ka lawaluia o ka ninau i ka laui, a i ka hakuia hoi i ka hulu mamo, he mea hou no ia, aole mai kahi- , ko mai, o ka i-a hoi ka mea lawaluia e ikeia i nei, aia P. A. K., hoi keia, lawaluia iho nei ka ninau, ea, mai aka hoike ae oukou ia i ala, o lohe mai auanei, noho oe me kou lalau.' Ke i mai nei no, < k aole i ike a i hoomapopo i na mea e pili ana i ka lewa anuu o ka lewa lani. Paupu paha auanei a Lanai, nou ka hewa, i ko ninau lalau ana mai nei ia makou. Ua lohe mai au, aole ka oe i kau iiuna oia ko-a; he ko-a eae no, ina pela, ea, nnwai i kauoha ia oe e huki i ka i-a o keia mau koa ? Na Hanaike anei o kahawai o Kanahā ? Kahaha !he lohe olelo mai ka paha kou i ka lau o ka Niu o Mala, malie no i lohaloha'i. Mai holo hewa hou oe ma kahi au i ike ole ai, o iii auanei kou moku a nahaha. E ka Luna Hooponopono, o kou opu ahonui la, waihoia'e i ke akea, o kuhi mai o P.. A. K., no ka hanauna o lesu Kristo, aole, he mea kauaheahe wale no. Me ke aloha no. J. P. E. Kauilanai. JVbeanuhaU t Honolul*, Ftb. 10,1864.