Ka Nupepa Kuokoa, Volume III, Number 7, 13 February 1864 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ke Koena o ka aoao mua.

            "I ka ike mua ana mai ia maua, holokiki aku lakou a pau i ka makau, a waiho neoneo ke alanui ma kuu wahi i kuu ai.  Aole i liuliu iho, a hoi ho@ mai lakou me na pahikaua, a me na ihe, e manao ana ie pepehi mai ia'@, alaila, lele hou ae la maua iluna, a pakele aku la.

            "Hoi hou mai la maua maluna o Asia, e makaikai ia mau aina, ike iho la au ia Hinedu, me Peresia, a me Arabia, ka aina waoakua.  A hala hope ke Kaiula, alaila, ike iho la ia Aferika.  He aina kanaka eleele, he negero wale no malaila, huli ae la maua maluna o ke kukulu Akau, a lele aku la maluna o ke Kaiwaenahonua, a ike iho la maua ia Europe, lele ae la maua maluna o Turete, Geremania, Farani, a me Beritania.  He aina moku o Beritania, ua puni i ka moana Atelanika.

            "Lele aku hoi maua maluna o Nutelani, o Denemaka, a o Norewai, alaila, huli ae la e hoi mai maluna o ka moana Atelanika, i ka hoi ana mai i Amerika, ike aku la au i kekahi aina moku nui ma ka aoao akau o ka Atelanika.  Ninau aku la au ia Keohokui,

            " Heaha ia aina?  I mai la kela, 'O Ainahau,' I aku la au, 'E haele kaua ilaila, e ike i ka lua pele nui o Hekela ma ia aina.'

            "He kuahiwi o Hekela ma Ainahau, a he lua pele nui kolaila, e luai ana i ke ahi a me ka pohaku hehee ma kona waha, a ua holo ka pohoku wela hehee ilalo ma kona mau aoao, e like me ka muliwai e kahe ana a hiki i ke kai.  Lele aku la maua e ike, haalulu mai la ia me ka poha n@i ana, e like me ka hekili, a pii aela kona punahou, a hui aku ia me ke au maluna.  Lele aku la hoi kona ahi iluna, a haule iho hoi ma kela a me keia aoao.

            "Holo aku maua a kokoke aku ma ia wahi maka'u, lele mai la ke ahi, a wela iho la o Keohokui, alaila, lele iho la o Keohokui mailuna iho o kuu poo.  Maluna pono no maua o ua ahi la.  Haule iho la o Keohokui ma ka waha o ka lua pele, a haule pu iho no hoi au mahope ona.  Manao iho la au ua make.  Hooho aku la no au me ka leo nui, a hoala aela ia'u i kuu hiamoe ana.  He hooho io no ko'u, o ia hoi kuu mea i ala ai; aka, ua wela no kuu ohokui, kaili aela au a ia ma ke poo ae, a hoolei iho la ilalo, a kinai i ke ahi.  Ua wela ia i ke kukui e kau ana ma ka papa me a'u.  Kinai no au i ke ahi, aka, ua pau kona maikai; eia no ia ua pau kekahi aoao i ke ahi.

            "I mai la o lakobo, 'Kahaha! he moeuhane wale no ka ia?"

            " I aku la au, 'Ae, ua hai aku no au ia oukou i keia moeuhane, i mea hoi e ao ai ia oukou.  Ua ike no kakou, aole e hiki i ke ohokui ke halihali i ke kanaka i ka mahina, a ke hoopuni hoi i ka honua; aka, he ao okoa no ka mahina, e like me ka honua nei, a he mau mea poepoe no laua a elua, e lele ana iloko o ka lewa.  Na ke Akua no i kau ia lakou maloko o ke aouli, malaila e kaa ai.  Aohe kanaka i hele aku i ka mahina e ike i kona ano; aka, maloko o kekahi mau ohenana nui loa, a ka poe imi naauao i hana ai, ua ikeia ka mahina, he aina, he kai, he mauna, he awaawa malaila, a me ke ahi pele hoi i ikeia'i ma na mauna.  Nolaila, ua manao ia no hoi, he kanaka.  No ke aha la ka ke Akua mea i hana'i i na ao nui, e like me ka honua nei, he nui wale, ke ole no ke kanaka e noho ai ilaila?"

            " A he oiaio no hoi, he mau wahi anu loa na welau o ka honua, aole e hiki i ke kanaka ke ola malaila.  A o Kina hoi, aia no ia ma kela aoao o ka honua mai Amerika aku, a o na mea a pau a'u i ike ai, he mau mea oiaio no lakou, e like me ka'u i ike ai."

            Unuhiia e A.B., no ke Kumu Hawaii, a i laweia mai hoi e a'u no ko kakou Kilohana.

F.W. KAPUAHALAAIAKEKINAU.

Kamaile, Waianae, Oahu, Ian.14, 1864

 

Hoike Kula ma Kohala.

            E ka Nupepa Knokoa e: Aloha oe,

            E oluolu paha oe e waiho aku i keia wahi ukana ma kou mau kowa, i ike mai ai na hoa o kaua, mai kela pea a keia pea.

            I ka la 8 o Dekemaba nei, hoike kekahi mau kula ma ka apana o Kohala Akau nei; ekolu kula i hoikeia ia la: Ke kula ma Pololu, o G.B. Haae ke kumu; ke kula ma Niulii, o J. Kamaka ke kumu ame ke kula ma Makapala, o S.P. Heulu ke kumu; o Enos Paku ke kahu; a o E. Kekaula ke kokua.  Ua maikai no ka hoike ana, a ua ike ia ka nui o na haumana ma kekahi mau kula.  Ma ke kula a J. Kamaka, he 40 a keu na haumana; ma ke kula hoi a S.P. Heulu, he 50 a keu na haumana.

            Maloko o keia mau kula i hoike ia, ua ike ia ka hemahema o na haumana ma na mea hoonaauao, ua maikai no ma ka heluhelu, a ma na mea helu hoi a pau, ua hemahema no.  A pela no ma ka Palapala Aina, a he ole loa hoi ma ke kakaulima.  A pela no hoi kekahi mau kula e ae i hoike ia i ka la 9; ua ike ia ka makaukau iki ma kekahi, a o ka hemahema ka nui o  na haumana.  Nolaila, he mea pilikia maoli no hoi keia ma ka nana ana aku i na kula ma keia apana.

            Nolaila, he mea pono paha i na kahu ame na kumu, na makua, ame na luna kula o keia apana, ke noonoo i na kumu i hemahema loa ai na keiki a kakou.  Malia paha no na kumu paha, a no na makua paha, a no na luna kula paha?  I ole ai hoi e lilo loa na keiki a kakou i ka naaupo loa.

            Owau no me ka mahalo,

S. IWIULA.

Kumuleiwi, Kohala A., Haw., Dek. 10, 1863

 

KA MOOLELO O IOSEPA.

HELU 4.

            MA KEIA MEA I KAUMAHA NUI loa ai o Iakobo i kana keiki, a haehae iho la oia i kona aahu, a kau ae la i ke kapa inoino ma kona puhaka, a kanikau iho la oia i kana keiki a nui na la; ia wa, ku mai la kana mau keiki kane a pau, ame kana mau kaikamahine no hoi a pau e hoonana ai ia ia, a hoole mai la kela me ka na ole, a i aku la, "E kanikau ana no au a hiki aku ilalo o ka lua i kahi o kuu keiki i waiho ai me ka nele."  Pela i uwe mau ai kona makuakane ia ia.

            O na keiki kane a Iakobo, e imi ana lakou i mea e oluolu ai ko lakou makuakane no ka nalowale ana o Iosepa, a na lakou i kuai aku i kauwa hooluhi, a lilo aku la mamuli o ko lakou manao ino, he loihi loa kahi a kana keiki i noho ai mai kona makuakane aku.  Ke hui hookamani nei lakou e uwe pu me ko lakou makuakane, me ko lakou olioli nae maloko o ko lakou naau, no ke kumu o ia uwe ana.  Ke imi nei lakou i mea e na ai ke kaumaha o Iakobo, mamua o ka lakou mau hana apiki ame ka hewa maoli no ke kumu o ua kaumaha la.  Ke mea aku nei lakou ia Iakobo e hoopau i na waimaka ena, a ua hiki no ia lakou, ma ka hoike ana aku ia ia i ke ola o Iosepa, ke haawi koke mai ia ia ka hauoli, a lilo iho la na waimaka o ke kaumaha, i waimaka olioli.

            Ano e ko lakou hoopunipuni, kaulana ka hookamani; he poe keiki lokoino.  Ke mahuahua nei ko lakou hewa, a he huhu nui ko ke Akua i ka lakou hana.

            Ke ike nei oukou ma keia hana, he mea hewa lea ka hoomau ana i ka manao ino; e kali a noonoo i ka poino nui o ia hewa.  E nana i kekahi mea e poino nui ai na kaikuaana o Iosepa, oia ka lilo ana i ka hoopunipuni ame ka hookamani.

            O ka poe i lilo i ka hewa, ua hana hewa hou lakou ma ka imi ana e huna ia hewa!  Aole anei pela kou ike ana ia oe iho, i kou wa i hana hewa ai? E maka'u oe i ka hewa; a e maka'u i na manao ino, ame ka hana kue.  No ka mea, e alakai no ia i ka wahahee ame ka hoopunipuni.

            Hookahi wale no mea e pono ai, o ke aloha ana i ke Akua a hoolohe aku ia ia; he naau hoolohe anei kou i ke Akua?  Ina aole oe e hoomanao i na kaikuaana o Iosepa; e hoomanao i ka lakou hana ino loa i ko lakou kaikaina, ame ko lakou makuakane; noloko mai o ka naau hewa no ia, a e pili mai auanei i kona hope ponoi o ka poino.

            He loihi loa ke alanui mai Dotana, kahi i kuaiia o Iosepa i na Isemaela, a hiki i ka aina o Aigupita, kahi a lakou i lawe aku ai ia ia, he mau haneri mile paha ka loihi.

            He aina nui o Aigupita, aia ma Aferika, ma ke komohana o ke kau ula; nui loa na kanaka ma ia aina ia wa, a ua hoomaluia ka aina e na 'lii i kapaia o Parao; oia ka inoa nui, e like me Kamehameha, oia ka inoa nui o na'lii o keia aupuni.

            He mau alii ikaika lakou, ua nui loa na koa malalo o lakou, a lakou i kauoha ai e like me ka makemake, a nolaila, ua maka'u na kanaka a hoolohe pono i ke alii.

            Ua hoonohoia kekahi o keia mau koa ma kahi kokoke i ka hale alii, a e kokoke ana i ke alii; oia na koa kiai i ke kino o ke alii, a e hoomalu ana i kona ola, i ole e hana ino mai kekahi.  O lakou hoi na Ilamuku pepehi i na mea a ke alii i hoopai ai i ka make no kekahi hewa; ua alakaiia na koa e kekahi luna koa, a i ka wa i laweia mai ai o Iosepa i Aigupita, o Potipara kona inoa o ua luna koa la, o na koa i pili i ke alii.

            He kanaka waiwai oia, a koikoi no hoi, a oia kekahi o na kanaka kiekie ma ia aina, malalo iho o ke alii nui.

            He hale nui kona, a nui no hoi na aina ia ia, a lehulehu wale na kanaka malalo ona e hana ai i kana mau hana, o Potipara, oia ka luna o na koa o ke alii, ka mea i kuai ia Iosepa me na kanaka kalepa o Isemaela, i ko lakou hiki ana i Aigupita.

(Aole i pau.)

I-a pae, ame ka Manu o ke kai.

            E KA NUPEPA KUOKOA E; Aloha oe: No ka i-a?  He Naia paha, a i ole ia, he aha la a@anei?  O ka mua ia o ko'u ike malihini ana ma ke awa paewaa o Naohaku, iloko o keia makhiki hou; maloko mai o kahi a na moku e ku nei, (oia o Halaul@.)  A iloko o ko'u wa ike mua ana ia wahi, ua halawai au me ka i-a nui o ke kai, ka i-a hiki ole ia makou ke hoomaopopo a ke apo ae, he mea a he mea ka inoa o ua i-a la ia makou.

            A penei ke ano o ua i-a la: He eleele ke kino maluna, a he olenalena ka aoao malalo, he kuala uuku, he mau wahi maka uuku hoi a maikai, he uuku ka waha, aole no hoi he unahi.  A o ka loa o ua i-a la, @e a@o paha kapuai, ka nui o na kapuai o ke anapuni, ua aha paha a oi aku.  A i ka lua o ko'u nana ana i ua i-a la, malaila au i haohao ai i ka noho makamaka ana o ka Manuokekai, me ka i-a e waiho make ana.

            Eia ka mea hilu lea, aole haalele iki o ka manu i ua i-a la, e kiai mau ana ia ia i ke ao ame ka po, o ia mea ia a na kanaka e makemake ai, no ka maopopo ole hoi ia makou ka mea a ka manu e hana'i i ua i-a la.  Eia hoi kekahi, i ka wa e ike ai o ka manu i na kanaka e hookokoke aku ana i kahi o ka i-a, lele aku la no ua manu la ma kahi @aawale, mai kahi a na kanaka e haiamu aku ana, me kona maalea loa me he kanaka la ka malama ana.

            A he mau la mahope mai, ua poiia ua manu la e ka nalu, a hoopaeia ma kulakula, a hopuia ua manu la e ola ana no, a malamaia e Kaaiwahaiki ma kona hale.  Eia hou iho, i ka wa i hemo ai o ua manu la, mai kona wahi i paa ai, a holo aku la no i kahi o ka i-a e waiho ana; ua ino ae la ka i-a, aole nae i ai a kiko aku, o ka mea kupanaha ia! A o ke ano o ua manu la, he keokeo, aole nae i pau loa i ke keokeo, he hulu aeae maikai, he nuku nui - aole oioi loa, ua oi aku i ko ke Kaupu kino, a he mau la mahope mai, ua hopu houia ua manu la, ua hukihukiia ka hulu i mea lei, a i hulu papale.

            O na mea ia a makou i ike ai i keia mau la iho nei, me ka mahalo no i ka ke Akua mau mea i hana'i.  Ua hana la i na mea a pau me ka loaa o ka inoa i kekahi o na kanaka, a i kekahi hoi ka loaa ole; nolaila, ua

"Manomano no na mea

A Iehova i hana'i."

J.S. MANUKAIO.

H@laula, Kohala Akau, Feb. 28, 1864.

 

Ia S. Kahaule

O PAPAAEA, HAMAKUA LOA, MAUI.

E KE KUOKOA. - E ae mai oe ia'u e olelo ae i ka mea nona ka inoa maluna, no kana mau olelo pale, malalo iho o ke poo "No ka Lahui Hawaii," i ikeia ma ka Helu 6, Buke III o ke Kuokoa.

            Ua imi au i ke kumu o kana olelo pale i pale ai ma ka inoa o ka Lahui Hawaii e like me kana kuhikuhi, wahi ana, "Ua ike iho ia ma ka olelo a ka hoa i kakauia ma ka Helu 44 o ua Kilohana nei, nona ke poo, "No ka Hui."  Ua huli iho nei nae au i na Helu 44 o ka Buke II, a me ka Helu 44 o ka Buke I, a auhea la?  Nolaila, ke olelo nei au, i moeuhane ia paha ke kumu o na olelo pale a S. Kahaule, i pale mai nei ma ka Helu 6 o ka Buke III; ke kuhihewa ole au.

            O ke kumu o ka'u olelo e olelo nei, aia no ia malalo iho o ke poo manao a S. Kahaule i olelo ai "No ka Lahui Hawaii."  A penei oia i ninau ai, "Owai la o kekahi poe o keia Lahui Hawaii e hilinai ana i ke Akua, me ka malama i ko lakou mau kino iho?  "Ke manao nei  au," wahi ana, "aole e loaa kekahi kane, a me kekahi mau wahine iloko o keia Lahui; no ka mea, ua huli loa keia Lahui i ka hookamani, a me ke akamai i ke kalohe."

            Kahaha! ahu no hoi kupanaha a ka la i Mana, ka olelo a ka makamaka, e i mai nei, ma ke kau ana i kana mea kaupaona, aole e loaa ana ke kane, a mau kane; e laa hoi ka wahine, a mau wahine, i hilinai i ke Akua, me ka malama pono i ko lakou mau kino iho.  Alaila, he hewa wale no na mea a pau e noho nei iloko o ka Lahui ea?  Aloha ino.

            Auhea ka hoi na haipule oiaio o ke Akua Ola e noho nei iloko o ka Ekalesia mai Hilo a Niihau?  A me na Kumu Misionari Hawaii, i hoounaia'ku nei i ka Pae Aina o Nuuhiva, a me Maikonisia, a me kekahi poe e ae i malama pono i ke kanawai mare, he poe hewa wale no lakou?

            Ina pela, owau kekahi i kuhihewa i ka mea nona ka inoa maluna, he kanaka pono, a maikai hoi.  He Luna kahiko ia no ka Ekalesia o Makawao, ia ia no ka malama o kela Betela (Luakini) ma Huelo.  Aka nae, malalo iho o kela mau olelo i oleloia maluna, ua lilo ka pono o na mea a pau i mea pono ole, a o ka Lahui holookoa hoi, a me ua o S.K. no hoi.

            Eia ka ninau.  Ehia ka nui o na kane i ku i ka auhau ma ka papa helu kanaka, ma ko ke Aupuni helu ana i ka makahiki 1860?  Ehia ka nui o na wahine i ano makua ma ko ke Aupuni helu ana i ua makahiki la?  E hai mai.

            Ma ka papa helu a ke Alii Solomona i helu ai i ka Iseraela ma kona ano Kahuna, ua oleloia, "iwaena o na kane hookahi tausani, e loaa ana hookahi kanaka pono, a iwaena hoi o na wahine i like me ia, aole e loaa hookahi."  A ina ua hai mai ke kanaka i piha i ka ike a me ka noiau mai ke Akua mai, no ka loaa o ke kanaka pono iloko o ke tausani hookahi.  Ehia ka nui o na kane ma ka helu ana i ka M.H. 1860?  35,379, ua like ia me kanakolu-kumamalima kanaka pono, ina o ka avarita ia ma ka helu ana a Solomona.

            A ia oe hoi, aole e loaa ana kahi mea pono hookahi iwaena o na kane, a me na wahine o ko kakou Lahuikanaka.  E ka makamaka, ke manao nei au, aole oe i noonoo pono i kau mea i kamailio ai imua o ka lehulehu.  Ma ke Aupuni hea la o ka honua nei i ike ia'i ua penaia i ka waihooluu o ka pono, a me ka maemae?  Ke kauohaia nei oe e noonoo pono, no ka mea, "ma kau olelo ana e hoaponoia'i oe, a ma kau olelo ana e hoahewaia'i oe," wahi a ka Haku a Iesu.  Me ke aloha.

M. ALOHA-LAHUI.

 

He Kanikau no Alani Woodward.

He uhane he aloha no Alani,

Ka makahiapo a makou,

Ko kino wailua noho i ka lai,

Nana i ka malu o ka Inia,

I ka uluwehiwehi o Halelose,

Ui ae Manuhoa o ke keiki,

Auwe kuu lei kuu hiwahiwa.

Kuu pula kaumaka a ke aloha,

Aloha ino no kuu keiki,

Au iho nei ka manao,

Aole ka pili aloha,

Ua wehe mai i ka pili,

I ka poli o ka makua,

Kuu keiki, kuu lei aloha.

            ELENA U@ W.

He uhane la he aloha,

Nou no e Alani,

Ka hiapo hookahi oe,

I naue iki iho nei,

Me Lia i ka nahele,

Me ka wahine noho anu,

I mehana i ka ua noe,

I ka liko o ka lehua,

Pauku me ka ilima,

O kou kahiko ia,

I hele e aku nei,

I ke ala hoi ole mai,

Kuu mea minamina e noho nei,

Aole ua hala, ua nalo ia,

Ua lilo me Hiku i ka nahele,

Me na manu ai lehua o uka,

I noho i ke anu o ka mauna.

            D.M. WOODWARD.

He uhane la he aloha,

Nou no e Alani,

E uwe helu mai ana,

O Umilani no he makua,

Auwe kuu keiki,

Lei aloha a makou,

Milimili a ka makua,

Kuu hoa pupuu anu,

O na po kehau,

E uwe helu ae ana,

Auwe kuu keiki,

Ka lei aloha a makou.

            N.W.

E uwe helu mai ana,

O Hana no he makua,

Auwe kuu keiki,

Kuu pua lei mae ole,

Kuu kiai hale hoi,

Aia paha ka uhane,

I ka @kina mai a ka la?

Hiki mai ana ke aloha,

O ua kamaiki nei,

Ukiuki wale hoi au,

I kela manu kiko pua,

Nana i lawe aku nei,

Ka uhane o Alani,

Noho mai la i ke aouli,

I kahi ike oke ia.

            HANA.

Paiauma mai ana,

O Hina no he makua,

Auwe kuu keiki,

Kuu minamina pau ole

Ka luhi o makou,

Me kuu muli pokii,

I manao ai e ola,

Keia kino palupalu,

Lawe e ia ku nei,

E ka la i Lehua,

Elua hana a loko,

O ka u, o ka minamina,

Kuu keiki no hoi,

O ka hale kele i ka ua,

Kuu keiki, kuu lei aloha.

 

E uwe helu mai ana,

O Kana no he makua,

Auwe kuu keiki.

O ka wa keiki ole,

Noho iho nei makou,

O ka u, o ka minamina,

I ka hele ana aku nei,

O ua kamaiki nei,

Uhane la hoolai,

Nou no e Alani,

Auwe kuu keiki,

Kuu lei aloha e.

            KANA.

Uwe helu mai ana,

O Paahao no he makua,

Auwe kuu keiki,

Wai laha ole o Maleka,

Nou no ka uhane,

Ohuohu i ka melekule,

Kuu keiki no hoi,

O ka makani kolonahe,

Aia paha ka uhane,

Ke pili ula i ka la,

Auwe kuu keiki,

Kuu lei aloha e.

            PAAHAO.

E uwe helu mai ana,

Kawaihoa no he makua,

Auwe kuu keiki,

Kamakahi a makou,

Ua hala aku nei oe,

I ke ala hoi ole mai,

Au iho nei ka manao,

Ko kino wailua,

Elua manao a loko.

O ka u, o ka minamina,

Pau ko makou ike ana,

I kou noho ana mai,

Ua lawe aku ke Akua,

I Kana o ka uhane,

Auwe kuu keiki,

Kuu mea aloha e.

            KAWAIHOA.

E uwe helu mai ana,

O Kahawalu no he makua,

Auwe kuu keiki,

Kuu pua lei kamahao,

Hea mea i aloha ia,

E makou a pua,

Ua hala e aku ia,

I ke ala hoi ole mai,

Kahiki mai ka uhane,

I ke kapa la o Kahiki,

Hiki mai nei ke aloha,

Hoanoano mai ana,

Au iho nei ka manao,

I kahi e ike ai,

Kuu keiki, kuu lei aloha.

            KAHAWALU.

E uwe helu mai ana,

Kaawa no he makua,

Auwe kuu keiki,

Kamalei a makou,

Ei aku nei paha oe,

I ke ao malamalama,

Aole ka hele ana'ku,

Ka mohala o na pua,

No Alani ka uhane,

I naue i ke awakea,

Aloha ino no oe,

I ka hele hookahi ana,

Me ka ua Apuakea,

Loku mai la i Mokapu.

            KAAWAAHIAHI.

E uwe helu mai ana,

Nakea no he inoa,

Auwe kuu pokii,

Kuu muli hanau hope,

Na'u i waele mua,

Mahope mai hoi oe,

Kuu kokoolua hoi,

O ka la o ka makalii,

Hele aku nei no oe,

Wehe i ka pili ua paa.

            NAKEU.

Uhane la hoolai, nou no e Alani,

Auwe kuu kane,

Kuu kane mai ka la welawela e Kaneohe,

mai ka wai lelehuna la e Wailele,

Mai ke kai hawanawana la e Kawaihae,

Nui mai nei ke aloha paila kuu kino,

Auwe kuu kane.

Kuu kane mai ka paia ala i ka hala,

Kuu kane mai ka puka hale o Lipuna,

Aloha ia wahi a kakou e noho ai,

Kuu kane mai ka ua kipuupuu o Waimea,

Aloha ia wahi a kakou e hele ai,

Kuu kane, kuu lei aloha hoi e.

            MAKOLI.

 

Na ke Aupuni.

            No ka mea, ua hai ia ka Papa Ola, e ka poe i kohoia e kiai, ua haumia loa a pilau hoi ke kulanakauhale o Honolulu  keia manawa, i na mea e mai ai a e make ai hoi o kanaka! a no ka mea hoi, ua manaoia, o ka nui o ka mai i loaa'i i kanaka iloko o ke kau hooilo i pau iho nei, ua loaa ia no ka malama ole ia o na Rula i hoopuka ia e ka Papa ola i ka malama o Ianuari M.H. 1860.

            Ua hooholoia, e kauoha ia ke kakauolelo e hoolaha hou ia mau Rula ma ka olelo Hawaii a me ka olelo Beretania, me ka hoomaopopo hoi i na mea a pau i pili, ma keia hope aku e hooko maoli ia ana kela mau Rula.

            O keia Rula malalo iho nei no ka kanu ana i ka poe kino kupapau, ua hooholo pono ia i keia la; eia hoi.

            Aole no e kanu ia kekahi kino kupapau iloko o kekahi hale noho, aole hoi ma kahi e pili  koke ana i ka hale noho, aole no hoi e emi ka hohonu o kekahi lua kupapau malalo o na kapuai eono, e hoopaiia ka poe nana e kanu i na dala, aole e oi mamua o na dala i hookahi haneri.

T.C HEUCK.

Kakauolelo.

Keena Hana o ka Papa Ola, Ianuari. 7, 1860.

 

Na Rula hooponopono

A KA PAPA OLA.

            1. He hiki no i ka Papa Ola a me na luna i hooholoia e ka papa ke hele a makaikai i na Hale Pakaukau Ia, kuai mea ai ulu, kuni Pipi, a io e ae papa a i na wahi e ae paha e kuai ia ana kela mau mea, i na manawa a pau a lakou e makemake ai, a e kena aku e hoomaemae koke ia kela mau wahi, a o na opala ino a pau e hookaawale aku ma kahi e.

            I na ua kukuluia kela mau wahi kuai ma na wahi i manao ia ua kue i ke ola o ka lehulehu, he hiki no i ka paha ola ke kenu aku e honee ia kela mau @ ma kahi kupono.

            2. Aole e k@kuluia kekahi Hale pepehi pipi, a holoholona e ae paha maloko o na palena o ke kulana kauhale o Honolulu, a ma na alanui laula e hele ia ana e ka lehulehu, a ma kapa o kekahi Muliwai, a auwai paha e inu ia ana ka wai, a hana ia ma na mea ai; a ma kekahi wahi e ae paha, aia a ae ia e ka papa ola.

            3. Aole e kapi a kalana kekahi mea i na Ili maloko o ka palena o ke kulanakauhale o Honolulu, a ma na wahi e pili koke ana, a mauka paha o ke kulankauhale, a i kahi e ae paha, ma kahi no i ae mua ia e ka papa ola.

            4. O na Hale hanalepo, lua lepo, auwai wai lepo a kio wai paha, e ku ana ka wai lepo iloko, a  me na mea pelapela e ae a ua manao ia e ka papa ola ua kue i ke ola o ka lehulehu, ma ke kena a ka papa ola, a me na luna paha e hoomaemae koke ia kela mau mea, e ka poe nona kahi, e hai mua aku nae ka papa ola a me na luna i kela poe, i ka manao e hoomaemaeia a ma keia hope aku e eli ia na lua hana lepo a pau, i eiwa kapuai ka hohonu, a i eha kapuai ka laula.

            5. He hiki no i ka papa ola a me na luna ke makaikai a nana i na hale a pau, a lakou i manao ai ua ikiki ka noho ana o na poe ma ia mau hale, no ka makani ole, a no ka nui loa paha o ka poe e noho ana ma ka hale hookahi; a e kena aku i ka poe e noho ana e hoohamama i na hale i nui ka makani, a i ole ia e hooemi ka nui o na poe e noho ana ma na hale, e like me na mea i ike ia he pono.

            6. O ka ia, aole i kapi pono ia, a ua waiho ia iloko o kekahi Hale a pa hale paha a ua ike ia ka pilau, e honee koke ia e ka mea nana ia waiwai, ma ka hooakaka ana'ku o ka papa ola a me na luna no ia mea.

            7. Aole e hanai ia kekahi puaa maloko o ka palena o ke kulanakauhale o Honolulu, mahope o ka la mua o Maraki, M.H. 1860.

            8. Aole e hoolei kekahi poe i na holoholona make ma na alanui a ala loa paha.

            9. I na ue haki kekahi poe i kekahi o na rula hooponopono i hai ia maluna, e hoouku ia ia i ka uku hoopai aole e oi aku mamua o hookahi haneri dala.

            Aponoia e ka papa ola i keia la 31 o Ian. M.H. 1860.

ROBERT Mc. KIBBIN, Jr. M.D.

113-3m

Kakauolelo.

 

HALE PAI KII.

MALUNA AE O KA KEENA PAI O KA

"Nupepa Kuokoa,"

Emi ka uku no ke kii. E paiia no ke kii iluna o ke ANIANI a me ka PEPA.

E hele mai e na makamaka e pai i ko oukou mau kii.

H.L. CHASE (Ke@)

112-6m Mea Pai @.

 

MEA HOU, MEA HOU!

AIA MA KA HALE KUAI LAPAAU

O

KAUKA HILIBARANI MA,

MA

MONIKAHAAE!

MA KE KIHI HIKINA O KE

Alanui Hotele me Alanui Papu,

KAHI E LOAA AI NA

 Laau Lapaau!

O NA ANO A PAU, OIA HOI

KA LAAU HOOMAEMAE KOKO,

HUA ALE, AILA,

AILA PUUPUU,

PAAKAI HOONAHA,

LUPEPA, (Laau Luai,)

A ME NA LAAU O NA ANO A PAU.

Omole Hanai Waiu no na Keiki hou.

EIA KEKAHI, AIA MALAILA NA WAI ala o na ano a pau, ola hoi

KA HUALUKINI, (Musk,)

LUBIN'S EXTRACTS, oia na waiala maikai loa,

WAIALA ILIAHI,

Na AILA LAUOHO MAIKAI LOA, @

            E hele nui mai, mai lo@, he holopono ke kuai ana o na @ pau o keia hale. Eia hoi, o AILUENE, he (Haole Olelo e) ka mea kuai ma keia Hale Kuai. O ka mea aole i kuai @ pono e ho@o i pau kuhihewa, ka ua mea he holopono ke kumu kuai o na mea a pa@ ola hale ke kuai pu me @, a @ oluolu @ oia.

@

 

LAAU LAPAAU!

AIA MA KA@I O

KAKELA ME KUKE

Ma Honolulu.

J.T. GOWER, - Makawao, Maui.

J.D. HAVEKOST. - Wailuku, Maui.

C.H. WETMORE, - Hilo, Hawaii.

J.W. SMITH, - Koloa, Kauai.

HE LAAU KAHIKO, A HE MAOPOPO

NO HOI.

Laau hoopau Naio me na Koe.

A DR. JAYNE.

HE NUI NA PILIKIA O KAMALII I KA Nalo a me ke Koe, a p@la @ na kanaka makua. O ka hope oia mau mea ko@ oia ka lolo.  Oia mau @ ola ka lolo, a o ka make hoi i kekahi manawa, a @ mai e ae kekahi, e like me ka lepo paa, @ ulu ulu a me na mai e ae.

            O ka Laau no keia e pau ai ua mau mea ino nei.

            Kia hoi kekahi.  O ka @ ku pono keia i ka @ wela o ka houpo; i ka ono ole i ka ai @ i ka @ i ka mai pehu; i ka @ wahine, a me na mea like.

            Penei no e inu ai i ka Laau hoopau @ me na @.

            Ina no kamalii, e hanai aku i hookahi @ ki, i ka manawa hookahi no ke keiki ma@alo @ hookahi.  Mai ka makahiki hookahi a hiki i na makahiki @ elua @ o ka @ ono hookahi no puna ok@ ka p@ao, a mailaila aku a i ka @ kanaka makua, e hanai i elua, a i ekolu @ hookahi.  I ka wa o inu ai, e hui i ka @ maoli.  O@a hoi, ina hookahi ka pu@ me na puna wai maoli @ a pela no e inu @ awakea a me ke ahiahi.  Aku, i nui ka pilikia, alaila, @ elima inu ana i ka la, penei; kakah@ auwi ka @ ahiahi.

            E inu mamua o ka ai ana, aole kokoke mahope @.

 

Laau hoopaa Hi a Dr. Jayne,

JAYNE'S CARMINATIVE BALSAM.

 

            He laau maikei a @ hoi @ Wela o ka Ho@po. Haoa, Ho@pailua wale, Luai @ ono ola i ka ai, Nahu me ka awe no hoi o na keiki @ na mai like he nui.

            Emo ole ka @ o ua mau mai @ i keia @.

            Penei e inu ai, i ka inu ana hookahi. @ keiki @ paha @ malama, a @ paha @ hiki i ka iwakalua ka pono.

            Ina @ keiki mai na malama @ a hiki i na @ he hapalua puna ki ka pono.  Mai ka makahiki @ hiki i elua, e inu no ia i puna ki okua. Mai ka hiku a i ka walu o ka makahiki, elua puna ka p@ he puna nui ka e inu ia i ka manawa hookahi.

            A @ ea, e hui me ka wai maoli @ me ka laau, a pel@ e inua ae ai. @ ana i ka la hookahi, e like me ka nui o ke pilikia.

            I akaka nae. Ina he nui ka wela a ina @ pono ole iloko o ka apu, e aho o @ Ola, a i ole, e luu i wahi paakai, a i wahi aila @ ka mea ino oloko, alaila e inu i @.

            Ina e luai ka mea mai, mahope o ka @ a i ka luaila, e hanai @ a pinepine, a oluolu hoi ko loko, a waiho malie @ ma ka opu.

            Aohe a makou mea e noi aku ai i ka @ no o ke kauoha aku ia lakou e HOAO PONO i @

 

Laau Kunu a Kauka Jayne,

hoike aku ai i ke ola o na mea a pau i @ aau.  Ua hoola, a e hiki ana no ke haola i ka mai

KUNU, NAHU, a me ke ANU, a me na mai e ae no hoi he nui wale; a @ na @ HOKII @ i ola nui, na mai i ola ole i na @ ka poe i mai ia.

HE KUHA KOKO ANEI KOU:

HE KUNU ANEI KOU?

HE EHA ANEI KOU KANIA-I?

HE KUNU UMII ANEI KOU @ NAE?

            AOLE ANEI HE KUNU OO OU?

            AOLE ANEI OU MAI KUNU?

            AOLE ANEI OU MAI NAENAE?

            AOLE ANEI OU EHA MA KA @?

            AOLE ANEI OU KUNU KALEA?

            AOLE ANEI OU HU MA KA @?

A ina ua loaa ia oe ia mau mai, alaila, @ ike @ LAAU KUNU a Kauka Jayne.

           

NA MAI HOOPAILUA.

Mai o ke Ake!

Mai Nalulu a me ka mai Dyspep@.

(O ka nawaliwali o ka puu hoowa@ ai, iloko o ka kakua mau waiho@a ai.)

            He pono ke ai koke i ka mau a Huaale O@ a Kauka Jayne he laau oluolu, a he ola @ hui.  Aohe @ kemake i na laau hoomaha; a mai nui @ me ka oluolu mo hoi, inu a @ mau laau ia.  Aole no e olaola @ ana oloko o koma kine; a ua @ kahi manawa ua make no, a ina a @ na @ alaila, @ keia mau mea, nolaila, ke @ ia aku @

Huaale Ola a Dr. Jayne.

            Me ka hiki ke hooia'ku i ka maikai, a @ maopopo mui i ka oi o ke ola o keia @ a me ka maikai no hoi o ka inu ana, a me @ A ina no e lau ana ia @, aole no he @ oia ka ai ana a me ka inu ana. Aole o inu @ ka mea, ua hanala no a maikai @ A inu e inu ia @ loa ka heh@ iloko o ka pau w@ ai. Ma ka inu ana @ haawina liilii, he maikai loa no ka nahu anu, a @ a me ka holoi pau i ke luo oloko o ka opu.

DISIPEPESIA.

            (Oia ka mai ono ole o ka ia i kekahi manawa, a me ka @ wali pono ole ia hoi o ka ai iloko o ka @)

            O keia Huaale H@ a Kauka Jayne, he maikai @ ikaika ana ia mau @ o ko lakou @ oihi loa ka mai ana, alaila, @

Huaale me ka Laau Hoomaemae Koko

a hoopau NAIO me @ KO@

A Kauka JAYNE,

e like ma ka mea i kuhikuhiia ma@ o ka wahi o @

NO NA MAI MA KE AKE,

MAI LENA,

MAI MA KA OPU HANAWAI,

NA MAI WELA,

KA HAALULU,

KA MAI O KA ILI,

KOKO INO,

MAI NALULU.

PAA O KA LEPO,

MAI KUNA,

MAI WAHINE

@ ia MAI HOOPAILUA.

            Ua maopopo @ wale no i koe i ka @ maikai no hoi na laau a Kauka Jane, @

PUHA,

ALAALA,

KAOKAO,

PUUPUU,

PEHU,

KUNAKUNA,

Hanene, Lolo,

na mai wahine, a me na mai e ae, @ KOKO a @ i @

LAAU HOOMAEMAE KOKO.

@