Ka Nupepa Kuokoa, Volume III, Number 7, 13 Pepeluali 1864 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

Na Palapala.

Ka Ahaaina ana o ka Ahahui Aloha

O Lahaina, ma Honolulu nei.

            E ka Nupepa Kuokoa e; Aloha oe:- Ina paha he ahonui kou e hookomo iho ma kahi kaawale o kou mau kolamu, i kein manao, alaila, me oe no ka mahalo, me makou hoi ka iini.

            I ka pakele ana mai o au Ahahui Aloha nei mai ka opu mai o ka moana, me ko lakou loaa ana i na poino ili wale mai maluna iho o lakou, a pili lakou ma ka uwapo, ia manawa, hooholo like ae la lakou me ko lakou Luna Nui, e hapai i wahi ana halawai haipule, i mea e hoomanao ai i ko ke Akua malama ana mai ia lakou, maiwaena mai o ka poino i haulehia mai iluna o lakou, ma ka moana.

            Ma ia hooholo ana no hoi, ua hooholo pu mo lakou, e malama i Ahaaina ma Honolulu nei, a o ka lua ia o na mea i hooholo like ia e lakou. A ma ka la 11 o Feberuari, weheia na puka o ka Luakini ma Kaumakapili, ua hiki mai ka Luna Nui, a me na hoa no hoi a pau o ia Ahahui.

            A maluhia ke annina, ua hapaiia ka hoonani ana i ke Akua, ma ke mele ana mai o na keiki puukani o ka malu Ulu o ua Ahahui nei i kekahi mau HImeni hoolea, a pau ka mele anu, haawai mai la ka Lna Hoomalu o ia halawai ia ʻ u ka pule, a pau ia, hoomaka hou ka Himeni ana, a pau ia haawi hou no no ka Luna HOomalu i ka haiolelo ana ia'u.

            Ia manawa, ua noonoo pokole iho au i wahi olelo kupono i ka pakele ana mai o keia poe mai ka poino ili wale mai malana o lakou, a eia ua wahi kumu munao la: "Peha la auanei kakou e pakele ai ke malama ole i ke ola nui nei." A un wehewehe pokole no hoi au ma na mea pili i ka poi poino.

            A pau ia, ku mai o Rev. S. Kahoohalahala, a kokua i ka olelo, ua pili no ke ano nui o kana whewehe ana no ka poi i hoopakele ia, a pau ia, ku mai o Kalawaia, a kokua; a pau kana, ku mai o L. Aholo, a wehewehe pono mai i ke ano o ko lakou pilikia ana, a mamuli o ia pilikia ana o lakou, aka hoi, ua pakele mai no ke ola, nolaila, ke hapai nei kakou i halawai hoomannao i keia la. A pau ka haiolelo ana, hookuuia ke anaina pule, a ia manawa koke no, hapaiia ka noonoo ana no ka Ahaaina.

            Noonoo ia ka nui o ke dala e lawa ai ka Ahaaina, a me kahi hoi e Ahaaina ai. A o ka mea i hooholoia e ko ka hale ia manawa, no na mea e lawa ai ka Ahaaina, o ka hapaha ka palena o lalo, elima dala ka palena o luna. Ua luluia na hapaha a ka poe i pakele maiwaena inai o keia pilikia ma ka moana, a ua huipu aku nae me ka poie kamaaina o Honolulu nei, ma ia hana aloha, o ka nui o na dala he kanakolukumamamaono, ($36)

            Ua kokua aloha wale mui Ka Mea Kiekie M. Kekuanaoa, i kahi e Ahaaina ai a me ka ai, ua lawe kela ma ke ano aloha i na kamaaina kanu o ka Moi Kamehameha V., a au kohoia i mau Komite ekolu nana e hoomakaukau a e kuai i na mea ai, o P. K. Keawehawaii, Mr. S. Kahoohalahala, a me W. N. Pualewa. O ka nui o na dala i hooliloia no na mea ai, he $20 00, a o ke koena dala i koe iho, ua haawiia no ka Halemai o ka Moiwahine. Ma ka la 11 o Feb., oia ka Poaha, ua akoakoa hou mai na hoa ai ma Kaumakapili, a ma ka hora 3 o ke ahiahi, ua kaihuakai aku, o na wahine mamua, a o na kane inahope, i uhiia me na kapa eleele, o keia kau huliamahi no ke kanikau kumakena, no ua Lani aloha la i hele aku la. Ua kai hele aku ka huakai mai Kaumakapili, ma ke Alanui Beritania, a hiki ma ke Alanui Maunakea, e iho ana i kai a hiki mai ke Alanui Alii, e hele ana i ka Hikina, a hiki ma ke Ala nui Papu, e iho ana i kai, a hiki ma ke alanui Moiwahine, e hele hou ana i  ka Hikina, a mailaila aku a komo maloko o ka Hale o Ka Mea Kiekje M. Kekuanaoa, ana hoi i kokua aloha wale mai ai i kona mau makaainana i hoopakeleia mai waena o ka pilikia nui i haulehi mai iluna o lakou ma ka moana.

            Ia komo ana aku iloko o ka hale, ua hoonaniia na rumi i na mea maikai, a ua hoomakaukau mua ia hoi me na mea ai maikai o na ano Hawaii, a mamua o ka ai ana, au hoonani mua ia ka Mea Mana Loa, a ua ai no na hoa a pau me ka maikai, a ua lawa like na mea a pau i ku olioli a me ka hauoli. A pau ka ai ana, hapai hou ae la na mea makaukau i ka Himeni, no na Mele Kanikau o ua Lani minamina la i hele aku la.

            O ka mea hilu nae ma i la, oia ka nui o ka ua e haule iho ana mai ka lewa lani mai, a au kaumaha ke ano o na ao i ka nana'ku a pela no hoi makou i ka noonoo ana iho i na mea a pau i pilikia ia ma ka moana. Ma ia hana ana a ka poe i hoopakeleia, ua koi pu ia mai kakou a pau, e hoomanao ana i kona inoa ua hoonaniia ka Inoa o ke Akua ina o kakou la.

            Mamuli o ke kauoha a ka Luna Nui o ka Ahahui, a me ka Luna Hoomalu, a me ka Kakauolelo o ua Ahahui Aloha la, ua koiia mai au, e hoopuka ma ka nupepa kuokoa i ike na mea a pau i ke ano o na mea i hanaia e ua Ahahui Aloha la ma keia Kulanakauhala, nolaila, ke hooili nei au i ke kope mao na Luna Hoopuka nupepa la, ke oluolu hoi i ka manao o ka Luna Hooponopono. Owau no me ka mahalo. W. N. Pualewa.

            Honolulu, Feberuari 18, 1864

Ka lua o ka Pomaikai io.

            E ke Kuokoa: Ua ike oe, a me ka lehulehu i ka'u mau olelo i hai aku ai ia oe no ka pomaikai oiaio maoli, ma ka Helu 8 o ka Buke III o ke Kuokoa.

            Pela no ke kanaka pakela noonoo. He pono no ka noonoo no kekahi mau hora o ka la; aka, in a i lilo loa kekahi i ka noonoo wale no, mai ke ao a po, a i ke aumoe paha, alaila, poino no. Ua lilo kona pomaikai i mea poino; no ka mea, he palena ko keia hana, e like me ka ai ana i ka ai. Ua na waliwali na kino o ka poe pakela noonoo, a ua mai a pupule loa kekahi.

            O ka haipule kekahi mea e pomaikai ai na kanaka. He mea ia e oluolu ai ka manao; aka, in a i pakela ka haipule ana o ke kahi, aole poo. O ka mea pule wale no a po ka la, me ka hoolewa ole i kona kino a aole hoi hoololi i kona manao ma kekahi hana e ae, kokoke pono ole kona manao. Pohihihi ke Akua ia ia, a luuluu kona naau. He kakaikahi loa paha na kanaka i pakela i ka haipule io; o ka poe haipule hookamani i ikeia e kanaka, i like me na Parisaio kahiko, o lakou paha ka i pakela.

            Pela wale no na mea maikai a pau ma keia ao he pono no ke pakiko ma na mea a pau, a ua hewa ke pakela aku, (e nana ma I Korineto 9: 25; Tito 1:8) Ina i holo aku ke kanaka mawaho o ka pelena a ka akua i kau mai ai aole e loaa ia ia ka pomaikai io, he poino kona. Iloko wale no o ua palena la ka pono a me ka pomaikai.

            Ua kau kanawai ia na mea maikai a pau i haawiia mai no ka pomaikai o kanaka. He kanawai maluna o ka pomaikai launa, ka pomaikai no ka huna pono ana, ka pomaikai no ka noonoo, a me ka pomaikai no ke kino; a in a mamo ka makemake o ke kanaka maloko o ia mau kanawai hemolele pomaikai ia kanaka. Ua loaa ia ia ke ala o ka pomaikai oia io, pau ole, me he muliwai la e kahe mau ana kona pomaikai; aka, ina i hu mawaho kona makemake, a hahai wale aku ia i kela kuko keia kuko ino a kona naau, me ka noonoo ole i na kanawai o kona kino a me kona uhane, o ke kue no ia i ka makemake o kona mea nana i hana. E hoomainoino mai auanei na kanawai o kona kino ia ia, a o ka poino wale no koe nona. Nolaila, ua akaka ka mea e pono ai, e imi i na kanawai a ke Akua i kau mai ai maluna o kakou, maluna o na lala o ke kino, a me ka uhane, a e kupaa ma ia mau kanawai; a mai ae wale aku i ka makemake a ke kuko. Ma na mea maikai a pau e hahai ai a hiki i ka palena, alaila oki, a hoi mai. He poe poino loa ka poe hahai nui loa i ka lealea a ke kino, i loha e na makamaka.

            Eia kekahi mau rula no ka poe makemake i ka pomaikai io.

            1. E hana pakiko ma na mea a pau e pomaikai ai. Mai ai i ka ai no ka ona a me ka maona wale no. E noonoo ma ka mama a me ka ikaika, a me ka mai ole o ke kino, a me ka makaala o ka manao, a me ka makaukau i ka hana, a e ai pakiko. E hoole ikaika i ka ai ku ole i keia mau mea pono.

            Pela no ma ka inu ana. Mai ae wale aku i ke kuko ana a ke kino. Mai inu i na mea on a, me ke kuai loa ana o ke kino ma ka ona, o hahai mai ka poino i ke kino; no ka mea, he lealea no ke kino i keia mau mea i kinohou; aka, mahope poino ke kino. Pela no hoi ma ka akaaka, ka paani, ka auau, ka hiamoe, ka aahu ana i ka lole, ka imi ana i ka waiwai, a me na hana maikai a pau.

            2. E lawelawe hana i kela la keia la. He poe poino ka poe palauaolelo, a me ka poe aie; nawaliwali na kino, a hoihoi ole hoi ka manao o ka poe noho wale. O ka pomaikai io a me ka lawe hana, ua hookuiia laua, a ua noho pu ma kahi hookahi.

            3. E imi i ka naauao. Aole hoi e kokoke mai ka pomaikai i ka poe naaupo. Ua like ko lakou lealea me ko ka holoholona. No laila, e heluhelu palapala i kekahi manawa, a imi manao, a e noonoo me ka palaka ole. Ina he kula, e hele i ke kula, e hooikaika i ka naauao a loaa mai.

            4. E noho mamuli o ka pono o ke Akua. Aia iloko olaila ka pomaikai io no na kanaka pau. U lana pono mai ka manao o ka poe hoolohe i ke Akua. I ka wa popoilikia io no kanaka, no ka mea, he lana olioli ko lakou manao; no ka mea, aohe mea nana e kaili aku ko lakou pomaikai, oiai au kukuluia kolakou hale maluna o ka pohaku naue ole.

            5. E manawalea aku i ka poe ilihune, a me ka poe hemahema, a imi mau i na mea e pono ai ka poe pono ole. Pela no kauoha ana mai a ka Akua; ua ike hoi oia i na mea e pomaikai ai na kanaka. Ua like me ka olioli o ko ka lani, ka hauoli ana o ka poe hoole ia lakou iho, a kokua nui i ko hai hemahema. Ua kupono loa ka lakou hana ana i ko ke Akua makemake; nolaila he pomaikai okoa ko lakou. Mai manao kakou ua pomaikai nui wale ka poe akamai i ka imi i ko lakou pono iho. He nui ka poe lako i na mea a pau, aole nae e oluolu ko lakou manao. Ua pomaikai ka poe imi like i ko lakou pono iho, a me ko hai pono.

            Eia ka ninau. Heaha ka rula elua? ke kolu? ka ha? a me ka lima? E wehewehe nui mai ia mau rula. Heaha ka pomaikai nui loa ka pomaikai oi loa aku, ka pomaikai i like me ko ka lani?

            Ke hoomaha nei au uaanei, una ua hewa ka'u hana ana, e kala mai no.

            W. H. Kamoana

            Kaluahole, Waikiki kai, Feb. 27, 1854

He Leta Hoalohaloha

I ka Makuahine Emma Lani ka Moi Wahina Kane Make.

            Me ka Mahalo.-O makou na makaainana e noho an i ka lai o Ehu, ke uwe pu aku nei makou me na naau i hoehaeha ia me ka minamina nui, no ka hele loa ana o kau Lani o Kamehameha IV.

            He mea i hookaumaha loa mai ia makou, ke hoomanao ae i kona mau hiona, a me kona mau mapuna leo. Ia ia i luana iho nei me makou ma Kailua nei: A no keia mau mea a pau, aole makou wehe'na ae mai loko ae ona puuwai, o ka poe a pau a ke aloha i hoopilikia mai ai, e uwe paumako pu ana no ka hele loa ana o kau Lani. A ua akaka ho i ia makou, ko makou komo pu ana me oe i loko o keia Kanikan Nui ana.

            Ke nonoi haahaa aku nei makou i ke Akua Nui, e hooluolu mai i kou naau e ke Alii, a me na mea a pau; no ka mea, he poe ukali kakou mahope aku o ia huakai: A na ke AKua Mana o ka Lani e maliu pono mai i kana poe kauwa liilii nei.

            O makou o kau mau kauwa me ka haahaa loa

G. W. Pilipo

D. Kahalehuhi

Ikaika.

Na Komite

Kailua, Kona, A. Maraki 1, 1864

Manawalea.

            Ma ka la 12 o Feberuari nei, ua loaa mai ia'u mai ka "Ahahui Aloha," ma ka lima o ko lakou Komite, he Umikumamaono dala ($16,) no ka Halemai o ka Moiwahine.

            Ua loaa mai ia'u i keia la mai a Rev. E. Johnson mai he Iwakalua dala ($20) I manawaleia mai e na kanaka maoli. a me na haole o Hanalei, no ka Halemai o ka Moi wahine.

C. R. Bishop.

Puuku o ka Halemai o ka Moiwahine.

Honolulu, Maraki, 9, 1864.

Olelo Hoolaha

E KUAI KUDALAIA ANA 8 LIO,

4 Kekake, 1 Bipi, i ka Poakahi, la 14 o Maraki, i ka hora 12 o ke awakea. He mau Lio hou mai kekahi. Ke ano me ka hao malalo nei: Ma ka Pa Aupuni

Ma Pauoa,

Ma ka Poakahi, la 14.

1 lio kane eleele, ma ka ai ka hao S, hema U.

1 " puakea, hilo hema B.

1 " hulupala ano puakea, hao ano e.

1 " ulaula, aole ike ia o ka hao.

1 " eleele, hao ano e.

1 Lio wahine ulaula. aole akaka pono o ka hao.

1 " eleele, hao akau PN5, hao hema ano e.

1 " ulaula, hao hema LEI.

4 Kekake Kului ole. aole akaka pono o ka hao.

1 Bipi w. kikiko opulepule, me ke keiki w, huo akau K.

Na Lio Hou Mai.

Lio wahine ulaula me ke keiki hao ku hema.

" " keokeo, hao au hema.

" " " hao akau hema.

" kane ulaula, akau k K [ hema.

" " " K akau, J J hema.

" " keokeo, hao NI akau. K H hema.

" " ulaula, hao MP akau.

" " " hao U-(hema.

Hoki wahine eleele, hao manamana ano e.

NPUNAKO, Luna Pa Aupuni.

Pauoa, Maraki 11, 1864

PUBLIC NOTICE.

THE ESTRAY ANIMALS CONFINED in the government pound,

At Pauoa,

Will be sold at public auction, on Monday, Mar. 14, at 12 o'clock, M., 8 horses, 4 donkeys, and a cow. All person interested are hereby notified to attend. The following are the description and brands:

1 Black horse, neck brand S, left U.

1 Cream colored horse, left brand B.

1 Sorrel cream colored horse, brand not describable.

1 Bay horse, brand not describable.

1 Black horse, brand not describable.

1 Bay mare, brand not describable.

1 Black mare, right brand PN5, left brand not describable.

1 Bay mare, left brand LEI.

4 Donkeys, brand not describable.

1 Spotted bramble cow with heffer, right brand K.

The Last Lot.

1 Bay mare with colt, left brand KU.

1 White mare, left brand AU.

1 White mare, right brand @@, left @.

1 White mare, right brand @, left @.

1 Bay horse, right brand @, leit, @.

1 Bay horse, right brand K, left JJ.

1 White horse, right brand N1, left @@.

1 Bay horse, right brand MP.

1 Bay horse, left brand U-(.

1 Mule, braud not describable.

NAPUNAKO, Poand Master.

120 1t*

Pauoa, Mar. 11, 1864

OLELO HOOLAHA.

E KUAI KUDALAIA'NA HE 2 LIO i ka Paokolu la 16 o Maraki, i ka hora 9 o kakahiaka e hiki mai ana. Ke ano o ka hao malalo nei. Ma ka Pa Aupuni,

Ma Waiawa, Ewa, Oahu,

1 Lio wahine lokia, hao akau AII, hema ano e.

1 " kulakoa ulaula, hao akau LL.

J. KAHAUOLONO, Luna Pa Aupuni.

120-1t*

Waiawa, Ewa, Mar. 1, 1864

PUBLIC NOTICE!

THE ESTRAY ANIMALS CONFINED in the Government Pound, at Waiawa, Ewa, Oahu,

Will be sold at public auction, on Wednesday, March 10, at 9 o'clock, A.M., 2 horses. All person interested are hereby notified to attend, The following are the description and brands:

1 Roan mare, right brand HA, left not describable.

1 Calico bay horse, right brand LL.

J. KAHAUOLONO, Pound Master.

120-1t*

Waiawa, Ewa, March 2, 1864

HE OHE PIULA WAI!

KE HAI AKU NEI KA MEA NONA KA inoa malalo, ua makaukau oia e kuai aku i ka poe a pau o keia kulana kauhale i ka

Ohe Piula Wai Maikai Loa,

na oi kona maikai mamua o na Ohe Piula Wai e ae a pau i hiki mai ma keia Pae Aina; a ua hiki no hoi ia ia ke HOOIAIO aku i ka naha ole o ia piula a hala ke Kanalima Makahiki. Ua hiki no hoi ia ia ke hoonoe i na Ohe Wai ma na hale, a me na pa hale o ka poe e makemake ana i Ohe Wai no ko lakou mau wahi. me ka emi a oke kumuai. E hele mai! E hele mai!! E hele mai e ikemaka no oukou iho. Aia ko'u Hale Hana ma ka aoao hikina o ka Hale Kuai o Mika Holo, ma ke Aianui Alii.

J. A. HOPPEER.

120-1m

Honolulu, Maraki 12, 1804

OLELO HOOLAHA HOU,

Bartow a me Sillman,

Ua wehe ae nei na mea nona na inoa maluna i

Halekuai Mea Ai,

oia hoi ka PUAA HAME, ke KAMANO, BARENA, PALAOA, KO, KI, a me na mea no hoi a pau e pili ana i ke ano mea ai, a na makaukau laua e kuai oluolu aku me na kanaka a pau e hele ana i o laua'ia. E hele mai e na makamaka, e ikemaka no oukou iho, Aia ko maua HALEKUAI ma ka aoao komohana o ko Dalamana ma Halekuai, ma ke Alanui Alii.

120-3m

NA KE AUPUNI.

Ua hookohu iho nei ka mea Hanohano Jno. O. Dominis ke Kiaaina o ka Mokupuni o Oahu nei, ia "Thomas Meek," i Luna Pa Holoholona Helehewa, no ka Apana o Waianae.

UA HIKI MAI!

HE HOOLAHA

I na Kanaka a Pau o na

Mokupuni o Hawaii!

AIA KE KUAIIA'KU NEI MA KA HALEKUAI LIILII

Helu 10,

ma ke Alanui Papu, ame ka Ilalekuai KUKAA no hoi ma ka Uapo, Alanui Moiwahine o ka mea nona ka @@@@ mahalo iho, he mau Ano Lole Hou he nui walo no ENRLANI, IRELANI. AMERIKA, ame FARANI mai. E hele nui oukou e nana ia mau mea, a ina e kuia ia i ko oukou makemake, alaila, e olioli no aui i ke kuai aku me oukou i ua mau mea la. E noi aku oukou i ka Halekuai HELU 10, e nana i ka

 Papale Wahine i Hoonani Maikaiia

e hunaia nei, a e ninau pu aku no hoi i ke

Silika Eleele Maikai.

JOHN. THOMAS WATERHONSE.

120-

Honolulu, Mar. 2, 1864

OLELO HOOLAHA

O KA

OIHANA WAIWAI,

KE HOOLAHAIA’KU NEI I KA POE A pau

a ka Waihona Waiwai i Aie aku ai,

i hiki mai ka wa o ka hookaa i ka la 31 Maraki nei, a mamua mai paha. Ua makemakeia ua mau poe la a ka Waihona i aie aku ai, e kikoo mai ma ia manawa, a lole ia, ma ka wa kupouo koke iho.

            O ka poe o na Mokupuni a pau a ka Waihona Waiwai i aie aku ai, e lokomaikai lakou. ma ka hoouna ana mai i ka lakou mau kikoo , i hookaaia'ku ai, ma ka manawa koke mahope iho o ka la i oleloia maluna, i hoonahili oleia'i ka hooponopono ana o na Buke o ia Oihana.

C. DR. VARIGNY.

Kuhina, Faiwai.

120-3t

Honolulu, Naraki 10, 1864.

OLELO HOOLAHA.

I KA POE KALEPA O NA ANO A PAU,

mai hoaie mai oukou i kuu wahine mare

Ia KAHOPUWALE,

no ka mea, ua haaleia kumuole mai keia ia'u, iloko o keia mau malama i kaahope iho nei. Nolaila, i na oukou e hoaie mai ia ia, maluna no o oukou ko oukou poho.

F. C. KAAUKAI.

120-1t*

Wailua, Koolau, Maui, Mar. 2, 1864.

OLELO HOOLAHA.

E IKE AUANEI NA KANAKA A PAU,

na Ilaole, âme na Pake o keia kela keia ano. Owau o ka mea nona ka ino malalo nei, ka hoolaha aku nei au ma ke akea, i ike mai ai kona mau kini a mau mea e ae paha. no kuu wahine mare maoli, oia hoi o.

MRS. KALAOI,

mai hoaie mai oukou ia ia, no ka mea, aole pono o ko maua noho ana, i na e hoaie mai oukou ia ia, ke hai aku nei a'u ia oukou, aole a'u e hookaa ana i koua aie, ma keia hope aku maluna on a ko oukou poho.

G. B. KAILIULAOLE

120-1T*

Honlolulu, Mar. 8, 1864.

OLELO HOOLAUA.

NO KA MEA, UA  NOIIA MAI KA MEA

Hanohano G. M. Robertson, kekahi o na Lunakanawai o ka Aha Kiekie e HOOLEWALANI, no ka hookohu ia ia i luna hooponopono waiwai o Ilawahewanui (k,) i make aku nei: Nolaila, ua hoikeia i na kanaka a pau loa, ke pili. o ka Poanono, oia ka la 90 Aperila, 1864, i ka hora 9 o kakahiaka, oia ka ia a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.

G. W. BORWN.

Kakauolelo kokua o ka Aha Kiekie.

120-2t

Honolulu, Oahu, Mar. 10, 1864.

OLELO HOOLAHA.

E IKE AUANEI NA KANAKA A PAU. NA mea waiwai maloko o ka waiwai o Hinawale, no Honolulu, Oahu, i make aku nei, o ka pue i aeia, o ka poe pili kino, a pili paha ma kahi ano e ae, na lakou e hele mai a e hoike mai ia lakou iho, imua o ka Mea Hanohano G. M. Robertson, kekahi Lunakanawai o ka Aha Kiekie, ma ka Hale Hookolokolo i ke kulapakauhale o Honolulu, i ka Poaha, oia ka la 24 o Maraki e hiki mai ana. i ka hora 10 o kakahiaka. Ia manawa e hooponopono ia ka moo waiwai a James F. Chapman me Kawahamaalea na Luna Hooponopono Waiwai a ka mea i make a e hoike mai i kau wahi kumu, ina paha he kumu oiaio kona i ole e hookoia ua moo waiwai ia, a e hoopauia ka oihana a ua hooponopono waiwai la.

G. W. BROWN,

Kakauolelo kokua o ka Aha Kiekie.

120-2t

Honolulu, Oahu, Mar. 5, 1864.

OLELO HOOLAHA.

NO KA MEA. UA NOIIA MAI KA MEA Hanohano G. M. Roberst@oa, ka Lunakanawai o ka Aha Kiekie e KAHOLI (w,) e hookohu ia ia i Luna Hooponopono Waiwai o MAKAILUUWAI k, no Honolulu, Oahu, i ma ke aku nei Nolaila, ua hoikeia i na kanaka a pau loa, ke pili o ka Poakahi, oia ka la 18 o Aperila, 1864, i ka hora 9 o kakahiaka, oia ka la a me ka hora i oleloia ne ka hoolohe i ka oiaio, aia ma ka Hale Hookolokolo ma Honolulu, Oahu.

G. W. BROWN.

Kakauolelo kokua o ka Aha Kiekie.

Honolulu, Maraki 3, 1864.

OLELO HOOLAHA.

UA KOHOIA KA MEA NONA KA INOA malalo C. F. HART, L. K.- Ap. 3 o Kona, Hawaii, i Luna Hooponopono Waiwai no Manunu i make aku ma Kaawaloa, Kona Hema, Hawaii. Nolaila. ke kauohaia'ku nei ma mea a pau i AIE ia ia, ame ka poe ana i aie aku ai, e hoike mai, a e hookaa hoi e like me ke kuleana o kela aine keia; maloko o na la he kanaono mai keia la aku i kauia malalo, a e lona no au ma Kahauloa, ame Kawanui, Kona, Hawaii.

MRS. ULAMEALANI.

119-2t*

Kahauloa, Kona, Hawaii, Feb. 20, 1864.

OLELO HOOLAHA

NO KA MEA. UA NONOIIA MAI AU S. L. Austin, kekahi o na Lunakanawai Kaapuni o Hawaii, e J. W. KEKAHIKO, ka Luna Hooponopono Waiwai o Umi, e haawi aku i ia no ka hoolohe ana i kana moowaiwai hope loa no Umi, o Laupahoehoe, Hilo, Hawaii. Nolaila, e ike auanei na kanaka a pau loa, ke pili, o ka la i o Aperila, 1864, i ka hora 9 o kakahiaka, oia ka la a me ka hora oleloia no na hoolohe ana i keia hana, me na mea a pau i hoolohe ana i keia hana, me na mea a pau i hooleia a i aponoia.

S. L. AUSTIN, Lunakanawai Kaapuni.

119-2t.

Onomu, Hilo, Feb. 1864.

OLELO HOOLAHA.

NO KA MEA, UA NOIIA MAI KA MEA Hanohano E. H. Allen, kekahi o na Lunakanawai o ka Aha Kiekie e KAUMAKA (w,) e hookohu ia ia i Luna Hooponopono Waiwai o Keliinui (k,) no Keawaula, Waianae, Oahu, i make aku nei: Nolaila, ua hoikeia i na kanaka a pau loa, ke pili, o ka Poaono, oia ka la 28 o Maraki, 1864, i ka hora 9 o kakahiaka, oia ka la a me ka hora i oleloia no ka hoolohe i ka oiaio, aia ma ka Hale Hookolokolo ma Honolulu, Oahu.

G. W. BROWN,

Kakauolelo Kokua o ka Aha Kiekie.

119-2t.

Honolulu, Oahu, Mar. 1, 1864.

OLELO HOOLAHA.

NO KA MEA, UA NOIIA MAI KA MEA Hanohano G. M. Robertson, ka Lunakanawai o ka Aha Kiekie e KAUALUA (w,) e hookohu ia ia i Luna Hooponopono Waiwai no NAALA k, no Waialua, Oahu, i make aku nei: Nolaila, ua hoikeia i na kanaka a pau loa, ke pili o ka Poaono, oia ka la 9 o Aperila, 1864, i ka hora 9 o kakahiaka, oia ka ia a me ka hora i oleloia no ka hoolohe i ka oiaio, aia ma ka Hale Hookolokolo ma Honolulu, Oahu.

G. W. BROWN,

Kakauolelo kokua o ka Aha Kiekie.

119-2t.

Honolulu, Oahu, Maraki 2, 1864.

OLELO HOOLAHA.

NO KA MEA. UA NOIIA MAI KA MEA Hanohano G. M. Robertson, ka Lunakanawai o ka Aha Kiekie e NAPOE (k,) e hookohu ia ia i Luna Hooponopono Waiwai o HULU, no Waialua, Oahu, i make aku nei: Nolaila, ua hoikeia i na kanaka a pau loa, ke pili, o ka Poaono, oia ka la 9 o Aperila, 1864, i ka hora 9 o kakahiaka, oia ka la a me ka hora i oleloia no ka hoolohe i ka oiaio, aia ma ka Hale Hookolokolo ma Honoluu, Oahu.

G. W. BROWN,

Kakauolelo Kokua o ka Aha Kiekie.

119-2t.

Honolulu, Oahu, Maraki 2, 1864.

OLELO HOOLAHA.

E IKE AUANEI NA KANAKA a pau loa, o maua o na mea nona na inoa malalo nei. Ke kauoha aku nei maua, e kii mai i ko lakou mau holoholona maluna o ka aina i kapaia o

MAKUA, KAHANAIKI,

a me ka hapa o

Keawaula,

mamua o ka hiki ana mai o ka la 12 o Maraki, 1864. Nolaila, e wiki oukou, no ka mea, in a aole e kiiia mamua o ka la i olelo ia maluna, alaila, e laweia no ma ka Pa Aupuni.

J. BOOTH & CO.

118-3t.

Makua, Feb. 12, 1864.

OLELO HOOLAHA.

E IKE MAI AUANEI NA MEA A PAU o kela ano keia ano, ke nana mai lakou i keia Olelo Hoolaha, owau o ka mea nona ka inoa malalo nei. Ke hookapu loa nei au i ko'u mau Aina Kuai, ia Kualana, Mahiu la, Awakee, Maniniowali, Kukioki, ame Kukionui,

Ma Kona A., Hawaii!

Ke papa aku nei au i na mea holoholona, Lio, Bipi, Hoki, Kekake, Hipa, kao; aole e hele wale ma ko'u mau Aina Kuai i haiia ae la maluna, i na o ka mea hookuli i keia olelo papa a'u, a loaa kekahi o na holoholona i hoikeia maluna e hele wale ana maluna o ko'u mau Aina Kuai, e uku no hookahi dala ($1 00) no ke poo hookahi. Eia hoi, i na kanaka e makemake ana i ka Papipi, Launlu, ame ka Lauhala, he hapalua dala ($0 50) no ka makahiki hookahi, no ka Iiao o Kukio, he elima dala ($5 00) i ka makahiki hookahi. E ilio keia i Kanawai paaloa mai ka la e puka ae ai ma ka Nupepa Kuokoa.

NOA HOPULAAU.

119-1m.

Makalawena, Kona Akau, Hawaii.

OLELO HOOLAHA.

E IKE AUANEI NA KANAKA a pau, owau o ka mea nona ka inoa malalo nei. Ke papa aku nei au i na Kanaka maoli. Haole, Pake, ame kela ano keia ano kanaka. Ua malu loa ka I-A Hoomalu ma kuu kai

Ma Kaeo, Honuaula, Maui,

oia hoi ke Kule, ame na ia a pau malalo iho ona, e hoomaka ana mai na HUNA, a POOKAHI, mai ka pali kahakai, hookahi mile mawaho. Ina i kue kekahi i keia mau olelo haiia ae la maluna, na kuu Luna no e hopu, e uku no i hookahi dala ($1 00,) ina i hooleia mai keia uku, ulaila, e hana no e like me ke Kanawai.

MAHOE,

Hope Luna, KANEIHOLANI.

119-2t*

Honuaula, Maui, Feb. 26, 1864.

OLELO HOOLAHA.

EIA KE WAIHO NEI HE EHA (4) WALE NO

Huila Humuhumu Maikai Loa!

E kuaiia'ku ana e na mea nona na inoa malalo. Kupono uo na ohana aohe men i pakela ae mamua o keia, a e mahalo ana no ka poe kuai i keia mea, i ka maikai. He $36.00 WALE NO KE KUMUKUAI.

C. BREWER & Co., (Burua ma.)

113-3t

HALE NU HOU!

MA KA MOKU "ARCTIC" E HIKI mai ana mai BOSETONA mui, e loaa ana ia makou, a e kukuluia'na a kuai koke aku, ma ke kuui maoli, a i ole ia, ma ke Kudala aku.

He Ekolu Hale Nu Hou!

A ME NEI KO LAKOU ANO:

NO. 2. HE HALE NOHO ME NA Lanai he 12x20 kapuai o kekahi a me kekahi.

NO. 9. HE HALE NOHO NO NA Aina Mahiko, a me ka NOHO ANA O KUAAINA, he ekolu rumi maloko he 12x20 kapuai ka nui, me ka hooliloia i eha (4) rumi i hiki ka nui i ka 10x12 kapuai.

NO. 11. HE HALE NOHO. UA maikai kona kii, a nani no hoi ka hanala'na, a paha, he eha (4) rumi i hiki ka nui i ka 12x16 kapuai pakahi. A ua hiki no hoi i mau rumi ke okomo houia i mau paku, i loaa ai o na mau numi hou. A he Lanai maikai ma ke alo a me ke kua, a ua hoonani a maikai loa.

            No ka moakaka loa o ka hanala ana o keia mau hale, nolaila, ua hiki i na kanaka ekolu i ike ole i keia mea he Kamana, ke kukulu iloko O NA LA EKOLU, a me ia no hoi i ka wehewehe ana, ke manao e lawe ma kahi e aku e kukulu ai, me ka kuai hou ole aku i mea e kapili ai.

            He Laau Paina maikai ka laau i hanaia'i o na mau hale nei, a no ka pili pono loa o ka hana ana, a me ka hoopiliia ana o na wahi a pau, nolaila, ua hiki ke kukulu, a ke wehewehe hou, me ka pilikia ole.

            Ke konoia'kn nei ka lehulehu e hoomaopono mai i keia mau HALE MAIKAI, a o ikeia no ke kii o ia mau hale ma ko makou Keena Kalepa, a o ka poe e kauoha mai ana i hale, ilaila no e kauoha mai ai. Peia ke ano hale ma Inia Hikina, ma na aina mahiai, a ua mahalo nuiia no.

C. BREWER & CO., (Burua ma.)

118-3t.

E MAKAALA!

OWAU

O KAMUELA,

KA HOA KUAI O NA

KANAKA HAWAII,

NONA KA HALE KUAI PAPA MAUKA iho o ka

Hale Hookolokolo ma Honolulu. Ke hai aku nei au i oukou, he mau la ku wale no keia o kuu moku papa,

"CONSTITUTION!"

a ke ku mai oia, e loaa ana ia'u na

LAKO KAPILI HALE

o kela ano, keia ano.

EIA NO KE WAIHO NEI.

NA:

PAPA O KELA ANO, KEIA ANO.

LAAU HALE, o kela ano, keia ano.

PILI HALE,

PINE,

AAHO,

KEPA,

PANI PUKA,

PUKA ANIANI,

OLEPELEPE,

KUI,

PENA,

AILA PENA.

WAI HOOMALOO PENA.

IA MEA AKU, IA MEA AKU.

            Ua makaukau au e kuai aku me ka oluolu i keia mau mea, a no ka maopopo no paha ia oukou he Keiki Kamaaina au, he hiki ia oukou e ka Lahui

Mai Hawaii a Niihau,

ke kipa mai i o'u nei. E hii ana no na moku papa o'u i na manawa a pau, a hoolako mau ia'u. he mea mau i na poe o ka hiki mai i ka haanui, a me ka kaena. A he mau Luna kekahi i hoonoho ia e lakou e alako ana i ka poe maikai, me he lawehala la. Aka, he hiki ole ia'u ke hana pela, o ko'u ano no ka oukou e imi mai a loaa, maopopo no na hana a kakou, no ka mea, o ko Hawaii nei kupa iho la no ia o ko oukou makamaka.

KAMUELA, (Kaikaina o Kimo Pelekane.)

113-8m

Honolulu, Ian. 22, 1864.

KA MOKUAHI

KIALI'A

"ANNIE LAURIE,"

E HAALELE ANA IA HONOLULU- I KELA POAONO KEIA POAONO.

(A hiki i ka paa hou ana o "KILAUKEA.")

I KA HAPALUA O KA HORA I AHIAHI

NO

LAHAINA,

ULUPALAKUA,

KAWAIHAE,

a me KONA.

Ku hou ma Honolulu i ka Poaono.

JANION, GREEN & CA.

L. II. A. H. M.

@@-@@

Honolulu, Aug. 29, 1863.

He pono i na po e hooili ana i na ukana ke hoomaopopo iho, e uku ia ka uku moku i ka wa laweia mai o ka ukana.

UA NEE AE!

O JAMES P. SHIELDS,

Mea Hana Noho Lio.

KE HAI AKU NEI ME ka mahalo i ka lehulehu, ua hoonee ae oia i kona HALE HANA ma ka Alanui Alii, e pili la me ka Hale Lole Bipi o City Market, 2 puka mai ka Halekuai aku o Daimanua, Aia malaila oia i hoomakaukau ai e kuai aku me ka ma ko’u wahi na ANO NOHO LIO A PAU, me na HOOKANI KAA, ame na ILI-KAA; a aia no hoi malaila na

Huipa, Pahu III,

Eke Lole, Palaki Lio,

Kahi Lio, & c., & c.

119-3t

J. P. HUGHES.

MEA HANA NOHO LIO!

AIA MA KA HALE KUAI O KA MEA nona ka inoa maluna nei. he Noholio Pelekane a he Noholio Meleka. a me na Noholio Wahine, e na @@@, @@ @@@@ Paniolo Nu Hou.

No Ilao Waha a me na Kepa o na ano a pau,

Na Kaulawaha, a me na mea e pono ka iio,

Na Iii Kauo o na ano a pau,

Na Ilao Keehi,

Na Palaki Lio,

Na Kahi Lio,

Na Eke Ill,

Na Kuipo,

A me na mea e ae a pau loa e pili ana i na Lio a me na Kaaholu, a e kuai ana no ia mau mea,

NO KE KUMUKUAI MAKEPONO LOA!

Aia no ke waiho mau nei malaila na Pela Manu.

O na Pela Pulu. na Pela Huha a me Pela Uwana. E hauaia no e like me ka mea i kauohala mai.

Ua hanaia no na Kaa Lealea me ka maikai loa, a me ka makepono hoi.

Ua hana hou ia na mea a pau e pili ana i ka’u oihana me ka maikai.

E malama pono ia no na mea a pau i kauohala mai e pili ana i ka'u oihana. E loaa no wau ia oukou ma Mooikahaae ma ke kihi o ke Alanui Hokole a me ke Alanui Papa.

J. P. HUOHKA.

100-1y.

Honolulu, Sept. 17, 1862

OLELO HOOLAHA

I NA KANAKA HAWAII!

Makai iho o AIGUPITA

Ma hope iho o ka Pa O MAHUKA!

KA

PA KUAI PAPA

O

LEWERS & DICKSON,

MALAILA E LOAA AI NA PAPA O KELA ano keia ano me ka kumukuai makepono oe, nolaila, o nane mai oukou o ike. ka oiaio o keia leo paipa. a oukou e na makamaka Hawaii.

NA PAPA OLEGONA,

LAAU HALE A ME NA POU.

LAAU KAOLA A ME NA PINE PA.

LAAU AAHO HALE PILI MAOLI

PAPA ULAULA, PAPA PAINA,

PAPA KEPA A ME KA AAHO,

PILI ULAULA A ME KE KEOKEO.

Eia ka mea

KUPANAHA

Me kaia hale-maanei i wiliia'i ka

PALAOA a ma ka HANA PAHU

e like loa me ko

ULAKOHEO

mamua, i kona wa e kau'ana, aole i puu i ke ahi mamua; nolaila, e naue mai e makaikai.

Na Pena Keokeo a me ka Omaomao,

Na Pena Ulaula a me ka Eleele,

Poho, Kolu, Hulu Pena,

KUI o na ano a pau,

LAKA o na ano a pau,

Ami, Kilou, Kui kakai moena,

Kui Nao,

Pani Hale,

Pani Aniani, Pake,

Aniani kaawale,

Pani Olapolepe.

A PELA WALE AKU.

Aole o maua hoolimalima i poe e koi aku i na kanaka e kuai mai ma ko maua wahi; aka, he hilinai no maua ma kea no @@kai o ka maua mau maa kuai, a me ke kumukuai o ka @papa, me ka malama pono hoi i ka maua oihana iho, i @@@ ia mai ai ka pomaikai, i loaa mau ia maua @ aku nei.

Honolulu, Ianuari 23, 1864.  113-@