Ka Nupepa Kuokoa, Volume III, Number 6, 6 Pepeluali 1864 — Kai ka haohao. [ARTICLE]

Kai ka haohao.

E ka Nupepa Kuokoa e ; —Aloha kaua : Ma kou Helu ŪI. aoao 3, ua hoopuka mai oe i kekahi manao i oleloia na ko Waialua, e piii ana i ke aloha i ka Moi Wahine kane make, ia Emma. Ke haohao nei makou na makaainana o Waialua, aole pela ka hakuia ana o na olelo o ka makou palapala, i heluheluia mai ai e kekahi o na Komite a makou i koho ai, oia 0 J. W. Keawehunahala. I ka nana ,iho, na ka noonoo o ke poo hookahi, aole o ka makou i hooholo ai me ke kau ana o na lima iluna, a he like loa me ko Koolauloa ka hanaia ana. OW. C. Lane kekahi o ia mau Komite, nolaila, ua maopoao, aole o ka makou palapala keia, aole o Lane kekahi i ka halawai ana, aole no hoi makoa i koho aku ia ia. I ka lono ana mai, na ka makou mea mahaloia J. M. Kalanipoo, i hana hou ; a nana 1 kakau i ko J. H. Kaakua inoa, a na J. B. Nr i kakau 1 ko Kaiaikawaha.

Ekolu a makou palapala i holo mua ; oia hoi, "O ke aloha no ka Moi make. Oke aloha no Emmaka Moi Wahine kane make. O ka mahalo a me ka olioli no ka Makua Moi hou." A mahope no ke Kuhina Nui, a me ka Puuku oke Alii Moi. Aole nae kekahi o ia mau palapala. I lono Koiuiu ! Na* Waialua. Oaha. lanuari 21 A. D. 1864.