Ka Nupepa Kuokoa, Volume III, Number 6, 6 February 1864 — Page 2
| This text was transcribed by: | Fallon |
| This work is dedicated to: | Queen Emma |
Ka Nupepa Kuokoa
KE KILOHANA POOKELA NO KA LAHUI HAWAII.
Na Palapala.
Auhea ka OiaiO?
Auhea oukou e na kini makamaka, e noho ana malalo iho o ka malu ulu mahiehie o ka lahui Hawaii nei, ame ka pono kau like o ke Kumukanawai i hanaia e ka Moi Ilihia Kamehameha III; aloha oukou. Aole o'u manae e hoeueu hou ae i ke ana kau malie o ko'u hapa pulima, a e kau hou iho ma keia kukulu manao ana, aka hoi, no ka hou ana mai nei a ka nalo hope eha ma kuu iwi hilo, holo ka maeele i ke kuapoi o ka iwi huamoa, a panapanau na aa makalii e moe ana ma ka aoao hema o ka puuwai, a makaukau ka Luna nui e noho ana iloko o ko ke kanaka kino holookoa e pane aku ma ke akea, no nei mau hua e kau ae nei maluna.
Aia ma ka Helu I o ke Kuokoa, Buke III, o ka la 2 o lanuari, M. H. 1864, ua ike au i na manao o J. P. E. Kauwilanai, e opu keemoa ana no ka mea a'u i ninau ai ma ka Helu 108 o ke Kuokoa, o ka la 19 o Dekemaba, M. H. 1863, no ka mea, i oiaio o na mea i hoikeia e D. W. P. K., ame S. C. P., no kekahi o na Hokahele, o Naholoholo ka inoa. O kana pane mua, no kuu kuhi kalaikii i Honokohau, i hea la ka ka pono, i Mokuhooniki ka paha ae, kella moku a-u i ke kai? Ina i ninau mai oe i ke kumu o kuu kakau ana ilaila, ina la au pono loa, aka, aole nae pela. Pehea o Wini e pai nei i na Buke ma kona Halepai Palapala, oiai he haole oia no na aina e, kakau anei oia i Amerika no kahi i paiia'i oia Buke? Aole loa, ma kahi ana i noho ai, malaila no e kau ai? Aole hoi anei pela au i kakau ai? Oiai au noho au malaila i kekahi mau la. No kou lalau ma ia pane ana, ke waiho nei au ia oe malaila me kou kuhihewa.
Ma ka lua o na olelo kanokano a ke hoa, "Aole no ka ike ole ke kumu o ka ninau, he kalohe maoli no." Akahi no au a ike i ka hooliloia o ka ninau maikai i imi ia i na la he nui, a au holo i ka mano he maikai, he mea kalohe ka ia, ina ua kalohe ia ninau a ke hoa? alaila, ua kalohe ka ninau a ka mea Kiekie Loa, nana oe i hana, i ninau ai ia Adamu ma ka mahinaai o Edena, oiai hoi ua ike ia ia Adamu, oiai oia e noho ana malalo o ka malumalu o na laau, a ninau no nae, "Auhea oe e Adamu?" Ina ua kalohe ia ninau la, alaila, ua kalohe io ka ninau a ua hoa nei. No ka pili ole oia mea au i kuu manao oiaio maoli, nolaila, e noho hou iho oe me kau ninau kalohe.
No ka nui o na mea pili ole au i hai mai ai i kuu ninau maikai, i lawaluia hoi me ka lau-i, i hakuia hoi me ka hulu mamo o ka O-o kani kua mauna o Halona, a uhola ia aku ma ke kahua palahalaha o ke Kukoa, ua waiho aku au ia mau mea lalau au e ka hoa. Aole i pili ia ninau ana au i ke kalohe, i lohe oe e ke hoa, oiai aole i ike, a i hoomaopopo i na mea e pili ana i ka lewa, a nuu o ka lewa, au i pane mai ai he hoa pelu kua; no kou mano ana nae paha eia au i ke kaiaulu, i nou mai ai oe i ka poka hua nui o Moho la ea? i loaa kau mea e kakau ai ma ke Kuokoa.
Nolaila, e ahonui oe e ka Luna Hooponopono i ka hai aku imua o ka lehulehu no keia mea, o manao mai auanei ka lehulehu a me J. P. E. K, ua kalohe io au ma keia kakau manao ana. Me ke aloha
P. A. KALALAUPUNAAKEONAONA
Lahainaluna, Ian. 12, 1864
Pilikia! Pilikia mai nei hoi!!
I KA NUPEPA KUIKOA E: ALOHA PU KAUA.
E hai aku oe i ko kaua mau makamaka puni naauao e hono ana ma na palena mai Hawaii moku nui o Keawe, a hiki aku i Kauai o Manokalanipo, a i ke poo o ke Aupuni, kekahi, no ka hana a ko makou Lunaauhau.
Ma keia makahiki i hala iho nei, ua kuahaua ae ko makou Lunaauhau una makai o keia apana e huli ina aholonolona i hunaia, me ka olelo aku i $1.50 no ke poo pakahi no kela a no keia holoholona e loaa ai. A au huli iho ka makai, ua loaa kekahi poe ma ia ano me ka uku aku elike me ka olelo a ka Lunaauhau, ma keia mea, haawi aku he kanaka i hookahi dala, hoole mai la ka makai, aia no i hookahi dala me ka hapalua, alaila haawi aku la no elike me ke koi ana, alaila au nui ka pilikia o kekahi poe, no ka loaa ole kekahi o ka hapalua.
Ma ka la Monede mua iho nei o lanuari, ua kauoha hou iho no ua Lunaauhau nei, me ka olelo hou aku i elua dala ($2.00) no ka holoholona e loaa i keia manawa, nolaila ke hana nei pela na makai, me ke koi aku i kela mea holoholona a keia mea holoholona.
Nolaila, ua hoolaha hou iho ka Luna auhau he wahi Olelo Hoolaha, me ka olelo iho, ina e hookaa ole mai na mea holoholona in a dala elua, alaila e hopu na makai i ua mau holoholona nei, a e kudala aku.
Ma keia mea, ke ninau nei au, he pono no anei keia hana a ko makou Lunaauhau na na makai e huli ina holoholona i hunaia? Ina e loaa e hoouku aku i hookahi dala me hapalua me ke kau aku i elua dala hou?
Pela ka manao ninau aku, e pono no ke kokua mai ka poe naauao, no keia hana a ko makou pilikia i ka Lunaauhau.
S. B. MALUULU.
Manuhale Kau. Ianuari, 11 1864.
Kai ka haohao.
E KA NUPEPA KUOKOA E; -ALOHA KAUA:
Ma kou Helu III. aoao 3, ua hoopuka mai oe i kekahi manao i oleloia na ko Wailua, e pili ana i ke aloha i ka Moi Wahine kane make, ia Emma.
Ke haohao nei makou na makaainana o Waialua, aole pela ka hakuia ana o na olelo o ka makou palapala, i heluheluia mai ai e kekahi o na Komite a makou i koho ai, oia o J. W. Keawehunahala.
I ka nana iho, na ka noonoo o ke poo hookahi, aole o ka makou i hooholo ai me ke kau ana o na lima iluna a he ike loa me ko Koolauloa ka hanaia ana. O. W. C Lane kekahi o ia mau Komite, nolaila, ua maopoao, aole o ka makou palapala keia, aole o Lane kekahi i ka halawai ana, aole no hoi makou i koho aku ia ia.
I ka lono ana mai, na ka makou mea mahaloia J. M. Kalanipoo, i hana hou; a nana i kakau i ko J. H. Kaakua inoa, a na J. B. N. i kakau i ko Kaiaikawaha.
Ekolu a makou palapala i holo mua; oia hoi, "O ke aloha no ka Moi make. Oke aloha no Emma ka Moi Wahine kane make. O ka mahalo a me ka olioli no ka Makua Moi hou." A mahope no ke Kuhina Nui, a me ka Puuku o ke Alii Moi. Aole nae kekahi o ia mau palapala. I lono Koiuiu!
Na WAIALUA.
Oha. Ianuari 21 A. D. 1864.
Ua puiwa o S. D. Keolanui.
E KA NUPEPA KUOKOA E; Aloha oe:-E hai ae oe i ko'u aloha ia S. D. Keolanui, ka mea nona na lehelehe i hele a haukeke i ka hau o Kaala, i kuululu na maka i ka lokua e ka ua o Nuuanu, i kuululu i ka nokea e ka ua Haao, i maeele ka nuku i ke kaiehuia e ka makani he Malua, pa mai i ko lae, hele kela a nienie, aohe uhi alu o ka puniu, a ke hele la kela a nui ke poo i ke ku-o-e hele i ka Netna.
I ka wa i hi-o ae ai ka poepoe o ka mahina maluna o na palalake o kuu aina haaheo nei, hiki mai la ka lono no kau mau olelo pikua i paiia ma ka Helu 108 o ke Kuokoa, ia oe i kuhikuhi mai nei i na olelo uso olelo, a kohu ole no hoi. Me kou manao paha o na olelo o ia ano ka mea e pilikia ai kou hoa kamailio nupepa, ke hai aku nei au ia oe, aole oia ka mea e pilikia ai, aia ka mea e pilikia'i o kou pani mai i na mea i pane ia aku, a ina na nele au i ka pane pololei, alaila, pili paha ia'u ka laau a Kekuaokalani, aka hoi, e lawe oe ia laau nau.
Ke hoolalau wale ae la no ua pinao hookui puka aniani nei o Kaumakapili, ma ka inoa "Kekaula," no kuu kakau pololei ana ku nei paha ia Kekaula, ina paha o Kekaulamalino, ina la paha aole kela e hoolalau malaila, a e manao ana paha oe e ua pinao nei i hookui a kole ka lae, e pilikia ana au malaila; aka, in a ua pilikia kuu inoa i ke kaula o na kaula au i hai ae nei, alaila, e pilikia oe o kaua, penei, e kii ka ilihau o Halawa, i mea ko no ko hau, ke pili no nae ia ia, a Kaulamalino, kuu inoa, a penei ka helu o ia mea, "o Kekaulamalino mai keia nana e u-u a paa."
Ke hoohalahala mai nei ua Piula amo pai nei, no kuu haina, penei, "o loko koe." A penei ka paha ka pono i kona manao, "o waho koe," ae, oia hoi, aia a komo mai me na paa silika nani, oia ka poe pono i ko S. D. Keolanui manao, a au kupono hoi ia poe ke hele i ka Ahaolelo kau Kanawai, me ka nele nae oloko i na manao kupono. Ma ke kuhikuhi nae a ua Piula amo pai nei ke mea mai nei ma ka puku 77 o ne Kumukanawai o ka M. H. 1852, ina pela kou manao, alaila, ua kulike ko'u me kou. O ka pupule, o ka hupu, o ka ike ole i ka heluhelu, me ke kakau lima a ua hihia hoi ma ke Karaima nui ma ka hookolokolo ana, a pehea kou manao ia poe? Aia anei mawaho ia mau pilikia, a ua like anei ia mau mea me ke kahiko (meeau,) ka pili wale no mawaho? Aole anei noloko mai ia mau lea? i ko'u manao, noloko mai no ia mau mea, a ua haule hoi oe S. D. Keolanui i loko o manao hawawa loa.
Ke mea mai nei oe no ka manao o ke kanaka ohule, e hooikaika i kou balota, ua hewa ka paha ka ohule ke lawe balota, a ke hooikaika hoi? A eia ka paha ka pono o ke kanaka kina ole, oia wale no ka poe pono ke lawe i kou balota. I makapaa no ka paha oe ia P. K., i olelo ai oe ia ia e hooikaika, a pela no hoi oe ia J. J. Kahalewai? Ua ane hewa paha auanei ko mau Luna balota, i ka haawi i ka ohule, makapaa, alaala, a pela aku? Naaupo wale ua Lunamakaaina ole wale nei.
Ua loaa hou keia mau mea makemake e hooikaika i kou balota, o Nahokeo, o Mañana, o ke kumu o ko laua makemake e hooikaika i kou balota i ko ko laua makemake oia hoi, o ka lawe o kela ame keia kanaka i na wahine ana i manao ai, e like me oe i kamailio iho nei. A o kekahi hoi, i loaa ona mau aina nou, ke loaa mai ke dala o ka L. M., kuai ae ia Kahua, ame Kapakai; aole hoi o na aina i Oahu, ua lilo mua no ia ia oe i ke kau balota o ka M. H. 1862.
Aole no au e kamailio aku ma na mea e ae au, he mau olelo ma ka pupule, he ohikui, he kohu ole. "E hele oe ma Ewa, he Sidane kou moku." Me ka aloha no ia oe.
E. KEKAULANALINO.
Kohala, Ian 8, 1864.
Hoike Kula ma Waimea, Hawaii.
E KA NUPEPA KUOKOA E; E lulu lima ke aloha. E oluolu paha oe ke hookomo iho i ka'u wahi ukana, ma kahi kaawale o kou kino nui, no ka mea hoi, ua ike lea au i kou hoomanawanui, i ke amo ana i na ukana he lehulehu wale a ka poe noiau, ua kupa hoi o Waimea nei, ame ka poe e ae. Nolaila, ka oili kauaheahe ana mai o ka olioli, e haaloku ana ma ko'u puuwai aloha no na hana luaole a na Kumu i ao aku ai i na haumana, ma Waimea nei, ma ka la 24 or Dekemaba iho nei. Ua hoike huiia na Kula elua, o ke Kula ma Uhu, ame ke Kula ma Waikoloa, ma ka luakini o Imiola. O ka loihi o keia hoike ana, elua la.
Penei na hana ma ka hora 10 o ke kakahiaka, o ka la i hoikeia ela maluna. Ua hoomakaia na hana, pule a pau, he himeni ka hana mua, a pau ia, hoikeia na mea e ae, heluhelu buke, Huinahelu, Helunaau, Helukamalii, &c. I ka nana'ku i ka poe makaikai a pau, he mahalo wale no ka mea i puka ae ma ka waha, me ka olelo ana, "he keu aku a ka holo, ka ua mea o ke akamai o na haumana," ke kuhi nei au, ua pau aela la hoi ka nani, aole ka! I nana'ku ka hana e ku mai ana ka Piano malalo mai o ka awai, a e hele ae ana na kaikamahine a Rev. L. Laiana a ku lalaila, hookani kekahi i ka Piano, a himeni no hoi kekahi. Ma ka nana'ku, me he leo manu la ka uhene uhene lua iloko o na pepeiao, ka ua mea o ka maikai, ka hana hoi a ka naauao, a pau ia, hoomakaia ke kaua mawaena o na kipi ame ka Akau, me he kaua maoli la no ka hana ana, a i ka hoomaka ana o na aoao elua i ke kaua, pau aku la na koa o ka aoao kipi i ka hina ilalo, a huro nui aela ko ka hale i ka ua mea o ka olioli, i ka maikai o ka hana ana.
Eia kekahi mea hou ia'u ma ia ike ana, o ka nui launa ole mai o na kanaka makaikai, ua hele mai ka poe ui, puukani o ka aina nei, a hiki loa i na hapauea; a ma ia po ana iho, he wahi ana na Mrs. Laiana, ame na kaikamahine pu. E hui ana no na Kula a elua ma keia hana, ua hoomakaia keia hana ma ka hora 7 o ka po, a ma ka hora 9 ka pau ana.
Penei na hana malaila: I ko makou hiki ana aku ma au keena hana la, e ku ana kekahi laau uliuli au puni i na hua momona he nui wale, o kela ano keia ano. O keia mau hua e hoopuni ana i ka laau, he mau mea makana i na haumana. O ke ano o keia mau hua, he mau mea ai, a o kekahi ke kahi oho, lei a-i, kumukila, penikala, pela kui, a he Baibala kekahi, oia ka hua nui loa o ua laau la, he Baibala maikai loa keia, nono paha na dala elima a oi aku. Ua makana wale ia mai keia mau mea a pau.
Nolaila, i ka nana aku i keia mau hana a ua mau makua nei o kakou, he nuhou ia, he nani, a he kamahao, oiai aole hoi au i ike i keia hana mamua aku, a hiki wale i keia po a'u e kamailio nei. O na makua kekahi k hele mai e ike ma au wahi keena nei. Ua hele a kupilikii o loko, a ma ia wa no, hoomanao ike mai la au i kekahi wahi mele a ka pe Oli, penei: "Holo ka wela ka hahana i ke kula o Kalauao," ka ua ema o ka wela.
A ma ka la 25 ae, hoike hou. O na palapala ma keia hoike ana, ma ka Baibala, na Lira kamalii, ame na himeni o na kanaka makua. Ma keia la, ua nui na himeni ame na pauku paanaau a na haumana, a he Himeni Kanikau kekahi no ka Moi Iolani, ka Lani Nui i hele aku la. A pau ia, hoomaka hou ia ke kaua mawaena o Apoluana ame Karistiano, ma keia kaua ana, au lanakila o Karistiano, e lele aku la o Apoluna, huro hou aela ko ka hale i ka olioli, o ka hana hope loa keia, alaila, ku mai la na Komite a hoike mai la i ko laua manao, he mau kupa no ma Waimea nei, e mahalo ana, me ka olelo mai, "akahi no a ikeia ma keia hoike Kula ma Waimea, ka holo o ka ike, ame ka nui o na hana, ame ka nani o ka hoike ana." Ua oki au maanei. Ke hoi nei au e luu i kahi wai o Imoku, ua hahana ka wela o ka aina. Me ke aloha, K. K. ADAMU.
Waimea, Hawaii, Ian, 2, 1864.
OLELO HOOLAHA.
O KA MEA NONA KA INOA MALALO uei, ua hookohuia e ka Aha Hookolokolo, i Luna Hooko no ke Kauoha Hope a Kaikaiaulii w., no Houoluolu, Oahu. I make aku nei: Nolaila, ke kauohaia'ku nei na mea a pau, i aie mai i au o Kaikainalii nei. E hookaa koke mai a o na mea hoi a pau ana i aie aku ai, e hoike koke mai lakou mamua o ka pau aha o na mahhina ekolu, mai keia manawa aku.
J. O. DOMINS
Luna Hooponopono
Honolulu, Feberuari 1, 1864. 115-3t
OLELO HOOLAHA
KE HAILA AKU NEI KA POE A PAU E HOOLUUIA ko lakou mau lole o na ano a pau, oia hoi ke Kihei, Holoku, Lolewawae, Kuka, ame na mea ano lole silika, ame na lole huluhulu i ka waihuoluu Melemelem Eleele, Ulaula, &c., &o. O na Kihei kahiko i mae, o hooluuia a maikai. Aia kahi e Looluuia'i ma ko'u wahi me Moanalua.
O ka poe a pau e makemake ana e HOOLUUIA ko lakou mau lole, e lawe ai a waiho i ko lakou lole ma ke Halekuai Papa o Samuela, ma Honolulu. Aohe no he pili loa o ka aku.
JAMES I. DOWSETT (Kimo Pelekane.)
Honolulu, Feb. 5, 1864. 115-1m
OLELO HOOLAHA.
E KUAI KUDALAIA ANA 3 LIO i ka Poalua, la 9 o Feberuari, i ka hora 12 o ke 12 o ke awakea. He mau Lio hou mai kekahi. Ke ano me ka hao malalo nei: Ma ka PaAupuni.
Ma Pauoa,
Ma ka Poalua, la 9 o Feb.
1 Lio kane ulaula, hao ano e.
1 Ahinahina, no Kawehi.
1 Lio wahine puakea, hai ano e.
NA LIO HOU MAI.
1 Lio kane ulaula hou, aole hao.
1 eleele wiwi, hai akau NI NI N, hema ano e.
1 elele wiwi, ua ikela no.
1 Lio wahine ulaula hou, aole hao.
1 ulaula, hao akau A2.
E hele mai ka poe koho Lio me ke dala pu mai no. E kii mai i na Lio hou me ka dala pu mai no, oi pokole na la.
NAPUNAKO. Luna Pa Aupuni.
Pauoa, Feberuari 5, 1864. 115-1t
UA ILI EA EMMA RUKA.-Ke minamina nei makou i ka hai aku i ka lehulehu, i ka ili ana o kekahi o na moku holo pili aina maikai loa, oia hoi o Emma Ruka, ma Honoiou, Kohala; ua pau no na ohua i ka pakele, ame ke dala aupuni o ka Auhau makahiki o ka mokupuni o Hawaii. O ka ukana nae a na haole kanu ko o Kaiwiki kai poho loa, he 600 pahu ko a oi ae, me kekahi mau pahu malakeke. Minamina wale hoi ka moku maikai i ka poino ana. O ka ona o ia moku, he hookahi halapalua no James C. King Esq., a he hookahi hapalua no Mr. W. L. Green, ame Kap. F. Molteno, (Mokina.) He $12,000 kona kuaiia ana.
Na haina a E. Kauakoiawe, no na
NINAU HUA PALAPALA A J. NAUEIKALAI.
Aloha pikawai oe e ka Nupepa Kuokoa.- Aia ma kou Helu 1. o ka Buke III, aoao 3, ua iho au i na haina a ka mea nona ka inoa e kau aeia maluna, no na ninau hua palapala i hoopukaia ma kou Helu 50, o ka Buke II, aoao 3.
Ua mahalo no au i kau mau haina, ame na wehewehe ana, ana i hai mai nei, a ua pili pono loa no ma kekahi mau ninau, (oia hoi mai ka ninau 1-4 & 7,) a ma ka 5 & 6, ua nakekeke, aole i loaa.
Nolaila, ke poloai hou aku nei no au ia oe e ke Kuokoa, a nau hoi ia e hai aku i kuu hoa, ia E. Kauakoiawe. E aloha auanei.
J. NAUEIKALAI
Ohele, Ian. 16. 1864.
[NA KE AUPUNI.]
UA OLUOLU KA MOI KE ALII, e hookohu aku i Ka Mea Kiekie M. Kekuanaoa, mai ka inoa Alii Koa Major-General, a i ka noho ana ALIHIKAUA NUI no na koa o ka Moi.
A UA OLUOLU HOU AKU NO HOI KA Moi e hapai ae ia Major J. O. Dominis, a i ka noho ana COLONEL ACTING QUARTER-MASTER AND ADJUTANT-GENERAL.
(Inoa.) R. C. WYLLIE.
Keena Kaua, Feb. 1, 1864.
HANAU.
Ian. 22, ma Waikahalulu, Honolulu, hanau o Mary o Kalani poo w, na Kanui me Kaluapihaole.
Ian. 3, ma Puako, Lahaina, Maui, hanau o Hana w, na Nawelu me Kauhane.
Ian. 13, ma ia wahi no hauau o Kahalepua k, na Maielua me Maielua.
Ian. 20, ma Kalihi, Oahu, hanau o Kamaliikane k, na Iona me Aa.
Ian. 25, ma pau Waikikikai, Oahu, hanau o Inoaole Kalunaauhau w, he kwiki kamehai.
Ian. 9, ma Honomanu, Koolau, Maui, hanau o Kualaau w, na Puko me Wahineinaikai.
Ian. 17, ma Hooulu Waikikikai, Oahu, hanau o J. F. Kalawaia Kahiuka k, ua Keau, he keike kamehai.
Oka. 19. ma Wainee, Lahaiua, hanau o Harieta, na Kanui me Nukaiua
Sept. 17, ma Lipuu, Honokohau, Maui, hanau o Kaanapu k, na Kihei me Paahao.
Sept. 29, ma Paaukioi, Honokohau, Maui, hanau o Kalahiki k, na Nahinu me Kukahi.
Nov. 23, ma ia wahi no, hanau o Keahikanawai w, na Puhiaua me Moo.
Dec. 8, ma Pilinoe, Honokohau, Maui, hanau o Neneue w, ua Benj. Kekamaa me Neneue.
Ian. 31, ma Kamaile, Waianae, Oahu hanau o Maraea w, na S. W. Mapu me H. K. Kaainui.
MAKE.
Ian. 25, ma Puaahala, Molokai, make o Keakua w.
Oka. 4, ma Haleino, Kahakuloa, make o Luukia w.
Oka. 30, ma Paaukini, Honokohau, M.m make o Waihoipalolo.
Nov. 25, ma Lapaiki, Kahakuloa, make o Inoaole k.
Nov. 4, ma Keauhou, Honokohau, M., make o Naimuki w.
Nov. 12, ma Niuula, Honokohau, M., make o Aki k.
Nov. 14, ma Puualau, Maui, make o Kahuna w.
Nov. 26, ma Keahua, Honokohau, Maui, make o Pihi k.
Dek. 4, ma Pilinoe, Honokohau, Maui, make o S. Kealoha k.
Dek. 17, ma Niuula, Honokohau, Maui make o Leonui k.
Dek. 6, ma Opihale, Kona, Hawaii, make o Mikala Kaiwimanalua
Ian. 4, ma Ki, Puna, Hawaii, make o Makawalu k.
Ian. 2, ma Malamalamaiki, Hilo, Hawaii, make o Kukona w.
Ian. 7, ma ia wahi uo, make o Nawahielua w.
Ian. 9, ma waiola, Kukuau, Ilio, make o Kanae w.
Ian. 18, ma Maemae, Honolulu, make o Ioane II K.
Ian. 27, ma Kauinakapili, Honolulu, make o Kane k.
Ian. 20, ma Kalihi, Oahu, make o Kaopuiki K.
Ian. 21, ma ia wahi no, make o Pakoma k.
Ian. 14, make o Kekipi wAHINEOMAO W.
Ian. 16, ma Kalia, make o Kaaua w.
Ian. 28, ma Kamanuwai, Honolulu, make o Linch k.
Ian. 22, ma Waiohinu, Kau, Hawaii, make o Kahelemauna k.
Ian. 27, ma Kamaile, Waianae, Oahu, hanau a make mai o Inaole k.
Ian. 12, ma Puukahea, Wainoae, O, make o J. 2. Maluna k.
Ian. 17, ma Leepoko, Waianae, O, make o Kuaaina k.
Ian. 17, ma Unuiki, Waianae, O, make o Hoopola k.
Ian. 18, ma Pokai, Waianae, O, make o Haupa w.
Ian. 15, ma Kailiili, Pelekunu, Koolau, Molokai, make o Zakalia Kaopua k.
OLELO HOOLAHA.
E KUAI KUDALAIA'NA 12 LIO ma ka Pa Aupuni,
Ma Waiawa, Ewa. Oahu, ke hiki aku i ka la 10 o Feberuari, i ka hora 10 o kakahiaka, oia ka Poakolu 3 hiki mai ana. A he mau Lio e ae no 6, e kudalaia ana i ka Poalua, la 16 o Feb., i ka hora 10 o kakahiaka. Ke ano me ka hao malalo nei:
Ma ka Poakolu, la 10 o Feb.
1 Lio kane puakea, hao hema 8
1 " ulaula, hao manamana ano c.
1 " ulaula, hao powehiwehi, aole akaaka.
1 " keokeo, hao akau IK.
1 " keokeo, hau manamana ano e.
1 " hulupala wiwi, hao hema ano e.
1 " ulaula, aole hao kuni.
1 " keokeo, hao akau K, hema PA
1 " ulaula, hao aku H
1 Liu wahine hulupala hao hema ano e.
1 " ulaula, hao akau JM
1 " ulaula, hao aku K, hema ano e.
Ma ka Poalua, la 16 o Feb.
1 Lio wahine ulaula, hao ano e.
1 " ulaula, hao manamana ano e.
1 " ulaula, hao akau CON, hema K
1 " hulupala, hao uhamua akau N, hema HP
1 " hulupala, hao hema H
1 " eleele, hao akau H.
J. KAHAUOLONO, Luna Pa Aupuni.
Waiawa, Ewa, Feb. 4, 1864. 115-1t
OLELO HOOLAHA.
E IKE AUANEI NA KANAKA E NOHO ana ma KEALIA AINA, Ahupuaa o'u, ma Kona Hema, Hawaii, ama na Kanaka maoli, Haole, ame na Pake, ma ka Mokupuni o Hawaii nei. Ke lawe nei au i ka Ohua Ia, i ia Hoomalu na'u maloko o na kaheka, mai Huahuai a Puuokeaila. Ke lawe nei au i ka Papipi kuku i laau hoomala.
Owau me ka mahalo, B. KEELIKOLANI.
115-1t D. Kukaulua, Luna Aina.
Palapala Hoolio.
OWAU O KA MEA NONA KA INOA malalo oho, ke hoolilo a ke hookohu aku nei au ia KUHAULUA K, e noho ana ma Kealia aina, Ahupuaa o'u, ma Kona Hema, Hawaii; ola ka Luna maluna oia aina i halia maluna. E hiki ia ia ke hooponopono elike me ka pono ana i ike ai-he pono. E hiki ia ia ke hoopii imua o ka Lunakanawai Apana ke ikela ua kua ia kekahi pono o luna o ka aina. A o na loaa a pau ana i hooponopono ai, e hiki no ia ia ke aku mai ia'u i ka wa kupomo. E mau keno noho Luna ana maiuaa ola aina ke ike ia he pono kana hana ana. No ka olalo o kela. ua kau wau i ko'u inoa i kela ia 5 o Feberuari, 1864, Honolulu, O.
Ikemaka, H. Kanuu (116-1t ZB. KEELIKOLANI.
OLELO HOOLAHA.
UA HOOPII MAI O PALEA w, KUE I kana kane o Ioane k, no Hilo, Hawaii, mamua, e hooki i ko laua mare ana, no ka haalele wale ana no na makahiki ekolu o Ioane k, i kana wahine. E hanaia kela hoopii imua o ka Mea Hanohano Ioane Ii, kekahi Lunakanawai o ka Aha Kiekie, ma ka la 24 o Feberuari, i ka hora 10 o kakahiaka, aia ma ka Hale Hookoiokolo ma Honolulu, Oahu.
G. W. BROWN,
Kakauolelo kokua o ka A ha Kiekia.
Honolulu, Ian. 27, 1864. 114-2t
OLELO HOOLAHA
HOTELE NEW WORLD!
O
HENRY WALTHAM.
E IKE AUANEI NA
KANAKA HAWAII
a pau, ua makaukau ka mea nona ka inoa maluna, e haawi aku i na kanaka a pau e makemake ana e kipa mai aia
KONA HOTELE!
e pili ia me ko na Hotele Haole, ma ke kihi o ke
Alanui Nuuanu & Alanui Kalepa
makai iho o ka
ROYAL HOTEL (HOTELE ALII,)
i na mea ai
MAIKAI LOA,
o na ano haole a pau, me ka POI pu no hoi
KK
TI,
KOPE,
PAI,
PIPI,
PIPI LOKE,
I-A MAOLI
âme na mea ai maikai no a pau, o na ano lehulehu wale.
HE HAPAWALU WALE NO KA UKU!
a hiki aku i ka
HAPAUMI.
E pono e kipa mai oukou e halawai me HANALE, mamua o ko oukou hele ana i kahi e.
HENRY W. WALTHAM
Honolulu, Feb. 5, 1864. 115-1m
E MAKAALA!
OWAU
O KAMUELA,
KA HOA KUAI O NA
KANAKA HAWAII,
NONA KA HALE KUAI PAPA MA uka iho o ka
Hale Hookolokolo
ma Honolulu. Ke hai aku nei au ia oukou, he mau la ku wale no keia o kuu moku papa,
"CONSTITUTION!"
o kela ano, keia ano,
EIA NO KE WAIHO NEI.
NA:
PAPA O KELA ANO, KEIA ANO.
LAAU HALE, o kela ano, keia ano.
PILI HALE,
PINE,
AAHO,
KEPA,
PANI PUKA,
PUKA ANIANI,
OLEPELEPE,
KUI,
PENA,
AILA PENA.
WAI HOOMALOO PENA.
IA MEA AKU, IA MEA AKU.
Ua makaukau au e kuai aku me ka oluolu i keia mau mea, a no ka paopopo no paha ia oukou he KEIKI KAMAAINA au, he hiki ia oukou e ka Lahui
Mai Hawaii a Niihau,
ke kipa mai i o'u nei. E hiki ana no na moku papa o'u i na manawa a pau, a hoolako mau ia'u. He mea mau i na poe o ka hiki mai ka haanui, a me ke kaena. A he mau Luna kekahi i hoonoho ia o lakou e alako ana i ka poe maikai, me he lawahala ia. Aka, he hiki ole ia'u ke hana pela, o ko'u ano no ka oukou e imi mai a loaa, maopopo no na hana a kakou, no ka mea, o ko Hawaii nei kupa iho la no ia o ko oukou makamaka.
KAMUELA, (Kaikaina o Kimo Pelekane.)
Honolulu, Ian. 22, 1864. 118-8m
KULA NUI KAIKAMAHINE!
O KE KULA NUI KAIKAMAHINE HAwaii i hookumi ia iho nei ma Honolulu i ka makahiki i kaahope ae, ua hoohuiia'e nei me ke Kula Olelo Beritania ma Lahaina. Ua hoolimalima ae nei ke Pa Halemai o Amerika Huipaia no la mea. He $75 00 ka uku no ka makahiki. A he papa no hoi kekahi no ka poe e makemake ana e hoi mai e noho pu, a e aole no hoi, no ka uku kiekie ae.
O KA LUNA NUI HOOPONOPONO,
O MRS. MASON.
A na wehele no hoi he Kula Hanai no na keiki kane, ma ka pa i noho mua ia iho nei e Bev. W. Boett. He $75 00 ka uku no ka makahiki
O KA LUNA AME KE KUMU,
O REV. G. MASON.
He kokua kumu âme kana wahine kekahi e noho ana maloko o au pa nei.
OLELO HOOLAHA.
NO KA MEA, UA NOHA MAI KA MEA hanohano Ioane Ii, kekahi o na Lunakanawai o ka Aha Kiekie e KAAEA, no ka hoolalo i na Palapala Kauoha o KAHELE w, no Waikiki, Oahu, i make aku nei: Nolaila, ua hoikela i na kanaka a pau loa, ka pili, o ka Poakolu, oia ka la 10 o Feberuari, 1864, i ka hora 9 o kakahiaka, ola ka la a me ka hora 1 oleloia no ka hoolohe i ka olelo o kela Palapala Kauoha, aia ma ke Hale Hookolokolo ma Honolulu, Oahu.
G. W. BROWN
Kakakauolelo kokua o ka Aha Kiekie.
Honolulu, Oahu. Ian. 27, 1864. 114-2t
OLELO HOOLAHA.
NO KA MEA. UA NOHA MAI KA MEA Hanohano Ioane Ii, kekahi o na Lunakanawai o ka Aha Kiekie o OULULANI, e hookookoo la ia i Luna Hooponopono Waiwai no Pomaiki k, no Honolulu, Oahu, i make aku nei: Nolaila, ua hoikeia i na kanaka a pau loa, ke pili o ka Poakolu, ola ka la 30 o Februari, 1864, i ka hora 9 o kakahiaka, ola ka la a me ke hora 1 oleloia no ka hoolohe i ka oiaio ke keia noi ana mai, a me na mea hoole i ka oiaio e keia noi ana mai, a me na mea hoole i hoikela, aia ma ka Hale Hookolokolo ma Honolulu, Oahu.
G. W. BROWN
Kakauolelo kokua e ka Aha Kiekie,
Honolulu, Oahu, Ian. 23, 1864. 114-2t
KA MOKU AHI
KIALUA
"ANNIE LAURIE,"
E HAALELE ANA IA HONOLULU-
I KELA POAONO KEIA POAONO.
(A hiki i ka pea hou ana o "Kilauea.")
I KA HAPALUA O KA HORA 4 ANIANI
NO
LAHAINA,
ULUPALAKUA,
KAWAIHAE.
a me KONA.
Ku hoa ma Honolulu i ka Poakahi
JANION, GREEN & CO.
I. H. A. H. M.
Honolulu, Aug. 20, 1863 99-tf
He pono ma pou e huoili ana i na ukana he hooponopono iho, e uka la ka uku moku i ka wa o Laurie mai o ka uhane.
OLELO HOOLAHA
I NA KANAKA HAWAII!
Makai iho o AIGUPITA
Ma hope iho o ka Pa
O MAHUKA!
KA
Pa Kuai Papa
O
LEWERS & DICKSON,
MALAILA E LOAA AI NA PAPA O KELA ano keia ana, ma ke kumukuai makepono oe, nolaila, e naue mai oukou e ike i ka oiaio o ela ko paipa, a oukou o ka makamaka Hawaii.
NA PAPA OLEGONA,
LAAU HALE A ME NA POO,
LAAU KAOLA A AME NA PINE PA,
LAAU AAHO HALE PILI MAOLE
PAPA ULAULA, PAPA PAINA,
PAPA KEPA A ME KA AAHO,
PILI ULAULA A ME KE KEOKEO
Eia ka mea
KUPANAHA
Ma keia hale - maanei i wiliia'i ka
PALAOA a me ka HANA PAHU
e like loa ma ko
ULAKOHEO
mamua, i kona wa e kau ana, aole i pau i ke ahi mamua; nolaila, e naue mai o makaikai
Na Pena Keokeo a me ka Omaomao,
Na Pena Ulaula a me ka Eleele,
Poho, Kolu, Hulu, Pena,
KUI o na ano a pau,
LAKA o na ano a pau,
Ami, Kilou, Kui kakai moena,
Kui Nao,
Pani Hale,
Pani Aniani, Oake,
Aniani kaawale,
Puni Olepelepe
A PELA WALE AKU.
Aole o noho hoolimalima i poe e kui aku i na kanaka e kuai mai ma ko maua wahi; aka, he hilimai no maua ma ka ano maikai o ka make mau mua kuai, a me ke kumukuai o ka maua papa, me ka malama pono hoi i ko mauna oihana iho, i hoo@ ia mai ai ka pomaikai, i loaa mau la maua mamua aku nei. Honolulu, Ianuari. 23, 1864 115-3m
KALO KUAI!
HE MAU LOI KALO MAIKAI. UA OU pono ke Kalo, ma Kawaiki, Kapalama E alanui ia J. E. BARSARD
Honolulu, Ian. 29. 164 114-2t
OLELO HOOLAKA.
UA HAAWI AKU AU I KA MANA.
Ia Mr. Kahanu,
e ohi mai i ka AIE o ka poe e noho AIE NEI LA'U.
H. W. DOWSETT (Kakuolelo)
Honolulu, Ian. 29, 1864 116-3t
OLELO HOOLAHA.
INA UA AIE O Daniel Ely, o HILO, HAwaii, i kekahi mea, a hookomo mai i kona @ Aie mamua o ka la 12 o Iune, 1864. A o na mea a pau i AIE ia ia o hookaa koke mai ko oukou aia ia'u.
J. H. OOKEY,
Luna Hooponopono Waiwai o Daniel Ely, ka mea i maka
120-3m
HE MEA HAULE!
EIA MA KO'U LIMA KEKAHI MEA haule, ua loaa oia ia'u ma ke alanui ua kauoha, i @ ma ka la 18 o Ianuari nei, KE MAU KII ELUA, ke kane o ka wahine, iloko o ka mea poepoe pela hookahi, no ke ouki ia. Nolaila, ina e kii mai ua mua noaa keia mau @, e uku mai ona i na dala he umikumamamalima ($15 00) no ko'u malama ana i keia mau kii ana na ino e ae o'u. E loaa no wau ma ka hoina o Kolopo, ma kahi kalawa lio, ina Poaono a pau @ no ka @ no. W wiki mai oukou e na mea houla, aia ka Moole, Puka, @ Pukiki, ame na ano e ae a pau. F. O. KUANIKE.
Kalualoa, Kalihi, Honolulu, Ian. 22, 1863 113-3t
Olelo Hoolaha.
I KA POE MAAUAUWA O KA ANO a pau, mai hooio mai oukou i kuu wahine mare,
Ia KEALAULA.
no ka mea, ua haalele kua@ oia mai kela ia'u oukou o kona mau makahiki i kaa hope ae nei; nolaila, ina oukou e hoale ia ia, aole na o hookaa, nolaila, ke kauoha aka me na ia ia o hoi mai iloko o keia malama mai ka la aku, ua ano; oia e hoi mai, o hoopili no na la ia ma ke Kanawai.
K. W. KEIKE
Mokauea, Kalihi, Oahu, Ian. 22, 1863 113-4m
R. H. STANLEY.
LOIO
UA MAKAUKAU NA MEA KOKA KA inoa maluna no hoi, o lawelawe ma ke Oihana loio no ka poe a pau e makemake mai ana la ka @ke o na Aha Hookolokolo a pau o keia Aupuni. A ua makemake ke oia o hana na Palapala Kuai Waiwai ina a Waiwai Lono a me na Palapala Moraki, a no na palapala pili Kanawai no o @ @ a pau.
E hele ae ma ko'u Keena, ma ke Alanui Kaahumanu, makai iho o ke Hale @. 114-4t