Ka Nupepa Kuokoa, Volume III, Number 4, 23 January 1864 — HE MELE KANIKAU NO KA MOI IOLANI KAMEHAMEHA IV. [ARTICLE]

HE MELE KANIKAU NO KA MOI IOLANI KAMEHAMEHA IV!

HIMENI 1. He uwe he aloha keia No ke Alii Iolani, Ko Hawaii nei Moi Ilihia; Ua hala aku nei. Auwe no hoi oe E ka mea ihi kapu, He aloha pau ole no: Ko makou nei ia oe. CHORUS: - Auwe, auwe, auwe, Auwe, auwe no oe. Auwe, auwe, auwe, Auwe, auwe no oe. 2 Auwe no hoi oe, E ka Haku Hawaii; Ka luhi mua no oe A ka makua i luhi ai; Auwe aloha ino! O Kaleiopapa; Kamehameha Ekolu, Ka Lani Nui a Mamao. CHORUS: - AUWE, &c., &c. * He kanikau keia no "IOLANI" - Ka Haku o Hawaii ame Kauikeaouli - K. III. HIMENI 2. No ke King Iolani ke aloha, I ka hele ana aku liuliu, Waiho iho nei ke aloha, Na makou e u nei. 2 He ukana nui keia la A makou e lei nei, I ka hala ana o Kalani; O Kalani nui Liholiho. 3 Ilihia iho nei makou, I ka hapa a na hae: I ke kani lua a na pu, E wawalo nei ke kaona. 4 O ka hala ana ia o Kalani, I niau Kololani aku nei, Ke kupinai nei na leo, O na too Old a pau. 5 Ke uwe waimaka nei makou, Na boys na girls o ka lai, I kou pauaho ana mai: Haalele i ke aupuni. Auwe! auwe! HIMENI 3. ! SOLO: - Kanikau he aloha, No ka Moi Iolani, Ua hala 'ku nei ia, I ke ala hoi ole mai. CHORUS: - Auwe, aloha ino! Ko Hawaii pua rose; Ua akoia, ua lilo, Auwe! Aloha no! 2 Solo: - No Emalani ke aloha, Ka uwe haalipo mai, O Iolani ua hala, Ua wehe mai i ka pili. CHORUS: - Auwe, aloha ino! Ka Lani kapu Iolani; Ka Haku Lani o na 'Lii, Ua hala, aloha no. 3 SOLO: - Ke uwe waimaka nei, O Aliiolani, Kaumaha luuluu no, I ka hala ana o ka Lani. CHORUS: - Auwe, he aloha! He uwe, u, minamina, Aole loa e pau; No ka Lani o Hawaii. 4 SOLO: - Ke moe ala i ka moe, I ka moe anuanu, Ua hala aku nei ia, I ka hale lua o ke kino. CHORUS: - Ua lawe 'ku, E ke Alii o na 'Lii, Ma ko luna Paredaiso, E hoomaha ma kela ao, Auwe! he aloha! Auwe! he aloha! HIMENI 4. 1 Auwe oe e Iolani, Ke Alii o na 'Lii; Haku nani Hawaii nei, Mea Ihi kapu laha ole.

CHORUS:- Auwe, auwe, auwe, auwe Auwe, auwe, ke Alii. 2 Noho u, me ke kaumaha la, Emalani no he wahine, Kuu Haku la ua hala, I ke ala hoi ole mai. CHORUS: - Auwe, &c., &c., kuu Haku. 3 Ike wale aku hoi oe la, I ke kama a kaua, Ia ka Haku o Hawaii; Kamakahi a ka makua. CHORUS: - Auwe, &c., &c., kuu Lei. 4 Ke uwe nei o Kalohelani, Auwe kuu kuaana; Ua hele aku nei ia, I ka hale mau o ke kino. CHORUS: - Auwe, &c., &c., auwe kaua. 5 Ke kanikau nei hoi la, O Kapuaiwa kou mua; Haalele mai nei oe, I ka pili a kaua. CHORUS: - Auwe, &c., &c., he aloha. 6 Noho iho nei ka makua la, I ka u me ka minamina, Kuu Lani la ua hala, I ka Paredaiso nani. CHORUS: - Auwe, &c., &c., Kuu Lani. HIMENI 5. 1 He uwe la he aloha, He uwe u, minamina, {Emalani no he wahine, Repeat Chorus {Auwe kuu Haku e. 2 He uwe, &c., &c. He uwe, &c., &c. O Kapuaiwa kou mua, Auwe kuu Pokii. 3 He uwe, &c., &c. He uwe, &c., &c. Ke uwe helu mai nei, O Kalohelani kou muli. 4 He uwe, &c., &c. He uwe, &c., &c. Ke uwe nei ka makua, Auwe kuu Lani e. 5 Ke uwe nei makou, Na makaainana ou, Me ke aloha pau ole; I ka hala ana o Kalani. HIMENI 6. 1 Kanikau he aloha keia, Nou e Kamehameha Fourth, Ko Hawaii nei pua rose, Ua mae la ua lilo; Ke noho nei Emalani, Me ke kulu o ka waimaka, I kou haalele ana mai, I ka pili a olua. CHORUS: - Aloha no ia, I hele aku nei, I hele! I ka hele, I ka hele ana aku nei. 2 Ke u nei no hoi, Na Hoahanau ou, Ma ka u me ka minaminak Me ke aloha pau ole, Ke au nei makou, Mahea oe e Kalani, E i aku nei paha oe, Me ka Makua Mana Loa. CHORUS. HIMENI 7. 1 He uwe he aloha keia, No Iolani; Auwe aloha ino no ia, I hele aku nei, Hele hookahi aohe lua; Aloha ino, Ke uwe haalipo nei no Na 'lii ou a pau. CHORUS: - Auwe! Auwe, he aloha, He kaumaha nui, He minamina pau ole no, No ko kakou nei Alii. 2 He uwe he aloha keia, No ka Lani Nui, Wehe mai nei oe i ka pili, Pili me ka wahine; Ua au wale ae nei ia, Kahi e ike ai; Haohao wale ana o ka leo, Oka pane ole ana mai. CHORUS.