Ka Nupepa Kuokoa, Volume III, Number 4, 23 January 1864 — Ka Waiwai o na Kaikamahine IMI IKAIKA I KA NAAUAO. [ARTICLE]

Ka Waiwai o na Kaikamahine IMI IKAIKA I KA NAAUAO.

E ka Nūpepa Kuokoa b; Aloha oe.—Ke ike ae la kakou i kela mau hua e kau kehakeha ae la maluna, " ka waiwai o na kaikamahino imi ikaika i ka naauao." O keia mea o ke aoia ana o na kaimahine naa ka naauao, he mea ole wale iho la no ia i na makua o Hawaii nei, penei ka olelo ana, 44 He ike keiki kane auanei, o hele a Lahainaluna, a hoi inai ioaa ka hana, loaaka wai* wai." Oka ike oke kaikamahine, poho, o ka makua ke luhi, a pela wale aku. Ea ! e nana mai i mea e akaka'i ka oiaio o kela mau huaolelo e kau ae la maluna. Ma ke Kanawai, ua hooholoia, e hookaawale ia na keiki kane i kula okoa, ma na wahi.hiki pono, a e kohoia hoi na kuinu kane no na haumana kane, a o na kumu wahine hoi no na haumana kaikamahine. A ua hooko iho nei ke Kahukula o ko makou Apana nei, oia hoi o J. S. Low, i ke koho ana imau kumuwahine i kamalama o Sepatemaba i hala'e nei, e like me kana Olelo Hoolaha, D. Kaholua w., kumu no Kapalama, Emaria Kalauli w.. kumu no Kawaiahao, a pelo aku, o ka nui o na kumu wahine ma ko makou Apana nei, eono'ko lakou nui, ua loaa ia lakou ka waiwai no ko lakou imi naauao ana. O ka nui nae o na kumu kula wahine, no Mololmi mai lakou, he poe akamai, a he poe naauao, ua ao nuiia e Mr. Hikikoke, a me Mr. Duaika, na kumu o Molokai. A pehea oukou e na mea hoauwnepuu, a hoomahuakalu, a hana hupo? E pau ia hana, e hooikaika ma ka imi naaauao, ua aeia e ke Kanawai, e noho Kumuao na wahine i naauao, e like me keia mau wahine a makou e ike nei i keia mau la. G. W. Kahiolo.