Ka Nupepa Kuokoa, Volume III, Number 4, 23 Ianuali 1864 — He Hana Lokomaikai. [ARTICLE]

He Hana Lokomaikai.

E ka NupepaKookoae; Aloha oe:—A me koil Luna Hooponopono. E oluolu oe e hookomo iho ma kou mau kowa i keia mau hunahuna o ka wai hu o Kauila, a nau ia e lawe ae imua o ka poe puni i kou kino, a na lakou ia e hoonuu a ana, a i mea hoi nana e hoopulu i ke kihapai.

Ua lele ka hauli, a hoomalule ia na a a o ka puuwai hoolele hauli a ka makemake e hoohele ai, no ka ike ana iho ma kou Helu 46. e hoike akea ana i ka hana lokomaikai a ka Mea Hanohano R. C. Wyllie, (Wale,) i haiia ma ke akea, aia paha ia ke lolii nei me na puuwai a puni makamae i ka pono o ka lehulehu, o ka Hu, a me ka makaainana, kupanaha ke kaa o ke aloha i na kanaka o na aina e, a o kajahui nona ke koko a me ka ili, o ka lakou na ka hoomaunauna a me ka palaualelo.

A no iaauamo ia ana mai nei o ka hinahina o Pelekane, ke kumu e wehe ai i kahi mau hualu o na maka moowini i hihia i ka hoomaunauna wale, a lilo ia hana hemolele a ka poe puukani e noho mui la i ka ua lokuloku o Hanalei, i aniani e kilohi iho ai ka poe e hiipoi nei i kou kino, a lawe ae hoi a kau maluna o na poohiwi, me ka hoomaopopo iho, o ko kakou makua io no ia.

A no keia kukuluia ana mai imua o kakou, nolailn, eia hoi ma Kau nei kekahi hoku lilelile e noho nei, me ka hana maikai ame ka hoopomaikai i koonei poe hune, oia hoio Mr. Charles N. Spencer, he haole kalepa, o ke koiu keia o na makahiki o kona noho ana ma keia Apona, a ke noho nei oia me ka imi i ka pono nona, a me ko hai, kokua no oia j ka poe i hoopilikia wale ia. Ua kupono kana hoolimalima mawaena o ka mea naauao, a me ka mea hupo. aole hoi e nahili i o ianei, e like me kekahi poe eae, a he makepouo na hana a pau, a he kupono i ka poe e kepa nei e holo pono i kahi o ka Hokuiiielile, oia o C. N. Srepence, (Kale Ke-, poonahoahoa,) oluolu kana hana, hana pono me ka a me ka hoopaewaewa ole. O keia ka oi aku o na haole a pau ma keia Apana kalepa o Kau nei, a ke hoomau nei no i ka ohi Pulu, ua nui ka poe hoolinialima ma ka ohi Pulu. Ina ma ka malama, $7 00, e hoopauia ana no nae ka hana ana ma ka malama elua pule, polaila, he makamaka kupono keia no kakou, a o ka poe e makemake ana e ike i kp oiaio, e naue mai no i pau ke kuhihewa. J. A. Kawaihuokaitwii.a. Kbu % Hawaii. Dec. 21.1863.