Ka Nupepa Kuokoa, Volume III, Number 3, 16 January 1864 — NA MEA HOU O HAWAII NEI. [ARTICLE]

NA MEA HOU O HAWAII NEI.

E Hoomaopopo.—£ pono i ka poe a pau ke heluhelu hoomaopopo i ka palapala loihi a Hon. J. W. H. Kauwahi, i paiia ma ka aoao mua o ka pepa o keia ia.

Buke Hoopaa Manawa.—Aole o kanamai ka nui, ona Buke Hoopaa Manawa, ma ka Hale Kuai Buke o Mr. H. M. Wini. Ona buke, ua pai pu ia me ka Alemanaka, a me na la no hoi a pau o ka pule ; he mea kupono loa īa no ka malama ana i na mea a ke kino e hana'i i kela a me keia la. E hele mai no e makaikai no oukou iho.

Ko Kakou Hoa o Kalaponi.—Ua oluolu nui makou 1 ka hoike aku i na makamaka o keia pepa, a me ka poe no a pau, i ka hoi ana mai nei o Dr. Gulick, (Kauka Kulika,) mai kona huakai hele ma ka mokuaina o Kaiaponi. Ua nui ko kakou aie ia ia, no kona hana lokomaikai nui ana mai ia kakou, e like me ka hana lokomaikai mau a kona mau makua, i ko keia Aupuni ma kona wa pouli, pela no hoi ko Kauka Kulika aloha ?a kakou, ma kona kokua nui ana rne ka hoopakeha ana i ke ola hala ole o kekahi kanaka Hawaii, nona ka inoa o Kaheleiki. Nolaila, aia me ia ko niakou aloha nui.

Piu Kino.—Ua hoi mai nei kokaUou hoa OJ. W. Aukina Esq., m?ii Bosetona, Amerika Huipuia mai, ma ka moku Cvmeta mai nei, a e oluohi no paha kona poe makamaka 1 kaJohe aku, ua maikai no kona a me ke ola o kona ohana. Ke noho nei no oia ma kona Keena.Loio maluna o ka Hale Leta rna Honolulu. Ua hoi pu mai me ia kela kanaka o Maui ka inoa ; ua hopuia oia iluna o kekahi moku aloalo kauwa kuapaa mai Aferika, a ua hoopaahaoia he 471 la, a- ua laweia oia i hoike no ke Aupuni, a ma ka pololei o kana mau olelo, a me kona ike ole maoli no hoi i ka holo o ka moku i ke kuai nika i Aterika, nolaila, ua hookuu ia oia, m6 ka uku mai o ke Aupuni ia ia i na dala he 8471 00, no ka hoopaahao ana ia ia ma ktfna ano hoike, a o ka mea nona ka moku, ua hoopaiia he eha (4) makahiki ma ka hana oolea. OA. F. Judd, (keiki a Kauka G. P. Judd,) ka mea nana i unuhi olelo no kana mau olelo hoike. Ua oluolu loa ka malama ana o ke Aupuni ia ia.

I He Keaka ano Hou.—Ua' hoike uutu aku makou no kekahi poe Hana Keaka Hou i hiki mai nei nia Honolulu nei, a ke hana nei lakou ma ka Hale Keaka Alii, ma ke kihi o ke Alanui Hotele ame ke Alanui Alakea. Oke ano nui oka hana a keia poe, o ka hoikeike i na kii o ke ano o na- kaua i hooukaia iloko o keia au kaua weliweli ma Amerika Huipuia. O kekahi o na kii i hoikeia ina ke Kuokoa. nei, ua hoike pu ia, malaila, a me ka wehewehe pu ia mal nohoi oke ano. O ke kii o ke kaua moana weliweli mawaena o ka moku hao Manita 0 ka Akau, a me ka moku kipi MaHmaka, ua hoike maopopo loa ia ma ke kaua maoli ana mai a ua mau moJtu nei. E Hana Keaka ana lakou ma ka auina la o keia la (Poaono, lan. 16,) ma ka hora elua e weheīa'i ka puka komo, a e hoomaka ka hana ana ma ka hapalua o ka hora elua. He hapaha ka uku no na keiki liilii, a he hapalua ko na kanalh makua. Ma ka po o ka Poakahi, e hana keaka hou ana n©, a ua hoolimalimaia kekahi keiki kupa o ka aina 1 akamai loa i ka unuhi ma kaolelo Enelani ame ka olelo Hawaii; a nolaila, e hoakaka pono ia mai ana ke ano o na meaa-paue hanaia ana ma ia po. E helē ae no oukou e na makamaka, i ikemaka oukou i keia mauhana kupanaha. A ka Poakolu ae nei no hoi ua poe nei i Kapalakiko.