Ka Nupepa Kuokoa, Volume III, Number 3, 16 Ianuali 1864 — No Ke Alo Alii. [ARTICLE]

No Ke Alo Alii.

| Ka olelo alolin aka Moi iko laua mau kanaka ponoi, 1 na Hulumanu, ma ka la 12 o laniiari, M. H. 1864, hora 12awaltea. He naau i piha i ke aloha i kona lahui, he manao ika maluhia a me ka pomaikai o ka lehulehu. He leo aloha, he kauoha oiaio. He olelo haahaa, e kauoha ana ia iakou, a ia kakou a pau,—E nana ka Moi i ke kanaka, e nnna ke kanaka i ka Moi. Hale Alii lolani. ) Honolulu, lan. 12, 1864. ( *• E na Hulumanu : " Ua kahea aku au ia oukou e lohe i ka'u mau olelo, Iloko 6ke akamai a'me ka lokomaikai o ka Mea Mana Loa ; ua lawe.aku oia i ko kakou Moi aloha, Ja Alexander Kalanikualiholiho, Makaoiouli, Kunuiakea, Kukailimoku Kamehameha IV. aia me ia. " He keiki oia na oukou, he hanai oia na ke kaikunane, he hanai hoi au na ke kaikuahine, malaila paha, liio au i na oukou. " E like me ko oukou noho ana malalo o ka Moi i hala aku nei, pela no kakou e noho like ai. E nana aku no au ia oukou, a e nana mai hoi oukou ia'u u " Ke lawe nei au i kekahi poe ooukou i poe Koa Pualu, « like me ka hana ana mamua. Ua lana ko'u manao i ke kau Ahaoleloe hiki mai ana, e loaa mai kau wahi pomaikai iki no ka poe e kupona ana ke komo iloko o ka Puali koa Hulumann. E malu kakou i ka pono o ke Akua Mana Loa. Kamehameha R."

O keia mau huaolelo alii i hoop'ukaia maluna ae nei, ua kukonukonu no ia iloko o ke uloha kanakn, ame ka makemake no hoi o ka Lani nana ia mau olelo e hoohui i kona noho ana, me ka manao lokahi, me na kan:ika kupono ke noho iloko o kana mau hana pili k'ino. He mau olelo alii hoalohaloha io keia, ahe mau olelo no hoi i aponoia, a i hiipoiia eka poe aloka alii oiaio a pau, mai ka loa ame ka laula o ka aina. He oiaio no, ua kamolamola loa ka malamaia ana o na 'Lii iloko o ke kowa pokole o ka \va i hala iho nei—aohe haiamu nui ae o na poe Hulumanu i ke Alo Alii, a o ke kumu o ia hui nui ole ana ilniia, aole no makou i ike lea ; me he mea la nae, o ke kumu nui o ka hoopipili ole ana'e o ua poe la iloko o ka wa i hala'e, no ko lakou hoolako oleia i na mea e maikai ai k(v lakou mau kino -imua o ke Alii. A no ko makou manao ana, oka malama ana i ke kino o loiiWoi, oia ka hana inna loa e pono ai 1 na Ahaolelo a pau ke hoomaopopo, hol»ila, ke manaopaa nei makou. e hoomaopopo ana ka Ahaolelo e hiki mai ana, i na mea a paa nana e keakea nei, i ke kanaka aloha alli, i ka malama ana i kana alii, a i hiki ai hoi ia ia (Hulumanu) ke malama me ka maemae, ame ke ku io i ka hanohano kupono i na pua a Kamehamehn.

Ua nui wale 110 ka hoopakaawiliia ana o ka oihana kiai kino a ka Moi, iloko o na kau Ahaolelo i hala, ua nui a manuanua wale na Bila Haawina no kir Oihāna Koa, i hdopaapaa nui ia, hoole ia, kue nui loa ia, a oleloia he hoopoho dala wale iho no; aka, ke hoomaikai nei nae makou i ka inoa o ka mea mana loa Ikeoleia, i ka hiki ia makou ke oielo ae, o ua poe la nana i kue v a i hoopaapaa ka HaaWina dala no ka oihana koa, he poe iiioouhi ia lakoa iho i k* aahu hookamanio kealohaalii, oiai malalo iho o Ua aahu la kahi i noho ai o ka manao huahu-a, ame na manao oino kuloko e ae. Oka poe e aahu ana i ua uhi hookamani la, o lakou no kai alakai hewa aku i ka poe i kanuhia e ka manao aloha alii, a ua hookomo puia ia poe Hoko o ka puulu hookahi.

Olelo nui no kekahi poe, " heāha ka pono oia poe koa r A o kekahi olelo iho, "owai ka mea nana e kii «iai e kaua r a me na olelo ano ikeole e ae he nui wale.

Pehea la ke ano oke Alii ia poe ? He n.ea oie ka paha ka hanohano alii ia lakou ? He mea ole ka paha ka malama ana i ka m\luhia o.ka noho ana o na 'Lii ame na makaainana o ka Moi ? £ i mai paha auanei kahi poe, " no ka inoa wale iho no paha ia mea, aole no ka manaoia e ulu mai ana ka pomaikai." Ka ! Ina pela ka manao o kekahi poe o makou, alaila, e aho ia poe ke heomaopopo i na oielo akamai a Shakespeare, oia hoi, " O ka mea e aihue i ko'u eke dala, ua aihue oia i ka opala; aka, o ka mea e aihue i kuu inoa maikai, ua lawe oia i ka mea i hoowaiwai qle ia ia, a i hoilihune io mai hoi ia'u." Pela ka poe e hooikaika nei e hooemiia ka hanohano o ko ka Moi noho ana, ma ke kue nui ana i ka haawina no na koa.