Ka Nupepa Kuokoa, Volume III, Number 2, 9 January 1864 — Poni ana ia P. Kanoa. [ARTICLE]

Poni ana ia P. Kanoa.

E ka JVuptpa Kuokoa f ; Aloha oe : Ua loaa mai ia'u kahi manao hauoli, e. hai aku i na hoa o kaua e noho ana, malalo o ka uhi paa o ka malu o ke Akua ola, ame na Kanawai o ke 'lii, ka poe hoi e noho ana rtiai Hawaii o Keawe, a Kauai o Mano, ka poe puni nuhou o keia lahui. Ma ka pule ahiahi o ka la 11 Oct. ua hoo--1 liīoia o P. .Kauoa, i kauwa na ke Akua ola, maloko oka hale pule o Haili; na T. Coane me D. B. Lyman i hoolilo, e like me ka hana mau ana kahuna. la T. Goane, ka haiolelo i ka pule kakahiaka, me ka hai mai i ka hana ma ke ahiahi, e like me ke poo e kau ana maluna ae nei. " Poni ana ia o P. Kanoa." Ua akoakoa mai no na mea a pau me ka malu maoli j ia D. B. Lyman ka haiolelo ia wa, aia ma l Timokeo 2: 2, a pau kana wehewehe ana ia mau mea, ku mai o T. Coane, a hai mai i ke ano o ka poni ana i na kahuna; a pau ia. Kahea ia mai o P. Kanoa, e pii ilona o ka awai, pii no keia a ku mawaena o na kahuna, ua pule aku o T. Coane me ka kau o ko laua mau lima maluna oP. Kanoa; a pau ia. Ku hou mai o D. B. Lyman, he mau nianao e pili ana i ka oihana kahuna; a pau ia, kahea ia aku o J. A. Kaelemakule me kana wahine, ame Mrs Kanoa, ku mai lakou mamua o ka awai, hai hou īnai o D. B. Lyman, he mau manao paipai ia iakou a pau, himeni, pule a pau, hookuia ka aha. Nolaila, he mea hou keia mannei, no ka mea, ua hana ia ma Oahu, ame Kona H., a ma na wahi e ae paha o keia pae aina, akahi hoi a hana ia ma Hilo nei. Me ke aloha ia oukou a pau, e ka poe e heluhelu ana i ke kino o keia pepa, ke hoi nei ko Haiai keiki ua uh: ka ohu i Punahoa. S. W. Waiwela. Hala .hila, Hilo, Huwaii. • _j