Ka Nupepa Kuokoa, Volume III, Number 2, 9 January 1864 — Ka Ahaolelo Mosionari ma ko NUUHIWA PAE AINA. [ARTICLE]

Ka Ahaolelo Mosionari ma ko NUUHIWA PAE AINA.

Ua hoomakaia ka Ahaolelo o na Misionari ma Oomoa, Fatuiva, Okatoba 19, 1863, hora 10 o ke kakahiaka. Eia ka poe i akoakoa ma ka Ahaolelo, S. Kauwealoha no Kekahekau, mokupuni o Uapo; G. W. Laioha no Hanaahi, A. Kaukau no Hanaiapa, J. Kekela no Puamau, Z. Hapuku no Atuona, mokupuni o Hivaoa; J. W. Kaiwi no Oomoa, mokupuni o Fatuiva. Ua kohoia o A. Kaukau i Luna Hoomalu, a o J. Kekela ke Kakauoielo. Ua hoomakaia ka hana me ka pule. Ua heluheluia ka palapalao kapapa o ka "Ahahui Euanelio Hawaii." Ua kohoia o S. Kauwealoha me Laioha i mau Komite, e pane aku ai i ka palapala o ka papa. Ua kohoia o Kauwealoha, Hapuku, Laioho, i mau Komite imi hana. A no ka hiki ana mai o Rev. B. W. Pareka, ka elele o ka papa o ka " Ahahui Euanelio nolaila, ua ae aku keia Aha e lilo ia i hoa kuka pu me makou. Na Hana i Hanaia. 1. Ua heluhelu mai na Misionari i ka lakou mau palapala hoike kihapai no ka makahiki hookahi me ka hapa ī hala'e nei. Ua apono nku ka Aha i na palapala. 2. Ua pono anei ke haalele na Kumu i ka hana a ke Akua ma ka Pae Aina o Nuuhiwa, a hoi aku i Hawaii ? ' Ua hai pakahi mai na Kuinu i ko lakou manao. He pono no ke noho rna Nuuhiwa nei, e hana i ka hana a ka Haku, aole no e hoi aku i Hawaii.

(a) I ko makou manao, na ke Akua makou i alakai ma keia Pae Aina pouli. (e) Ua noho mai kekahi mau Kumu o makou i keia mau makahiki he umi, me ka hai aku i ka euanelio a ke Akua, a ao aku hoi i kekahi poe ma na palapala e naauao ai. (i) Ua hoomaikai mai hoi ke Akua, a ua kokua mai hoi i ka makou hana, a ua laha'e no ka euanelio o Kristo, a ua huli mai no kekahi poe kamaaina, a haawi ia lakou iho i mau ohua no I(risto. Nolaila, ua manao like makou, aole pono ia makou ke haalele i ka hana a ka Haku nia keia Pae Aina, a hoi aku ma Hawaii; aka, e noho no makou maanei, a e hoolaha i ka malamalama e ola'i iwaena o keia lahuikanaka. 3. He pono o ka Misionari ke hele a noho ma Hooumi i Nuuhiwa. Ua hooholo ka Aha, aole pono ia Kaukau ke hele a noho i keia mana\/a ma Hooumi. E kali, a e nana i kela kihapai. No ke kokoke o kela kihapai ia S. Kauwealoha, ua hooliloia oia ke kiai no kela kihapai. 4. He pono o A.' Kaukau ma ke hoi aku ina Hawaii, a lilo i Kahunapule no ko Lihue poe ma Kauai; no ka mea, ua hiki mai ko lakou palapala noi iaia. (Ja hai mai o A. Kaukau i kona manao, " aole ponO ke hoi aku." A ua hoapono ka Aha i kona hoi ole ana. Ua hai hou mai hoi oA. Kaiikau i kona manao, " He pono iaia ke noho hou ma Hanaiapa me kana wahine, e hana aku ika hana aka Haku." Ua apono aku ka Aha.

5. Ka pono o ke kapili nna oJ. Kekela laua o A. Kauleau i ka moku ma Hanaiapa. Ua loihi ke kamailio ana ina ia mea. Aua hooholo ka Aha, na na mea i kapili i kā moku e hoakaka lea i na Luna tna Hawaii. 6. He pono anei i na Kumu ke kaai aku i na palapala me na haumana ? Ua hoohola ka Aha.—l ko makou manao he pono no ke kuai i palapala, aka, i keia manawa, aole paha lilo ma ke kuai, mahope paha. 7. He pono anei i ka papa o ka Ahahui Euanelio ke hoouna hou mai i Misionari, i ka vva e holo hou mai ai ka moku ? Ua hoeholo ka Aha.—He pono no ke hoouna hou mai, i hookahi kane nme kana wahine. 8. He pono anei i ka papa i hookahi hoouna ana mai i ka moku iloko o na makahiki elua ? Ua hooholo ka Aha, he pono pela, i hoo> kttfli holo ana mai o ka moku iloko-o na makahiki elua. Ua noi mai kekahi mau Kumu i mea e pono ai ka hana ana ina hale. Noi mai o A. Kaukau no konahale, 1,200 kapuai papa, 1 pahu kui. Noi mai o Z. Hapuku, 2,000 kapuai papa, ame 1 pahu kui. Aua apone ka Aha ia mea. No ka waapa o L. Kuaiheiani, ua lilo kela waapa no J. W. Kaiwi, a ua hooholo ka Ahaolelo.—E haawi aku ka papa oko Ahahui Euanelio Hawaii ia Kuaiheiani i na dala he kanaha, eia he (S4Q 00.) Ua uoi m&i o J, W. Kaiwi e. hōi i Hawaii, e hooluolu ai i kona kino no ka mai, ke mau ia pilikia a hiki i ka wa e holo hou mai ai ka moku. Ua ae aku ka Aiia, he pono ke holo oia v ma Hawaii. Kahi e Ahaolelo ai no ka makahiki 1865, aia ma Oomoa, Fatuiwa. Ua lilo kekahi manawa o na halawai ma ka pule. Ua malamaia e na" Misionari ame na hoahanau kamaaaina pu, ka Ahaaina a ka Haku. Ua hoopau loa ia ka hana a ka Ahaolelo i ka la 22 o Okatdba. Na Mr. Pareka ka pule hope. ,