Ka Nupepa Kuokoa, Volume II, Number 51, 19 December 1863 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Pane no na Palapa

            E ike ana oukou e na makamaka kakau manao no keia pepa, ma keia hope aku e nana oukou no na mea @ i ka oukou mau palapala, ka hookomoia au o ka ole i ka waihoia a maho, e aku hookomo a pelaa'ku, ame na @ pili ka ola ae a Kuokoa ma keia Nupepa e paiia'i.

J.W.K.K. o Kaluaoloke.--Ua hoomoeia kau leta mai ko o ka palapala.

H.W.K., o Wainiha, Kauai.--Ua moe kau leta no na ke poe, "H@ Wahine," ma ka papa.

S.P.K.--O kau olelo pane "Ia S.W.B. Kaulaina@ku," e paila no i ka wa kaawale.

S.W.B. o Keeau, Puna, Hawaii.--O kau leta non ke poo, "No ka Puali Inuwai ma Puna," na hoo@ eia ma ka papa.

W.B. o Puna, Hawaii.--Ua moe kau leta nona ke p@ o Paneenee ka lehulehu mai Hawaii, a Niihau, ma ka papa

@. W.W. o Halaihila, Hilo, Hawaii.--E paiia no kau @ ka @ ana o O. Kanoa, ke kaawale ae ka pepa o kakou.

@. W.K., o Kamaile, Waianae, Oahu.--Ua hoomoeia aku ka leta no ke poo, Ohana A@a, no ka mea, @ mea i ka hoino aku.

@. W.K. o Halai, Hilo, Hawaii--Mahope aku e noo@ la'i kau leta nona ke poo, "Wahine Kuhihewa."

@ Luaikanani, o Waimea, Kauai--Ua loaa mai ia makouu kau leta nona ke poo, "Hoopilikia i na Malihini,"  a no ka haukae loa no hoi o ke kakauia @ ua moe loa ma ka papa.

@ W. Kainuwai, o Konomainoa, Hilo, Hawaii--Ua @ mai ke kai kau o Mere Kaupe, me ka hapa @ pu mai no hoi; aka, aole no e paiia, aia @ kaa pau loa mai ka uku, oia hoi he hapalua dala @ pala'ku ana ma ka pepa a kakou.

@ M.K. o Kaupuaua, Honolulu--He minamina makou i ka hai aku ia oe i ko makou hoomoe ana i kau leta e pili ana i ka make ana o ka Lani Iolani ka mea i aloha nuiia i naue aku nei, i ka aoao mau @ ka ke ao nei; o ke kumu o ko makou hoomoe ana, no ko makou aloha ia oe, no ke ano ikaika o kau mau olelo e pili ana i ke ano o ka hooilina kupono o ke aupuni. 

JAMES K, o Holualoa, Maui.--O kau leta nona e poo, "I will live with him," ua mahaloia no e makou kau manao i wehewehe mai nei; aka, e hoomanao hoi oe, he mea palena ole ke aloha, he uhi paa oia i ka manao o ke kanaka ma ka loa a me ka laula, ka oiaio ko lakou aloha ana, a ma ia mea, e pono e kalaia ko na makua waiho ana i ka laua kaikamahine iloko o ko laua hale, a ma ia kelaia o laua, nolaila, e hoomoeia kau mau olelo ma ka papa.

S.W. KAINA, o Keaau, Puna, Hawaii.--I ka nana ana iho i kau leta nona ke poo, "He Lokoino ma Pohoiki," ua maopopo ke kumu ole o kou hoohalahala ana; malia paha he mau makua mea keiki nui, na poe nana ka ai, a nana hoi ka puna au e hoohalahala nei; kai no hoi o kekahi kumu ilihune nui ia o kakouo o ka hele mai, a me ka hele aku hoi o ka poe palaualelo e ai i ka ai a hai.  No ke kumu ole loa o kou ohumu ana, nolaila, ua kiolo loaia kau leta ma ke kuono.

Ka Nupepa Kuokoa.

HONOLUU, DEKEMABA 19, 1863.

E na makamaka!

            E na makamaka! Ke neenee mai nei ka hopena o keia Buke II o ka kakou Nupepa Kuokoa, a ma ka la elua o Ianuari ae nei, e hoomaka ana ka helu mua o ka BUKE III, nolaila, e pono ia oukou ke kokua mai i ka kakou pepa, a e hoomakakau mai i na dala o kona ola.  Ua ike no oukou ma ka makou olelo mua e pai mauia nei, aole e loaa ka pepa i ka poe e hookaa e ole mamua.

            Aole paha e hiki ia oukou e na makamaka, ke manao ae, a ke ana ae hoi i ka nui o ka lilo o keia mea he pai nupepa, aka, ina oukou e ike ana i ka makou Bila e uku nei no ka pepa keokeo, ame ka poe nana e paahana, alaila, aole no e nele ko oukou aloha mai ia makou.  Ua konoia makou e kukulu i keia pepa i auwaha na ke kanaka Hawaii e hoopaka ai i kona manao kuoloa ma na mea a pau e pili ana i keia ola ana, ma kona mau pono kanaka, ame na mea e ae no hoi e pili ana i ka noho maluhia ana; a iloko o ko makou manao ana, ua hooko no makou i ko makou manao, a me ka hapa hoi a na mea i manao ia mai a makou aku; aka o ka lehulehu, ke hoopupue mai nei me ka hoopaua wale iho no ma ke kokua ana mai i ke ola o ka pepa.  He emi loa ka uku o ka pepa nei a kakou, oiai hoi iloko no oia emi ana, ke paumeume nei no ka uku ana a ka poe lawe pepa.  E oki no hoi oe ia Halakai, makemake hoi kakou i ka nupepa, a loaa ka nupepa, hoopupu mai hoi ka hookaa ana i ko ka mea pepa wahi ola.

            He mea maopopo aole ia kakou wale, aka, mai ka wa kahiko mai, keia mea he nupepa he mea maikai loa ka nupepa, a ina he mea maikai, no ke aha ko kakou hoopupu ana i ka hookaa ana ame ka lawe ana i ka kakou nupepa?  E alawa ae kakou i hope, a e ike iho no kakou he nui na nupepa i kukuluia ma keia aupuni, aka, auhea lakou?  Ua pau aku i ke auhee, no ke kokua pono ole mai o ka lehulehu; a no ia nele i ke dala ke kumu i haule ai ka Hoku o ka Pakipika; a pehea?  E nana maka anei kakou, a e hookoo i ka Lamaku hookahi o Hawaii nei,  e kau aku iluna o ka ilina mau o ka poe i make?  Ua oki, mai ae kakou e hoopioia o Kuokoa! E kokua mai ka pono, mai pi, a mai maua mai, o nele lakou i ka pepa ole.

            HALE O KA MOI MAKE.--Ke hanaia nei ka hale, kahi e waiho ai ke kino kupapau o ka Moi Aloha Iolani i hala'ku nei, aia ma Maunaala kahi i hanaia'i, a aole no paha e paa koke ana iloko o keia mau la.

NA MEA HOU O HAWAII NEI.

            PU NO PUOWAINA.--Iloko o na la i kaahope ae nei, ua kauo ia he mau pu hou no Puowaina, ehiku paha a oi ae ka nui, a ke hoomakaukau hikiwawe ia nei na kaa o ua mau pu nei e Mr. C. W. Vincent.

            I NA LUNA KUOKOA.-- Ke kauohaia'ku nei na Luna a pau o ka Nupepa Kuokoa, o ka Apana o Kona nei--mai Maunalua a hiki i Moanalua, e hele mai na ke keena Hooponopono o ke Kuokoa, ma ka Poakahi ae nei, la 21 o Dekemaba, hora 10 kakahiaka, i lohe ai i ka olelo ao no lakou.

            HE KAMALEI HOU.--Ua hoopomaikaiia mai o Mr. ame Mrs. J. Smithies (Kamila,) i kekahi Kamalei kane hou o George Edward ka inoa, ma ka la 5 o keia malama.  O ke keikikane mua paha keia i hanauia no ka makuakane haole mai a me ka makuahine Hawaii, iloko o ke au ia Ka Moi Lani Kamehameha V.  Pehea ka makana?

            KOHO LUNA MAKAAINANA.--Ua kauohaia mai makou e na Komite noonoo Lunamakaainana, o kauoha aku i na kanaka a pau o ka Apana o Kona nei, e akoakoa ae ma ka halepule o Kaumakapili, ma ka hora 7 o ka aui na la o ka Poakahi, la 21 o Dekemaba, 1863; i hiki ai ke hapaiia ka noonoo ana no ka poe kupono ke lilo i Lunamakaainana no keia Apana.  E hele nui mai e na kanaka!

            [Ua nalowale ke kope o ka olelo hoike o na hihia o ka Aha Hoomalu, a no ia mea, ua pai mua ia ka papa helu o na hihia mai ka la 18 o Novemaba, a hiki i ka la 30.  O keia papa helu malalo nei, oia na hihia i ka hanaia mamua aku o ia manawa, mai ka la 4 o Novemaba, a hiki i ka la 18.  L. Hoop.]

            KA AHA HOOMALU.--Eia malalo nei ka papa helu a me na inoa o na hihia i hanaia imua o ka Aha Hoomalu o Honolulu, no na pule e pau ana ma ka la 7 o Novemaba.

Nov. 4, Antoni Ratano, holo nui, bela ia $6.00

Nov. 4, Frank Silolia, hakaka, hoopaiia $6, me $3.25 koina.

Nov. 4, Gubar Syloia, hakaka, hookuuia.

Nov. 4, Keliilelepa, ona, hoopaiia $4, me $1 koina.

Nov. 6, Anakanaka, holo nui, bela ia $6.

Nov. 6, Harey Mason, ona, hoopaiia $4, me $1 koina.

Nov. 6, Daniela, ona bela ia $6.

Nov. 6, Thomas Peterson, ona, hoopaiia $4, me $1 koina.

Nov. 9, William Betsworth, ona, bela ia $6.

Nov. 9, Thomas Steen, ona, bela ia $6,

Nov. 9, D. Curtis, ona, hookuuia.

Nov. 9, Peter, ona, hookuuia,

Nov. 9, Kuheleloa, holonui me ka hoopilikia i ke ola, hoopaiia $15, me $3 koina.

Nov. 9, Kauhane, aihue i ke Kuka, hoopaiia 4 malama, me $1,25 koina.

Nov. 9, Wahine, ona, hoopaiia $3, me $1 koina,

Nov. 9, Wahine, hakaka, hoopaiia $6, me $1.12 koina.

Nov. 9, Kopala, ona, hoopaiia $3, me $1 koina.

Nov. 9, John Tierman, ona, hoopaiia $2, me $1 koina.

Nov. 9 Akina, no ka hakaka, hoopaiia $6, me $1.12.

Nov. 10, Francis Moran, hoohaunaele, hookuuia.

Nov. 10, Mrs. Moran Poai, hoohaunaele, hookuuia.

Nov. 10, Meana, no ka hakaka, hoopaiia $30, me $3.75 koina.

Nov. 10, Kapakoko, no ka hakaka, hoopaiia $12 me 3.75 koina.

Nov. Kaainahuna, no ka hakaka, hoopaiia $20, me $3.75 koina.

Nov. 10, Nohopu, no ka hakaka, hoopaiia 15 la, me $3.75 koina.

Nov. 10, Keku, no ka hakaka, hoopaiia $20 me 3.75 koina.

Nov. 10, Kapawa, no ka hakaka, hoopaiia 15 la, me $3.75 koina.

Nov. 10, Kauhikoa, no ka hakaka hoopaiia $12, me $3.75 koina.

Nov. 10, Kaikua (k,) moekolohe, hoopaiia 30, me $3.75 koina.

Nov. 10, Hu(w,) moekolohe, hoopaiia $30, me $3.75 koina.

Nov. 10, F.W. Lobe, kue i ka Mokuna 42, o ke Kanawai Karima, hoopaiia $15, me $1 koina.

Nov. 11, Nawahinelua, ona hoopaiia $3, me $1 koina.

Nov. 12, John Laka, kue i ka Mokuna 37, Pauku 1 & 9, o ke Kanawai Karaima, hoopau wale ia ka hoopii.

Nov. 12, Kanalewa, ona, belaia $6.

Nov. 12, Kekuiwa (w,) kue i ka Mokuna 37, Pauku 1 & 9, o ke Kanawai Karaima, hoopaiia $250, me #.62 koina.

Nov. 12, Papalimu (w,) kue i ka Mokuna 37, Pauku 1 & 9, o ka Kanawai Karaima hoopaiia $100, me $4.12 koina.

Nov. 12, Kahoina, o ka hakaka, hoopaiia $6, me $3,50 koina.

Nov. 13, Maahualama, ona hoopaiia $5, me 1 koina.

Nov. 13, Niaauao, ona. hoopaiia $4, m4 $1 koina.

Nov. 13, Haona, no ka hakaka, hoopaiia 2 pule, me $1.25 koina.

Nov. 14, Wahine, ona, hoopaiia $8, me $1 koina.

Nov. 14, James Porter, ona, hookuuia.

Nov. 14, Harry, ona, hookuuia.

Nov. 16, Jos Apela al Kanohokula, hoole i ka hana, e lie me ka palapala ae, uku i ke koina $3.50, a hookuuia.

Nov. 16, Kauainui, kue i ka Mokuna 45, Pauku 6, o ke Kanawai Karaima, hoopaiia $10, me 1.50 koina.

Nov. 16, Gus. Schneider, no ke kuai rama me ka palapala ae ole; nolaila, hahaki i ke Kanawai i hooholoia i ka la 23 o Augate, M.H. 1862, hoopaiia $500, me $5 koina.

Nov. 17, Afat (Pake,) moekolohe, hookuuia

Nov. 17, Kekipi (w,) moekolohe, hookuuia.

Nov. 17, Makuahine, mea ino wale, hoopaiia 5, me $1 koina.

KA NU HOU!

            Ma ke kipa na mai o ka moku kiapa Trieste o Kapena Sewall ke alii moku, ma ka Poaima o ka pule i hala iho nei, ma ka Poalima o ka pula i hala iho nei, iloko o na la he 18 mai Kapalakiko mai, ua loaa mai na nupepa o ia wahi e hiki ana mai ka la 15 a ka la 23 o Novemaba, me na nu Telegarapa o ka hikina, e hiki ana i ka la 21 o ia malama.

            O na nu mua i loheia mai nei o kakou, ua hele aku no a ka la 7 o Nov., nolaila, he kowa mawaena o ia mau mea hou i lohea muaia mai ai, ame na mea hou i hiki mai nei ma keia moku.  Eia iho malalo nei ke ano nui o na mea hou i hiki mai nei:

            Ua hoike mai ka nupepa Examiner o Rikemona, ke kakali malie nei ka puali koa kipi o Gen. Lee, no ke kii aku a na koa aupuni malalo o Gen. Meade a ua manaoia no hoi, e hele aoao ae ana lakou ma Feradarikabuga, A ke manao nei no ua pepa'la, e emi hope hou ana no na koa o Gen. Lee. Ua hoopuka ae o Gen. Bragg, kekahi o na Luna kipi, i kona manao paa ana, ua puka ae ka manao hohe wale ame ke kue iwaena o na aha kuka o na puali koa e noho nei ma ka mokuaina o ke Komohana Hema.

            Ua hoikeia mai, e kekahi mea kakau mana o ka nupepa World, e noho nei ma Wasinetona, ma ka la 17 o Nov., ua maopopo aole o Gen. Meade e hele ana a hiki i ka Rapidana noho iho aka, e a-e aku ana no oia ma kela kapa, i hiki ai ke kaua aku i na koa kipi.  Ua maikai pono ke ola o na koa, o na koa lio no nae ka pakeu aku.  No ka uku pono ana o ke aupuni i na koa, nolaila,  ua hoihoi loa na koa, aole he onuhanuha, a ua lilo ia mea i kumu e hookanalua ole iho ai na puali koa e noho nei o ke aupuni.

            Nov. 20--Aia na koa o ka Potomaka ma kahi i kapaia o Madison Court House, a ke hee aku nei na kipi.  ua ae mai ka nupepa Examiner o Rikemona, i ka pio ana o na koa kipi ma ka Rapahanoka.  Hoopioia ko Hoke, ame ko Hayes mau puali koa kipi e na koa aupuni.

            WASINETONA, Nov. 16--Ua hiki mai nei na nupepa o Rikemona ia nei (Wasinetona.) a o ka mea nui e kamailioia nei ilaila, o ke pio ana o na kipi ma ka Rapahanoka, ua pau loa ka poe Luna Hooponopono nupepa o Rikemona i ka huhu i na poe Luna koa nana i hoouka ke kaua i pio ai na kipi ma ka Rapahanoka, wai a ka pepa kipi o Rikemona, o ka la 12 o Nov., "Ua loheia mai ke hele mai nei na koa uapuni i kahi o ko kaou mau puali (kipi) i hoomoana ai, me ka manao paa e hoouku kaua nui mai, aole nae paha e kaua aku ana na puali koa o ka Hema.

No Kaletona.

            WASINETONA, Nov. 14.--Ua hoikeia mai makou e ka nupepa Examiner o Rikemona, aole no i ano e nui ae na mea e hanaia nei ma Kaletona.  Ke mau nei no ke kipu ana mai a na poe koa aupuni i ke ao a me ka po, aka, aole no nae he poino nui i ilihiaia mai iluna o ia kulanakauhale, a ke mau la no ka hilinai ana a na puali kipi, i ka mau luli ole no o ka ikaika o Kaletona.

            Ua hiki ae kekahi haole ma Wasinetona ma ka la 14 o Nov., a ua hoike ae oia i ka holopono o ka hana a na koa aupuni ma Kaletona, a ua maopopo no hoi ia ia e pio ana o Kaletona iloko o ka pule hookahi. [O ka kakou no ia e lohe pinepine mai nei, aka, aohe nae he wahi mea a pio iki iho.  Luna Hooponopono.]

            Ua kakauia'e e kekahi mea kakau manao o na nupepa o Georgia, e noho nei ma Kaletona, ua nui loa ka ikaika o ia kulanakauhale, a ina ka e aa mai na koa aupuni e hoao mai i ke kaua me na puali koa aina o Kaletona, alaila, e loaa ana i na koa aupuni ka hoeha mainoino loa ia ana, e na koa o ka Hema.  Oiai ke hele nei na la imua, ke pii ae nei ko ka Hema ikaika, oiai hoi ke emi hope nei ka ikaika o ka poe koa aupuni e haiamu nei imua o ke Sebasatopolo o ka Hema, oia hoi o Kaletona.

            NU IOKA, Nov. 15.--Ua haiia mai e ka mea kakau moolelo o ka nupepa Amerikana o Balatimoa, e noho nei ma Kaletona, ma ka la 11 o Novemaba.  E hai mai ana i ka hoi hou ana mai o na mokuhao Montauk a me Passaic i Kaletona, a ua kapili hou ia a ua maikai a paa pono no hoi.  Ke hoomauia nei no ke kipu ana aku ia Papu Sumeta, aole no nae he hana ano nui i hanaia malaila.  Aohe no he ano kuoo mai o na kipi.  Iloko o keia mau la iho nei, kiola aku ka hokuhao Potapsco he mau poka pohapoha he elima, iloko o ka pakaua kipi i kapaia o Batter Bee; a no ia mea, ua pau loa na kipi i ka haalele i na pu a lakou, a ua auhee aku.  A ua manao wale iho ua mea kakou moolelo nei o ka nupepa i haiia'e la, aole no paha e hoomaka ia ke kipu ana aku i ke kulanakauhale o Kaletona, a hiki i ka wa e pau loa ae ai na mokuhao ilaila, i hiki ai ke koi pono ia aku e hoopio mai o Biurigada i ke kulanakauhale kipi o Kaletona, e like me ka rula mau o ke kaua.  He 2,000 nika e hoohanaia nei ma ka mokupuni James a me Sulivana, me ka hoomakaukau ikaika no hoi i na pakaua hou e waiho nei ilaila, Aka, e lilo ana no nae i mea ole ia mau papu, ke hiki mai i ka wa o ke kaua ana.

            O ka manao hope loa o na mea kakau moolelo la, oia no ka hoike lea mai i ka holopno loa o na hana a na koa aupuni iloko o keia mau la ma Kaletona, me ka Haipu mai no hoi, aohe wahi e hiki ai ke maka'u ae no na mea keakea i hoomakaukauia mai e na kipi, me ka hooia mai no hoi ona, i ka lilo ana mai o Kaletona iloko o ka lima o na koa aupuni iloko o na la ae nei, mai keia manawa aku a hiki i ka la 25 o Dekemaba nei.

No Nu Olina ame Tekasa.

            Ua loaa'e ka lono i ka nupepa Herald o Nu Ioka, e hiki ana i ka la 4 o Novemaba, mai ka puali mai a Banks. Ua hoikeia mai ka hiki pono ana o ia poe puali koa aupuni ma ka aoao o ka Rio Grande, Tekasa, me ka nahaha nae o kekahi mau moku elua.  A i ka wa i hooleleia'i o na koa o Gen Banks i uka o ka aina, aia hoi, ua make he ehiku koa, me kekahi poe hoehoe waaapa.  Ua haalele iho na kipi ia papu Brown, me ke puhi no nae i ke ahi i na mea ano kaua o laila.  A ua puhiia no hoi i ke ahi ke kulanakauhale o Brownsville, e kekahi mau koa lio kipi; a no ia mea, ua ala koke mai na kanaka pili aupuni e hoao ikaika e kinai i ke ahi, aka, ua ala koke mai no nae na koa lio kipi, a me ka poe pili kipi no hoi o ia wahi, a ua kii ma e hoopoino i ka poe e hoao ana e kinai i ua ahi nei.  Ia wa, ala koke mai la ka hakaka nui iwaena o na kipi a me na poe pili aupuni--a-a mai la ke ahi me ke okooko nui, a huikau mai la hoi ka lehulehu o na alanui a pau iloko o ka hoomake aku, a me ka hoomake mai.

            NU IOKA, Nov. 20.-- Ua hiki mai nei ka mokumahu Hoku Ao, mai Nu Olina mai nei.  O na koa i hoounaia aku nei i Tekasa, malalo o Gen. Banks, ua hoohalawaiia mai lakou e ka pomaikai.  Ua lilo ae la i ke aupuni ka Mokupuni Bazos, Brownsville, a me kahi i kapaia o Point Isabela, a eia ia iloko o ka lima o na koa aupuni.  Iloko o kekahi o na kaua ana, ua haalele iho na kipi i na pu a lakou, a ua pau nui aku i ka holo i kahi i kapaia o San Antonio.  Aohe no i hoikeia mai ka poino i ilihia mai iluna o na aoao a elua, iloko o ia mau la kaua.  Ke manao wale nei ka mea kakau moolelo o ka nupepa Herald, o Nu Olina, o keia pani ana o ke aupuni i ke alanui e hiki ai i ka Rio Grande, e like me ka mea e kamailio wale ia nei, e lilo ana no ia i mea e ala mai ai ka hihia mawaena o Farani a me Amerika Huipuia.

            Ma keia mea, ua maopop ae nei, ua lilo ke kihi Komohana Hema o ka mokuaina o Tekasa ia Gen. Banks. O kahi nae i kapaia o Brownsville, he wahi awa kumoku ia ma ka waha o ka muliwai o ka Rio Garande, ma kela aoao mai hoi o Matamorasa, a, aia ilaila kahi a na koa Farana e noho nei.  Aohe no i maopopo o ka manawa a ia mau puali koa e noho lokahi mai ai; aka, ina kakou e hoomanao ae i ka olelo a ke Kuhina o Amerika Huipuia e noho nei ma ke alo alii o ke aupuni kahiko o Mesiko, alaila, he mea maopopo, ina o Farani e hoopaa mamuli o kona manao e hoonoho i Alii Moi ma ka nohoalii o Mesiko, alaila, me he mea la no e kaua ana.  O ke kaawale wale no iwaena o na koa aupuni a me na koa Farani, he muliwai wale no, a he hookahi no awa ku moku o na aoao a elua, a e waiho malie no kaou na ka manawa no e hoike mai i ke ao poluluhi wale e kau hoomamal nei iluna o ia mau puali. Aka, i ka M.H. 1845, a i ole ia, i ka 46 paha, ia Gen. Tayor kahi a Banks e noho mai la, a e noho ana no hoi na koa Mesiko ma kela kapa mai o Matamorasa.  Ua hiki ole nae i na poe Paniolo ke nana hoomanawanui mai i ke kau aheahe aku a ka hae o Amerika Huipuia, a no ia mea, ua ala koke mai ka haunaele mawaena o ia poe, a aole no i oki a hiki wale i ka wa a Gen. Scott i ahai loa'i ka hae o Amerika Huipuia a hiki loa iloko o ka Hale kapu o ka Monotezuma.  Ua kupuno iho la ko Gen. Banks lilo ana i Luna Nui no ia wahi, a he manaolana no ko makou, e uluhia ole mai kekahi kumu kue iwaena o keia mau aupuni.

No Tenesi.

            KATANUGA, Nov. 10.--Aole no he hoouka kaua mai ka wa mai i lilo iho nei o ke awawa Lookout ia Gen. Huka, iloko o na pula elua i hala aku nei.  Ua pau loa ka maikai o ke kulana a Gen. Huka e noho nei, aole loa e hiki ke hoonaueuaia e na kipi.  Ke hamama nei na alanui e hiki ai ke ahaiia aku ai ka ai, a me na lako kaua no na koa e noho nei ma Katanuga; nolaila, ua hala ka pilikia i manaoia mahope, e like me ka "Hala ana o ka Puulena, aia i Hilo, ua imi aku la ia Papalauahi."  Ua kaahope ae ka luuluu ana me a anoninoni o ka noho ana o na koa aupuni ilaila, a ua hoea mai hoi ka lilelile nui maluna o a mea o mua e hiki mai ana.  Aia iloko o ka lima o na kipi o Lookout Hill, a ke kiola nei i ka poka poha, ma o a maanei, me ka launa ole mai no nae i kahi a na koa aupuni i noho ai; aka, ke noho koa aku la no nae o Bragg, ame kona poe imua o ke kulanakauhale.  Aohe no he emi iki iho o ko Bragg poe koa, oia mau no o ko lakou nui, pela ma ka nana'ku.

            Ke olelo nei ka nupepa Rebel o Katanuga, o ka la 10 o Novemaba, ua maopopo pono ia ia, aole e hiki ana ia Gen. Bragg, ke hoopio aku i na puali ko aaupuni, me ka ilihia ole mai o ka poino nui iluna o ka Hema, a he poino hoi, ina e hiki io mai, aliala, aole no e hiki ana i ka Hema ke hoomanawanui ae.  Pela pu no hoi ka manao o ka nupepa Republican o Savana, me kona k oi mai nae hoi e hoounaia na koa o Bragg, e hele e kokua ia Gen. Lee, ma ka hoopio ia Gen. Meade, alaila, hoi mai a e hooluhelelei aku ia Gen. Grant.  ke hoomau nei ka nupepa Rebel, e hoopauia ko Gen. Bragg noho Luna ana no na koa o ke Komohana Hema.

            Ua hikiia'e ka lono i Wasinetona, ma ka la 18 o Novemaba, aia ka o Longstreet me kona puali, ke nee ae nei mawaena o Katanuga a me London, me he mea la, e manao ana e ki aku e kaua ia Gen. Burnside (Akau.) ma Knoxville. (Nokevili.)

            Ma ka la 20 ae no, hoouna ae o Gen. Burnside i kona manao oihana, e hai ae ana i kona manao maopopo loa i ka paa pono o kahi ana e noho nei; a ua hiki ole no hoi ke hoonaueue ia kona kulana, nolaila, aohe lele iki o kona oili, no keia lohe ia ana'ku nei e hele ana o Longstreet iona'la, ua makaukau loa oia no na mea a pau e hiki ai ke pale ae i ka enemi.

            Ua hooliloia ae la o Gen. Foster ka Luna Nui o na koa a pau o ka mahele o ka puali koa o Ohio, oia hoi ka mahele o ka puali koa o Ohio, oia hoi ka mahele ia Gen. Burnside.  Elua mokuaina i Luiia iloko o ia mahele, oia hoi o Tenesi Akau, a me Kenetuke, ame na wahi no hoi o Tenesi i nohoia e na koa aupuni. [Heaha mai nei la uanei ka hewa o Gen. Burnside, i ohiia ae la kona noho ana, aohe wahi kaua iki i pio ia ia, ma na moku Komohana.  O ua lole mai nei no o na Poo Aupuni o ka Akau. L. H.]

Hoao e Komo Malu.

            Ua ikea iho ka hoao ana a kekahi poe e pili makamaka nei no na kipi, e komo mai iloko o na mokuaina Akau, ma Kanada mai; aka, no ka nui makaala no o ke aupuni, nolaila, ua ike e ia ka mea ino e hanaia mai ana ia ia, a ua hoopakeleia oia  He manao ino no ia i hookumuia e kekahi poe kipi i holo aku ma Kanada e noho ai, no ka maka'u o laweia i koa, he 15,000 paha ka nui o ia poe, a ua mau wale paha ko lakou noonoo malie ana, me ka hoomakau ana i mea e holo ai ka hana ino a lakou i manao ai.  Penei ka mea i ikeia mai nei, o ka lakou mea i manao ai, o ka hopu i na mokumahu e holo nei ma ke kaikuono o Onotario, me ke kaikuono o Erie, a ma ua mau moku nei e aloalo ai i ka nui o ua poe kipi nei, a hiki i kahi i kapaia o Bufalo, a me Sandusky, aia ia mau wahi iloko o Nu Ioka.  A mahope iho o ko lakou hiki ana ilaila, alaila, hui mai ka poe kue i ke aupuni.  a o ka haunaele ae la no ia, "hui aku, hui mai, kalo i ka nawa."  O ka lakou la mea no i ake nui ai, o ka hoala'e i ka haunaele kuloko iloko o na mokuaina Akau.  A mai haunaele io no; aka, mai hooipo hikiwaweia no nae hoi paha.  O kekahi o na mea a lakou i manao ai e hana'ku, o ka lawe hou mai i ke alii koa powa, ia Morgan; mailoko mai o kahi paa ana e noho nei ma Ohio.  Ua ike mua ia keia manao ana a keia poe kelohe e kimo po mai i ka Akau, e kekahi o na Luna Aupuni Beritania o Kanada, a na ke Kiaaina Lutenela i hoike koke mai ia mea i ka Peresidena o Amerika Huipuia, a i kona lohe ana, o ka manawa iho la no ia i hoolakoia'i o na mea e keakea aku ana i ka ili ana mai o ka poino iluna o na mokuaina Akau.  A ua kauoha ae ka Peresidena ia Gen. Dix, e hoomaka koke e imi i na wahi nawaliwai o ka palena akau o na mokuaina Akau, a ina e loaa ua mau wahi nawaliwali nei, alaila, e hana koke i mau pakaua no ua mau wahi la.  Ma na mea e pili ana i ke kulana.

No Europa.

            Aole no he mea ano nui i lohea mai.  Ua waiho ae o Napoliona i kona manao, e kahea ia i halawai o na aupuni a pau o Europa, i hiki ai ke hoopnoponoia ka hihia iwaena o Polani me Rusia.  I na o ke kumu i puka ai o keia manao, no ko Rusia pane pakole loa ana 'ku i ka palapala a Enelani, a me Farani, alaila, e pane aku ana no o Rusia i na aupuni he umikumamalima o Europa, e like me kana i pane aku ai ia Farani a me Enelani.--oia hoi penei: "E hooponopono oukou ma ko oukou kuleana, a na'u no e hooponopono ko'u hihia kuloko."  Oia hoi e kiola aku ana o Rusia i kana olelo aa i na aupuni a pau o Europe.  Aole no i kuhihewa ka nupepa London Times, i kana i olelo mua ai, i na e puka mai ka Rusia olelo pane, alaila, o kana olelo pane wale no ke kaua.  E heluhelu ia mai paha keia mau wahi lalani pokole malalo iho nei, me a makemake ia, he palapala na kekahi kakaumoolelo o ka nupepa herald o Nu Ioka, e noho nei ma St. Petesburg ke kulanakauhale Alii o Rusia, ua kakauia ia leta ma ka la 30 o Okatoba iho nei, a penei no ia:

            "Aole i kanawai ka hoomakaukau  no ke kaua, aohe mea i ikea e like me nei iloko o ka Rusia moolelo.  Ua kauohaia a puni ka aina, e hookomo hou mai i mau koa hou.  He nui na papu hou, papu Lepo me na papu pohaku e hanaia nei ma st. Petersburg, Cronstadt, Hellingsford, Viborg, a me na wahi e ae.  O na papu mua ma Cronstadt, ke wahiia nei owaho i ka hao.  He umi moku hao ano Monita, a he ekolu, a eha paha moku i wahiia o waho i ka hao, e makaukau ana iloko ae nei o ka malama o Mei, a i ole ia, o Iune.  Aole okanamai ka nui o na pu-kuniahi, a me na poka i hoounaia mai Enelani mai.  O ka hale hana pu, a hana mea kaua no hoi o Rusia, ke hoonuiia ae nei.  Ke hoao ikaika nei o Rusia e hoolakou ia ia iho ma na mea kaua, a me ka hoopakela ae no hoi mamua o na aupuni e ae o Europa, e like me kona pookela ana ma ka lako i ka ai, a me ka lole no kona mau koa.  I ka poha mua ana mai o ke ao lipolipo o ke ano kaua, ua ane na poe Rukini e komohia'e ka makau i ke kaua; aka, ua loli ae ia mau manao a pau i keia wa, a ua pau ko lakou makau.  A i ko'u manao, o ko lakou huluaa ke kaua.  Ke pii nui ae nei ka mahalo nuiia o Alekanedero e kona poe makaainana, iloko o na la a pau.  Ua hele aku nei oia e kaapuni ma e aoao Hema o kona Emepaea; aka, e hoi koke mai ana nai i St. Petersburg, iloko o keia mau la ae."

            O ka holo ana mai nei o na aumoku kaua o Rusia i na awa o Amerika Huipuia e ku ai iloko o keia hooilo, he mea no ia  ehoolele ana i ka hauli o na aupuni o Europa.  Elua kumu nui o ka lele ana o ka oili o ua mau kamaeu nei o Europa;--1. E hoala ae i ka manaoia mai o na mea i hoike uuku ia mai mamua aku nei, no ka hui malu ana o ke aupuni o Rusia ame Amerika Huipuia. me ka ae malu aku o kekahi aupuni i kekahi, ina e kii mai na aupuni o Farani a me Anelani, e kue a e komo mai paha me ka manao e kokua mamuli o na kipi, alaila, e komo mai no o Rusia mamuli o Amerika Huipuia; ao ka lua, ina e kaua ana mawaena o Farani ame Rusia, alaila, ua kaawale ko Rusia mau moku mawaho i kahi e hiki ai ke lawelawe, aole hoi e ku wale iho iloko o Rusia.  Malia paha aole kuikahi i hanaia mawaena o Rusia, a me Amerika Huipuia, no keia mea; aka, he ano nui nae ia mea i ka noonoo ana a ka poe naauao hohonu.