Ka Nupepa Kuokoa, Volume II, Number 43, 24 October 1863 — Page 3

This text was transcribed by:	Lynn Mangel
This work is dedicated to:	MacKenzie and Kendall Mangel

Ka Nupepa Kuokoa

KE KILOHANA POOKELA NO KA LAHUI HAWAII.

He Leo Kahea.

E liuliu, e hoomakaukau, e liki ka malo, iluna ka umauma e na keiki hiialo a Kamehameha IV; no ka mea, ke kokoke mai nei ke konale ana o ka Monede mua o Ianuari, o ka M. H. 1864. Nolaila, ke kuli alo aku nei au i o'u mau hoa paiauma, o na hana ikaika loa malalo iho o ka la, kahi a ka pohaku kaapalaoa e kaapuni nei i kela makahiki keia makahiki.

E ku nui mai oukou iluna, a e lalau i na lamaku ma ko oukou mau lima akau; a e hookokoke ae ma na kihi o ka muliwai o Hikekele. E makaala oukou i ka "Lunamakaainana," e nana, e kiei, e halo, e ninau, e uiui, e noonoo, e kuka, e hoike, e hoolohe, e hooiaio, e nana imua, iwaena, e hoao, e hookolo, e hoomoana, e nana ma o a ma o.

E haalele ka hoopilimeaai, ke kapae, ka puniwale, ka hanai ano ole, ke alakai uku, ka onou wale, ka hookekee, ka maka'u wale, ka ne wale, ka paonioni, ka manao kue, ke kekeue, ka hoole aku, ka hoole mai. "Owai ke hele no kakou," o ke kanaka oopa anei? Ina e oleloia e holo, mama anei ia kanaka? "Aole." Owai la, "ke kanaka makapaa anei?" Ua inaopopo he kunihi kona ike.

Aole anei o ke kanaka i hoonuu i ka ike a maona, ame ka pono io? Oia ka pono loa, o kona ike ame kona pono, ke ola ame ka hanu o ka lehulehu, "Oia ka kuaolelo Kanawai." Noloko mai o kona ike ame kona pono, ka pololei o na Kanawai e waiho nei.

Olelo hoakaka, i na e kanu kakou i ka hua malili, pehea kana keiki, aole anei he malili? Pehea ka papipi ooi, i na kakou e kanu, a ulu mai, aole anei he papipi ooi? He papipi ooi no.

Na oukou e noonoo, e elieli, e kipulu, malama o wahiia ko oukou mau naau e ka noonoo kupono. alaila, pololei ke koho ana. Ko oukou hoa o na la ino o ka Hooilo. Me ka mahalo. S. D. KEOLANUI.

He manao hoakaka no

KEIA LAHUI.

E ka Nupepa Kuokoa e; Aloha oe:

Ua ike iho au ma kou Helu 38, ma ka aoao 2, o ka la 19 o Sept. I kou wehewehe ana'e i ka manao o kekahi kanaka Enelani, o "Englishman ka inoa, ka mea hoi a ka Luna Hooponopono i ike ai maloko o ka nupepa haole, oia hoi ka Pacific Commercial Advertiser, e hai mai ana o "Englishman"

"O ka mea kuleana aina a pau e mahi lakou e like me ka mea kupono i na aina o lakou, a e kanu lakou i kekahi mau kumu laau hua i kupono a e lawa pono ai hoi e like me ka nui o ke kuleana. Ina e hana ole ia mea, me ka hoike ole mai ia kumu o ia hana ole ana alaila, e laweia ka aina o na mea talena waiwai ole'la, a lilo i ke Aupuni, a i ole ia e haawiia i ke dala no kekahi paha o na poe i noho hana."

Nolaila, ua hai ae oe imua o ke akea i ke ano nui o ko "Englishman" manao no ka palaualelo o keia lahui; a ua kaeo hoi oe ma ia men. A maia olelo hoi kakou e nana'e ai ua tuaniti ratio like paha keia lahui me ka huaolelo palaualelo, aole paha.

I ko'u manao, ua ratio like keia lahui me ka huaolelo puni hana. A ma keia mea ka'u kokua ana i na mea i weheweheia e ka kakou Luna, ma ka Helu 38 i hala aku'la, nolaila, he pono paha ke noonoo e manua i ke ano o ka hua palaualelo, a kaawale ia, alaila, e hiki ia'u ke kukulu iho i ko kakou mau manao maluna o ia kahua. O ka palaualelo, he aha la ia? Oia lio ke kanaka noho molowa ana, a wahine, a keiki paha, aole hana i na mea kupono e ola'i ko lakou noho ana, a e lako ai hoi. O ka palaualelo iho la no ia, ke ole nae au e kuhihewa ma ia pane ana.

Ina pela ka palaualelo, alaila, e hiki ia kakou ke nana'e i ka like ana o keia lahui okoa me ka palaualelo. No ka mea, ma ko kakou Baibala Hemolele, ua loaa na loike e hooia mai ana na ke Akua mai ka Baibala. oia hoi he umi (10.) pela ka hoikke mai o kekahi kanaka naauao ma keia Aupuni, ma ka buke i kapaia o ka "Hooiaio Baibala," a ua manao iho hoi au, he mau hoike no hoi ko keia lahui, e maopopo ai he lahui hana keia. I ka ike aku, aole wahi men a pilipili aina iki aku o keia lahui me ka palaualelo. No ka mea, aole no i like aku keia lahui meia hau kupahili, kupakee, nohokee, kekee, o kanehili i kaupea'la, aole i like. Aole no hoi he like meia kukui ilipuupuu ilinakakaka i ka la, a me he mahuna awa'la kukui o Lihue la, aole like. Aia no ka hoa e like ai o puni hana, nolaila, e nana mai kakou i na hoike e hooia mai ana he lahui hana keia.

Akahi. Ke hooia mai nei na halemaikai i loaa i kalahui Hawaii, mamuli o ka hou o ka lae, he lahui hana keia.

Alua. Ke hooia nei na kuleana aina o na kanaka Hawaii i mahi ai, me ka hoomanawanui i ka la a me ka ua, he poe hana keia.

Akolu. Ke hooia mai nei na holoholona i loaa i ka lima o na kanaka Hawaii, he mea e akaka ai ua loaa mai ia mau mea, me ka hou o ka lae o keia lahui.

Aha. Ke hooia mai nei na aahu maikai o makou na kanaka Hawaii, ua loaa mai mamuli o ka hana.

Alima. Ke hooia mai nei ka noho kuonoono ana o keia halui, ma ka loaa'na o ko lakou ikaika, mai ke Akua mai.

Aono. Ke looia mai nei na aina hoolimalima o ka poe kupa Hawaaii, ua loaa mai no ia mamuli o ka hana a me ka hoomanawanui o keia lahui.

Ahiku. Ke hooia mai nei na moku o kekakhi poe o keia lahui, ua loaa mai no i na kanaka Hawaii noloko o ka hana.

Awalu. Ke hooia mai nei na Halekuai o na kanaka Hawaii, he mea e maopopo ai ua loaa mai i keia lahui no ka ikaika i ka imi i ka hana.

Aiwa. Ke hooia mai nei na kuinu laau hua, he mea e waiwai ai na kanaka Hawaii ma ko lakou kanu ana.

Nolaila, e na hoa o keia lahui, ua pomaikai keia mau mea i haiia'e maluna, no ka maikai o ko kakou lahui i ka noonoo ana i Kumukanawai no kakou. Aka, ia oukou e na hoa ka hoolawa ana i na mea e akaka ai ka hana ana o keia lahui holookoa. Me ke aloha no. D. W. K. PIHI.

Kuaipunana, Honolulu, Oahu, Oct. 2, 1863.

No Hokuloa, kekahi hoku hele.

O Wenusa kekahi inoa o keia Hokuhele, oia hoi ka lua o na hokuhele mai ka La mai; ua oi aku ka ili o Honua mamua o Hokuloa, 7,687 mile ke anawaena o keia Hokuhele, he 68,000,000 mile ka loa mai ka La mai, o kona kaa hookahi ana ma kona iho he 23 hora, a me 2 minute. Nolaila, ua loihi ae ko kakou la 224, i kona poai hookahi ana ua loihi ae ko kakou makahiki mamua o Hokuloa, a aneane like kona mau A. D. me na malama 7 1/2 o kakou. I ka wa e puka mai ai o keia Hokuhele mamua o ka La, ua kapaia ka Hokukakahiaka, ia manawa aia oia iluna ae o kana ala e hele ai, aka, i kona wa e kaa ai ilalo, ua kapaia oia ka Hokuahiahi; ua ikeia oia mahope iho o ka napoo ana o ka La, aneane palua ka malamalama a me ka mehana o Kokuloa, mamua o Honua. He Hoku lilelile ae keia mamua o na Hoku a pau, a ua ike pinepineia oia e na kanaka a pau, a ua mahalo nui loa ia oia no ka nui o ke olinolino.

I na nana'ku kakou ia ia me ka Ohenana, alaila, e like loa kona ikeia me ko ka Mahina, i kahi manawa me he Mahunapoepoe la, a i kahi manawa me he Mahina hapalua mua la, &c. Aole like loa ka loihi o Hokuloa mai ka la aku i na manawa a pau, i kekahi manana ua ike ia oia e hookokoke ana i ka La, a i kahi manawa ua ikeia oia e hele ana mai ka La aku, no ia mea, ma ka aoao Hikina o ka La, ua ikeia oia i kona hele mai ka la aku, aole like oia i na Dekere he 48@, aka. ina oia e hiki i na Dekere he 45@ &. 47@ paha, alaila e hoomaka no kona hookokoke ana i ka La. Ua kapaia mai o Hokuloa a me Ukali, he mau Hokuhele kokoke, no ka mea, ia laua ma ko ka Honua ala e hele ai, ua hele ae o Hokuloa maluna o ka La, pela no ka maaloana'e o Hokuloa, he mea nui ka hele ana'e o Hokuloa ma ka maka o ka La, no ia mea, e hiki i na kanaka keana i ka palalake o ka La, a ma keia palalake e hiki ai ke imi i na mile mai ka Honua nei a ka La. Ma ka A. D. 1,769, ua hele ae o Hokuloa ma ka maka o ka La ma ia makahiki, ua nana na kanaka naauao iaia, ua imi na kanaka i ka palalake o ka La, a ua loaa 8 1/2 setona. Menei ka hele ana o Hokuloa ma keia hope aku: Ma ka la 9 o Sematemaba, 1874. Sept. 6, 1882. July 8, 2004. July 6, 2012. Dec. 11, 2117. Dec. 9 2125. - Oia ka mea hoike aku ia kakou, i maopopo ai i ka poe e nana mai ana, ke ano o na mea a ke Akua i hana ai, a o keia Hokuloa, oia ka Hoku a kakou e olelo nei, aia a puka mai oia, alaila, ua kokoke mai ke ao ana. Me ke aloha. J. W. MALUNA.

Waianae, Oahu, Sept. 9, 1863.

Hoike oiaio me ka wiwo ole.

Owau o A. P. K., ko oukou makamaka aloha, e noho ana iloko o ko lesu Ekalesia Moremona o na la hope nei, i kukuluia e Iosepa Smith ma Maunapohaku. Aloha oukou.

Ke makemake nei au e hoike aku ia oukou me ka wiwo ole, me kuu hoike aku i ka pololei ole o na hana iloko o ua ekalesia Moremona la i kukuluia e I. Smith no na la hope nei; a mamuli o ko'u ike ana i ka oiaio ole o ua ekalesia la, e like me na kumu i hoike ia malalo iho nei.

1. Wahi a Nepai, "ua koho maoli mai no ke Akua ia Iosepa Smith i mea nana e hoike aku i ka Iesu Euanelio ma na aina puni i ke kai." He kanaka Hawaii o Nepai i hookahunaia ma ka ekalesia Moremona o na la hope nei.

2. O ka moe pu o keia kahuna me na wahine elua i mare ole ia.

3. O ke kokua dala pinepine i kela mahina keia mahina.

4. O ka hoolilo ana ia Lanai ma ka inoa hou, oia keia, "Kaluaokeola."

5. E hiki koki mai no ka Milenio ma Lanai. He wanana mae ia.

Aole i pau na kumu, aka, e wehewehe au ma keia mau kumu i oleloia maluna. Penei ka olelo a Nepai ko makou kahuna. "Mai kuhi mai oukou he mau wahine keia na'u i ko makou moe pu ana ma kahi hookahi, aole he mau wahine malama wale no i kuu oihana kahuna; no ka mea, i pono ka'u oihana kahuna ia laua nei." E puunei ka oihana kahuna. E nana i ke kumu elua.

O na dala a pau i loaa i kela mahina keia mahina, he dala ia e kuleana ai kela kanaka keia kanaka ma Lanai, a lilo loa ua aina la i na Moremona. E nana i ke kumu ekolu.

O ke kapa ana ia Lanai o "Kaluaokeola" he inoa no ka poe i kaheaia mai e pii i Mauna Ziona, e komo i ko lakou halelaa, e like me ke kauoha a ka Haku.

I ka wa e hiki ai na Moremona ma Lanai e kalai lakou i na pohaku ma Wailuku ae, i pohaku e kukula ai i ka luakina o Ziona; a i ka wa e paa'i ka luakini e komo lakou iloko, o ka hiki ana ia o ka Milenia, alaila, e hoouna mai ke Akua elua liona. e luku ana kekahi ma ka welau akau, a ma ka welau hema kekahi. O na aina a pau loa o ke ao nei, no na kanaka ia a pau loa iloko o ka ekalesia Moremona o na la hope nei, ka poe i hoopomaikaiia e ke Akua. Ua hooko ke Akua i keia olelo ma ka waha o Isaia kana kaula, pela i oleloia ma Isaia 26:20 21.

Ke kauleo aku nei au i ko'u mau hoa, e kupaa oukou ma ka ekalesia nana i hoonaauao mua ia kakou i ka olelo hoopomaikai, o hihia auanei oukou i ka umiumi o ka ekalesia Moremona, e like me a'u nei, ko oukou makamaka aloha, a ua hoi hou mai au ina ka ekalesia o Waioli, e ninau ka pono. E aloha auanei. A. P. KIKIHIUNU.

Hunulei, Kauai, Sept. 12, 1863.

OLELO HOOLAHA.

UA KOHOIA KA MEA NONA KA INOA malalo i Luna Hooponopono no ka waiwai o Naiwielua, no Waihee, Maui, i make kauoha ole. O na mea i aie ia ia, e hookaa mai, a o na mea hoi ana i ale aku ai, e hele mai imua o'u me na hoike kupono no ke koi ana. O ka la 14 o Novemaba, ma ko'u home. S. M. KAMAKAU.

Waihee, Maui, Oct. 15. 1863. 100-4@

OLELO HOOLAHA.

E KUAI KUDALAIA'NA 7 LIO I ka Poaono, oia ka la 24 o Okatoba, hora 12 o ke awakea. 3 Lio, i ka Poakahi, la 26 o Oka., 2 Lio, i ka Poakolu, la 28 o Oka., i ka hora 12o ke awakea. He mau Lio hou mai kekahi. Ke ano me ka hao malalo nei: ma ka Pa Aupuni.

Ma Pauoa,

Ma ka Poaono.

1 Loi kane eleele, hao W. hema.

1 " ulaula, hao OE hema.

1 " lokia, hao PG akau, AL hema.

1 Loi wahine ulaula, hao N hema.

1 " ulaula, hao ano e.

1 " hiulaula, hao ano e.

1 " puakea me ke keiki. hao ano e.

Ma ka Poakahi.

1 Loi kane eleele, 3 hao ano e, W hema.

1 " ahinahina, hao N

B akau.

1 Loi wahine ulaula me ke keiki, hao IP akan.

Ma ka Poakolu.

1 Loi kane eleele, hao N akau, 3 hao ano e.

1 " hulupala, hao W akau.

Na Loi hou mai.

1 Loi kane ulaula Knapuka, hao ano e.

1 " ulaula, hao NP. akau.

1 " kalakoa, hao ano e.

1 " keokeo wiwi, hao ano e.

1 Lio wahine eleele. hao K akau.

1 " ulaula, hao akau BPBP.

He mau Lio maikai na Lio e kudalaia'ua, e hele mai me ka makaukau l ke dala.

E kii mai i na Lio hou, me ke dala pu mai, oi pokole na la, o hala na la he 15 nele oukou.

NAPUAKO. Luna Pa Aupuni.

Pauoa, Okatoba 23, 1863. 100-@*

PUBLIC NOTICE!

THE ESTRAY ANIMALS CONFINED in the Government Pound,

At Pauoa.

Will be sold at public auction, on Saturday, October 24, at 12 o'clock, M., 7 horses. On Monday, October 26, at 12 o'clock, m., 3 horses. One Wednesday, Oct. 28, at 12 o'clock, M., 2 horses. All person interested are hereby notified to attend. The following are the description and brands:

On Saturday, Oct. 24

1 Black horse, brand left hip W.

1 Bay horse, brand left OE.

1 Iron-gray horse, brand right PG, left AL.

1 Bay mare, brand left N.

1 Bay mare, brand not describable.

1 Iron gray mare, brand not describable.

1 Cream colored mare with colt, brand not describable.

On Monday, Oct. 26.

1 Black horse, brand not describable.

1 Gray horse, brand right NB.

1 Bay mare with colt, brand right IP.

On Wednesday, Oct. 28

1 Black horse, brand right N.

1 Sorrel horse, brand right W.

Last horses.

1 Bay horse, brand not describable

1 Bay horse, brand right NP.

1 Calaco horse, brand not describable.

1 White horse, brand not describable.

1 Black mare, brand right K.

1 Bay mare, brand right BPBP.

NAPUNAKO, Pound Master.

Pauoa, Oct. 23, 1863. 100 @*

OLELO HOOLAHA.

E KUAI KUDALAIA'NA NA LIO he 7, ma ka Pa Aupuni,

Ma Waiawa, Ewa, Oahu,

Ke hiki aku i ka la 26 o Okatoba, i ka hora 10 o kakahiaka. oia ka Poakala. A Ehiku Hio, i ka Poaono, oia ka la 31 o Okatoba. Ke ano me ka hao malalo nei:

1 Lio wahine ulaula, hao akau SU, hema hao ano e.

1 Lio kane ulaula, hao hema K.

1 " ahinahina, hao manamana ano e.

1 " ulaula hauli, hao akau Khh, hema B.

1 " eleele, hao hema S2.

1 " ulaula lokia, hao akau HP, hema H.

1 Lio wahine ulaula, hao akau OPI, hema hao ano e.

1 Lio kane keokeo kukaenalo. hao manamana ano e.

1 wahine ulaula, hao manamana ano e.

1 " hauli hao hema q r.

1 " puakea, aole hao kuni.

1 " eleele me ke keiki, hao manamana ano e.

1 Lio kane ulaula, hao akau BN, hema hao ano e.

1 Lio wahine ulaula, hao akau K). hema hao ano e.

J KAHAUOLONO, Luna Pa Aupuni.

Waiawa, Ewa, Oka. 23, 1863 100-@*

PUBLIC NOTICE!

THE ESTRAY ANIMALS CONFINED in the Government Pound.

At Waiawa, Ewa, Oahu.

Will be sold at public auction, on Monday, Oct. 26, at 10 o'clock, A M., 7 horses. On Saturday, Oct. 31, at 10 o'clock, A. M., 7 horses. All person interested are hereby notified to attend. The following are the description and brands:

1 Bay horse, brand right SU.

1 Gray horse, brand not describable.

1 Iron-gray horse, brand right Khh, left B.

1 Black horse, brand left S2.

1 Bay horse, brand right HB, Left H.

1 Bay mare, brand right OPI, left -0-

1 White horse, brand not describable.

1 Bay mare, brand not describable.

1 Bay mare, brand left H.

1 Cream colored mare, no brand.

1 Black mare with cold, brand not describable.

1 Bay horse, brand right BN.

1 Bay mare, brand right K@

J. KAHAUOLONO, Pound Master.

Walawa, Ewa, Oct. 23, 1863. 100@*

Pulupulu!

A UA MAKAUKAU NO HOI AU E KUAI aku i ka pulupulu, penei:

PULUPULU i pau i ka waeia, 20 keo. no ka paona. PULUPULU me ka anoano i wae oleia, 6 ken. no paona. E lawe no au i ka welu lole a me ka pulupulu i uku no ke Kuolea. H. M. WINI.

100-@ Lana Pai o ke Kuokoa.

OLELO HOOLAHA.

UA HOOPII MAI O KAAHU w. KUE I kana kane o Paaina, no Hilo, Hawaii, mamua e hooki i ko laua mare ana no ka haalele wale ana no na makahiki ekolu o Paaina, i kana wahine. E hanaia keia hoopii imua o ka Mea Hanohano G. M. Roberison, kekahi Lunakana wai o ka Aha Kiekie, ma ka la 9 o Novemaba, i ka born 10 o kakahiaka, aia ma ka Hale Hookkolokolo ma Honolulu, Oahu.

G. W. BROWN, Kakanolelo kokua o ka Aha Kiekie.

Honolulu, Oahu, Oka. 2, 1863.

AWA O HONOLULU,

No ka Moku ku mai.

Oka 15--@@@@ mai Kauai mai, me 22 pa@a @@, a me 17 ohua

16--Okohola Am Geo Ho@@@@ mai Alika mai, me 1200 bareta aila a me 16,000 paona iwi, o keia k@k@@@

17--Moikeia'i, mai Kahului a me Lahaina mai, me ka paha hu@@ ko a me ka ma@@keke

17--Okohola Am Ba@@@@@ mai Atika mai, me 200 bareta aila a me 3,000 paona iwi, o keia kikina

18--Okohola A, Tamerlane, mai Atika mai, me 1,000 bareta aila a me 16,000 paona iwi, o kela kikina

18--Kalepa Am Ral@@ 153 la ma Bosetona mai, me ka waiwai no Burua ma.

18--Okohola Am Covington, mai Atika mai, me 800 bareia aila a me 19,000 paona iwi, o keia kikina

19--Annie Laurie, mai Hawaii a me Maui mai, me 140 eke kope, 2 ope ili, 52 barela bipi, 20 hipa, 20 bipi, a me 34 ohua

19--Jeannette, mai M@@@@ mai, me ka papa.

20--Okohola Am Champion, mai Atika mai, me 900 barela aila a me 13,000 paona iwi, o keia kikina

20--Neke, mai Makena a me Lahaina mai, me 16 pa@@ wahie, 2 barela aila bipi, a me 23 ohua

20--Ema Ruka, mai Hilo mai, me 14 eke pepeiao laau, 5 eke pulu, 8000 alani, 17 bipi, a me 69 ohua

20--Warwick, mai Molokai mai, me 20 hipa, a me 5 ohua

21--Okohola Am Lago@@ mai Atika mai, me 1@00 barela aila a me 20,000 paona iwi o keia kikina

21--Kamehameha IV, mai Maliko mai.

HANAU.

Mei 13, ma Niuula, Honokohau, Maui, hanau o Mereana w, na @ me Kamaka.

Iulai 3, ma Kahakuloa, Maui, anau o Kaahanai w, na Kauhi me Kahauauwai.

Iulai 9, ma ia wahi no, hanau o Kiaa w. na Kalawakua me Laa.

Aug. 2, ma ia wahi no, hanau o Kauluhua w, na Kamalii me Wae.

Aug. 23, ma Kau, Hawaii, hauau o Lilikalani k, na Kalu me Kahala.

Aug. 28, ma Kamoiliili, hanau o Hiilawe w, na B. Papa me Kahanaaui.

Aug. 28, ma ia wahi no, hanau o Hanalelpo k, na Petero me Poipe.

Aug. 31, ma ia wahi no, hanau o Ioela k. na Kahaleuwahi me Uauakal@ui.

Aug. 31, hanau o Hawaii k, na Naholowaa me Nailimae, ua make no.

Sept. 1, ma Kamaoa. Kau, Hawaii hanau o Kamahiko k, na Kalua me Nawahineelua.

Sept. 1, ma Kalapana, Puna, Hawaii, hanau o Iosepa k, na J. Hoe me Malie Kaiwi

Sept. 3, hanau o Inoaole w. na Kane me Nawaaliilii, ua make no.

Sept. 10, ma Haiku, Hamakua, Maui, hanau o Kawahiueloaaole w, na Kapuuohu me Kaakole.

Sept. 16, ma Kai aoa, Kau, Hawaii, hanau o Ana w, na Kupapaulu me Kaleikauhookahi.

Sept. 17, ma Kuiaha, Hamakua, Maui, hanau o Make k, na Nuuanu me Z@lu, ua make no.

Sept. 24, ma Waiohinu, Kau, Hawaii, hanau o Inoaole w, na Hamiton George me Mary George.

Sept. 26, ma Kuiaka, Hamakua, Maui, hanau o Kaweawea k, na Kahope me Kapehe.

Sept. 27, ma Maemae, hanau o Kealiilaikini k, na Panee me Kalalawalu.

Sept. 27, ma Nuuanu, hanau o Kealiihekili, na Iuda me Hekili.

Sept. 29, ma Peahi, Hamakua, Maui, hanau o A besaloma k, na Wauara me Huleka.

Sept. 30, ma Ponahakeone, Waikikikai, hanau o Kaonohi w, a me Kauakokomakamoana k, he mau mahoe, na Kaiwi me Keaupuni.

Sept. 19, ma Pawaa, Kohala Ak. Hawaii, hanau o Kawai w, na Kawaiahao me Napualei.

Oct. 2, ma Palikea, Oahu, hanau o Pulei A pio k, na Ke (Pake) me Mahuna.

Oct. 4, ma Koaka, hanau o Keolaokekai k, na Ulalia, he keiki kamehai.

Iulai 17, ma Kapaloa, Wailuku, Maui, hanau o Kahuila k, na Kalani me Kamiki.

Ma ia wahi no, hanau o Miss Peke Haaneo w, na Haaheo me Ki.

Aug. 8, ma ia wahi no, hanau o Aberahama Kaaipinao k, na L. Makahanohano me Kaiwi.

Aug. 25, ma ia wahi no, hanau o Davida Kaweawea k, na Kaweawea me Muouou.

Sept. 12, ma ia wahi no, hanau o Pakulani w, na Nawahine, he keiki kamehai.

Aug. 26, ma ia wahi no, hanau o Kawahueleikini k, na Kaluna me Kulokuloku.

Sept. 16, ma Manana, Oahu, hanau o Kuheleloa k, na Kaanaana me Makaole.

Oka. 15, ma ia wahi no, hanau o Maluaka w, na Kaluaelie me Laweiki.

Oka. 13, ma ia wahi no, hanau o Kamaka k, na Kamalu me @

Oka. 3, ma Kapihaa, Kaupo, Maui, hanau o Keamalu w, na Kuaana me Kamahu.

Oka. 10, ma Paehala, Kaupo, Maui, hanau o J. Pali k, na Kaanaana me Kaohiki.

MARE.

lulai 25, ma lionokohau, Maui, mare o S. Kalama me Emele na Balauwina laua i mare.

MAKE.

Iune 3, ma Keahua. Honokohau, Maui, make o Kaaumoana w.

Iune 11, ma Paaukini. Honokohau, Maui, make o Kaauaana.

Aug. 4, ma Kanani, Honokonau, Maui, make o Huluhulu w.

Aug. 2, ma Keanae, Kahakuloa, make o Kaahanui w.

Aug. 23, ma Kiolakaa, Kau, Hawaii, make o Kealoha w.

Sept. 1, ma Kau, Hawaii, make o Luhia w.

Sept. 3, ma Paaukini, Honokohau, make o Kupau k.

Sept. 4, ma Keanae, Kkahakuloa, make o Kupau k.

Sept. 14, ma Paaukini, Honokohau, make o Kaililua w.

Sept. 19, ma Kamaui, Honokohau, make o Kekahuna w.

Sept. 25, ma Papaikou, Kau, Hawaii, make o Kumanui w.

Sept. 25, ma Papohaku, Kau, Hawaii, make o Pukaua k.

Oct. 14, ma Honolulu, make o Kai k.

Oct. 6, ma Kawehewehe, Waikikikai, make o Emelia w.

Ma ia wahi no, make o Kauakokomakamoana k.

Ma Kaneloa, Waikikikai, make o Pupuka w.

Aug. 8, ma Kapaloa, Wailuku, Maui, make o Kailianu k.

Aug. 30, ma ia wahi no, make o Maa w.

Sept. 18, ma ia wahi no, make o Keo w.

Sept. 21, ma Opea, Hilo, make o Emelia Pahukoa w.

Sept. 29, make o Meie Kaupe w.

Oka. 10, ma Kaaloa, Kaupo, M., make Simeone Kaanaana k.

Oka. 7, ma Manawainui, Kaupo, M., make o Laealu w.

Oka. 6, ma Manana. Ewa, Oahu, make o Kaiwikahili k.

Oka. 12, ma Waiawa, Ewa, Oahu, make o Kaikai w.

Oka. 11, ma Kapalaoa, Wailuku, Maui make o Poha k.

Oka. 14, ma Kukuluaeo, Hoaolulu, make o Noa k.

Oka. 21, ma Mililani, Honolulu, make o K. Mealaala w.

OLELO HOOLAHA.

AUHEA OUKOU K NA KANAKA MAOLI, Haole, a me na Pake. e noho ana ma ka apana o Hamakua ahiki i Kehala Hema, a me na wahi e ae, mea Lio, Bipi, Miula, Hoki, Kao, Hipa, e hiki ia oukou ke hoopaa i keia mau holoholona, mai hookuu wale ma ke ahupuaa.

O Honokaia, Hamakua, Hawaii,

Ke paa ole kona inea ma ka puke auhau aina, ina paa pono ke hele wale ma ia aina, he hiki i ua mea holoholona ke kii niai i ko lakou mau holoholona mai keia la aku a hiki i ka la hope o keia malama. aole e hiki i kekahi ke awe wale me ka uku mua ole mai i hapawalu (12 1/2 kenela) no ke pao hookahi, o keia kapu no na palena eh@: iaa makemake kekahi e hoolimalima no kona mau holoholona. e hele mai no e hui me ka luna.

A KALIO, Luna Aina.

H@aokaia, Ha@., Hawaii, Oka. 1, 1863. 100-3@*

OLELO HOOLAHA.

E IKE AUANEI OUKOU ENA KANAKA

a pau ka mai Hawaii a Niihau, ua hema hou ka puka

O HALEOLA,

ka "Hale Ai o na Kanaka Hawaii," i ka la 19 o Okatoba, 1863. Aia ma alanui Nuuanau makai iho o ka hale kuai mua o AKM, e noho ia nei e ka Pake. Nolaila o ka poe pololi, e hele mai no malaila e ai, no ka uku oluolu loa. E ninau i ka mea hale.

Na HIKIAU.

Honolulu, Oahu, Oka. 19, 1863. 100-3@*

OLELO HOOLAHA.

NO KA MEA. UA NOHA MAI KA MEA Hanohano G. M. Roberison. kekahi Lanakanawai o ka Aha Kiekie e P. Naone, no ka hooiaio i na Palapala Kkanoha o Kiekie k, a me Nailiauu w. no Waialua, Oahu, i make aku nei: Nolaila, ua hoikeia i na kanaka a pau loa. ke pili, o ka Poakahi, oia ka la 2 o Novemaba, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia Palapala Kauoha, aia ma ka Hale Hookolokolo ma Honolulu, Oahu. G. W. BROWN.

Kakauolelo kokuao ka Aha Kiekie.

Honolulu, Oahu, Oka. 17, 1863 100@

Olelo Hoolaha.

E IKE AU ANEI OUKOU E NA KANAKA o keia ano kela ano, na Kanaka maoli, Haole, Pake, e noho ana ma kela mokupuni keia mokupuni o Hawaii nei. Ke papa aku nei au mai HOAIE i ka'u wahine mare.

Ia KAIMIHAU,

no Kiilae, Kona Hema, Hawaii. Ina oukou e hoaie la ia maluna o oakou ke poho, aole loa wau e houkaa, no ka mea, ua haalele mai oia i ko maua wahi moe iloko o na makahiki ekolu a me ka hapa. E makaala oukou e ou hoa o ka ia o ka la a me ke anu o ka ua. Ua oki ea, mai hoaie mai. Ua pau ke hoi nei ke keiki o ka uka ua kokolo mai ke ana o ke ahiahi. Owau no ka oukou kauwa.T. NAHOLUA.

Kaloko, Kona A, Hawaii, Oka. 13, 1863 100-1@

E MAKAALA!

OWAU

O KAMUELA,

KA HOA KUAI O NA

KANAKA HAWAII.

NONA KA HALE KUM PAP MAuka iho o ka

Hale Hookolokolo

ma Honolulu. Ke hai aku nei au ia oukou, he mau ia ku wale no keia o kuu maku papa.

"CONSTITUTION!"

a ke ku mai oia, e loaa ana ia'u na

LAKO KAPILI HALE

o kela ano, keia ano.

EIA NO KE WAIHO NEI.

NA:

PAPA O KELA ANO, KEIA ANO.

LAAU HALE, o kela ano, keia ano.

PILI HALE,

PINE,

AAHO,

KEPA,

PANI PUKA,

PUKA ANIANI,

OLEPELEPE,

KUI,

PENA,

AILA PENA,

WAI HOOMALOO PENA.

IA MEA AKU, IA MEA AKU.

Ua makaukau au e kuai aku me ka oluolu i keia mau mea, a no ka maopopo no paha ia oukou he KEIKI KAMAAINA au, he hiki ia oukou e ka Lahui.

Mai Hawaii a Niihau,

Ua kipa mai i o'u nei. E hiki ana no na moku papa o'u i na manawa a pau, a hoolako mau ia'u. He mea mau i na poe o ka hiki mai ka haanui, a me ke kaena. A he mau Luna kekahi i hoonoho ia e lakou e alako ana i ka poe maikai, me he lawehala la Aka, he hiki ole ia'u ke hana pela, o ko'u ano no ka oukou e imi mai a loaa, maopopo no na hana a kakou, no ka mea, o ko Hawaii nei kupa iho la no ia o ko oukou makamaka.

KAMUELA, (Kaikaina o Kimo Pelekane.)

Honolulu, Oka. 15, 1863. 99-3w

OLELO HOOLAHA

NO KA MEA, UA NOIIA MAI KA MEA nona ka inoa malalo, e Ulamealani w, no ka hoonoho i Luna Hooponopono i ka waiwai o Manunu k, no Kaawaloa, Kona Hema, Hawaii, i make aku nei: Nolaila, ke hoikeia nei i na mea a pau, ke pili, o ka Poaono, oia ka la 7 o Novemaba, i ka hora 9 o kakahiaka, oia ka la a me ka hora i oleloia, e hoolohe ai no keia noi ana mai, a me na mea hoole i hoikeia.

CHAS. FREDERICK HART,

Lunakanawai Kaapuni o ka Apana Ekolu.

Onouli, Kona Hema, Hawaii, Oka. 8, 1863. 99-2T

OLELO HOOLAHA.

NO KA MEA, UA NOIIA MAI KA MEA nona ka inoa malalo, e Kuhiakanehaku w, no ka hoonoho i Luna Hooponopono i ka waiwai o Kuhia k, i make aku nei, aia ka malama o Mei, 1863. Nolaila, ke hoikeia nei i na mea a pau, ke pili, o ka Poaoao, oia ka la 7 o Novemaba, i ka hora 9 o kakahiaka, oia ka la a me ka hora i oleloia, e hoolohe ai no keia noi ana mai, a me na mea hoole i hoikeia.

CHAS. FREDERICK HART,

Lunakanawai Kaapuni o ka Apana Ekolu.

Onouli, Kona Hema, Hawaii, Oka. 8, 1863. 99-2T

OLELO HOOLAHA

NO KA MEA, UA NOIIA MAI KA MEA nona ka inoa malalo, e Kanehailua w, e hooiaio i ka Palapala Kauoha o W. Hewahewa k, no Makaula, Kona Akau, Hawaii, i make aku nei: Nolaila, ua hoikeia i na kanaka a pau, ke pili, o ka Poaono, oia ka la 7 o Novemaba, i ka hora 9 o kakahiaka, oia ka la a me ka hora i oleloia, no ka hoolohe i ka oiaio o keia noi ana mai, a me na mea hoole i hoikeia.

CHAS. FREDERICK HART,

Lunakanawai Kaapuni o ka Apana Ekolu.

Onouli, Kona Hema, Hawaii, Oka. 8, 1863. 99-2t

OLELO HOOLAHA.

E IKE AU ANEI OUKOU E KA poe mea Lio i noho ana ma keia wahi kela wahi. Eia ma ko'u wahi nei kekahi Lio Helehewa, o kona ano, he Lio wahine paakea huelo poomuku, ua kuniia ma ka uha hope akau, hau, eia PK. Ina o ka mea nona keia Lio, e kii koke mai me na dala ($5 00) no ka hoopoino i na mea kanu ; ina i kali au a hala na ia he 30, lilo loa keia Lio ia'u, a e kuni no au i ko'u hao pono-i.

SIMEONA W. KAUAHIPAULA

Kainehe, Ham., Hawaii, Sept. 28, 1863. 99-2@

OLELO HOOLAHA.

E IKE OUKOU E NA KANAKA A PAU O kela ano keia ano, ke papa aku nei au ia oukou, aole e hoaie i ka'u wahine mare,

Ia Kameeui, Honomu, Hilo, Hawaii, aole hoi e hoolilo ia ia i wahine hoolimalima malalo o oukou, aole au e uku aku i kana mau aie a pau ma keia hope aku. No ka mea, ua haalele mai oia ia'u, a ua hele aku i Honolulu me ko'u ike ole, ua hahai aku mamuli o ke koi a kona aakoni, aole no hoi au i hana ino aku i kuu mea alohe he wahine, aole no hoi i nele i na la a ke Akua i hoolako mai ai e imi i pono no maua, e kuleana ai la hoi ka haalele a ka wahine. Nolaila, o ka mea hookuli i keia papa ana, maluna ona ko oukou poho. A ke kauoha nei au i na Luna Makai a me na Makai o ke kulanakauhale o Honolulu a me na wahi e ae, he pono ke hopu aku i na Kameeui wahine ia a'u ke ike aku e hana ana i ka hewa.

PAALUHI

Manienie, Hamakua, Hawaii, Sept. 28, 1863

OLELO PAPA.

NO EA MEA, UA HAALELE MAI ka'u wahine mare.

O KULAMANU,

i ko'u wahi moe a me ko'u hale me ke kumu ole, nolaila ke papa aku nei au i na mea a pau, aole ma ke hoaie ia ia ma ko'u inoa, mai keia la aku, no ka mea aole au e hookaa i kona aie. (99-@) J. POSSON.

G. W. BROWN, PALAUNU.

LUNA HOOIAIO INOA.

UA MAKAUKAU KA MEA NONA KA inoa i haiia maluna, ma kona keana ma ka Hale Hookolo kolo, ma Honolulu, e HOOIAIO i na inoa o ka poe e makemake ana, ma na Palapala Hoolimalima, na Palapala Aelike a me na Palapala no a pau e pili ana i ka hooiao.

G. W. BROWN, (Luna Hooiaio Inoa.)

Honolulu, Iulai 1@, 1863.

HALE PAI KII.

MALUNA AE O KA KEENA PAI O KA

"Nupepa Kuokoa,"

Emi ia uku no ke kii. E pai no ke kii iluna o ke

ANIANI a me ka PEPA.

E hele mai e na makamaka e pai i ko oukou mau kii.

H. L. CHASE (Keiki)

@-@ Mea Pai Kii.

KA MOKU AHI

KIALUA

"ANNIE LAURIE,

E HAALELE AANA IA HONOLULU

I KELA POAONO KEIA POAONO.

@ "KILAUEA"

I KA HAPALUA O KA HORA A AHIAHI.

LAHAINA.

ULUPALAKUA,

KAWAIHAE.

a me KONA.

@ @

@ GREEN & CO

L H A H M

@ @ @ @ 1863 @

@@@@@@@@

@@@@@@@

OLELO HOOLAHA

I NA KANAKA HAWAII!

Makai iho o AIGUPITA

Ma hope iho o ka Pa

O MAHUKA!

Pa Kuai Papa

LEWERS & DICKSON,

MALAILA E LOAA AI NA PAPA O KELA ano keia ano,me ke kumukuai makepono loa, nolaila e naue mai oukou e ike i ka oiaio o keia leo paipai ia oukou e na makamaka Hawaii.

NA PAPA OLEGONA,

LAAU HALE A ME NA POU,

LAAU KAOLA A ME NA PINE PA.

LAAU AAHO HALE PILI MAOLI

PAPA ULAULA, PAPA PAINA,

PAPA KEPA A ME KA AAHO,

PILI ULAULA A ME KE KEOKEO.

Eia la mea

KUPANAHA

Ma keia hale - maanei i wilna'i ka

PALAOA a ma ka HANA PAHU

e like loa me ko

ULAKOHEO

mamua, i kona wa e kau ana, aole i pau i ke ahi mamua; nolaila, e naue mai e makaikai.

Na Pena Keokeo a me ka Omaomao,

Na Pena Ulaula a me ka Eleele,

Poho, Kolu, Hulu Pena,

KUI o na ano a pau,

LAKA o na ano a pau,

Aini, Kilou, Kui kakai moena,

Kui Nao,

Pani Hale,

Pani Aniani, Pake,

Aniani kaawale,

Pani Olepelepe.

A PELA WALE AKU.

Aole o maua hoolimalima i poe e koi aku ana kanaka e kuai mai ma ko maua wahi; aka, he hilinai no @ ke ano maikai o ka maua mau mua kuai, a me ke kumukuai o ka @ @ i papa, me ka malama pono hoi i ka maua o hana @ i hoomau ia mai ai ka pomaikai loaa mau ia maua mamua aku nei

Honolulu, Okatoba 15, 1863. (@@)

HE MAU BIPI KAUO KUAI.

KE MAKEMAKE NEI KA MEA nona k inoa malalo nei e kuai aku @ Paa Bipi kauo Nunui. ua @ no hoi. A he mau Kaa Kauo kekahi ekolu, he mau Kaa maikai me ke K@ a me na pono a pau e pili ana i ka @ Kauo @ nana i kauo iho nei ka wa@ NO ke @ ke aua, @ Luna Nui o @ ma Honolulu, a i ole ia, ia D. BARRETT

O Kapalaoa, Kona, Hawaii

BUKE HOU!

EIA MA KA HALE KUAI BUKE

O WINI,

ma Honolulu nei, keia Buke elua

Ke kumumua Hou. - - - Hapawalu 12k. ka uku.

Ka lira kamalii, eia na himeni haipule a me na Himeni Waleu,---Hapaha (25k.) ka uku

Malaila e loaaa ai ua mau Buke la a me kekahi buke e ae he nui wale. E pono e lele mai ka @ i ka loaa e kuai.

Olelo Hoolaha.

NO KA MEA, UA NOIIA MAI AU E KA mea nona ka inoa malalo, kekahi o na Lunakanawai Kaapuni o Hawaii, e Kalaokahaku k, e haawi aku i la no ka hookohu ana i Luna Hooponopono Waiwai no ka waiwai o Mokumaile, o Kaawelelau, Puna, Hawaii, i make, me ka Palapala Hoaluna ole ma Honolulu, Oahu. Nolaila, ke hai nei au o ka Poaloa, oia no ka la 9 o Novemaba, i ka hora 9 o kakahiaka, oia no ka la a me ka hora i oleloia no ka hoolohe ana i ka i hoopii ia, a me na mea a pau i kue, ke pali. Ma Onomea, Hilo, Hawaii, kahi e hana ai

SL AUSTIN, Lunakanawai Kaapuni

Onomea, Hilo, Sept. 20, 1863 99-2t

OLELO HOOLAHA.

NO KA MEA, UA NOHA MAI KA MEA lona ka inoa maialo, e Poka Kamahana w, no ka hoonoho i Luna Hooponopono ika Waiwai o Poka i make aku nei, ma ka malama o Iune 1854: Nolaila, ke hoikeia nei i ua a pau ke pili, o ka Poaono, oia ka la 7 o Novemaba, i ka hora 9 o kakahiaia, ma ka la a me ka hora i oleloia e hoolohe ai no keia @ ana, a me na mea hoole i hoikeia.

CHAS. FREDERICK HART.

Lunakanawai Kaapuni o ka Apana Ekolu.

Onouli, Kona Hema, Hawaii, Oka. 5, 1863. 99-2@

Kela Humuhumu Lole.

C. H. NICHOLSON.

UA LAWE AE NEI AU I KUMI MA KA Hale o Mr. McIntyre, ma ke alo mai o kahi o A. D. Cartwright, Esq., malaila au e loaa ai i na hora a pau o ka la. O ke poe @ hana a makemake e waiho me a'u, a hiki no ia lakou ke hana pela me ka hilinai mai i a o ka poe a pau o kela kulanakauhale a'u i aie aku ai, he mea pono no lakou ke lawe mai i ka lakou hana ia'u, no ka mea e haawi aku no au i kekahi hapa o ko'u uku no ko'u ale. E hele mai i hookahi! E hele mai a pau! @3-3m