Ka Nupepa Kuokoa, Volume II, Number 38, 19 Kepakemapa 1863 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Ka  Nupepa  Kuokoa.

he kuleana ko'u ma ke koho ana i na Luna no ka Hale Ahaolelo i oleloia.

   No hapoi nui a kekahi poe me ka hoakaka ana, aia ka poe kupono ke koheia o ka @ me ka Petero i olelo ai ia Mose.

   P@  maka'i i ke Akua. "a makemake ole i ke w@  a o ka poe piha he hoona@. Puuku, a Kahanapule paha. @  Kahunapule paha, a pela aku, a @ , o, a  e ao ana i na kanaka i ka p@  kupono.

   Ma kuu nana ana i kela mau olelo, he mau @ wale mai. no ka manao iini paha, hooikaika ka paipai paha i kohoia mai, a hoohu@ i loaa ke ku@u e hiki ai e hooko i ka makemake i imi ai. Poina paha ke Kumukanawai a no na Kanawai e hoike akaka ana ka pue kupono e kohoia, a  ua hoopauia pa@  pauka.

   Ke @ nei au, ina hooko pololei ia ka @ Kumukanawai, a me na Kanawai, @, kakaikahi aole loa no paha, o ka poe e hoolaha nei. a e makemake nei o lilo i Lunamakaainana, koe wale no ka poe kupono i ke Kumukanawai. me na Kanawai.

   Kuhihewa loa ka poe kapilipili i na olelo ana Petero i kana hunona ia Mose, no ka mea aohe o Petero i ao aku e waeia kela poe @  Kanawai, a i poe hoa Ahaolelo no Mose i ke kau ana i ke Kanawai. Aole loa, e pono e nana hou a maopopo, a mai hoopili wale i ka mea kupono ole.

   Ua paa mua na Kanawai i ke Aku, ua kakau ia a paa, a ua kauohaia o Mose oia na Kanawai, aole hoolohe, aole noonoo hou, i ka hooko ana a me ka hookolokolo ana i na hihia liilii a pau, a o na hihia kiekie, ia Mose no ka hana a me ka hooko ana.  Oia ka poe i oleloia. e Petero, aole ka poe kau Kanawai.  Ina hoi no ka poe kau Kanawai kela olelo ana, alaila, ke ninau aku nei au, owai kela poe makau i ke Akua. iwaena o na kanaka Hawaii maoli ! A pehea e maopopo ai ka oiaio o ka makau ana!  Ua waeia mai nei a nei a maopopo ia poe !  Aole anei kakou a pau loa malalo o ka hewa, a ke nohoia me ka makau ole i ke Akua, e hookamani anei e like me na Parisaio.

   E nana i ke kumukanawai, a me na Kanawai, a e ike i ka poe kupono e hele i ka Ahaeielo.  A owai ia poe ! O ka mea i hiki i na makahiki he iwakaluakumamalima, a oi aku, a ua ike hoi i ka heluhelu a me ke kakaulima, a na ike i ka malama a hana ana paha o na buke helu waiwai, a ua noho iloko nei o ke Aupuni hookahi makahiki mamua o ke koho ia ana, aole ka  poe pupule, hapo, a ua hoohewaia i ka aihue, uku kipe, hoikewahahee, apuka, a me na hewa nui e ae, ina he Karaima, a he mikamina paha ia hewa, ke ole e kalaia e ka Moi, a ke ole e loaa ia kona mau pono kiwila e like me kona ano mamua o kona hoohewa ia ana.

   Ua maopoopo loa ka poe kupono e koho ai, a ua akaka ka poe i aeia, a  iloko o keia poe e imi ai i ka poe i makaukau a kupono ke heie i ka Ahaolelo, no ka mea, ua manao ia, oia poe ka kupono,  koe nae ka wae ana noloko mai a lakou. Aole o'u manao he kupono ke paku aku i na kanaka i mau kumu e ae, eia wale no, o ka nana i ka poe makaukau : ka imi ana i ke Kanawai kupono, a me ka nana i ka pono like o na mea a pau loa, aole ma ka pahee o ka olelo, aole hoi ma ka pono i kahinuia, aka, ma ka hana ana ma ia oihana, a me ka makaukau e hana io, a e hooko, aole no kona pono iho. aole hoi no ka pono o ka poe hapa, aka, no ka lehulehu mai o a o, mai luna a i lalo.

                                                                                                       HAUOLA.

   KA AHA HOOMALU. - Eia malalo nei ka papa heiu a me na moa o na hihia i hanaia imua o ka Aha Hoomalu o Honolulu, no na pule elua, e pau ana ma ka la 17 o Sepatemaba.

Sepatemaba 7.- NAPUIA - Aihue ma ka hale noho o Rev. E. Ibboison ; hookuuia.

Sept. 7, - KAAIKAULA W. - Haalele kane, hoi hou no me ke kane ; uka $3 koina.

Sept. 7. - E. H. NETHERELEFT. - Ona me ka hoohaunaele.

Sept. 7. - E. H. NETHERELEFT. - Pepehi aku me ka hoeha ia Afat : hoopaiia $6, a me $1 62 koina.

Sept. 7. - KAAHUI. -Oaa,  hoopaiia $3, a me $1 25 koina.

Sept. 8. - KINOULIE w.- Moekolohe, hookuuia.

Sept. 10.-JACK (Pake.)-Aihue he $10 00. mai a Mrs. Holt mai; hoopaiia 6 malama ma ka hana oolea, me $1 koina.

Sept. 11.-HAU.-Aihue ipupaka ; hookuu ia.

Sept. 11.-KAIHE k.-Moekolohe : hoopaiia 4 malama ma ka hana oolea, a i ole ia he $30, me $1 koina.

Sept. 11.-KEKAA W.-Moekolohe; hoopaiia 4 malama ma ka hana oolea, a i ole ia he $30, me $1 koina.

Sept. 11.-KEOHOHINA k.-Hookomakama; hoopaiia 2 malama ma ka hana oolea, a i ole ia $15, me $1 koina.

Sept. 11.-KAUWAHI w.-Hookamakama; hoopaiia 2 malama ma ka hana oolea, a i ole ia $15, me $1 koina.

Sept. 11.-KAEHU.-Pepehi aku me ka hoeha ia J. Widdefield : hoopaiia $6, a me $4 12 koina.

Sept. 14.-OLIVER TRIPP.-Ona ma ka la Sabati ; hoopaiia $4, me $1 koina.

Sept. 14,-WM HAVENS.-Ona ma ka la Sabati.  Hoopaiia $4, me $1 koina.

Sept. 17,-AEA.-Aihue Kuka mai a Jacob Brown mai ; hoopaiia 1 makahiki ma ka hana oolea, a me $1, a he $1 87 koina.

Sept. 17,-KELIIPIO.-Pepehi aku  me ka hoeha i kana wahine ; hookuuia me ke aoia'ku e ka Lunakanawai.

Ka Nupepa Kuokoa.

HONOLULU, SEPATEMABA 19, 1863.

     Ua heluhelu ma makou i kekahe mau manao i paiia ma ka nupepa haole Pacific Commercial Advertiser, ua kakauia ua manao la e kekahi mea e kapa ana ia ia iho o "Englishman," (Kanaka Enelani.)  O ke ano nui o kona mau manao, oia no na mea e pili ana i ka hana i mau kanawai e hoopai ana i na kanaka hana ole a palaualelo no hoi; wahi a kona manao, mai pono ka ina e kau ia i mau kanawai i ka wa e haawiia'i o ka aina i na kanaka ma ke ano Alodio, e like ke ano me na olelo malalo nei:

   " O na mea kuleana aina a pau e mahiai lakou e like me ka mea kupono i na aina e lakou, a e kanu lakou i kekani mau kumu laau hua i kupono a e lawa pono ai hoi e like me ka nui o ke kuleana.  Ina e hana ole ia mea, me ka hoike ole  mai i ke kumu o ia hana ole ana, alaila, e laweia ka aina o ua mea talena waiwai  ole la, a e lilo i ke Aupuni, a i ole ia e haawiia i Melala no kekahi paha o na poe i noho hana."

   I ka nana ana i keia mau olelo. me he la o ka makemake o ka mea nana i kakau i ua manao ia. o ka hanaia i mau kanawai e hoopiiikia ana i ka noho ana kuokoa o ke kanaka Hawaii ma na pono i haawiia ia ia ma ke Kumukanawai o ka aina. me ka lawe maoli mai hoi i ka mana o kela a me keia kanaka e hana e like me kana i manao ai he pono. O ke kumu nui nae nana o "Eneglishman"  i koi e kamailio pela. no ka puni palaualelo o keia lahui kanaka, a ma ia mea makou e kue pokole ai a oki iho.

   Ke olelo nei makou ma ka inoa o keia lahui kanaka. aole loa ka lahui Hawaii he lahui molowa ; aka, he lahui puni hana no ; aka, aole nae lakou he poe me na maka i uhiia me na punawelewele, e ike ole iho ai la lakou i ka uku pono no ka lakou hana. a e hooluhi wale iho ai la lakou ia lakou iho, no ka pomaikai o ka poe i ano like me "Englishman" ma, oiai o lakou ka poe e palaualelo ana, a e makemake nei hoi e hanai ia lakou noloko mai o ka hou o ka lae o na kanaka Hawaii.  Aka, ke ninau nei no nae makou, he kanaka Enelani io anei o Englishman?  Ke manao nei makou aole, no ka mea. ke hookamolamola mai nei ke ano o kana olelo, me ke koi maoli mai, e hanaia i  mau kanawai e kue maoli ana i ka pono i hiipoi nuiia e na kanaka Beritania oiaio a pau; a oia hoi ka pono o ka noho kuokoa ana, o kela kanaka keia kanaka, me ka hoohaiki ole ia o kona mau pono Kumukanawai.  No ka mea, i ka wa e noho aua o na kanaka o Beritania i ke au mamua aku o ka noho ana o ka Moi Keoni, (John)  iluna o ka noho Alii o Beritania, ua opea wale ia lakou, a ua hookaumaha ia no hoi, a ua ili iluna o lakou na poino a pau o ka noho ana malalo o ke aupuni i kaokoa ka mana i ka Moi-ua hooloii mau ia na kanawai a me ke ano o ka noho aupuni ana i na wa a pau a ua Mei a me ko lakou mau Kuhina, i ka wa e makemake ai : a heaha ka hopena o ia mau hana hookau maha ma Beritania ?

   Ina o "Englishman" he kanaka i heluhelu i na moolelo, alaila, e ike iho auanei oia, ua kii aku na makaainana, a ua koi aku ma ka maka o ka pahikaua ia Keoni. ka Moi o Beritania ia manawa, e haawi mai ia lakou i na pono kuokoa kaulike, a maikai no hoi : a nolaila mai ka MAGNA CHARTER, a oia ke kahua paa i kukuluia'i o ko na poe Beritania noho ana kuokoa - malaila i loaa mai ai ia lakou ka pono o ka hoolaha akea ana i ko lakou mau manao ma na mea a pau e pili ana i ke ano o ka noho aupuni ana - nolaila mai ka maluhia nui e mamalu nei i na kanaka Beritania ; a o ka hua maikai o ia mau hana kaulike a pau, oia ka ikaika nui, ka maua a me ka hanohano nui i loohia mai ia Beritania i keia wa, i loaa'i hoi ia ia ka inoa, "kekahi o na aupuni waiwai loa, a ikaika loa hoi ma ka papalina o ka honua."  A na ua kumu la i hoikeia ae la maluna, i koi m@ ia makou e manao iho. aole o ka mea e kakau ana ia ia iho o " Englishman," he keiki oiaio no Beritania ; aka, aole nae i nele keia ao i na keiki lalau, a malia paha. o ka mea e kakau nei ia ia iho o Englishman, oia kekahi o na keiki i hanauia ma kekahi wahi kuaaina o Enelani.  A ina makou i kuhihewa ma keia manao ana, alaila. maluna ona iho ka hewa o ko makou kuhihewa ana , no ka mea, o ke ano o kana mau olelo mai ka mua a ka hope. he mau olelo kupono loa i ka poe i ao ole ia, a me ka poe no ka hanauna ilalo lilo loa.

  He oiaia. he poe no kekahi o na aina a pau o ka honua i hio na manao ma ka palaualelo. no ka mea, he nui na mahele iloko o ka mea okoa, a he nui no hoi na ano kanaka o keia honua ; aka, ma ko "Englishman" kapa ana mai i keia lahui okoa, he "poe palaualelo." malaila ko makou ka-eo ana.  Ua maopopo ia makou, ina e haawiia ka uku kupono i na kanaka Hawaii, e like me ka uku e haawiia nei i na haole, alaila, e apo koke ana no lakou i ka hana me ka eleu nui.  Pehea la ko "Englishman" manao. ina e haawiia ia ia i Ehiku Dala no ka malama-ia ia kana ai, a me ka i-a, a me na mea e ola pono ai o kona ohana, e makemake no paha ia e hana aku no ka poe e no ia wahi uku uuku ?  E hiki ana no paha ia ia, a me kona ohana, ke ola ia mau wahi dala uuku ? Ke manaopaa nei makou, aole oia e ae ana e hana aku malaio o ka poe e no na  dala eniku o ka malama hookahi; aole no hoi oai e ae e paahana'ku no hai, no ia wahi uku uuku : a aole loa no hoi e ola pono ana kona ohana . me ka iako i na mea e pono ai ka noho ana. ina o kahi uku ia. A nolaiia, e like no me kona ae ole ana e hana, a e hookauwa ia ia iho no keia uku uuku, pela no i na kanaka Hawaii. no ka mea. he hiki no i na kanaka Hawaii ke hana e like me na haole. ina na hana lima, a o keaha iho la ke kumu e hoopaewaia ai o ka uku ?  O ke keokeo ana anei o ka ili o ka haole? Me he mea la. pela ka manao o "Englishman."

   E like me ko na poe haole Beritania oiaio hiipoi ana i ka Magna Charter o Enelani. pela ko na poe Hawaii nei hiipoi ana i ko lakou Kumukanawai, he haawina malama e ia i haawi lokomaikaiia mai e ko lakou mau alii - a oia ka iwikuamoo. a me ke aa kumu o ko na kanaka Hawaii mau pono kuokoa o keia ola ana. Ua aoia ka puuwai o ke kanaka Hawaii, e aloha mau i ko lakou Moi. a me ko lakou mau alii - e aloha i ko lakou aina ponoi nei - a e hiipoi makaala kuihe ole i na manawa a pau.  i ko lakou Kumukanawai - ke kahua paa i hookupaaia  ai o ko ka Moi mana, a i hooia ia mai ai hoi o ka na makaainana mau pono.  A no ia mea, o ke kanaka e hookui kue mai i na ano nui o ua Kumukanawai'la. me ka olelo ae he makamaka oia no keia lahuikanaka, e aho e oki ka oni ana a kona alelo, no ka mea. ua olelo oia i ka mea oiaio ole.

NA  MEA  HOU  O  HAWAII NEI.

   LIO KUKALA. - E kudalaia ana i keia la, ma ka hora 12, ma Polelewa, ma ka aono hikina o ka hale kupa pahu o Lewis & Norton, he mau lio maikai loa.  O ka poe e makemake e loaa na lio maikai, e hele ae ilaila e kuai ai.

   NANI KA LOLE. - I ka Halekuai makou o Ake (A. S. Cleghorn.) a ilaila makou i ike  ai i na lole o na ano a pau ; maikai na lole kalakoa hou. i hooluuia i na waihooluu ano e he nui wale. Na waiala kekahi, na silika. ame na lole o na ano he nui loa, pau ole ia makou ke helu aku. Aia no ka pau o ke kuhihewa a hele no ilaila e ike maka'i.  A ia kona mau Halekuai ma ke kihi mauka ponoi iho o ka Halemahoe, ame mua ponoi iho no hoi o Haleola. ma ke alanui Nuuanu.

   NO KA UKU HOOPANEE. - He mau manao loihi ka makou i hoomakaukau ai i keia pule, no na mea e pili ana i ka uku hoopanee o ke dala ke aie ia.  O ke kumu o ko makou ake ana e kamailio ma ia mea, no ka lohe wale ana, ina e aie ka Holokahiki hookahi dala. alaila, elua dala ke pani mai ke huiia me ke kumupaa.  Aole keia he kalohe aku i kanamai, no ka mea, ma ke kanawai, elua keneia ame ka hapa wale no ka uku hoopanee o ke dala no ka mahina hookahi, oia ka uku kiekie loa e hiki ai ke koi ma ke kanawai.  Aka, ua waiho makou i ko makou kamailio nui, aia a kaawale iki ae ka pepa nei.

   KA HOKU AO - Ua ku mai nei ka moku kialua Misionar Ho u Ao ma ka Poaono o kai pule i hala iho nei, mai Maikonisia mai.  Ua loaa mai ia makou na palapala no na keiki kupa oonei e noho paahana nei no ko ka Haku kihapai ma ia mau aina pegana.  E holo hou ana o Hoku Ao iloko ae nei o ka pule mua o Novemaba, nolaila, e pono e liuliu mua na wahi puolo, ame na mea no hoi a pau a kakou nei e manao nei e hoouna aku i na hoahanau o kakou e noho mai nei iloko o ka inea ame ka hoomanawanui o ka noho ana i ka aina polikua o ka pegana.

   MAKEMAKEIA.-Ua ike iho makou ma ka olele hoolaha a William Jarrett (Uilama Kele.) i paiia ma ka pepa o keia la, ke makemake nei oia e hoike mai na poe a pau i hookuu i ko lakou mau holoholona me ka uku. ma ke kula o ke Ahupuaa o "Lualualei," apana o Waianae.  O ke kumu ka o kona makemake ana e hoikeia mai ia mau mea, no ko Paulo F.Manini, (Lapaula,) olelo ana me ka hoohiki hoi, ma kana papa hoike o na loaa mai ame na lilo aku o ke Ahupuaa o "Lualualei" i oleloia maluna. ua hoohiki iho o Lapaula eono dala wale no i ukuia aku ia ia no na holoholona o ka poe i hookuu iluna o ua kula la o ke Ahupuaa o "Lualualei," iloko o ka manawa he 13 makahiki me ewalu malama, oia hoi, mai ka la mua o Ianuari, M. H. 1850, a hiki i ka la mua o Sepatemaba, M. H: 1863.

     Eia iho malalo ka Papa Hoike o na dala i loaa ia'u ka Puuku Malama Dala o ka Ahahui Hawaii. mai ka la 18 o Augate, a hiki i ka la 15 o Sepetemabu, 1863.

Na ka A. B. C. F. M.,hoonaauao i na kaikamahine, -   -   -   -    - $100 00

Na Rev. T. Koana, Hilo.                                          -   -   -   -   -    400 00

Na ka Ekalesia ma Kaneohe, Mahina Hou,        -     -   -   -   -   -      50 00

Na Rev. B. W. Parker, paipalapala,                    -    -   -   -   -   -      60 00

Na na kanaka Hawaii ma Columa, Kalaponi.      -   -   -   -   -   -       13 50

Na ka Eelesia Alanui Papu, Honolulu, Mahina Hou.     -   -   -   -       18 44

Na ka Ekalesia o Rev Mr. Lacy. o Kalapalakiko,  Kalaponi, no

ke ola makahiki o kekahi Masionari ma Maikonisia.    -   -    -   -     200 00

                                                                                                     

                                                                              Huina.             $841 94

                                                                                      E. O. HALL.

                                                                              Puuku Malama Dala.

KA  NU  HOU !

No  ka  Hikina  mai !

Ke ku ana mai a ka moku kiakolu  N. B. Palmer.

   Ma ke ku ana mai o ka moku Amerika N. B. Palmer ma ka la Sabati iho nei. iloko o na la he 19 mai Kapalikiko mai. a e holo loa ana i Kina, ua loaa mai ia makou na nupepa o ia wahi e hiki ana i ka la 25 o Augate iho nei. a me ka nu hou Telegarapa o Nu Ioka mai. o ka la 24.

   O ka mea hou ano nui loa i hiki mai nei. oia no ka hoouka kaua nui ma Kaletona, Karolina Hema.  E@a iho malalo nei ke ano o na mea hou a pau i hiki mai nei.

Ka  Poe  Pili  Aupuni  o  Karolina  Akau.

   NUBENA. (K.A.) Aug. 9.-He halawai nui ka na poe pili makamaka o ke aupuni ma ka aoao hikina o ka mokuaina o Karolina Akau. iloko o keia mau la koke iho. i hiki ai ke kuka pono, a noi aku i ke aupuni Hui e hoouna mai i mau koa ma na apana o Rale.  Wiliminetona ame Weledona, i hiki ai ke kipakuia 'ku ma ka ikaika na koa kipi a pau. mai Vereginia aku ; a ma ia mea e hoi hon ai iloko o ka hui kahiko. ia mau mokuaina nui a elua. o ia hoi o Vereginia, ame Karolina Akau.

Hooweliweli  o  Lee  e  Haalele  i  kana  oihana.

   WASINETONA. Aug. 11.-Ua ikea iho ma kekahi leta no Rikemoaa mai, ke mau ala no ka nawaliwali o Jeff Davisa i ka mai. a ua kanalua kekahi poe no kona hiki ke ola mai. mai keia mai nui ana e waiho nei.  A ua olelo puia no hoi ma ia palapala, ua kue nui loa o Gen. Lee i ka manao o Jeff Davisa, e ae ana e liia i elua alii koa o ka Akau i pio aku i ka Hema, i hoopai no ka liia'na o kekahi mau alii koa kipi e Gen. Burnside, no ka mea, ua minamina loa o Gen. Lee, o hoomake ia auanei kana keiki o William F. Lee, oiai oia e noho pio ana i keia wa iloko o ka lima o ke aupuni Hui.  A ina e hooko ole ia mai ko Gen.  Lee manao, alaila, ke olelo nei oia e haalele ana oia i ka noho ana, ma kana oihana e noho nei.

Ka  Puali  o ka  Potomaka.

   WASINETONA. AUG. 13.-Ua hiki mai he maa palapala lehulehu wale, mai ka puali mai o ka Potomaka. e hai mai ana i ko lakou manao e hikia kokeia ana ia puali e ke kaaa ana, iloko o keia manawa koke no e kaua mai ai lakou.

   Ua hiki ae malaila o Gen. Roseau o Kenetuke. e koi ana i ke aupuni me ka hoakaka aku i ka pono o ke kukulu ana i mau puali koa ho hou. i mea nana e ho-a aku i napoe koa kipi powa mai Tenesi aku. me ke komo aku hoi iloko o ka puuwai o na mokuaina Hema loa, me ka hoopoino aku hoi i na alanui kaamahu o ia mau wahi, me ka hoomama ae hoi i ko Tenesi nohoia ana e na poe koa kipi powa.  Ua mahalo nui ka Paresidena i kona manao, a ua aponoia no hoi e Gen. Rosecrans, a me na Luna Hooko no a pau o na puali koa aupuni @a na mokuaina Komohana Hema.  Ua manao paa ia e aeia ana no o Gen. Roseau, e kukulu i mau puali koa lio hou, a i ole ia, alaila, e hooliloia ana kekahi mau papa koa helewawae, i poe kea ho no lakou.

Hoomau  ka  Paresidena  ma  ka  hoopai aku.

   KIKAKO, AUG. 13. - Ua paa ka manao o ka Paresidena e hooko i kana olelo kauoha mua, oia hoi. ma ka hoopai ana aku i na kipi no ka hana ino ana mai i na nika kea aupuni ; a no ia mea, ua kauoha ae oia e hoopaaia iloko o ka Kalepaahao i ekolu o na'hi koa kipi i pio mai nei ma Kaletona, i hoopai a i uku  hoi no na koa nika o ke aupuni i pio mailuna aku o ka moku kaua aupuni ma ia wahi, a aia hoi ilaila (Kaletona) kahi i hoopaahaoia'i o ua mau uika'la o ke aupuni.

   NU IOKA, AUG. 13. - Ua ku mai ka moku Arago mai Kaletona mai, a ua ikea iho ma na leta i hiki mailaila mai nei, ke hoomaka nei na kipi e hana hou i mau pakaua ma ka mokupuni James.  He 100 na pu a ka enemi i oi ae i keia wa, mamua o ka manawa a Adimarala Dupont e noho Luna Nui ana no na koa aupuni ma Kaletona.  Ke hana nei na kipi i mau pakaua liilii ma ke alo o ke kulanakauhale. i mea e alai aku ai i ke alo o ke kulanakauhale.  He eniku tausani koa aupuni mai ka Akau mai nei. i lele aku inka o ka mokupa@: M@risa iloko o ka pule i hala iho nei.

Loaa  ka  Lako  i  na  Kipi.

   NU  IOKA. AUG. 15. - Ua oleloia mai. ke loaa nui mai nei ua lako i na kipi, ma Wiliminetona.  Karolina Akau. ia e loaa mai nei. iloko no a ka p a o ke awa i ke paniia e na moku ame na koa aupuni.  Ke loaa nei i na kipi na Masini, na kaamahu, na hao alanui kaamahu. na pu kuniahi nui. na lole komo, ame na mea e ae he nui wale, ke komo mau nei i kela la keia la ma Wiliminetona.  A ke holo nei hoi na 'Lii moku ame na Luina. mai Wiliminetona aku a hiki i Beritania, i hiki ai ke kau aku iluna o na moku kipi powa e hanaia mai nei e na poe haole o Beritania no ka poe kipi : a ua like maeli no na hana a na kipi ma Wiliminetona. me he mea'la, aole i paniia ke awa o ia wahi e ke aupuni.  Iloko o na la i kaahope ae nei, ua hiki ae iloko o ia awa, he umikumamahiku mokumahu nui, i hoopihaia i na waiwai o na ano a pau no na kipi. oia hoi he 96,000 pu nao kaupoohiwi Beritania, he 16,000 huluhulu moe, he 130,000 paalole koa, he 20,000 pahu kamaa. he 11 kaamahu. he 6 pukuniahi nao o ke ano nui loa, ame ka hao hana alanui kaamahu. ame na kanaka akamai nana e hookele ia mau mea.

Holopono  na  Koa  Aupuni  i  Alabama.

   KIKAKO. AUG. 15. - Penei iho ka olelo a kekahi leta i kakauia ma Winchester, Tenesi. ma ka la 12 o Augate.  Ua hoi mai nei kekahi papa koa aupuni o Ilinoi, mai kana huakai nowelo iloko o ka puuwai ponoi o ka mokuaina o Alabama. i hele aku nei ia poe e hoopio i kekahi poe powa ma kahi e kokoke ana i ka huina o ka muliwai Larkin's Fork. a me Point of Rocks.  Ua pio mai kekahi poe kipi ia poe, a he nui hoi ka poe kipi i mahuka mai, i hoike, me ka hoohui ia lakou iha me na koa aupuni, a na lehulehu wale ka poe i hoi pu mai me ia papa koa a hiki wale i Winchester, Tenesi  Ua hele ia papa koa, a he 46 mile ma ka Hema aku o Winchester.

[ Nolako mai o ka nupepa Alta California.]

Ka  Emepaea  o  Mesiko.

   Ma ka wae ana mailoko mai o na mea hou o Europa i hiki mai ni. ua ikea iho ke ano o ka  Farani mau mea i manao ai e hana'ku ia Mesiko.

Noho mau na Farani i Mesiko.

   E mau ana ka noho ana o na poe Farani ma Mesiko, a hiki wale mai ka wa e hiki ai ke hookupaa maikaiia ka noho ana o ia Aupuni malaila.  E huliia'ku ana no i na kanaka o Mesiko, a na lakou e hooholo iho no ia mea, ma keia hope aku. Aka, iloko no nae o na mea a pau, e makemake nui ana no o Farani, a e lawe ana hoi ia Sonora, a e kukulu ana hoi i mau pakaua ma kekahi o na awa o ia wahi, i hiki ai ke kiai i kona mau pono Kalepa, a me ka malama hoi i na pono o na haole Farani a pau e makemake ana e hele ilaila e noho ai. A ua lohe mai makou. ua hoomaka ae nei no ke Aupuni Farani e hoaiai i ka waiwai nui o ia aina ana i manao ai e huopunana, me ka makemake hoi i na poe mea dala e hele ilaila e hoohue mai ai i ka waiwai nui e waiho nei ma ia aina nani.  No keia koi ana aku i ka poe paahana e hele, u me ka hoouna ana no hoi i na koa, a me na lako kaua iloko o Mesiko, nolaila, ua hookohu iho ka manao iloko o makou, e noho liuliu ana o Farani ma ia wahi.

Hoohui  Hou  O  Sepania  ia  Farani.

   Ke koi nei na nupepa o Sepania, oiai e komo ana  na Farani i Mesiko, he mea pono (wahi a lakou) i ke Aupuni o Sepania. ke hoala hou i ka noonoo hui ana me Farani, no na mea e pili ana ia Mesiko.

   Ua hoikeia mai hoi e kekahi mau nupepa, ua hookohuia kekahi mea ano koikoi, i mea nana e hele aku e hoopapa ia Farani, no ka hui hou ana mai o Sepania.

   Malia paha a pau lea ae no ke kaua ana, alaila, e hui hou ana no paha o Sepania me Farani, e kuka no na mea e pili ana ia Mesiko, ma kahi a laua i haalele iho ai, i ka wa i kakau aku ai, a kakau mai na'Lii Kuhina o Farani a me Sepania, oia hoi o Mons. Drouyn de L'huys, ke Kuhina Farani, a me ka Makuesa Havana o Sepania, iloko o na malama hope o ka makahiki 1862 iho nei; aka, aole no nae i lohea mai nei ka hoomakaia ana o ia mea.  E hiki paha ke hoomaopopoia ina e hoomaka hou ia ka hui ana. alaila, e hahai mau ana no malaio o na ano Depolomatika, a e lilo na mea a pau i lonoia mai nei, no ka holo o ke Duke Tetuan i Parisa. a me ke kauohaia mai ona a holo loa aku i ke Camp of Chalons. he mea haku wale iho no ia na na nupepa o Madarida.

   Pela paha. aole paha. aka. hookahi no nae mea maopopo. aole e kanalua ana o Sepania i ka ike mai i ke Aupuni e ae e noho ana ma Mesiko, aia no kona oluolu o ka hoohiolo loa ia o ka noho Aupuni ana o Juarez, oia ka mea ana i hiipoi nui ai.

Ane   Nuku  o  Lord  Palmerston.

   I ka loheia ana'ku o ke pio ana o Mesiko i na Farani, nolaila. ua puiwa lele ka hauli o na nupepa o Beritania. a aole no i huna iho ka nuepepa Morning Post ia mea.  O ka nupepa kekahi a Lord Palmerston, i hoopuka mai i ke ano kunewanewa o kona mahalo ana i keia lanakila nui.  No ka hiki ole ia ia ke houuku iho ia lanakila nui o ko Farani poe koa ma Mesiko, nolaila, ke ninaninau nei oia i ka pomaikai e hua mai ana noloko o ia lanakila ana.  Nani ka ano e o ka elelo a ka nupepa e pili ana mamuli o keia Kuhina, (Lord Palmerston!) He olelo kupanaha keia i kamailioia mai nei e ka nupepa waha olelo o ke Aupuni, me ka hakukole aku hoi i ke Aupuni ana i noino hui ai, (oia o Farani.)  Malia paha, ua ae io no ka Aha Kuhina o Beritania e @le hui me na Farani. ma na makahiki elua i hala aku nei. me ka hoouna i mau koa i Mesiko; aka, ua hoopau nae o Enelani ia hui ana ma Solonodada. me ka hoohui maoli aku no hoi i kekahi manawa me ke Aupuni o Juarez. ma o ke Kuhina Beritania la i Mesiko.  A no keia pio ana o ke Kapitala o Mesiko. ua lilo no ia i mea nana e hoike mai ke poholopu ana o na mea a Lord Palmerston i manao ai.  Aka nae, mai pono i ka nupepa Post ke hoano e ae i kona kaumaha, no ka mea, ua maopopo lea no ia makou. aole e nele ana ko Lord Palmerston hoomaikai mai me ka mahalo i ka lanakila ana mai nei o na koa Farani, iloko o ka Hale o ka Poeikohohoia, ke loaa ia ia ka wa kupono e hana'i pela.  Ua manuanua a pepeekue wale ka waihona manao naauao o na poo Depolomatika o ke alo ahi o St. James ; ua ike, a ua maalea no ka malama ana iho ia ia me ka makaukau no na mea a pau e hiki ia mai ana iluna o ia Aupuni, a i ka wa wale no hoi o na poe o ka Hale o ka Poeikohoia, kai ae e hoomaha iki me ke Aupuni o Juarez ma Mesiko, iloko o kona manawa lanakila : aia hoi, ua waiho hoohamama iho no o Lord Palmerston i ka ipuka e hiki ai ke kuka hou, me ka hoopomaikaiia mai hoi o ke Aupuni o ke Ahiwahine e ka lanakila i loaa ia Farani.

   Aohe hana hou i koe a ke Kuhina o Enelani e noho nei i Mesiko; ke hoomaka nei nae o Lord Palmerston e hana ma Ladana, a me Parisa.

 

Halawai  i manaoia  mawaena  o  Napoliona  a  me  ka  Moiwahine  Victoria.

  

            Ua hoikeia mai e kekahi nupepa o Farani, oiai e kamailio ana no ka holo o ka Moiwahine i Geremania, ua olelo wale ia ka iloko o na anaina hanohano, he makemake ka Emepera Napoliona, e hele aku e hui me ke Aliiwahine o Beritania na Geremania, iloko o ka malama o Augate i hala iho nei. ma ka hale Rosenau, e pii koke la i Coburg. (Kobuga.)

Ka  Emepera,  ka  Pope,  a  me   ke  Alii  o  Mesiko.

   Ua hoole ae ka nupepa Moniteur o Parisa, i ka olelo e wawa wale ia nei. e hoouna ana o Farani i kekahi mea e holo i Mesiko e kukulu ai i ke ano o ka noao Aupuni ana, ma ka inoa o Farani; no ka mea, ke ane nei e oi ae ka ino o ia hana ana, mamua o na mea a Farani i manao ai.  Ke kukulu nei na poe o ka aoao pule i na alai, ma na mea a pau a ka Emepera o Farani e manao ai e waiho aku imua o ka aha a ka Pope.  He nui loa ka ka mana o ka Pope, maluna o ka manao o ka poe Mesiko o ke koko Sepania, a ke manaoia nei e hoohuli kue aku ia mea i ke Aupuni o Farani, a i le Aupuni paha e noho ana malalo o ka mana o Farani, ke haawi ole mai o Farani i kekahi mau mea a lakou i makemake ai,  no ka nui loa o ua mau mea la a lakou i koi ai, nolaila, ua lohi ka manao o ka Emepera, ma ka ae ana aku ia mea i noiia mai. No ka hooweliweliia ana mai e na poe Kahuna, ua hoopauia ka olelo hooholo e hoopai ana i kekahi poe Kahuna, no ko lakou kakau inoa ana i kekahi palapala kue ia Farani, i ka malama o Mei iho nei.  Ua hoounaia mai ke kauoha ia Gen. Forey, e imi a hai koke aku i ke ano o ka manao