Ka Nupepa Kuokoa, Volume II, Number 35, 29 ʻAukake 1863 — Page 1

ʻaoʻao PDF (1.55 MB)

KA NUPEPA KUOKOA

Ke Kilohana Pookela no ka Lahui Hawaii

BUKE II.. HELU 35. HONOLULU. AUGATE 29. 1863. NA HELU A PAU 92

"KA NUPEPA KUOKOA."
HOOLAHA MAU IA MA HONOLULU
I kela Poaono keia Poaono.
$2.00 no ka makahiki. ME KA HOOKAA MUA MAI.
NA OLELO HOOLAHA — ao!e i oi mamua o 20 laina no ka hoopuka hookahi ana, $1.00; alua a ma ana, he $1.50 ; hookahi malama, $2.00. E uku mua ia mai ke dala o na o elo hoolaha a pau e hoo??aia mai ana e pai.
KANIKAU — he hapalua dala ka uku no ka aoao hookahi o ka pepa leta. oia hoi 2 keneta no ka lalani hookahi — penei : he 25 lalani. $0,50 : 50 lalani. $l.00 : a pela'ku.
KA UKU NO NA OLELO HOOLAHA — ka uku pepa, a me ka uku o ka Kanikau. e haawiia no ma ka lima o na Luna o ke Kuokoa, a i ole a e hookomo mai no ma ka leta, a hoouna mai i ka Luna Pai.
O NA UKU PEPA A PAU E HOOKAA MUA MAI NO — aole kauia ku inoa o kekahi haole a kanaka maoli paha ma ka inoa o ka poe lawe pepa ke ole e hookaa e mai mamua. E pono ke hopoia keia mau rula, no ka mea, he emi no ka auhau no kela nupepa. H. M. WINI. (Luna Pai.)
KA "NUPEPA KUOKOA."
Is published in Honolulu
EVERY SATURDAY, $2 00 per annum...........in advance,
ADVERTISEMENTS not exceeding 20 lines, inserted for $1 00; twice for $1 50 ; and $200 for one month ; all advertisements must be paid for in advance.
KANIKAUS will be charged 50 cents per page.
PAYMENTS FOR ADVERTISEMENTS, Subscriptions or Kanikaus,
may be paid to any of the Agents of the Kuokoa, or may
be enclosed in a letter to the Publisher. ALL SUBSCRIPTIONS must be PREPAID. No names, either of
foreigners or natives, will be inserted on the subscription
list, until paid for. This rule must be strictly adhered to,
on account of the low subscription price.
H. M.WHITNEY.
Publisher.
* Volume 1 of the KUOKOA, bound, for sale, $4 00 each. * Persons having complete sets of the above, can have them exchanged for bound volumes, by paying $2.00.
He Kanikau no J. K. Samuela.
Kuu kane mai ka makani Koholalele o Hana — e! Mai ka ua nihi mai makai o Alau. Kuu kimo mai ka ihu a ka lio o Kaiwiopele, Mai kaihona loa ana la o Makaalae, Anau i ka wai palapohaku o Waiohonu, Nana aku maua o ka piha kanaka o Puuiki, Ua ikiiki au i ka mea nui la he aloha, Ka mea kaumaha o ka manao he kane — e. Aloha kuu kane o ka pali la o Wailua, A me ka uluhala la o Kolekole. Hale aku kana o ia wahi mehameha, He mea ole kahi mehameha ia kuua, i piliia e kaua kela wahi keia wahi, Moi ke kuaaina a hiki i ke alo alii. Aole wahi i koe ia kaua i ka hele pu ia, Ka meu kaumaha o ka manao he kane — e. Aloha kuu kane mai ka makani anu he kiu, Ke hoomakakia nei nu i ko kino e loaa, Aole e loaa ua hoi i ka poli o ka makua. Ke noho nei au me ka u me ke kaumaha ia oe, Aloha ne ke kane o ka wa kamalii. Hoomahuahua i ka poli ou e ke kane hoi, Ka mea kaumaha o ku manao he kane — e. Aloha kuu kane o ka po pouli o Wailamoa. ???????u ai kaua i ke anu a ka makani he Hoolua, Elua kaua i kolu i ha i ka manao aloko, E loku ana i ka iwihilo a ke aloha. Aloha kuu kane mai ka hale makua nui. He nui hoi oe ke kane na'u na ka wahine, I noho iho ai kaua a kupa ma ko'u one hanau. Ku mea kaumaha o ka mau o he kane — e. Aloha kuu kane mai ka pau haawe kua la o Kaupo. Ame ia nahele paoa i ke ala, a maua e hele ai me kuu kane, Kuu hoa uumi o ka la pololi he kane, Hoomaona aku i ka pua o ka hala, Hala aku nei oe i ka make, I ko ala hiki ole ke hoi hou mai, Haalele mai nei hoi oe i ka puni a kaua o Ue aloha, Ka mea kaumaha o ka manao he kane— e. Aloha kuu kane mai ke ala paa i ka Ohu o Kahikinui. A me ke kaha ai ole la o Honuaula. Hele aku kaua o ke kula welu i ka la o
Ulupalakua,
Iho aku o kaihona loa la o Kaluaihaloko, Hoi aku ka ihu o ka lio i Kalepolepo. Nana aku o ka piina ikiiki o Aalaloloa, Huli aku nana i na lehua o Liliau, Ka mea kaumaha o ka manao he kane — e. Aloha kuu kane mai ka makani, lawe lepo o Papalaau, Ke hoolaau mai nei ke aloha i kuu nui kino. Ke lana koi nei i kuu puuwai, He waiwai nui ke aloha na ka waimaka, He hale kipa ia na ka waimaka. Aloha ke kane ka haku kau a ka manao. Ka lua kau u ke aloha e noho nei, Ka mea kaumaha o ka manao he kane — e. NA'U NA MELE.
Aole e lilo kou ilihune ana i mea nou e hilahila ai. ke ole oe e wikiwiki e hoowaiwai ia oe iho ma ke ano pono ole. O ka manao alua ka maikai loa. o ka ke Akua i manao mua ; o ka wahine kana i manao hope ai.
HE KAAO
NO KE KEIKI ALII OPIO
CAMALAZAMANA.
A ME KE'LII WAHINE OPIO
BADOURA. I unuhiia noloko mai o ka Arabian Nights, houmakaia mai ka po hookahi haneri me kanahiku. a pau i ke koena o ka po elua haneri me kanaha lunamaiwa.
KA MOOLELO O NA KEIKI A CAMALAZAMANA. O AMIGIADA ME ASADA."
KE KAAO O NIAME A ME NOAMA.
O KA PAU ANA O KE KAAO O AMI-
GIADA A ME ASADA, &c. HULU 14 Helu pau.
IA MANAWA. KAUOHA AKU LA ka Moi i kona Kuhina ia Amigada, a me kona kaikaina me Asada, i kana mea i lohe ai mai ke Kuhina mai, a pane mai o Amigada. "Owau ke hele e ninau i ke kumu o konu hele ana mai." Alaila, hele aku la o Amigada ; a i ko lakou la ike ana mai. akaka mai la no ia lakou, he alele keia mai Ua Moi aku: nolaila, kiiia mai la keia a laweia aku la imua o ke alii ; a. i ko ianei hiki ana aku, honi iho la keia i ka lepo imua o iala, aka, he wahine kela Moi ana o kuhihewa nei he kane. Alaila, pane mai la kela. "I hele mai nei nu e imi he keiki ; a ina oia e loaa ia'u iwaena o.oukou, alaila, pakele oukou; a i loaa ole ia'u, he kaua nui mawaena o kakou, no ka mea, aohe a'u huakai e ae i hele mai nei, hookahi wale no o ka huli ia ia." Nolaila, ninau aku la o Amigada, "Heaha ke ano o ua keiki la, a heaha kona kaao, a owai kona inoa?" Pane mai ua alii wahine nei, "O Asada kona inoa, a o Magiana ko'u inoa: me Balama. ke kanaka hoomanakii kona hele ana ae a hiki i ko'u hale, a hoole mai o Balama, aole ia e kuai me a'u, nolaila. iawe au mamuli o kuu ikaika ; aka, loaa hou no kela ia lakou, a aihueia no i ka po." A i ko Amigiada lohe ana i keia mea. ike iho la oia o kona kaikaina o Asada, ka iala mea o ka huli anu mai ; nolaila, olelo aku la oia* •' E ka Moiwahine o ku manawa, o ko'u kaikaina ponoi uu keiki la." Alaila, hai aku la oia i ko laua kaao; a i ka loaa ana o Asada i uu Moiwahine nei ; piha loa iho las oia i ka olioli. Mahope iho. hoi aku la o Amigiada a hai aku i ka Moi, a nolaila, olioli like iho la no hoi lakou nei. Alaila, ku ae la ua alii nei, a hele aku la i kahi o ka Moiwahine; a i ko lakou hik) ana aku, noho iho la lakou e kamailio no na mea kupono. Ia lakou e kamailio ana, nia hoi, ku ana ka e-a o Ka lepo. a nalowale na wahi kokoke mai ; a mahope iho, emi iho lu ke'hu o ka lepo, a ikeia aku la he poe koa, e like me na ale o ka moana. ua lako wale no i na mea kaua. a poaiia ae la ua kulanakauhale nei, (e like me ka poai ana a ke komo i ka manamanalima) i na koa. No Keia mea, olelo iho In o Amigiada ame Asada. "He oiaio, no ke Akua mai kakou, a i ona'la no kakou e hoi aku ai ; heaha la keia koa a paapu wale. he enemi paha ? Ina aole kakou e hui me ke Kuini Magiana, lilo ke kulanakauhale o kakou, a pau mai kakou i ka pepehiia ; noi ila. hookahi wale no mea pono, o ka hele aku e ninau i ke kumu o ko lakou hele ana mai." Ia manawa koke no. hele aku la o Amigiada ; a i kona hiki ana aku. ike iho ia oia o na koa o ke kupunakane. ka Moi Gaioa ; alaila, komo aku la keia a haawi aku i kana olelo, a pane mai la ua Moi nei. "O ka Moi Gaioa ko'u inoa, i hele mai nei au e huli i kuu kaikamahine ia Badoura; no ka mea, ua hele oia. aole nae i hoi hou ae i o'u ala ; aole no hoi au i lohe iki nona ame kana kane me Camalazamana." A i ko Amigada lohe ana i keia mea, kulou iho la oia ilalo, a maopopo ia ia o ke kupunakane keia, ka makuakane o kona makuahine; nolaila, ku ae la oia iluna a honi iho la i ka lepo. a hai aku, oia ke keiki a kana kaikamahine, a ka Lede Badoura. I ka lohe ana o ka Moi o kana moopuna keia. o kona apo mai la no ia a uwe iho la laua nei; mahope iho. hai aku la keia he maikai no ke ola o ka makuahine, ame Camalazamana ; a hai aku la no hoi keia. i ka huhu «na o ka makuakane ia laua me kona kaikaina, ame ka hoounaia ana o laua e pe-
pehi, a no ke aloha ana o ke kanaka ia laua. a oia ko laua mea i pake e ai. Nolaila, pane mai la ka Moi Gaioa. "A na'u olua e hoihoi aku i ka makuakane o olua, a noho pu wau me oukou."' Alaila. haawi mai la ua kupunakane nei i lole hanohano no ianei. a hoi mai la keia me ka olioli i kahi o kona Moi. a hai aku i ka halawai aua o laua me ke kupunakane. Ia manawa a laua e kamailio ana. hoouna mai la ua Moi nei o ke kulanakauhale, i na makana aloha i ka Moi Gaioa ; i ka Lio, Kamelo. Hipa. ame na mea e ae; a pela no, hoi ka mea i haawiia aku i ke Kuini Magiana, alaila, olelo mai ua Kuini nei, "E hele aku ana wau me ko'u mau koa, a e hooholo u ke kuikahi ana." Aia lakou e hana ana i ke kuikahi ku hou mai ana ka e-a o ka lepo a nalowale ka aina a pouli ka la i ka lepo; o ka walaau o na kanaka ka lakou mea lohe a u u. ame ke uhuhu o na lio. I ka hoea ana mai o kela kaua nui. a weliweli uo hoi ; ia wa, ike mai ia i keia mau kaua, hookani mai la lakou i ka pohu ame ka oho. No keia mea, olelo ae la ka Moi o ke kulanakauhale, "He la keia i hoonaniia! e mahaloia ke Akua. no kona kuikahi ana mai ia'u me keia mau kana ; a ina o ka manao ia o ke Akua, alaila, e kuikahi mai no ; ia ia kakou me keia kaua ne." Alaila, olelo mui la ka Moi ia Amigiada, "E hele oe ame ko kaikaina, e ninau aku i ke kumu o keia kaua e hele mai nei; no ka mea, he nui loa maoli lakou, aole au i ike i kekahi kaua nui e like me keia." A hele aku la no hoi laua nei. a i ko laua hiki nua aku, ike aku ia laua, o na koa o ka aina Eboni ; a o Camalazamana mai no kekahi, no ka mea, ua haiia aku, aohe i make na keiki. I ko lakou halawai ana iho. uwe iho la lakou, a mahope iho, hai aku la laua nei i ka hiki ana mai o ka Moi Gaioa. I ka lohe ana o Camalazamana ia mea, o ke kau ae la no ia iluna o ka lio. ame kana mau keiki, a hele aku la e ike i ka Moi Gaioa. I ko lakou halawai ana, manao iho la ka Moi Gaioa, he mea kupanaha maoli ko lakou halawai ana ilaila ; alaila. hoomakaukau mai la na kanaka o ke kulanakauhale e hana i ahaaina na lakou. Ia lakou e hoomakaukau ana, ku hou ana no ka e-a o ka lepo a nalowale ka aina, a naueue ka honua i Ue kapuai o na lio ; a o na koa a pau loa, ua Komo wale no i ke kapa kila, a ua uhi likeia na koa a pau loa i ke kapa eleele, a iwaenakonu o lakou he kanaka elemakule loa, ua hele ka auwae a pili i ka umauma, a ua paa pu no hoi me ia i ke kapa eleele. I ka ike ana mai o na kanaka o ke kulanakauhale i keia poe koa, nolaila, olelo aku la ka Moi nona ua kulanakauhale nei i kekahi mau Moi o lakou. "E mahaloia ke Akua no ko oukou akoakoa ana mai, a lilo i poe makamaka i ku la hookahi ; a heaha !a keia poe koa a nui wale ?" Ia wa koke no, pane mai la kela poe Moi, "Mai maka'u oe. no ka mea, ekolu kakou, a ua nui loa no hoi ko ku kou mau koa ; a ina lakou he poe enemi, olaila, kaua like aku no kakou, a pela no kakou e hana ai, ina ua papakolu ia ko lakou nui." Aia lakou e kamailio ana, hoea mai ana ka elele mai ua poe koa la ; a lawe ia aku la ua elele nei imua o Camalazamana, ka Moi Gaioa, ke Kuini Magiana. ame ka Moi o ua kulanakauhale nei: a i ka hiki ana aku o ua elele nei, honi iho ia oia i ka lepo a olelo aku, "O keia Moi. mai na palena mai o Ajama ; he nui wale na makahiki i haia ae nei o ka nalowale ana o kana keiki, a no-laila oia i hele mai nei e huli; a ma oia e loaa iwaena o oukou, alaila aohe poino e ili mai maluna o oukou ; a i loaa ole. e kaua mai ana kela me oukou, a wawahiia mai ke kulanakauhale a puni." A nolaila, pane aku la o Camalazamana, "Aole e hiki ia ia ke hana peia?" Alaila, ninau aku o Camalazamana i ka inoa o ua Moi la ; a pane mai ka elele, "Ua kapaia o ia o ka Moi Sha — Zamana, ka haku o ka pae aina o Haledana ; a o keia poe koa ana i houluulu mai nei. no na aina ana i hele mai nei e huli i ke keiki." I ka lohe ana o Camalazamana i ka olelo a ka elele, o kona hina iho la no ia ilalo ; i ka pohala ana ae. olelo aka la oia ia Amigiada ame Asada, "Ou haele e a'u mau keiki, e ike i ko olua kupunakane, a o ko'u makuakane ponoi no ia, ka Moi Sha — Zamana. a hai aku hoi ia ia i ka nu hou olioli o ko'u hiki ana mai i anei ; no ka mea, e
kanikau ana keia no'u, a hiki wale i keia wa oia e komo nei i ke kapa el??? no'u." Aka, hai aku la o Camalazamana i na Moi e noho pu ana me ia, i na mea kupanaha i loaa ia ia i kona wa opiopio; a i ka lakou lohe ana, manao iho la no hoi lakou, he moolelo kupanaha maoli kona. Mahope iho o keia mea. hele aku la lakou e ike i ka makuakane o Camalazamana; a i ko lakou hiki ana aku. apo aku la ka makuakane i ke keiki. a apo mai la no hoi ke keiki i ka makuakane, a hina pu iho la laua lalo no ka paha loa a ka olioli ; a ika pohala ina ae, hai mai ia ka makuakane i kona mau pilikia ; ia wa, aloha mai ia na Moi ia iu. Hoihoiia aku la no hoi ke Kuini Magiana kona aina. mahope iho o ko laua mare ana ne Asada; mareia ae la no hoi o Amigiada me Bosieana, ke kaikamahine a Balama; a hoi like aku la lakou i ke kuianakauhale o Eboni. kahi a Camalazamana i hai aku ai i kona moolelo i ka makuahonowai. Alaila. o ka Moi Gaioa, ka makuakane o ke Kuini Badoura, hele aku aku la no hoi e ike i kana kaikamahine, a hooluolu iho la i kona puuwai aloha i ka ike hou ana aku i Kana kaikamahine, a noho iho la lakou ilaila a hala hookahi mahina ; mahope iho, hoi aku la ka Moi Gaioa me ko kaikamahine, a me Amigiada i kona nina. I ko lakou noho iki ana iho, haawiia ka noho alii ia Amigiada ; a o Camalazamana hoi, hoonoho iho la oia ia Asada ma kona wahi i ke kulanakauhale o Eboni. Alaila, hoi aku la o Camalazamana me kona makuakane i ka pae nina o Haledana. ua hoonaniia mai ke kuianakauhale nona, hookahi mahina o ka hookani ana o ka pahu ; a hoonohoia iho la o Camalazamana i Moi ma kahi o ka makuakane, a hiki wale i ka wa o lakou i kipaia mai ai e ka mea hoopau lealea, ame La mea hookaa walo hoalauna. 1 ka pau ana ae o ke kaao ana a Serasade i keia kaao. pane mai ka Moi Shahriar, "O Serasada, he oiaio, he kaoo kupanaha maoli keia." A pane aku keia. "E ke alii. aohe i oi aku ke kupanaha me ke kaao o Aladina Abusimata." A ninau hou mai la ka Moi. "Heaha hoi ia kaao ?" A kano aku la no hoi keia.
HOPENA.
[Ua ????? ?? ?? "Kuokoa."]
MOLUHI, HE KAAO
NO HAWAII NEI.
MOKUNA 3.
AlA A HIKI MAI KEKAHI LA MA-lie. manao o Moluhi ma e Kele ma Puka o Maui ; aole o lakou wale no, o kekahi mau kamaaina kekahi me lakou. Aia a pau ka aina kakahiaka, a me ka pule ohana, ia wa ho-a lakou i na lio. a holo aku la lakou. O ke kanaka alakai, o ia kekahi kanaka olo papa mamua loa, ma ka Paukea, no ka mea, ua kokoke o Puka o Maui i ka hale olo papa o na haole. I ka wa e ku ana kela hale, ua hanaia ke alanui a maikai, kahi e hele ai na bipi kauo, ame na kaa. Eono mile a ehiku maha ka loihi o keia alanui ia manawa ; a i keia manawa, ua paa i ka nahelehele ; a eha paha mile e hiki ai ka lio ke hele. Mai pilikia loa o Loeau, no ka maa ole i na alanui oia ano ; a hala na mile eha. a hiki lakou i kekahi pali nui. ame kekahi iala o ka muliwai o Wailuku ; aole e hiki na lio. Nolaila, ua nakii lakou i na lio ma kahi e ai ai i ka mauu, a weheia ae ia na noho ; a o na pale, ua uhiia maluna o na noho o pulu i ka ua. Alaila, he!e wawae aku la lakou ; o ke ma-u, oia kekahi mea e paa nui ai ke alanui, ua kiekie, a ike oleia ka la, a ua nui ke poho malalo, pela ka hele ana a pau ke aho. A mahope iho, ua loheia ka halulu o ka wailele, aole nae he ikeia aka no ka paa i ka nahelehele. A pii lakou ma kekahi pali. oia ka! ka wailele; ua kokoke loa. — Hookahi haneri paha me kanakolu kapuai kona kiekie ; a ua nui ka wai, a ikaika ke kahe ana, a he leo nui kona, e iike me ka hekili. A mauka aku oia wahi, he hapawalu paha o ka mile. ua puka mai ka muliwai mailalo mai o ka pahoehoe. A o ka pahoehoe, ua kau kiekie maluna o ka wai, e like loa me ka uapo, a o kona loihi, makai a mauka, he kanaha poha anana. Aole kanaka kamaaina ma ia wahi. aka. o kanaka ma kahi kauhale makai aku, na iawe mai i ka waa mama, a oa hoolana ma
ka ????wai. A komo o Moluhi ma, a hele lakou mai uka a i '. ??? malalo o ka uapo ano oia ka pahoehoe. Mai p??? loa ka hele ana, aka, he wahi malamalama no kekahi nau puka maluna, me he puka la o ka papa maoli ka hanaia ana. A pau ka lakou holoholo waa ana. pae lakou ma kapa o ka muliwai ; noho lakou a paina, aka. he uuku nae ka ai. ua hihia ka umeke i ka nahelehele a ua hanini ka ai ; pela ka olelo a ke keiki nana i lawe mai. A pu ka paina ana. ninau o Moluhi ia Kaawa, (oia ke kanaka alakai.) "Pehea ka moolelo o keia puka nui. malalo o ka pahoehoe, kahi hoi a kakou i holoholo iho nei ; e hoike mai oe i lohe na kamalii." Ia manawa, ae mai o Kaawa. "Ae, aka, e hoike mua nu i kekahi hana, e pili ana i keia." "I ka wa kahiko, ua noho kekahi wahine, o Hina kona inoa. a elima ana mau keiki ; a o Maui. oia ka inoa o lakou a pau. ua holo pinepine lakou i ka lawai-a. A o ke ahi, aolo nae he ikeia ia mea mamua; aole i loaa ke ahi i na kanaka. A i kekahi holo ana. nana lakou iuka. a ike lakou i ke ahi e a ana ; a pela aka i kela la keia la, a hala na Ia elima. "A olelo o Maui hope, 'E kii ana wau i ahi.' Olelo mai na kaikuaana, 'Aole loaa ia oe ke ahi, no ka mea. he poe manu ka poe nana ke ahi." Olelo mai kela, "E loaa no?" Pela ka hoopaapaa ana o lakou nei, a hiki i kekahi la ae. Olelo kela, "E noho au, a o oukou ke holo i ka la wa i-a." O!elo mai lakou, "Aole oe e nalo i kela poe manu." O!elo aku kela, "E hoonoho aku i kuu Hokeoaho mamua o ka waa." Ia manawa a ianei i pane aku ai me ka pololei, ae mai la na kaikuaana, a holo alu la lakou i ka lawai-a. Noho iho la kela, a pii iuka i kahi o na mauu. ia lakou ke ahi, a pee aku la o Maui ma kahi pohaku. A nana na manu i kai, a helu aku la i na kanaka iloko o ka waa, me ke kuhihewa aku elima lakou. Alaila, kahu iho la ua poe manu nei i ke ahi; aia hoi o Maui ke pee nei ma kahi kokoke loa, a kau aku ua poe manu nei i ka maia iluna o ke ahi ; a liuliu iki. olelo mai o Kaalaeihuapi. "Ua mo-a ka maia, he keiki mauia ka Hina."
A lohe o Maui i ka olelo a Kaalaeluuapi, hoio koko aku la kela; a ike kela poe manu i ia, kahili ne la i ke ahi, a lele liilii a pio iho la. Lele koke aku la na manu nui, o Kaalaeluuapi. aole e hiki ia ia ke lele aku; ia wa, alualu aku ia o Maui ia ia a loaa, olelo aku oia, "E make ana oe ia'u."
O!elo mai kela ia ia, "Ini e make au, aole e loaa ia oe ke ahi." Olelo aku o Maui, "E hai mai oe i ke ahi." Olelo mai kela, "O kii i ka ha maia. a hia iho la-pela." A ua hana o Maui pela, aohe nae i a. Olelo hou ka manu. "O kii i ka iwi mau a hia iho." A ua hana pela. aohe a. "A i ku iwi hapuu." aohe a. "A i ke kukui," aohe a. "A i ke koa," aohe a. "A i ka ha o ke kalo," aohe a. A pela aku no ko ka manu kuhikuhi lalau ana. a luhi loa o Maui. Alaila, olelo aku o Maui i ka manu, "E pepehi aku au ia oe, no kou hoopunipuni mai ia'u." Olelo mai kela, "Ina e pepehi mai oe ia'u, aole e loaa ia oe ke ahi." O!elo o Maui, "E hai mai oe i ke ahi." A hai mai la kela ia ia, "E kii oe i ke Olomea." A kii aku la o Maui, a hia iho la — A a ae la ke ahi. A no ka ukiuki loa o Maui, lalau aku U oia i ka manu. a hia aku i kona lae. oia ke kumu o ka ula ana o kona lae ; nolaila, ua kapaia ka inoa oia manu he Alae, a hiki i keia ia. A pau ka hoike ana a Kuawa i ke ahi, a hoike hou mai la oia penei: "I kekahi manawa, ua noho o Maui me kona makuahine, oia o Hina, ma keia wahi a kakou nei e noho nei. O Ua hoolele lupe, oia ka hana a Maui, a ua kapaia ka lupe, Kalupenui o Keaiwaiwa. O ka hana a kona makuahine, he kuku kapa ; a i kekahi la, hele aku la o Maui ma kahi e, a noho ka makuahine e kuku. A ia ia ma ke kapa o ka muliwai, kahi e hana'i ; ia ia e noho ana malaila, ua paa ka wai i kekahi Kunamoewai; oia ke
kanaka ????? moe mau i ka wai, a ua paa ka wai a ia a hoi iuka. Mai lilo loa nae ua makuahine nei i ka wai uaua . uwe kela. a lohe kuna keiki, oia o Maui. a ua kii kela kona kookoo, o Koowaikulani kona inoa "Ia wa koke no, hou ikaika kela i ke k??? koo, aole i kahe ka wai. elua hoa ana, ?? ? kahe o ka wai. a i ke ko'u o ka hou ana, ? ua kahe mai ka wai ; a ua pakele kona makuahine. Oia keu pukua loihi, a kakou e hele iho nei. a ua kapaia keia puka, puka o Maui,a hike i keia ia." A pau keia hana a "Maui, i aku la kela i ka makuahine. "E kii au e pepehi i ke Kunamoewai." Penei kana hana ana. ua hakui aku ia ia i na luawai, kahi e moe ai ko Kunamoewai a wela kela !ua Keia lua, a ike oia ua wela. ua lele aku oia he lua e, a ike no oia ua wela ia lua. ua iele aku i kekahi lua aku, a pau na lua ; alaila, make oia i ka wela, a kaawale na muliwai i ke Kunamoewai ole ; no ka mea, ua loaa ke ahi ia Maui mai na manu. mai. A pau ka hai ana o Kaawa, ninau o Kekaha ia ia, "Ua pau anei na moolelo no Maui ?" Olelo mai kela. "Aole pau, o ka hapa nui koe," No ka mea, he nui ke ano o kona kino he kino kanaka, he kino manu, he kino mea, a pela aku, aole hiki ke hoike hou o hiki poeleele au nei kakou makai. Hoomakaukau lakou e hoi. I ka hele ana ma ke alanui, aole hiki ke kamailio, no Ko ino o ke ala, a hiki lakou makai ma ka hale, waiho lakou i ka lole eka, auau a pau, komo i ke kapa maikai, paina a pau, pulo ohana iho la. Hiamoe koke iho la o Kekaha. laua me Loeau. Ua maluhiluhi, no ka hele nui ana, ua noho o Moluhi me na kamaaina ma ka puka o ka hale, ua maikai ka mahina, ua piha, a pa oluolu mai ka makani kehau mauka mai. A i mai o Moluhi ia lakou, "Nani ke ku. hihewa a me ka makau wale o na kupuna o kakou, makau lakou i ka lapu. i ke kuni. i ka anaana, i ka hoopiopio, a me na mea like he nui wale, hookahi mea koe, aole makau o lakou i ko lakou hewa iho, oia ka aihue, ka pepehi, ka moekolohe, ia hewa aku, ia hewa i aku." "Oiaio no," wahia ka mea nona ka hale, aole o na ku ou na wale no. ka poe makau ole i ko lakou hewa, o kekahi o kakou ; kekahi, o Ue keiki nana i halihali ka kakou ai i nehinei, ua ai malu i ka ai aole hanini, he ololo wahahee kela, ua ike na kanaka amo waa i kana ai malu ana, no ka mea, o lakou mahope iho ona, ua hiki mau ka malamalama, aole makemakeia e kekahi poe," Pela lakou e kamailio mai ai a mahalo lakou i ke aloha o ke Akua, no kona haawi ana mai i ola no ko ke ao nei, a i ke kakahiaka ninau mai o Moluhi i kana mau keiki, i ko , laua mea i ike ai, a i lohe ai no hoi, i ka la i hala, a ua hoike mai laua. aole nalowale ia laua ka moolelo no Maui, he paanaau wale i na kamalii, hoole laua aole hiki i na manu ke kamailio. "Aole hoi" wahi o ka makuakane, "ua like iki ka moolelo o ke ahi me ko Helene i ka wa ka hiko. Ia lakou ua aihue ia ke alii, noloko mai o ka lani. A o kekahi mau ma-olele Hawaii, ua like iki me ka moolelo o ka Iseraela, me he mea ia ua i ke ko kakou poe kupuna i ke Akua oiaio, a ua nalowale ka olelo pono, no ka ike ole i ke kakau, a paa iloko o ka paiapala." No ka maikai o ka la, ua maloo na alanui, a manao o Moluhi, e hele i ka lua o Pele. Hoomakaukau lakou i wahi o no ke alanui, a i wahi kapa kupono no ka hele ana, a i ke kakahiaka nui, hele aku lakou me kekahi kamaaina, no na makamaka mai na lio, a me na noho, i kinohi hele maikai na lio o lakou. a mahope hoololohe ka lio o Loeau, hahau kela me ka ikaika, aole holo. ina e hele ka makuakane a hahau i ka lio mahope, oia wale no ka mea e hiki ai, o ka lio o Kekaha holo mama. Nolaila, hea aku ka makuakane ia ia, "E Kekaha-e, ina peia ka loihi o ko kakou holo ana, aole moe kakou i ka lua o Pele i keia po. eia ka pono e kau o Loeau maluna o ko'u lio, a o oe maluna o kona." I mai o ke Kaha, "No ke aha la e lilo ai kou lio ia Loeau, no kona molowa i ka hahau, nolaila ka holo ole o kona lio." "Eaho ke lawe kela i kekahi o kou mau kepa paniolo, a hoao." Aole pane hou aku ka makuakane, aka, ua ohumu nui iloko o kona naau, penei, "Ua poina ia Kekaha keia olelo a Pau Io. mai nana kela mea keia mea ma kona iho."
(Aole i pau)

.