Ka Nupepa Kuokoa, Volume II, Number 34, 22 August 1863 — Page 3

ma na haunaele i ulu mai ma Molensk
Witepsk, Volhunia. ame Urkraine, i ke
onipaa loa o ka maawe o ka manao kue
ame ka noho ana naueue iwaena ponoi
o ka puuwai o Rusia. Ua piha loa o
Rusia i na ahahui malu e kokua ana i na
kipi. a ua hiki loa ia poe i Mosokawa.

Ke hoomau nei na Polani i ke kaua
me; ke koa hiwahiwa, a ua hiki aku la-
kou i ke kulana olioli, oia hoi ka maopo-
po ana. nole lakou e pahele hou ia mai.
O "Polinia fera da sa ka lakou huaole-
lo i keia manawa, a ke hoononi ia nei
me ka honnaukiuki mauia nei ka Bea
o Rusia e lakou. Ke kahiko nei o Ru-
sia ia ia iho me na mea kaua, ame na
puali kou kinikini, a ke ulu mai nei no
nae ka haunaele iwaena o kona poe iho.
Ke noke mau nei na nupepa o Rusia i ka
hoinoino ia Enelani, me ka olelo pu aku
no hoi, ke hoomalimali nei o Enelani, i
maliu aku ai ke alii o Perusia mamuli o
lakou ; aka. ua haiia mai no nae ke ku-
paa o ka Moi o Perusia e hoomau loa no
i ko laua noho hui ana me Rusia.

Ua kue nui ia o Rusia e na poe o Fi-
nilani, a elua hoole anu a na Luna Aupu-
ni oia wahi. i ke kakau ana i ko lakou
inoa ma ka palapala, e hoike ana i ko la-
kou makeni ke e hoolohe mamuli o ka.
Moi Alekanadero o Rusia.

Ke hoolako nei o Suedena (Sweden)
ia ia iho i na mea kaua. a i ka wa o na
nupepa o Rusia i hoinoino aku ai ia la-
kou, aia hoi. haawi ae la lakou i kekahi
ahaaina maikai loa ia Mons. Bakounine,
kekahi kanaka akamai i kipakuia e Rusia.

Ua aneane e pau loa na 'Lii koa o Po-
lani i liolio alii koa iho nei iloko o ke
Aupuni o Tureke, i ka hualele i ka lakou
mau oihana ma ia Aupuni, a ua pau nui
mai i ka hoi e lawelawe i na kaua o ko
lakou one hanau.

Ke hooikaika nei o Auseteria ia ia iho,
me ka manao no nae e ku i ka wa, a ina
e hiki ole ia ia ke alo ue, alaila, e hoohui
ana oia iu ia iho me nu Aupuni o ke ko-
mohana, mamua o kona hoohui ana ia ia
iho me ke Aupuni o ka akau. O nu Lu-
kini o na aina kula, kekahi poe e hoo-
haunaele mai nei.

[Noloko mai o kekahi nupepa haole o Honolulu nei.]

O na mea hou i hiki mai nei ma ka
Hikina, he mau nu kupono no naua e
hoohulahula mai i ku puuwai o ka poe e
aloha anu i ka "Lanakila, a me ka maha-
lo aina," me ke aloha a me ka olioli. Ke
pii hou nei nu Hoku o ke Aupuni Hui
iluna. O ka malama o Iulai, 1863, e lilo
ana i wa hoomanaoia iloko o ka Moolelo
Amerika, a nana hoi i kau iho i hoailona
hou, i ka holomua aua o ke kaua. Ua
hoea mui ku la 4 o Iulai, me na lanakila
nui elua no ka Akau, a o ka nui o ia mau
lanakila, na hiki ole ke ana ia a nui loa.
Ma ku wanaao o ua la la, ua komo aku na
koa Akau o na moku Komohana iloko o
ke Sebasatabolo o ka Hema, ke ki hoi
nana i hoopaa ke awaawa o ka Misisipi,
a oiai hoi ma ka Hikina loa, ma kahi he
mau tausani mile ke kaawale, ma kela ki-
hi o ke kahua kaua, ua hoopioia ka puali
Ua ikaika loa o ka Hema, ka puali koa
hui malalo o ke Generala akamai loa, a
na auhee aku lakou me ke ake e hiki i
ka Potomata. me ka haalele iho he elua
hapakolu o ko lakou mau koa iluna o ke
kahua kaua ulaula koko ma Getebuga.

Oiai o hoouka ia ana ua mau kaua la
mu ka aoao Hikina, aia hoi o Gen. Rose-
karana, ka mea e noho ana iwaenakonu
ma Tenesi, e ho-a ana i na koa kipi o
Gen. Bragg. mai kalii aku a lakou e hoo-
moana ai me ka lawe lilo mai hoi i na
pakaua ikaika o na kipi ma Tulohama a
me Winchester. na wahi a lakou i hoo-
ikaika ai iloko o na mahina loihi wale i
kaahope ae nei. Akahi no hoi a lanaki-
la lokahi ku Akau. mai kela kihi a keia
kihi. kahi i like ka loihi mai Mosokowa a
Parisa. O ka lanakila ana ma Vikibuga,
he hoike kupono no ia nana e apono mai
i ka hele akahele ana. me ka maopopo
nae. o na oihana kaua a na mokuaina
hookauwa ole. Ke hooko nei na keiki
ikaika o ka Akau Komohana, i na olelo i
hoopukaia e Gen. Logana, iloko o ka
Hale o ka Poeikohoia o Amerika Huipu-
ia; oia hoi keia, "E kalai ana no makou
i alanui no makou mai ka Akau aku a hi-
ki i ke kowa o Mesiko, me ka maka o na
pahikaua."

Ua oi ka pomaikai i loaa i ka Akau,
ma ke pio ana o Vikibuga, mamua
o ke pio ana o Rikemona; no ka mea,
e pio koke mai ana paha o Pota Hudeso-
na, a ma ia mea, e hookaawale loa ia'i
na wahi a pau o ka muliwai Misisipi, a
ma ia mea hoi e hamama ai ke alanui e
hiki ai ke lawe aku i na mea kanu o ke

Komohana. A ua okipu ia mawaenako-
nu o na Moku Hui o ka Hema, kaawale
kekahi aoao a me kekahi aoao. A nola-
ila, o keia pio ana o Vikibuga, kekahi o
na poino kaumaha loa i iliia aku iluna o
ka Hema, mai ka wa mai i pio ai o Nu
Olina. A iloko o kekahi haiolelo ana a
Jeff. Davisa. imua o ka Ahaolelo o Misisi-
pi, ua hai mai oia, aia wale no ke kaula e
mau ai na Moku Hui o ka Hema. a paa
ia lakou o Vikibuga. Aole oia wale ka
pomaikai ; aka, e lilo una ia i kahua poa
no na koa aupuni, e hoohole mau aku ai
iloko o na mokuaina kanu pulupulu o ka
Hema, no ka mea, aia ilaila kalii o ka
pau ana o kekahi o na alanui kaamahu o
ka Hema. Ua hiki i na moku kaua hao
o ke Aupuni malalo o Adimarala Porter,
ke kokua aku ia Adimarala Faragata, a
me Gen Banks, iloko o na hora pokole
he iwakaluakumamaha. Ua loaa hou mai
nu koa kokua o Gen. Grant. ma Misouri
Komohana mai, malalo o Gen. Herron,
he umi a hiki paha i ka 15,000 ko lakou
nui, a me na koa no hoi o ka puali koa
Helu eiwa, ka puali i komo pu ai me
Gen. Burnside iloko o Kenetuke, he 26,-
000 ko lakou nui, a o lakou hoi kekahi o
na puali koa makaukau loa o ka Akau.
A nolaila, e hiki ana ka nui o ko Generala
Grant mau koo, i ke kanawalu tausani, a
na ia poe hoi e kokua aku ia Gen. Banks,
ae hooauhee aku ia Gen. Joe Johnston, a
me ka hele hui aku hoi me Gen. Roseka-
rana, ma ka lawe ana'ku e kukulu i ka
Hae kahiko ma na mokuaina kana pulu-
pulu.

Ua manaoia e kekahi poe o Gen. Ro-
sekarana kekahi o na Generala akamai
lua o ka akau, no ka mea, nana i ahu iho
nei kekahi poali koa nui o na kipi, a no
ia mea ka hiki ole ana o ko Gen. Bragg.
puaii koa ke komo iloko o Vikibuga e
kokua aku ai i na pakaua malaila ; nolai-
la, ua noho hana ole ia mau kanaka lehu-
lehu o ka Hema ma ka mokuaina o Tene-
si, a akahi no hoi o Rosekarana hele imua
me ka halawaiia no hoi o kana huakai e
ka lanakila. O na koa mua o kona pua-
li ua aneane e hiki aku i Stevenson, he
wahi ia e kokoke aua i ke alanui kaa-
mahu e holo ana i Kaletona, ame Mepa-
fisa. a he pili kokoke wale no hoi ia wahi
mai Katagona ke ki o na alanui kaamahu
o ka Hema. A ke manaolanaia nei, e
hui no ai a oia (Rosekarana.) me Gen.
Burnside, a na laua pu e hoopau i ke
kaumaha e kau nei maluna o na kanaka
aloha aina o Tenesi Hikina, ame Karo-
lina Akau. E hookuu ia laua e lawe i
ua mau aina kuahiwi la, no ka mea. ua
like ia me ka makia i pakuia i ka Hema,
mai Marilana, a hiki i Alabama, kahi hoi
a na kanaka aloha aupuni i noho nui ai,
e aho malaila ka laua hana i neia mau
aukana'ku. O na hana no ia i kuhikuhi
muaia'i i ka wa a ke kaua i hoomaka mua
ai i na oihana kana.

Na Palapala.

Ka make ana o J. Palapala.

ALOHA NO KE KUOKOA: — O J. Palapala,

he hoahanau oiaio oia iloko o ka Haku, i no-
ho ma Kealakomo, Puna. Hawaii ; aka, no
Paukaa, Hilo, kona wahi i hanau ai, a i ko-
na wa opio, ua komo kela ma ke kula a Rev.
D. B. Lyman, a mamua o kona puka ana
mai, ua lawe kela a mare aku ia Maria, ke-
kahi haumana o ke kula kaikamahine a Mrs.
Coan ; a pau ko laua mare ana, ia wa, hoi
aku laua a noho ma Kealakomo, Puna, ko
Maria wahi hanau ia; a i ko laua noho ana
malaila, ua malama aku no o J. Palapala i
ka oihana ao kula. ame ka noho kahu Eka-
lesia, ana no ia apana, a hiki mai i ka maka-
hiki 1862, ua kokoke iwakalua makahiki
kona kiai ana i ka noho kumuao, ame ka
noho kahu Ekalesia ana. A i ka lua o ka
hapaha o ka makahiki 1862 i hala iho hei,
loaa oia i ka mai ikaika loa ; ua lapaau na
kauka haole ia ia, ma Hilo, a ma Honolulu,
aole nae he loaa o ke ola ; nolaila, ua lapaau
na kahuna Hawaii ia ia, aole no he ola, a i
ka la 8 o Iulai iho nei kona make loa ana.
Mamua iho nae o kona make ana, ua hai ke-
la i kana olelo ao ano haipule i kona poe po-
noi, ame kona aloha ia lakou, a penei kana
mau olelo i ka wa e mau ana kona e-a.

I ke ahiahi o ka la 7 o Iulai, kahea aku la
ia i kona ohana a pau e hoakoakoa mai imua
ona, a nau lakou i ka akoakoa mai. hoomaka
oia e ao mua i ka laua mau keiki, e i ana,
"E noho like oukou me ke aloha aku keka-
hi i kekahi, ina e loaa ka kekahi, e kokua
like. a pehi no ka kela mea keia mea o ou-
kou, i ka wa e loaa'i kana." hahu hou kela
a olelo aku i na makua, ame na kini a pau o
laua me kana wahine, e like me ke kauoha i
na keiki, pela no hoi ke kauoha ia lakou a
pau. I kela manawa, aohe komo o ka ai ia
ia, a o ka hiku ia o na la o kona ai ole ana
i ka ai, a i ke aumoe, ala mai la oia, a olelo
aku i kana wahine e hoomakaukau i ai na-
na a o kona ai iho la-no ia. a pau kona paina
ana olelo iho la kela. "O ko'u aina kakahi-
aka keia. Mahope iho, paina hou no oia,
a olelo iho la, "O ko'u aina awakea keia."
A i ke kolu o ka paina ana, olelo hou iho la
no oia, "O ko'u aina ahiahi keia." He ali-

ma paha minute ka loihi mawaena o kekahi
si ana, a i ka pau ana. olelo ae la oia imua
o kona poe a pau. "Aole au e ai ana no ka
ono. aka. e ai ana au i ikaika kua kamailio
pu ana me oukou, no ka mea, ua kokoke mai
ko'u manawa."

Ia manawa koke no. huli aoao ae la oia. a
hoomaka e himeni aku ma ka himeni 127,
"Aloha e na hoahanau. &c." O Balema ka
leo mele, a pau ke mele ana. pule aku Li oia
i ke Akua Mana Loa. Eia kana pule, "E
Iehova, ke Akua o ka lani me ka honua, ke
Akua o ka po me ke ao, ke Akua o ke ka-
kahiaka me ke awakea, ke Akua i ka la me
ka mahina ; e aloha mai oe ia'u. no ka mea.
ua kokoke u ai kou manawa e iawe aku ai
ia'u, o ko'u makemake no ia, aole o'u manao
i ke ola ana o ko'u kino, o ke ola o ko'u uha-
ne ka'u i manao nui ai; nolaila, e hoomala-
malama mai oe i ko'u naau ; a e alakai aku
oe ia'u ma kahi maikai loa, e kahiko mai oe
ia'u i na kahiko nani o ka lani, e hoaahu
mai oe ia'u i na aahu o ka manaoio, e aloha
mai oe ia'u, e aloha oe i ka'u wahine i kou
waiho ana mai ia ia, e a!oha oe i ka'u mau
keiki, ame ko'u mau makua ; a e aloha oe i
KO'U mau kini a pau loa. ame o'u mau hoa
a pau e noho mai nei ! Amene."

I ka pau ana o kana pule, ninau mai la
oia i ko ka hale. "o ka po hea keia? Hai
aku la lakou, o Kolokukahi," "Heaha ka ha-
na i keia po?" Aohe inea nana i hai aku,
nolaila, kauoha mai la kela i ko ka hale,
"E hoopuka aku oukou i keia ninau ma ka
Nupepa, Kuokoa. i haiia mai ka haina, no ka
mea, ke hele nei au ma ka aoao mau o ka
honua, a o oukou ke ike aku i ka haina o
keia ninau.''

E ka Nupepa Kuokoa, ke waiho aku nei
ka Moolelo o keia kauwa a ke Akua. he ho-
ahanau hoi i aloha nuiia, nole ia i haule ilo-
ko o na hewa ino. a ano hewa e ae e pono
ole ai kona noho Ekalesia. a Lunakiai ana.
mai kona komo ana i ka Ekalesia. a hiki i
kona make ana, he hoaaloha oluolu no na
kumuao o Puna, a me Hilo, a he hoa maikai
hoi no na kahu Ekalesia launa pu meia.

He kumulaau kupono keia ke ulu iloko o
kou mau palena, a he hua ono hoi i ko ke
Akua poe kanaka, e oluolu ai ko lakou naau
ma ka ia nei hana.

O ko J. P. make ana, ua komo iloko u ka
make ana a Balaama i olelo ai ma na Ha-
lelu 23:10, hapa hupe.—" E ake au e ma-
ke i ka make ana o ka poe pono, i like hoi
kuu hope me kona."

E na hoa launa nupepa, e hai mai oukou
e pono ai i ka ninau a ko kakou hoa, no ke
ano o kela po o Kolokukahi. Me ke aloha.
J. WELEWELE.

Koae, Puna, Hawaii,Aukake 3, 1863.

La Hoihoi Ea.

E ka Nupepa Kuokoa e; Aloha kaua:

O ka la 31 o Iulai i hala iho nei, ka la nui
kaulana iloko o keia Aupuni; no ka mea hoi,
oia ka la i hoihoiia mai ai ka Ea o keia Au-
puni, oia kona ola, ka la hoi i kani hauoli ai
na manu liilii maka onaona iluna o keia ku-
mu lehua, i hele a haiamu i kona nani, ka
la hoi i hiakani ae ai na Hae Poo Aupuni o
Kamehameha Nui, ka la hoi i lele opu ai ka
hauli o na keiki kanu o ka aina ; ka la hoi i
keekeehi ai kulani o Ainaike, a i wawalo ai
na leo huro ma na ipuka o ka hauoli. No-
laila, ua kupono i ka hanauna a Papa laua o
Wakea, ke malama mau i ku onohi o ka
hauoli i keia la.

I ka opuu ana mai o keia la pumehana
iwaena o keia lahui, ua hoala ia mai na ma-
nao kuupau iloko o na keiki papalina lahilahi
o Puueo, na lakou i malama na haawina kau
like, a me na ana kupono o ke kuikahi, iloko
o ku hauoli like, iloko hoi o na keiki kane a
me na kaikamahine maka palupalu a Kaku-
hewa.

I ka Poakahi, oia ka la 27 o Iulai, ua ko-
hoia na Luna o ka hana o ku la 31, o S. W.
Kaaimoa, J. H. Maikunu a me J. A. Kaele-
makule.

A i ka la 31, ua malamaia na hana a pau
i hooholoia no ia la, me ka hooko pono ia o
na iini pumehana a pau. iloko o na puuwai
palupalu o ka poe nana keia hui hoomanao.

Ma ke kakahiaka o keia la, ua akoakoa
mai na hoa. a i ka hora 10 paha pu loa mai
lakou, alaila, hoomaka ka mahele ana o na
papa no na hana i manaoia no ia la.

HEIHEI WAAPA.

Hoomaka aku la kekahi poe e holo ma na
waapa a hiki i Mokuola, me na Hae o ke
Aupuni Ilihia o Iolani, e welo ana mahope o
na waapa, i ka makani hooluolu puuwai o ka
aina. he Malanai. A hiki lakou i Mokuola,
hooiho ae la ka ihu o na waapa i kahi o ka
mea hanohano R. Keelikolani, a hiki aku la
ma ke kai hawanawana o Paika ka. oia no
kuhi mawaho mai o kahi o ke Alii Kiaaina.
Laina pololeiia na waapa, a hoomaka e hi-
meni aku ma kekahi mau himeni hauoli ku-
pono no ia la, a kanikau hoi no ka Hooilina
Moi i hala'ku ka Haku o Hawaii, a pau ia.
huro ae la lakou, a o ka hoi mai la no ia a
hiki i Kolopulepule, malalo o ka Uwapo o
Wailuku. hoomaka hou lakou e himeni, me
ka huro no hoi. A i ka hora elua, hoomaka
ka paina ana.

KA PAINA ANA.

I ka akoakoa ana mai o na hoa, ua hoo-
maka ka ai ana, ma kahi i ka paia o Hakinua
Hale, malaila na mea ai momona i hoolako-
ia, noloko mai o na mea ui haole, a ua ai no
na hoa a pau, me ka lawa kupono i ka oli-
oli no ia la.

KA HUAKAI LIO.

I ka hora ekolu me ka hapa. ua hoomaka
ke kai huakai ana maluna o na Lio. e hoo-
maka ana i ka hele mai Puueo aku a hiki i
Punahoa, a mailaila'ku a hiki i Ohele ; e
hehi haaheo ana i ke one anapa o Waiola-
ma. Aole o kanamai o na lio, aole i ikeia
ka huakai nui e Iike me keia; ua hele polo-
lei aku no ka huakai a hiki i Maunaihi. ka-
hi o ke Alii Kiaaina, hoomaka lakou e haawi
aku ia ia i ke aloha pumehana. A pela uo
ka hoomau ana i ka olioli no ia la, a hiki i
ka wa i haalele mai ai ka malamalama i kona
kau lailai ana ma ka ili o ka honua.

Me ke aloha.
S, W. KAAIMOA.
J. H. MAIKUNU.
J, A. KAELEMAKULE.
Hilo, Hawaii, Augate 10, 1868.

(Advertisements, announcements and notices appearing on the original of this page will be uploaded to this site at a later date.)