Ka Nupepa Kuokoa, Volume II, Number 33, 15 ʻAukake 1863 — Page 3

Ka Nupepa Kuokoa.

OOO. Ua houluulu mai he 5.000 o na poe
haole Arisimana. (na haole o Irelani.)
ma kahi o ka Bihopa Hughes. Ua ao
aku oia ia lakou, e hoomanawanui i na
ino i hanaia mai ia lakou, a aohe hoi he
make imi hou aku i hewa hou, ma ka
hoohaunaele ana; mahope iho o kana ka-
mailio ana aku ia lakou, hoi kela mea a
me keia mea, ma kona wahi iho.

No na Puali Kaua ma ka
Hikina.

Ua haiia mai ke hoomoana nei oa pu-
ali koa o Gen. Lee o ka Hema, ma Bun-
ker Hill, mawaena konu o Williamsport
ame Martinsburg, ma ke alanui e holo
ana ma kahi hope i haiia'e la, a mailaila
aku a hiki i Winchester; a ke kupinai
mai nei ka iho ana o ka lakou mau kaa
ukana ma ke awaawa. Ua haiia mai no
hoi e kekahi poe alii kipi, aole ka o Gen.
Lee e kaua hou ana ma keia aoao o Ri-
kemona. Ke hoounaia nei kana mau kau
ukana i Kalapepa.

Ua hoikeia mai ka a-e ana'ku o na koa
lio aupuni ma ka aoao Vereginia o ka
muliwai o ka Potomaka, a ke hele aku la
i ka Hema, ua hiki i kahi i kapaia o Che-
ster Gap. Aia ke poo o ka puali koa ki-
pi i kahi i kapaia o Front Royal. Ke
hoomaka'ku nei na kipi e iho ma ke awa-
awa, me ka haunaele o ko lakou mau pu-
ali pu-kaa, pu liili ame na kaa ukana, no
ka noke mau ia i ka hooleleia o ka hauli
e na koa lio aupuni. He 100 ka nui o
na poe kipi i pio mai ma ia wahi.

No Kaletona, Karolina Hema.

KULANA POO O KA APANA O KA HEMA,

MOKUPUNI MORRIS, Iulai 12. — Ia Gen.
Haleka. Ua ili mai ia'u ka hanohano nui
o ka hoike ana'ku ia oe, ma ka hora 5 o
ke kakahiaka o ka la 10 iho nei, ua hoo-
maka au e hoouka aku i ka enemi ma ka
aoao Hema o ka Mokupuni Morisa, a ma-
hope iho o ka hala ana o na hora ekolu o
ka hoouka una. ua pio mai na papu a pau o
na kipi, ma ia aoao o ka Mokupuni, a hoo-
hele mua aku no hoi au i ko'u mau koa a
hiki he 600 iwilei mai Papu Wagner mai.
Ua lilo ia makou na wahi a pau o ka Moku-
puni, koe nae kekahi papu ma ke kihi
akau loa, me Papu Wagner, ame kahi ba-
kaua ma Cumming's Point. he 14 a 15 pa-
iia ka nui o ko lakou mau pu. Ma na
waapa liilii ka hele ana'ku o ko makou
mau koa, a malalo o ka malu o ka Papu
Folly, a me na mokuhao 4, ma kalii kowa
mamua mai o ka Mokupuni Morisa ko na
Monita komo ana. Ua hoomau no na
Monita i ke ki ana i na pu ; e hoopololei
ana i na poka ia Papu Wagner, ia la no
a po. Ma ka wanaao o ka la 11, ua hoao
uku makou e lawe mai ia Papu Wagner,
Ma ke komo maoli ana'ku iloko, a ua ko
no; aka, ua emi hope no nae na koa ko-
kua mai, na ka hahana o na pu e kiia ana
ia lakou, a nolaila, ua hiki ole ke malama
ia wahi. O na poino o makou iloko o na
hoouka ana a elua, aole i oi aku manuia
o ku 150, ke huiia ka eha, nalowale a me
ka make. Ua pio mai ia makou he 11
pu-kuniahi nui, me na lako kaua he nui
wale. O ka nui o ko ka enemi poino he
200 koa.

W. A. GlLMORE, GEN. COMMANDING.

O ka nui o na moku i kaua aku ai ia
Mokupuni Morisa ame Papu Sumeta, he
14. Aole ka o kanamai ka nui launa ole
o ka hahana o ke kaua ana ma ia wahi.
Ua oleloia mai e komo ana na koa aupuni
ma ka lu apopo, iloko o Cummings Ba-
tery, u me Papu Johnston. Ma ke ka-
hiaka o ka la 11 o Iulai, hoomaka aku ke-
kahi puali koa o Konetakuta, e hoouka i
ka Papu Cummings; a lilo no hoi ia la-
kou, a hukiia ka hae Amerika iluna. Ia
manawa, hoomaka mui o Papu Sumeta e
ki i konu nuu pu, o ku manawa iho la no
ia i emi hope ai kekahi puali koa aupuni
o Penesilevenia, a no ia mea, haalele pu
aku no hoi ku puali koa aupuni o Kone-
takuta, no ka mea, ua kupinai loa Ke kipu
ana mai a na kipi, a no ia mea, ua hoi
hou no ia wahi ia lakou.

Ua hoopuka ae ka Meoa o Kaletona,
he olelo kauahaua, e hoike aku ana no
kona hui ana e noonoo me Gen. Biuriga-
da, no ka nui a lehulehu wale hoi o na
koa aupuni e noho nei ma na Mokupuni
imua o ia kulanakauhale, a no ia mea no
hoi, ua manao oia, he pono i ka poe a
pau i komo ole iloko o ke kaua, ke puka
ne iwaho, aole ma ke noho iloko o laila.
A ma ia manawa koke iho no, ua hoo-
pukaia mui he olelo kuahaua, e kauoha
una i na poe mea hale oihana a pau e pa-
ni i na puka. a e hooki hoi i ke kalepa
ana, me ke kauoha pu mai no hoi e ho-
puia na nika a pau i hookuuia, i poe
nana e hana na pakaua.

Eia ka mea hope loa mai Kaletona Ka-
rolina Hema mai. Ua hiki ae ka lono i na

puniia o mua o Kaletona i ka poe puali
poe o Misisipi, mai Mobile ae, no ka hoo-
kou aupuni; a ua ikeia hoi na manao pe-
pa o na nupepa o Kaletona. e hoahewa
loa ana ia Jeff Davisa, no kona lawe ana
i na koa o laila, me ka waiho ole iho i ka
poe e lawa kupono ai ke malama ia
kulanakauhale: a me ka olelo iho hoi. no
ka lilo ana o ka Mokupuni Morisa i aa
koa aupuni, nolaila. ua Silaia ka hopena
o Kaletona. Ke kahea leo nui mai nei
na poe o ia wahi, i ke aupuni kipi, e hoo-
una aku i mau koa lehulehu wale, i kipa-
aku ai i na koa aupuni me ka maka o ka
Elau. a ina e ko ole ia mea, alaila, e hoo-
lilo ia Kaletona i Saragosa, a e puhi aku
i ke kulanakauhale i ke alii.

Na Puali o ke Komohana
Hema.

CAIRO, MISOURI. Iulai 18. — Ua hiki
mai ka lohe mai ka puali mai o Generala
Sherman. (Samena,) e hiki ana i ka la 13
iho nei. Ma ia la, e hoao ana oia e hoo-
puni ia Gen. Joe Johntson, a me kona
puali, ma ke kulanakauhale o Jackson,
mokuaina o Misisipi. Ua hoonohoia na
koa aupuni ma na aoao a pau, koe no ka
aoao Hikina, ma kahi hoi o ka muliwai
Pearl e holo la; malia paha o puka ae no
o Gen. Johntson, ke hiki paha ia ia ke a-e
aku ma kela kapa o ka muliwai i haiia'e
la, ua oleloia mai no nae, ua hiki i keka-
hi mau pu-kuniahi o ka aoao Akau, ke
alai aku i ka a-e ana mai o na kipi ma
kela kapa o ua muliwai la. Ma kekahi
oleloia, ke emi hope aku nei o Generala
Johntson i Columebia, ma Marine Countv.
O Gen. Prince, ua haiia mai, nia i Hoveri
na, e pili koke la me Helena, ma ka mo-
kuaina o Akanasasa; me na koa kipi he
15,000, aole no nae oia i hoike mai i ke-
kahi mea e hoolele mai ana i ka oili o na
koa aupuni. Ua haalele iho o Generala
Pemberton, a me kona mau koa i hookuu
ia ma ka parole ia Vikibuga; ua olelo no
kekahi o na poe alii koa a me na kipi.
aole no lakou e hele hou ana i ke kaua.
he makemake lakou e hoi aku i ko lakou
muu Home e hoomaha ai. Ua hoikeia
mai ka hiki ana aku o Gen. Pemberton,
(Pemabatona.) a me kona mau koa pio, i
Jackson, Misisipi.

Ma ka la 17 o Iulai, ua hoouka aku o
Gen. Sherman, i ke kuianakauhale o Jac-
kson, Misisipi, aka, ua pau e no nae na
kipi i ka holo, a no ia mea, he mau wahi
koa kakaikahi wale no kai pio, me na pu.
a me na lako kaua no hoi he nui wale, a
me ke kulanakauhale. Aia ma Jackson
ko Keena Poo o kekahi mau koa o Gen.
Sherman. O ke koena o kona mau puali,
ua hoi aku no i Vikibuga. Ua haiia mai
o kahi wale no i hiki ai i na koa kipi o
Gen. Johnston ke emi aope aku, ma ka
a-u maoli ana no ma ka muliwai Pearl,
a ma ia wahi ko lakou hiki ana mai nei
ko hoopakele ia lakou iho. mui na lima
uku o na ilio hae o ke aupuni, malalo o,
Gen. Samena.

Ua lilo i ke aupuni o Natchez, ma ka la
13 iho nei o Iulai. Ua pio malaila he 4 alii
koa kipi, a ua a-e loa'ku oia ma kela kapa
o ka muliwai, a ua hoopio aku he wahi pa-
kaua hookahi no na kipi ma ia wahi, he ei-
wa pu-kuniahi nui o loko. A mailaila aku
komo aku la oia iloko o na aina kua, a pio
hou mai la ia ia he 1,247 pahu mea kaua.
me na pukuniahi hou 9. Ua loaa ia ia ma
Natchez, (Natesa.) he 5.000 bipi ola, a he
400 pahu nui i piha i ke ko, a ua lawe pioia
eia, ma ka inoa o ke Aupuni o Amerika
Huipuia.

Uu hikiia mai ka lono mai ka puali mai
o Gen. Bragg. ame Johnston, e hoike mai
ana, ua pilikia loa ka noho ana o na koa
o laua. Ke makemake nei ka poe mahi-
ai o ia wahi, e hoomau ka noho ana o na
koa aupuni a haia ka wa i kikooia mai ai
lakou i mau koa no ka Hema. Ke kau
nei ka weli iluna o na poe kipi ma na mo-
kuaina o ka Hema, no ka aneane hiki ana
mai o ke kauoha a ke aupuni o ka Hema,
e ohiia lakou i poe koa.

Na Palapala.

Manawalea i ka Hale Mai o ka
Moiwahine, o ka la 31 o Iulai.

Mai na kanaka ehiku nona na inoa malalo
iho nei, he poe i kahikoia i na kaei me na
huaa.elo, "Ahahui Kokua Aloha," i paiia
maluna iho, he hapalua dala pakahi — $3 50.
Eia na inoa, Bill. Kekahuna, James Hazard.
Anakanaka, Kekauila, Hau ame Kinoiki.
No na dala ia i luluia ma ka Halepule Kato-
lika i Hooponopono hou ia o Honolulu, he
$6 12 1/2.

Mai na mea mai noua na inoa mahope nei,
he 42 kane, a he 11 wahine ; ka poe e noho
pauhana nei ma na aina o Princeville, ame
Emmaville, ma Hanalei, Kauai, he hapaha
dala pakahi, he $13 25.

NA KANE.— Kaawe, Moanalua, Puaniki,
Lauani, Kuku. Kaimihana, Kualapa. Poonui,
Kahikuokala. Samuela L, J. Kaaka, Kuamoo.
Samuela H., Kuaina, B. Eseu, Pukoula Be-
naimna. Hahai I.. Neau. Iosia. Auhea. Kea-
hia. Aimoo. Papohaku, Kanihaulio. Kaluna.
Kahea. Niho, Howene, Kuaana. Kekaa, Oio-
he. Sema, Kila, Johnny Boy. Keokoi. Piha-
na, Lupea, Kukahi, Aumoana. Mahunhua.
ame Nuuanu (42.)

NA WAHINE. — Malama, Kihokilele. Wa-
??paa, Kapahu. Luaehu, Kui, Pai, Kekaha.
Kanamu, Kapoli, ame Kamauoha. (11.)

Ma ka Ia 31 o Iulai, ua haawi aku ka Mea
Hanohano R. C. Wale, he hapalua dala pa-
kahi, i na poe he 178, na kane a me na wa-
hine e hana nei ma kona mau aina ma
Princeville ame Emmaville, Hanalei. Kauai,
a he kanalima kumamakolu o ia poe i ma-
nawalea mai, me ko lakou makemake iho, i
ka Hale Mai o ka Moiwahine.

O na dala i hooliloia no ka Hale Mai ma-
hope iho o ka ukuia ana o na lilo no ka aha-
aina o Honolulu o ka la 31, aole i maopopo.
O na lilo no ka ahaaina, a me na mea kani
&c., he nui no, aole no paha e nui ana ke
(lala koena iho. C. K. BISHOP.

Puuku o ka Hale Mai o ka Woiwahine.

Honolulu, Augate 1863.

P. S. — Ma ka malama iho nei o Iulai, ua
haawi manawalea mai o Messrs Duffin &
Wilson, he mau mea lole bipi, i ka Hale Mai
o ka Moiwahine, i ka bipi a me na ia e ae, e
hiki ana ke kumukuai i ka $21 00.

C. K. B.

Aloha ole maoli.

E ka Nupepa Kuokoa e; Aloha oe:

Ke hai aka nei aa ia oe i ka hana aloha
ole o kekahi poe kauaka ma Manuka.

Penei no ia, ma na ia hope ho nei o Iune,
hele mai la kekahi wahine mai Kau mai, o
Kanehailua ka inoa. i huli mai i kana kane
ua hele e mai ke kane mamua.

A hiki oia ma ka aina i kapaia o Manuka,
poeleele loa, kipa ae la oia ma ka hale o ke-
kahi poe kanaka, olelo aku la ua wahine nei,
"Manao au e moe maanei; a ao hele au e hu-
li i kuu kane." "Aole oe e pono ke moe maa-
nei, he ai no nae kau ?" Wahi a Kaopua, ke-
kahi o ia poe kanaka. "Aole o'u pololi, he ai
no ka'u" o kuu moe ilio ka la a ao ae, "Wa-
hi a ka wahine."

No ka ae ole o keia poe kanaka i kona noi
aku e moe malaila, kona hele aku la no ia i
ka poeleele iloko o ka ulu ohia, me kona lio
e kai hele ana. Iaia iloko o ka ulu ohia,
me kona ike ole aku he awawa keia. E pu-
iwa aku ana ka lio, o ka haule no ia iloko o
ke awawa, a make loa ka lio, pakele mai
kona ola, mai haule pu iloko o ke awawa
hookahi.

Kau maila ka makau ia ia, hoihou oia a
hiki i ka hale o keia poe kanaka, ana i kipa
mua ai, pane mai la ua poe kanaka nei, "Eia
hou no oe?'' "Ae i hoi hou mai nei au ianei e
moe ai." Ua make kuu lio ua lapuia e ke
kua, ua haule i ke awawa, a make loa, "Wa-
hi a ka wahine." "Aole oe e pono ke moe
maanei, no Ua mea, aole a makou ai.'' kupu
hou mai la iloko ona ka manao makau.

He manao koho wale iho kona. e powaia
paha auanei au e keia poe kanaka, o kona
hele hou no ia iloko o ka ulu ohia e moe ai
ia po a ao ae, hele loa oia e huli i kana ka-
ne, o kona hoa hele o ka lio, ua waiho kona
kino kupapau maloko o ke awawa.

li na hoa heluhelu o nei mea he Nupepa,
ke ike pu ae la no kakou i ke aloha ole o ke-
ia poe kanaka i ka wahine i loaahia i ka pi-
likia. O ke kipaku ana a keia poe kanaka
a o Hilo o ka aina ua nui, o ka make no la
ia i ka opili i ke anu.

E na makamaka o ka pae aina o Hawaii
nei, mai Hawaii o Keawe, a Kauai o Mano-
kalanipo, a i halawai hou kakou me ka pili-
kia i like me keia e hookipa ka pono, mai
nana maka, e like me keia poe. Kia ka
Iesu, "E aloha ae i kou hoalauna, me oe ia
oe iho. E aloha auanei.

J. B. N. KAEKAKOLONAHE.
Honomalino, Kona, Hawaii, Iulai 16, 1863.

(Advertisements, announcements and notices appearing on the original of this page will be uploaded to this site at a later date.)