Ka Nupepa Kuokoa, Volume II, Number 26, 27 Iune 1863 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE II.  HELU 26.  HONOLULU, IUNE 27, 1863.   NA HELU A PAU 83.

 

KA “NUPEPA KUOKOA.”

@ MAU IA MA HONOLULU

I keia Poaono keia Poaono.

$2.00 no ka makahiki.

ME KA HOOKAA MUA MAI.

@@@@

@@@ hookahi o ka@@

@@@ a me ka uka@@@

@@@HOOKAA MUA MAI NO-@@@@ e mai mamua. E pono@@

@@    H. M. WI@I.

 Luna Pa@

 

KA “NUPEPA KUOKOA.”

Is published in Honolulu

EVERY SATURDAY.

$2.00 per annum….in advance.

 

ADVERTISEMENTS: @ 20 @@ for $1.00: @$2.00 for one month: all advertisments @ paid for in advance.

K@@ cents per page.

P@ADVERTISEMENTS, Subscriptions or Kanikaus,@@any of the @ of the Kuokoa, or may @@ a letter to the Publisher.

A@@ must be PREPAID. No names, either of @@ will be @ on the subscription @@This rule must be strictly adhered to, @@@.

            H. M. Whitney.

            Publisher.

@@ if the KUOKOA, @, for sale, $4.00 each. @@ havig complete sets of the above, can have @@ by paying $@.

 

Kanikau no Miss Kaholomoku.

            He uhane he alona keia nou la,

            E Kaholomoku he inoa la,

            He aloha ka uhane i ka hele la,

            I ka naue hookahi aohe lua la,

            Ei aku ka uhane i ka luna la,

            Kuahiwi kiekie Lihau la,

            I walea ka uhane i ka aala la,

            I ka ihu anu o Hiwaoa la,

            Nana i ka liko o ko Ohelo la,

            I ka nenee mai  i ka papa la,

            I kilohi ea ka uahane la,

            Ka waiho mai a Halerose la,

            Hoolohe ka uhane i ka leo la,

            Kahu@i leo lea kanihone la,

            Nana i ka ulu o Lele la,

            Hanohano kilakila aole lua la,

            He uhane he aloha nou la,

            E Kaholomoku he inoa la,

            K@@ii hao wela hanohano la,

            I ka luna wale o Paupau la,

            Aia i Bosetona ka manao la,

            I ka pua nani a he rose la,

            Hoo@ai ka nohoana i Hawaii nei la,

            Huli au nana ia Molokai la,

            H@ mai ke aloha paila la,

            Hakukoi lua iloko e noho nei la,

Me oe ka iini pau ole la,

I ka mea nui hoi he manao la,

E kii ana au e kui la,

Ka hala paoa i na pali la,

Pali wale o Hiilawe la,

A he wai lelehuna ina pali la,

E Kaholomoku he inoa la,

Kuu kama kuu lei hiwahiwa la,

Aala paoa i kanahele la,

Nani wale ka ike ana i na maka la,

I ka pua hiwahiwa hoomae la,

Ua h@@ wale ia i ke ala la,

Me ka mula, ka aloe, lepano la,

Nani wale ke ala o ka maile la,

Ka waiho kahela i kanahele la,

I kii e kui a paa la,

I hoa p@@ no Aahoaka la,

A ike i ka nani o Kemamo la,

Manomano ka halia ke hiki mai la,

Me oe ke aloha iwini la,

Me a’u ka iini haakoni la,

E ake e ike wale aku la,

Haina kamoa he aloha la,

O Kaholomoku no he inoa la.

Z.      AEA.

 

No ka Pulupulu.

 

E ka Nupepa Kuokoa @@ Aloha oe:

            Ke hai aku nei au ia oe, i ke kupu maikai ana o ka Pulupulu (Sea Island Cotton,) ma Waimea, Kooloauloa, Oahu, aole no hoi paha e ole ka hauoli pu mai me o’u hoa kanu Pulupulu, e noho mai la ma na wahi e ae o keia mau Mokupuni, i kanu i nei mea he Pulupulu, a like me a’u nei.

            Ma ka malama o Feberuari, o keia makahiki no, ua kanu au i keia mala Pulupulu, he hookahi paha Eka a me ka hapa Eka ka nui, a no ka nui o ka makani, a me na kua@ kawakawa o ia mau ia, ua lohi a hakalia no hoi ke kupu ana; a ua pau no hoi kekahi i ka a@ ia e na moo moe lepo, (kupa.) Ma ka malama o Aperila, ua pau ka pilikia, a i keia wa, aia lakou ua lanakila, ua kupu maikai loa, ua like loa me ka waina ka hihi aku i o a ia nei, a ke hua mai nei i ka hua; ua kekoke e oo kekahi; ke hoolei nei au i ko’u mau kiionohi maluna o ko lakou mau hua, me ka oluolu. Aole owau wale kai ka@@ i ka Pulupulu ma Waimea nei, he mau kanaka a ae no kekahi i kanu, mamuli o ka’u paipai ana.            J. M. KALANIPOO.

            Waimea, Oahu, Iune 22, 1863.

 

KE KAAO O

LOSINEHAMA!

KA PUA NANI IUIU O SEVILA.

[I uauhiia mailoko ae o ka Buke o Geberiana.]

HELU II         Helu pau.

A HOOMAKA HOU NO E UH@A ka pale maka ia ia: ia manawa, akaaka nui loa mai oia. A no keia mea, wehe loaia ae la kona pani maka, a ninau hou aku la ka Hamuku e like me ka ninau mua ana; ia manawa, hai mai la oia e like me ka Losinehama aoao ana ia ia.

            Ia manawa, ku ae la o Losinehama imua o ke Alii, a ninau aku la i kana kaikamahine, “He oiaio anei ka ka mea liia e olelo nei no ko olua hui kino ana?”

            Olelo aku la ua kaikamahine nei, “O ka oi kela o ke kanaka wahahee ma ka honua nei, a me kona hoopunipuni maoli.”

            A no keia mea, ninau o Losinehama me ka wiwo ole. “E ke Alii e, he pono ke kuu houia mai kela kanaka mai ka Amana mai, a e hookolokolo houia; no ka mea, ua hoole paha ke kaikamahine Alii, aole i hanaia ka haumia eia, aku, ma kana e olelo nei, ua ike ka lehulehu a pau, a me ke Alii pu hoi, ua huipu laua e hana i ka haumia, e like me ka olelo a kela kanaka iloko o kona ku ana imua o na Lunakanawai Kiekie, a me ka poe Jiure a pau.”

            Ia manawa, kuuia mai la ka mea liia mai ka Amana mai, a hookolokolo houia, kuuia ae la oia mai i kona liia’na e like me ka mea a Losinehama i olelo ai.

            A pau ae la keia mau mea, hoi aku la o Losinehama i Helene, a noho iho la ma ka noho Lunakanawai Kiekie o Helene.

            Ia manawa, kui aku la ka lono ma na aina a pau o na hana akamai o Losinehama.

            Eia kekahi, i ko Losinehama la i lilo ai i Lunakanawai Kiekie no Helene, pulumi ae la oia i na kanawai o ka aina, ma na kanawai kupono ole, a hookuuia ae la ka poe i hoopaaia ma ka Halepaahao, aole mea hookahi e koe, i hoomaha ai ke aupuni i elua malama.

            A no keia mau hana a Losinehama a pau, kui aku la ke kaulana a hiki i Sepania.

            A no keia mea, hiki mai la ka palapala kauoha a ka Moi o Sepania ia Losinehama, he palapala e kauoha ana e hele aku e hooponopono i na kanawai olaila.

            A loaa keia palapala ma kona lima, hele aku la oia i Sepania, kahi hoi ona i noho ai me kana kane.

            Ia ia i hiki aku ai, aia hoi, hookahi hale nui hanohano e ku ana iloko o ko laua pa me kana kane; aka, ma ka hale o ka Moi ko Losinehama noho ana.

            I kekahi ahiahi, holoholo ae la o Losinehama mawaho o ko laua pa; ia manawa, halawai ae la oia me kekahi kaikamahine, he hoahanau no Losinehama ma ka pilikoko.

            I ua o Losinehama i ike aku ai i kona makamaka, aia hoi, e uwe ana kela, ninau hoohuahualau aku la oia, “Heaha kau e kulou nei ma keia wahi?”

            Olelo mai la ke kaikamahine, “E uwe ae ana wau ia Losinehama, he hoahanau no’u; a no ko’u ike ana aku nei ia oe, ua like loa kou helehelena me kona, a ma kou keiki kane ana ka like ole.”

            Ia manawa, ninau hou aku la o Losinehama, “Auhea ia?”

            Olelo mai la kela, “Ua pepehiia e kana kane, a o ua kane la, aia ke paa nei me ka Halepaahao, me na kaulahao, i kukuluia iloko o ka luawai, ekolu malama i koe, alaila, e liia oia.”

            Nana ae la o Losinehama i ka hale hou e ku ana iloko o ko laua pa, a ninau aku la, “Nowai keia hale nui e ku nei ma keia pa? A nowai hoi keia pa?”

            Olelo aku la ke kaikamahine, “No Losinehama a me kana kane keia pa; aka, ua lilo iho nei ia Seremaneda, a o ka hale hanohano e ku nei, no ke kauwa wahine o Losinehama.”

            Ia manawa, pau ae la ko laua kamailio ana, hoi aku la o Losinehama i ka Hale Alii.

            Ma kekahi la ae, akoakoa ae la ka Aha Kuhina, e kuka ana no na mea e hiki ai ke hanaia e Losinehama.

            A no ia mea, komo ae la o Losinehama iloko o ka Halepaahao, a hookuu aku la i na lawehala a pau e paa ana, aole mea e koe, i hoomaha ai ke aupuni, aka, ia manawa, aole oia i ike ia Raukesila.

            I aku la o Losinehama i ka Luna Halepaahao, me ka ninau aku, “O na lawehala wale no anei keia, aole he mau lawehala e ae kekahi i koe?”

            I mai la ka Luna Halepaahao, “Hookahi lawehala i koe, he kanaka pepehi wahine, ua hoopaaia ma ka rumi pouli, a hiki mai kona la e liia ai, alaila hemo.”

            A no kiea mea, nonoi aku la o Losinehama i ka Luna Halepaahao, e waheia ke pani oia rumi pouli, i ike aku ai keia ia kanaka pepehi ma ia wahi, aka, ua manao mua no oia (Losinehama) o Raukesila no.

            Ia manawa, hele aku la o Losinehama me ka Luna Halepaahao ma kahi i hoopaaia’i o Raukesila.

            Ia laua i hiki aku ai, wehe ae la ka Luna Halepaahao i ke pani o ka rumi pouli, hoani aku la i ke kukui; aia hoi, e ku ana o Raukesila iloko o ka luawai, ua hoopaaia i na kaulahao, e like me ka uku hoopai maluna ona i oleloia ma ke kanawai paa o Sepania, a like me keia.

            (O ka mea a mau mea i pepehi i ke kanaka ma ka lawe ola, e hoopaahaoia oia iloko o ka wai i hookahi makahiki mamua o kona liia ana.)

            Ia Losinehama i ike aku ai i kana kane, ninau aku la oia, “Owai kou inoa? A heaha kou hewa i komo ai oe iloko o keia hoopai mainoino?” Alaila, hai mai la oia i kona inoa, a me kana hana ma ka oiaio.

            Ia Losinehama ma e kamailio ana me Raukesila; ia manawa, kani mai ana ka bele halawai Paokolu.

            A no ke kani ana mai o ka bele, ake nui aku la keia e komo i ka halawai; ia manawa, kauoha ae la o Losinehama i ka Luna Halepaahao, “E weheia o Raukesila mai kona hoopaaia’@a, a e hookomoia i ke kapa, a hoonoho aku ia ia ma kekahi rumi hanohano o ka Halepaahao.”

            Me ke kauoha iho nae, aia ma ka hora 10 kakahiaka o kekahi la ae; aka, hooko aku la ka Luna Halepaahao e like me ka olelo i kauohaia ia ia mai a Losinehama aku.

            Ia Losinehama i haalele iho ai i ka Luna Halepaahao, hele aku la oia a komo aku la iloko o ka Luakini ma kona ano kane.

            I ka Luna hookani bele i ike aku ai ia Losinehama, oiai oia aia maloko o ka Luakini, i na mea a pau e akoakoa ana; hele aku la ua Luna hookani bele la e launa me ka Mikanele (Kahunapule.) me ka i aku, “O ka Lunakanawai Kiekie kela o Helene.”

            Ia Losinehama ikolo o ka Luakini, nana aku la oia i kana Baibala, e kau ana iluna o ka Awai, he Baipala i kuaiia me ke kumukuai nui.

            A pau ka ke Kahunapule olelo ana, ia manawa, hele mai la oia e halawai pu me Losinehama, a lilo ae la ia Losinehama ka olelo hope loa ana.

            Ia manawa, ia Losinehama maluna o ka Awai me ke Kahunapule, ku mai la oia a hoakaka mai la i kana olelo mua imua o ke anaina, mamua hoi o kana haiolelo ana, a penei no ia:

            “E na makamaka, he hoahanau wai iloko o ka Haku i kap@ia ma ka inoa o ke Ola e like me oukou i keia la, a o ka maka mua keia o ko’u ku ana ma keia wahi kiekie e hai aku i ka’u olelo imua o oukou, oiai he malihini wau imua o ko oukou mau maka i keia hora; oia hoi, ua ike no wau, he hiki ole ia’u a me na mea e ae ke ku ma keia wahi, aka, ma ka manao o ka mea non@ keia wahi, he hiki i ko oukou makamaka iloko o ka Haku ke hoike i ka olelo no ke ola ma keia wahi, a me he mea la oia no ka olelo hoike a ka Uhane Hemolele ma a kana kauwa la, e olelo iho ia’u e ku ma keia wahi.

            “Aka hoi, mamua o kuu haiolelo ana, ke noi aku nei wau e kuuia mai keia Baibala kumukuai nui imua o’u, a he mea haohao nae ia i ko’u manao; no ka mea, me he hana la ke keia Baibala i malama ia’i malaila, aole nae no ka nele o ko’u alo i ka Baibala ke kumu o ko’u noi ana e kuuai mai keia Baibala ma ko’u alo, i ike ai wau i kana hana; maila paha, he hana ke keia Baibala e hooweliweli ana i ko’u naau, a malia paha o haiia mai wau no ka’u mea e olelo @ o kekahi o keia @”

            A lohe ke Kahunapule i keia leo o Losinehama, ku pu mai ia ke Kahunapule me ke kulana hookahi me Losinehama, a kuuia mai la i ua Baibala nei imua o Losinehama, me ka hai mai o ke Kahunapule i ka hana a ua Baibala nei ma ka olelo hawanawana, e like me ka mea maa aia kulana; me ka olelo mai imua o ke anaina.

            “O keia Baibala, na kekahi wahine kaulana no kona haipule, a he wahine kupaa mau oia imua o na hoowalewale he nui, he hoahanau iloko o keia berita, a kup@a mau oia me kana kane, a he nui no hoi na makahiki o laua me kana kane iloko o keia berita, aole laua i hihia ma na kanawai o ka a@a iloko o ko laua mau la ma keia ekalesia; a mamua aku nei, eono malama ka loihi, ua pepehiia oia e kana kane, a no ia mea, ua lilo ia i mea aloha nuiia ma keia ekalesia, a nolaila, ua laweia mai keia Baibala maloko o keia Luakini e malama ai, he mea e hoomanao ai @ kana mau hana maikai.”

            (Aka, o ua Losinehama nei, ua ike mua no oia mamua o kana ninau ana, e haiia mai ana no e like me ka mea i hanaia’ku ai oia, a nolaila oia i olelo hoohuahualau aku ai imua o ke anaina.)

            Mahope iho o ka ke Kahunapule hai ana aku ia Losinehama, alaila, hoomaka ae la o ia i kana haiolelo ana ma na mea e pili ana i ka pilikia i hanaia e kana kane; oia hoi, ua haiolelo aku o Losinehama e like me kana haiolelo ana ma Helene, mamua o kona lilo ana i Kiaaina no ia wahi ma ka aoao Beritania. (E pono ke nana hou ma ka moolelo o Losinehama i kana haiolelo ana ma ka Luakini o Helene.)

            Iloko nae o kela manawa o Losinehama e haiolelo ana, ua nene aku la keia mea keia mea o ka Luakini ina ka leo hawanawana, me ka olelo iho, “O ka leo o ka Lunakanawai Kiekie o ke aupuni o Helene, ua like me ka leo o Losienhama, a o na maka a me na helehelena a pau, ua like loa me Losinehama; aka, ma kona keiki kane ana, ua kaawale aku ia mai o Losinehama aku.”

            A pau ae la ka Losinehama haiolelo ana, ia wa, hookuu ae la ka halawai, a hoi aku la oia ma ka Hale Alii o ka Moi o Sepania.

            Ma kekahi la ae ma ka hora ehiku paha, hoopuku aku la o Losinehama i palapala kauoha i ka Luna Helapaahao penei:

            “KA LUNA HALEPAAHAO,

            Gillermooq de Walles.}

            Ke kauohaia aku nei oe, e hoomakaukau ia kekahi rumi nui o ka Halepaahao i keia kakahiaka, a he iwakalua minute mamua o ko’u hiki ana aku (hora umi) e iawe ae oe ia Raukesila o hoonoho ma ua rumi la, e hoaahu ia ia i ke kapa maikai e like me kona mau la lawehala ole, aia a hiki aku wau, e hoomaka wau no na ninau e pili ana no ka hewa i ku ia ia. A nau e kauoha ae i ka Alihikaua e hoouna mai i mau koa kiai ma kela rumi, i malamaia ai ka maluhia o ka’u oihana hookolokolo.”

            Ma ke kauoha a Losinehama, ua hooko ae la o Gillermooq de Walles, a hiki i ka manawa i kauohaia e lawe ae i ka mea pio (Raukesila,) alaila, laweia ae la oia ma ka rumi. A hiki mai la o Losinehama, (ka Lunakanawai Kiekie o Helene,) oia a me na Lunakanawai Kiekie o Sepania, ma ka rumi i hoomakaukauia.

            I ka lehulehu i ike aku ai ia Losinehama ma ka noho hookolokolo, aia hoi, ua kau mai la iluna ona ke ano weliweli ma ka nana ku.

            A hoomaka ka hana, alaila, kahea aku la o Losinehama i ke pio (Raukesila,) “E Raukesila, e nana mai?” Alaila, nana pono mai la ke pio imua o ka Lunakanawai Kiekie, a nana aku la no hoi ka Lunakanawai elima minute, aole nae i hoopuka aku i kona leo; alaila, he mea weliweli loa ia imua o Raukesila, a haalulu iho la oia imua o ka aha.

            A pau na minute elima, alaila, olelo ae la o Losinehama i ka aha, “E pau na mea a pau iwaho no ka hapaha hora, koe na Lunakanawai Kiekie.”

            A no keia olelo a Losinehama, i aku la ka @amuku, “Aole e hiki ia’u ke haalele e keia rumi, oiai eia ke lawehala maloko nei, no ka mea, ma ka mana o ke kanawai, he kulana nui ko’u ma keia wahi.”

            I mai la o Losinehama, “E hele oe e like me ka’u olelo, e like me ka mana i loaa ia’u ma keia aupuni, maluna o ka mana i haawiia ia oe, e like hoi me ka palapala kauoha i loaa ia’u mai ka Moi ae; a nolaila, ke hai aku nei wau ia oe, a i hoopaakiki oe ma ka’u mea e olelo nei, alaila, e kauoha no wau i na koa kiai e kipoka aku ia oe, e like me ka mana i loaa ia’u.

            A @@@ e Losinehama; @@ loko o ka rumi, olelo aku ia o Losinehama @ ka mea @ “@@?”

            I mai la o  Raukesila, “he p@  @.” Olelo hou aku la o Losinehama. “Heaha ka hewa o ka wahine?”

            I hou mai la o Raukesila, “Ua haule @ wahine i ka hau@ me ka Moi o Italia @ ka mea, ua ike no wau he wahine kup@ ka’u i na la a pau iloko o ka @ @ aka, ma kuu hele ana i ka ahaaina a ua @ nei o Italia mamuli o kana olelo @ @ iloko o ka hoomaka ana o makou e ai @ la no i hoomaka ai ka helu ana o na @ ai. Ia manawa, ua hoopuka ka Moi o Italia i kekahi olelo nui, e kaena ana no kou @ ma ka hoowalewale, a no kuu ike he wahine kupaa ka’u, nolaila, ua ae aku wau e hoowalewale i ka’u wahine, a i ka hiki ana o @ Moi nei ma ko maua wahi, ua haule ua wahine nei a’u i ka haumia, a i ka hoi ana @ hoike ae ana i ka hoike o ko laua hui @ ana me kuu wahine. A no ia mea, ua a@ ka ua haumia io kuu wahine, nolaila wau i hoomakaukau mua ai i pahu i wahi no@ make ai.”

            Olelo mai la o Lusinehama, “A i ko@ i hoi mai ai, ua ninau aku anei oe i kona haule ana i ka haumia?”

            “Aole wau i ninau aku,” wahi a Raukesila, “no ka mea, ua ike wau i kekahi kumu hoike no kona hana haumia ana, no ka mea hoi, ua lilo ae, he komo mai ka lima a@ ka’u wahine, nolaila, he makehewa.”

            A iloko o keia olelo ana a Raukesila, alaila, akahi a maopopo ae la ia Losinehama, @ ke kauwa wahine ana i hana keia @.

            Ia manawa, olelo aku la o Losinehama i kana kane, “E kuu kane, owau no ko Losinehama i keia la, aka, ua ike ole oe a me na kamaaina o ko kaua aina nei, no ka mea, ua alaila kou ike maopopo no kuu aahu ana he kapa o na kane, a nolaila, ke hai aku @ wau i ka moolelo no kaua mai na la op@p@ a hiki i ka la o kuu haule ana iloko o ka pahu kupapau a ke aloha ole i hoomakaukau ai. (Alaila, hai aku la oia i ke ano o ko laua nohe ana ma ke kula a me ka laua @ hana, e like me ka mea i olelo mu@ ma keia moolelo.) …

            A me keia hoakaka maopopo ana a Losinehama i ko laua moolelo, aole nae i hoo@ ia ko Raukesila manao kuhihewa ia manawa, no ka mea, ua waiho aku oia i kana wahine ma kahi hiki ole ke ola mai, a @ alaila mai no hoi e ka aahu ana i ke ka@ kane.

            Olelo aku la nae o Raukesila, me ka i a@ “E ka Lunakanawai Kiekie e, he o@ moolelo au e kamailio nei, aka, aole @ ia’u ke olelo ae o Losinehama oe, no ka mea ua kiola aku wau ia ia maloko o ka m@ iloko o ka pahu kupapau paa loa, kahi h@ hiki ke ola hou ole mai; aka, o ka leo a m@na helehelena a pau o luna ou, he oi@ kuu Losinehama oe.”

            I mai la kana wahine, “Owau io no o Losinehama, aia a hiki mai ke kauwa wah@ kaua, a me ka Moi o Italia, alaila, ia w@ ike ai oe i kuu kino maoli, a me ko’u h@ ole iloko o ka haumia au i manao loko @. No ka mea, ua malama no ke Akua i kana kauwa wahine nei maloko o ka pahu @pau, i hoohui ae ai oi i ia’u me kekahi @ ma ka moana, oia hoi, e like me ka malama ana o ke Akua ia’u, pela i malamaia@ kou ola iloko o ka hoopai mainoino ana ia @ mea e halawai pu ai kaua, i hiki ai e ike @ no ia’u e like me kau ike ana ia’u i keia la.”

            Ia manawa, k@a aku la ke kauwa wahine, a me ka Moi o Italia, a laweia mai la i ka Hale Aha Hookolokolo.

            A pau keia mau mea, weheia ae la ka rumi, a komo ae la keia mea keia mea iloko @ ua rumi nei; aka, ua kui kokeia aku la ka lono o Losinehama ma ke alo alii, a he mea hou ia ia manawa, aka, aole nae e hiki i ka aha a me na mea a pau ke hooiaio, e like me ka Raukesila hooiaio ole.

            I manawa koke no, i ka rumi i waheia’e ai mahope iho o ka lakou kuka ana, a ninau ana hoi, komo ae la o Losinehama ma kekahi rumi oia wale, e wehe ana i kona kapa kane, a hookomo ae la ia ia iho i ke kapa wahine, i ke kapa hoi ona i kona la i waiho ai iloko o ka pahu kupapau.

            O ka Moi o Italia a me ke kauwa e noho ana, alaila, puka mai la o Losinehama mai ka rumi mai, a noho ma ka noho hookolokolo imua o ke anaina. Ia manawa, hoohomai la ka aha me ka leo haalulu. “Auwe!

 

Gen. R. E. Lee o ka Hema.

O ke kii i hoikeia maluna ae nei, oia no ka helehelena o Ka Mea Kaulana Gen. R. E. Lee. o ka Hema, oia kekahi o na Generala pookela e ka aoao kipi, a no ia mea kona hoonohoia’ua i Alihikana Nui no ka Hema. Ua hanau oia i ka M. H. 1808. Ua komo oia i ke kula koa ma West Point, a ua aoia ma ka o@ k@, me ka ukuia o na lilo oia ao ana e ke aupuni o Amerika Huipuia, ka aina hoi ana e kipi nei. Ma ka M. H. 1829, ua loaa ia ia kona palapala hookuu kula, a ua kohoia oia i hope Lutenela no ka poe Enegenia. (oia ka poe nana e imi kahi kupono e hana’i i na pip@.) He umikumamawalu na makahiki o kona noho mau ana iloko o ka oihana ko@ o ke aupuni, me ka ohi mau no hoi i kona uku no ia mea, me kona pii mau no hoi mai ka noho ana Lutenela a hiki i ka noho ana Mekia (Major.) a Lutenela Kanela no na puali koa lio. I ke kaua ana ‘i o Amerika, me Mesiko, ua pii hou ae no ia i ka hanohano, oia hoi ua lilo ae oia he Kanela, a i ke kohoia’na o Albert S. Johnson, i alii no na koa i hele ai i Uta, ua hoolilooia o Gen. Lee i Kanela maluna o ka puali koa lio helu 2. Mahope iho o kona noho ana ma ia wahi hanohano a hala he ewalu makahiki, aia hoi, ua haalele iho oia i ke aupuni nana ia i hoohanohano, a i malama no hoi, iloko o ka wa pilikia a kaumaha loa no hoi o ua aina la nana oia i hoohanohano, a i malama no hoi, iloko o ka wa pilikia a kaumaha loa no hoi o ua aina la nana oia i malama. I ka hooholoia ana’i o keia kipi ana, ua haalele koke oia i kona noho ana me ke aupuni Hui, a ua lawe i ka noho ana Generala ma ka aoao kipi. Ua ike kakou i ka moolelo o kana mau hana, he Generala akamai loa oia i ke kaua, nana i kue a kipaku mai no hoi i na koa auponi malalo o Gen. Makalelana, i ka wa ana i kii ai e lawe ia Rikemona; a nana no hoi i kaua aku me kona mau wahi koa kakaikahi, a h@e mai nei o Gen. Huka, ma na la kaua ma Feradarikabuga. He kaue ui loa oia, pela ka oleloia.