Ka Nupepa Kuokoa, Volume II, Number 16, 18 ʻApelila 1863 — He Lio Arabia. [ARTICLE+ILLUSTRATION]

He Lio Arabia.

O ke kii maluna'e nei, oia ka helehelena o kekahi lio kaulana o Arabia, a penei kona wahi moolelo. Iloko oka waihona o kekahi ona An\bia oka ohana Nege.de, (Neggdeh) kahi i noho ai o kekahi Lio Arabia maikai loa. a ua loheia no hoi kona kaulana a me kona maikai, mai kela pea a keia pea o ka aina, a ua iloko o kekahi kanaka Arabia o kekahi ohana e aku, o Deha kona inoa, ka iini nui, a me ka makemake launa ole no hoi, iua lio nei. Ua haawi aku ua Deha nei i kona waiwai a pau no ka mea nona ua Lio nei, aka, aole nae oiala ae inai, a no ia mea, ua komo mai kekahi inanao maalea iloko o ua Deha nei. Oia hoi hele aku la kela a hamo iho la i kona kino ika wai o kekahi laau i anoe ae ai, a, aahu iho ia i na welu, a nakiikii iho la hoi i kona mau wawae i ke kaula, a hana iho la ia i kona ano a like loa me kekahi kanaka ilihune makilo. Mahope iho o kona anoe ana, hele aku la ia ama ke alanui a Neba, ka mea nona ka lio e hele ae ai. la Neha e holo mai ana a hiki ma kana wahi e noho ana, kahea ae la oia me ka leo nawaliwali. "He malihini ilihune au ; akolu la o ko'u noho ana ma keia wahi me ka hiki ole ke nee aku ma kahi e, e huli ai i wahi mea ai na'u ; ke make nei au, e kokua mai ia'u, a na ka Lani e uku mai ia oe. Ma ia wa i aku o Neba. e kau mai mahope o kona Lio, a nana e ahai aku ia ia a hiki i kona home. Aka, pane maalea mai la ua Deha kolohe nei, aole e hiki ia'u ke oni ake hele aku no hoi. Pa ia mai la ko Neba (ka mea nona ka Lio) puuwai ena manao aloha a menemene no hoi, rolaila, alakai aku la ua mea nei nona ua Lio Arabia kaulana nei, a ma kahi no a ua kanaka oopa keu nei o ka maalea i noho ai, a hapai ae la ia a kau ike kua o kona lio. Aka, iua kanaka maalea nei no nae i kau ai iluna oka lio, o kona holo aku la no ia a kahea rr»ai la, 44 Owau no keia o Deha. Eia ia'u ka lio, ake lawe uei au ia ia." Kahea aku la o iN T eba ka mea nona ka lio, eku mai oia, a e hoolohe mai i kana olelo. No ka maopopo no hoi iua kanaka maalea nei, aole e hiki ia ia ke alualu aku, nolaila, ku mai la oia ma kahi mamaoiki aku. A pane aku la oNeba ia ia, " Ua lawe aku nei oe i kuu lio, no ka mea, pela paha ka ka Lani manao ana ; aka, ke noi aku nei au ia oe, e huna oe ike ano i loaa'i ia oe ia mea." uA no keaha hoi," wahi aua kanaka kalohe nei. 44 No ka mea," wahi aua mea nei nona ka lio, " Malia paha he mai io ko kekahi mea e aku, a e makau paha auanei ka poe ola ike kokua aku. A e lilo auanei hoi ooe ke kumu nana e keakea mai, i ka poe e makemake ana e hana aku i na hana ku i ke aloha, no ko lakou makau o puni auanei, e like me ko'u puni ana iho nei ia oe." Ika lohe ana o Deha i keia mau olelo, ua ku pane ole mai oia a hala kekahi mau minute, ua komoia kona puuwai e ka hilahila, a hoihoi mai la oia i ka lio a ia Neba, ka mea nona ka lio, a npo mai la ia ia. Koi aka la o Neba ia Deha ke kanaka kalohe, e hoi pu me ia i kona halelole ma ke kula, a noho laua ilaila a hala kekahi mau la loihi wale, a lilo iho la laua he mau makamaka aloha pumehana a hiki i ka niake ana.