Ka Nupepa Kuokoa, Volume I, Number 48, 25 October 1862 — No ka Poe naauao. [ARTICLE]

No ka Poe naauao.

j Auhea oukou eka poe naauao, i kakau mai iloko o ka Nupepa Kuokoa, i kekahi mau : hua olelo namu, no ke aha la ? Heaha ka ' waiwai malaila? Makehewa oukou keninau |aku ninau mai, me na olelo haole ano ole, ;he mea makilo wale aku no paha, a he mau jwahi olelo paiau wale iho no hoi kekahi. | He wahi ninau pokole ka'u ia oukou eka j poe naauao, he ninau kupono no keia ia kai kou a pau, mai Hawaii o Keawe, a Kauai o j Manokalanipo, penei no ia: 1. Ehia ka nui o na Ekalesia a lesu Kritso i kukulu ai ? 2. Ehia la na makahiki ī kukulu ai ? 3. Aia mahea la ka Ekalesia oiaio, ka aoao hea la ? 4. A pehea la kela hoomana ho«, oia hoi |ka hoomana Enelani, i pae mai nei i kela Poaono i hala iho nei, he Bihopa. Oia hoi ke kumu o ka Ekalesia i kapaia'ku e na kanaka he Pule hou. Na wai la i kukulu i kela Ekalesia hou ? Owai la kela kanaka naauao i hai mai ia'u me ka oluolu i kela mau ninau ? O Koha paha, o Kahinalua paha, o Beni paha, o Kahakoiwaiokaneki paha, o Kapahukula me Piiipo Amidelpaha, no ka mea, ua naauao loa laua, ua kakau mai ia makou he mau huaolelo haole kapakahi loa. Ke manao nei paha oukou e ka poe naauao a me ka noiau, he mea maikai ka hoopukpuka naauao i wahi e mahaloia mai ai e ka lehulehu, e like me Koha. e kapaia nei he naauao, a he mea oi aku ia o ka hilahila jke paneia mai e ka poe i oi ke akamai majmua o oukou, a oukou e pane mai nei ma jna olelo ona aina e, ke akaakaia nei oukou ;e ka poe naauao i oi ae mamua o oukou, i |ka maoj)opo o kekahi a maopopo ole kekahi mau hua olelo, e aho no oukou ke noho malie a puka mai ka naauao noloko mai o ka noho malie; alaila pono, oia ka naauao maikai i oi ae mamua o ka naauao hookiekie, heaha ka waiwai o ka naauao ke makau ia i ke Akua, ke kumu o ka malamalama i puka mai ai ka naauao. Me ke aloha no ina hoa. Na'u na Welohea.