Ka Nupepa Kuokoa, Volume I, Number 46, 11 October 1862 — He Uhane no Keliikuea. [ARTICLE]

He Uhane no Keliikuea.

i He uhane no keia no Keliikuewa, iO ka uwe helu mai a Mailuli. j Aloha ino kuu keiki mai ka lai o Kamaee, Mai kaha a: ole o Wailua, | Aloha ia wahi a kaua e noho ai. ;Auwe kuu keiki, • Aohe keiki—He hoa pili no—a. | Kuu keiki mai ka pilipili ula i na kanaka, Mai kaihona olu o Pehupali, |Mai ka papa ka hulihuli o Umauma, | Aloha ia wahi a kaua e haele aī, | Auwe kuu keiki, 1 Aohe keiki—He hoa pili no—a. i Kuu keiki niai ka ua halii pili o Umauma, Mai ka hala awili pu no me Kahinano, Aloha ia hala a kaua e lei ai, Auwe kuu keiki, Aohe keiki—He hoa pili no—a. Aia kuu keiki la i Peleau, 1 Honohina ka uhane e no-no-ho ai, E nana ana ia Nanue, A nui inai ko aloha e uwe no au, Auwe kuu keiki, Aohe keiki—He hoa pili no—a. Kuu keiki mai ka wai o Waiehu, Mai ka la welawela o Puaakulua, Mai ka pihe kanaka o Haiku, Aloha ia wahi a kaua e hele ai, Auwe kuu keiki, Aohe keiki—He hoa pili no—a. Ku ka uhane nana ia Makuahine, Nau ka! e ho-au ka wahine a kaua, I ka maka 0 ka Opua i ke ao, I ke anoaHo lihilihi maka o ka la, Auwe kuu keiki, Aohe keiki—He hoa pili no—a. D. Hoakimoa.

Kuu keiki mai ka ua popo kapa o Hilo, E ahai ana e huna ma ka poli, Opili maule i ka ua a ka Waahia, Kuu keiki mai ka hale malu a ke aioha, Hale a ka uhane e noho ai me ko kuahine, Me ka pua hiki kakahiaka o Moenahele, Auwe kuu keiki, Aohe keiki—He hoa pili no—a. | Kuu keiki hoa pili i ke Ae a ke Koolau, Mai ka ua Kipuupuu o Waimea, Hoa pukui i ke anu a ke kehau, Ke kahiko mai la iluna o Maunakea, Uhi mai'ka ohu paa na kuahiwi, Auwe kuu keiki, Aohe keiki—He hoa pili 110 —a. S. Namuo. Kanikau he aloha no iala—la, 0 Keliikuewa no he inoa—la, He uwe helu niai Mailuli—la, Aloha ino no ka hiapo—la, Kuu hoa pili hoi o ke ala—la, Hoa kuwili hoi o ka po —la, Hoa lolii o ke awakea—la, Ilaila ka hele ana a ka uhane—la, Ka hiki'na mai a ke aloha—la, E hoi ka nani i Punahoa—la, 1 ke one lai o ke Kaona—la, Ilaila ka imi'na i ka ike—la, A loaa i ka luna i Halai—la, Kuu aku ka olu i Waiiuku—la, 1 ke kawa lele opu i Piikea—la, E hoi ka uhane i Waikapu—la, I ke kui lehua i Mokupane—la, Huli aku e ke alo i Haili—la, I ke kani hone a ka Piano—la, He uwe helu mai Maiwela—la, He aloha kuu lei kuu kama—h, j Kuu pua lei o Wailua—la, | He uhane he aloha no iala—la, i O Keliikuewa no he inoa—la. I Maiwela. I K'apuukolo, Sept. 9,1882,