Ka Nupepa Kuokoa, Volume I, Number 46, 11 October 1862 — Page 3
Ka Nupepa Kuokoa.
namu mai. Ke iniki mai la ko'u kokoolua, a hawanawa mai la ma kuu pepeiao. " E ! aohe ka hoi he namu iki mai, aole no ka paha i ike." Huhu aku la au me ka olelo aku. " Mai olelo leo nui oe o lohe mai auanei." Pane hou mai la kela, " A lohe mai la auanei ia heaha ka hewa?" No kona ike ole no paha kekahi, " Nawai no la uanei i ao aku i hiki ai ia ia ke unuhi ae i na olelo like ole elima o ka honua." I ko'u manao he loaa makilo paha kana.
Olelo aku la au i ko'u kokoolua, " Mai olelo hoi kaua i kahi hoa o kaua he makilo, o hilahila loa hoi auanei kela." Kahaha! e olelo no kaua he makilo ; nolaila, hooho ae la maua me ka leo nui, " Makilo ! Makilo!! o Kahinalua!!! " I wahi olelo haole nana.
Ia maua e kahea ana pela, ninau mai la kekahi poe, " Owai ia mea makilo ? " Olelo aku la maua, " O Kahinalua, he kanaka no Alewa, Honolulu." Ninau mai la kekahi poe, " Kahi kanaka hea la ? " Olelo aku la maua, " Kahi kanaka poupou paakiki no hoi la, e hele nei i kekahi manawa i ka maauauwa mauu ai a ka lio." A o kona wahi noho no ia o Alewa, iluna o ka lae pohaku la. Ae, ua ike maopopo ae la makou i kona ano, oia wahi kanaka ka!
O ka mea ana'ku no a P. M. Kahinalua, ia G. M. Koha, i ka makilo, e lele mai ana o makilo a pili ia Kahinalua, eia nae kekahi mea akaka'i, o ke kipaku ana'ku o Kahinalua ia makilo, e olelo mai ana o makilo, " No ko olelo no hoi paha kekahi ia G. M. Koha, he makilo." O oe no ka hoi kekahi makilo la, e hele aku oe pela. Heaha kau e nee mai nei ? E nee aku no paha wau ia oe, no kou makilo maoli no.
He kupanaha ke akamai o ko kakou hoa i ka olelo haole, namu mai la ka haole ia Kahinalua, i ke kumu kuai o ka mauu, olelo maoli aku la no o Kahinalua, aole no hoi he namu aku. A i kekahi la ae, ninau mai la ka haole ma ka olelo haole, olelo aku la no o Kahinalua, " He mauu maikai loa keia." Ku ka mahana i Kauai, o ua mea no hoi he akamai. Me ka mahalo. KIMOLO.
Hale pau i ke ahi.
E ka Nupepa Kuokoa e; Aloha oe:
Ke kuini mama i ka ahai lono, ka hoa kuwili hoi o ka poe puni nu hou, a oia no hoi kela mau huaolelo nana i nonoi mai ka opuupuu lima o ko oukou wahi kauwa, e hooili aku ai, a nau ia e lawe aku mai ka hikina a ka la a ka welona o ka la i Lehua. Eia no ia : Ma ka la 6 o keia mahina, oia ka Poakahi, pau iho ana i ke ahi ka hale o Hoapili, e waiho ana ma Kapaakea, i Waikikiwaena. Eia ke kumu o ka pau ana, e noho ana kekahi wahine me kahi keiki uuku loa; a o kekahi wahi keiki, ua eha paha na makahiki, hele oia me ke kiaha wai a lawe aku, olelo aku la. Eia ka laau o Kaina, o ka ninini aku la no ia i ka wai iluna o ka moena oki loa, o ka mea i huna ai ua wahi keiki nei i lilo ilaila ka makuahine e lalau ai, kii ua keiki nei i ke kukaepele, me ka ike ole o ka makuahine, a hele ua wahi keiki nei iwaho, a o ka makuahine hoi lilo i ka holoi i ka wai o ka moena, o ko iala hele aku la no ia kuni i ke ahi i ka hale aa ka hale, o ke puhi paka oia ka mea i wela ai, i puhi ua wahi keiki nei a wela ka lima kiola.
Eia nae, aohe wahi mea a poino iki, no ka mea, ua hiki koke mai na kokua ia manawa. Eia kekahi, olelo mai na makua, he akamai loa ka i ke puhi paka, a me ka mama ana i ka awa, a me na mea ano pono ole, a he ipupaka okoa no ka kona, i ka nana aku aole ia o ke kino kupono i ke puhi ana o ka paka, a i kuu manao ana o na makua no ka mea i maa ai ua keiki la. E aoia i na Buke kaulana kahi inoa. Owau no kau kauwa haahaa. NA MIKA SOBE.
Kamoiliili, Okatoba 7, 1862.
Ka Rose o na La.
E ka Nupepa Kuokoa e; Aloha oe:
Ke hai mai nei ka poe o ka wa kahiko i ka wehewehe ana mai i ka wa o keia mea he la, a he mau la, o na kau elua o ka Era Kerisiano. Ua waihoia na hana a pau a kanaka ma na opuu rose 5, malaila mai ka hoonohonoho ana i ka mahele o na la, o keia mea he Keneturi. E helu kaua i ka helu a ka poe Akeakamai. 1. E helu oe i na inoa 100 o na Bipikuapuu o ke keneturia. 2. E hoomanao oe i keia mau hua 4,194,776 o na Leopaki o ka Olumebiada. 3. E hoohui aku oe i 4, 2, 3, 5, 6, 1, o ka Era Seretuka. 4. E puunaue like kaua i ka Hipakane o ka la 22 o Iulai, o ka Hegira Hagara o Alapia. 5. E hoike mai oe i na hua sinapi o kou la hanau. Alaila, heaha kou manao ? E hoike mai oe i na la ku, hele, moe, hanau, hana, palaualelo, mahiai, lawaia.
Heaha la ka la i ku ai o Lono, (Kapena Kuke) ma Waimea, Kauai? Ianuari 17, 1778. O ka Poalima, o ke kolu o ke Sabati.
Wanekouva ma Kealakekua, Maraki 3, 1792. O ka Poalima, o ke Sabati mua. Kamehameha I make ma Kailua, Mei 19, 1819. O ka Poakulu ia o ke Sabati eha.
Ka Moi Ilihia Kameameha IV, hanau ma Honolulu. Feb. 9, 1834. O ka la Sabati ia, oia ke Sabati elua o Feberuari. Nolaila, e ola loihi ana ka Moi kaulana.
Ke Kuhina L. Kamehameha, hanau ma ka malama o Dec. 11, 1830. O ka la Poaono ia, o ke Sabati elua o Dekemaba. E hoolaia ke Alii Kiekie.
O ke Kuhina Nui Vitoria Kaahumanu III, hanau i Novemaba 7, 1838. O ka Poaha ia o ke Sabati mua o Dekemaba. Nolaila, ua pii ke alii ma kahi kiekie. E ola na'lii i ke Akua. Amene!
He mea pohihi o na la,
Ke kahea leo nui mai nei o Alisetorete, kahi kanaka lurika, (pili i ka akaaka.) Ua waihoia ka hana a pau keia mea he kanaka, i ke awakea o ka la, a o kekahi hana, ua pee ma ka maka o kanaka, ua puolo ia e ka malu la. Nolaila, e maheleia i elua apana keleawe, ua hookomoia keia mau mea elua, i na mea kamahao 3 o Helene. 1. Ka Baibala. 2. Ke Ki. 3. Ke Kaula.
Ua aihueia kekahi dala ma ko'u hale i keia la, o na kanaka maloko o A, E, I, O, U, H, oia ka la 12 o Sept., 1862. Eia ka mea i aihue o E, ma ka po o ka Poalima, o ka hebedoma elua o Sepatemaba.
E hiki mai ana o B, M, O, i keia la ma Honolulu nei, (wahi a ka buke,) aole e hiki mai ana. E hiki mai ana i ka la 17 o Dec. 1863. Oia ka Poalua.
E hana oukou me ka oiaio, aole pono ka poe kolohe loa ke hana ia hailona. Penei e hana ai: E waiho i ke ki ma ka pauku 6, mokuna 8 o Ke Mele a Solomona; e nakii i ke kaula a paa loa, e kau ma na lima elua o na kanaka elua, e heluhelu kekahi o olua i ka pauku 6, 7, i waihoia'i ke ki ma kekahi buke e ae, a e kaa no ka buke ma ka aoao akau a haule malalo, a pela e loaa'i.
O na mea pohihihi, e hele e ninau i ka mea e hoike nei me ka uku ole. Mahope hoike aku au i na mea pohihihi loa o ka ike.
G. M. KOHA.
Keawaula, Oct. 9, 1862.
He Mele Haole.
Ke mele malalo iho nei, oia ke mele kaulana o na koa o Amerika Huipuia, a no ia mea ko makou pai ana i keia mele, i ike mai ai ko makou poe heluhelu.
Glory Hallelujah.
John Brown's body lies a mould'ring in the grave,
John Brown's body lies a mould'ring in the grave,
John Brown's body lies a mould'ring in the grave,
His soul's marching on !
Chorus.
Glory, Glory, Hallelajah! Glory Glory Hallelujah! Glory Glory Hallelujah! His soul's marching on!
The stars of heaven are looking kindly down,
The stars of heaven are looking kindly down,
The stars of heaven are looking kindly down,
On the grave of old John Brown !
Chorus.
Glory, Glory, Hallelujah ! Glory, Glory, Hallelujah! Glory, Glory, Hallelujah ! His soul's marching on !
He's gone to be a soldier in the army of the Lord,
He's gone lo be a soldier in the army of the Lord,
He's gone to be a soldier in the army of the Lord,
His soul's marching on!
Chorus.
Glory, Glory, Hallelujah ! Glory, Glory, Hallelujah ! Glory, Glory, Hallelujah ! His soul's marching on !
John Brown's knapsack is strapped upon his back,
John Brown's knapsack is strapped upon his back,
John Brown's knapsack is strapped upon his back,
His soul's marching on!
Chorus.
Glory, Glory, Hallelujah ! Glory, Glory, Hallelujah ! Glory, Glory, Hallelujah! His soul's marching on !
His pet lambs will meet him on the way,
His pet lambs will meet him on the way,
His pet lambs will meet him on the way—
They go marching on !
Chorus.
Glory, Glory, Hallelujah ! Glory, Glory, Hallelujah ! Glory, Glory, Hallelujah ! They go marching on !
They will hang Jeff. Davis t' a palmetto tree !
They will hang Jeff. Davis t' a palmetto tree!
They will hang Jeff. Davis t' a palmetto tree !
As they march along!
Chorus.
Glory, Glory, Hallelujah ! Glory, Glory, Hallelujah ! Glory, Glory, Hallelujah! As they march along!
Now, three rousing cheers for Hawaii nei!
Now, three rousing cheers for Hawaii nei!
Now, three rousing cheers for Hawaii nei!
As we are marching on!
Chorus.
Glory, Glory, Hallelujah ! Glory, Glory Hallelujah ! Glory, Glory, Hallelujah ! Hip, Hip, Hip, Hip, Hurrah!
Ka Poka boma e pau ai o
MAEMAE I KE AHI.
Ke hoounaia'ku nei keia mau Hokuwelowelo imua ou e P. M. Kahinalua, i ole hoi ia oe, i ou mau hoa iho; me ka lana no nae o ka manao, e wehe mai ana oe me ka pololei loa, ano pili nakeke ole. Eia no ia.
1. Ora e sampre ?
2. Gli assenti hanno torto ?
1. Mas vale saber que haber ?
2. Hablen cartas, y callen ?
1. Pietra mossa non fa muschio ?
2. Il sanyue del soldati fa grande if capitano?
3. Il vino e una mezza corda ?
4. Stavo bene, ma, per star meglis, sto qui ?
1. Quien tien tirnda, que atienda ?
2. La casa quemada, acudir con elayua?
E ke kanaka Kahinalua, ka ipu piha i ka noonoo. Eia iho na wahi hua kuikui o Kaukaweli, e liliha'i ko puu ke moni aku. Auhea oe e ke hoa , e unuhi mai oe i keia mau ninau ma ka olelo Hawaii. Eia, e hai mai oe i na aina nona kela mau olelo; a i loaa ole ia oe kahi i kau ai ua maa ninau Hoku la. E kii aku oe i ka Ohenana Hoku a Lord Rosse, me ka hele mua nae i ke kiowai o Auwaiawao e holoi ai i ko maka, i pau ke keae; alaila, nana aku oe ma ua ohe la; me ka lana o ka manao e loaa i na Kalaponikale wawahi waapa o ka muliwai o Matarita Pe. Na ka Lahainaluna i kapaia he hookiekie.
PILIPO ARIDEI.
Punahou, Sept. 17, 1862.
Ka aie o ka Hoku Pakipika.
E Ka Nupepa Kuokoa e ; Aloha oe:
E oluolu oe e hookomo iho i keia mau manao maloko o kahi kaawale o kou kino, a lawe ae imua o ka poe e lawe ana i kou kino, i ike mai lakou i ka pono ole o ka hana a ka Hoku Pakipika.
Eia no ia : Ua aie ka Hoku Pakipika i na kanaka a pau i lawe i kona kino i ka M. H. i hala ae nei, i ka poe lawe Pakipika o ka apana o Lihue, me Wailua, mokupuni o Kauai nei, ma ko H. A. Widemann, a me ko B. K. Holi, ma ia apana.
Ua aie ka Hoku Pakipika ia makou i ka Helu 14, aole i loaa mai ia makou a hiki i keia la, no keaha la ! no ka pau e anei o ka pepa aole anei ?
Ua palapala pinepine aku o H. A. Widemann i na luna o ua pepa la, aole no he hooili ikiia mai. A no ia loaa ole mai ia makou a hiki i keia la, nolaila au e hoolaha aku nei, ua aie ka Hoku Pakipika ia makou, a nolaila, he kumu pono ia e hiki ai ke kanalua ana, a me ke kuihe no ka lawe ana i ka Pakipika, o poho auanei makou. Aole paha o makou aie i ua Hoku Pakipika la, aole no hoi he aie o ko makou Luna, oiai ua hookaaia na dala a pau ma ka lima o ka Luna.
E wiki oe, a hoolaha ae i pau kuhihewa i ka hana a ka Hoku Pakipika. Me oe ka hooilina o kuu aloha a mau loa aku. Me ka mahalo i ke Kilohuna Pookela o ka Lahui Hawaii. SADERAKA R.
Lihue, Kauai, Okatoba 6, 1862.
Hailoaa o ka Ninau
HELU A S. PAPIOHULI.
E ka Nupepa Kuokoa e ; Aloha oe :
Eia mai ka hailoaa o ka ninau helu a S. Papiohuli, i uiia i ka poe nowelo o ka hapa puki kani o ka ike ma kou Helu 39, o ka aono 3, e ninau ana ; Heaha ka huahelu, a o ka puuhuahelu paha a'u i manao ai, i hoonuiia me ka 2, a i houluuluia ka huina hoonui me 520,014, a hoonui aku ia huina me ka 5, a hoouluulu aku ia huina me ka 12, a hoonui aku ia huina me ka 10 ? Eia malalo iho ka hailoaa a me kona wehewehe ana. Penei ka wehewehe ana. E hoailona i ka puuhuahelu i ka w, ka mea ike oleia. Alaila, e hoonui aku i ka 2 me ia puuhuahelu, oia 2w, a e hui aku ia me 520,014, oia hoi 2w± 520,014. E hoonui aku ia huina me ka 5, oiahoi 2w ±520,014x5=10w,±2,600,070. E hui aku ia huina me ka 12, oia hoi 10w+ 12=2,600,082. A e hoonui aku ia me ka 10, oia hoi 100w+120=26,000,820. Alaila, e hoololi i na aoao o ka hoohalike. Oia hoi 100w=26,000,700. Alaila, e imi i ka waiwai o ka w. Oia ka puuhuahelu i manaoia, alaila, o w=260,007. Nolaila, ke manao nei au o ka loina keia o ka hana, a o ka puuhuahelu keia au i manao ai. Me ke aloha ia oe. Ke hoi nei no ko Halehui keiki, ua kani mai kahi bele o Holumalie, ua uhi ke kukuna o ka la i ka lau o ke Kuawa.
J. W. G. KAPUAILIAU.
Kulahui, Waioli, Kauai, Sept. 30, 1862.
He olelo pane ia P. R. Heeia.
Ua halawai kino mai nei au me na manao holo hua a P. R. Huhewa ; e noho mai la i na pali hauliuli o Koolau. Aia ma ka Helu 42, ua ike iho au i kau mau pane kuhihewa, a me ka lalau loa i kee. No ka loaa ana anei o na ninau a Beni ia oe, ana i haawi ai ia Pouli Kahinalua ko mea i hooio loa mai nei ? Ke hai nei au ia oe me ka oiaio, o na oiaio, aole ia he mau ninau na ka Lahainaluna, aole no hoi i komo ka mea nana i hoopuka ia mau ninau ma Lahainaluna, he wahi keiki no ia i loaa kahi ike ma na kula apana. Nolaila, ua kuhihewa loa oe e P. R. Huhewa, i ko owili pu ana mai ia makou me Beni no Lahainaluna, o ka ike kou i ke kuhihewa loa, o ka mihi ka pono ; a pela oe e pakele ai i ka inaina e kau mai ana.
Ke olelo mai nei oe me na olelo ku i ka hoopunipuni loa, " aole ka i paa o Pomaikai i kekahi o na Lahainaluna, na Pomaikai wale no ka paa ma ka hoopaapaa ana," a he! o ka Lahainaluna anei kai paa i ka hoopaapaa ana me Pomaikai ma Koolau? Manuu no hoi ua mea, he wahahee o ua P. R. Huhewa nei. Aole hiki ia oe ke hoole i ka hoka ana o P. ia G. M. K., i na e hoole oe, ke hai nei au e lilo na aouli panopano e kau ana ma ka lewa, a me na ao uila ma ka lani, i hoike no ka paa ana o ko kanaka e liki mai nei ia G. M. Koha. Ua loaa paha oe i na mai maka ulaula i keia manawa ea; e kau i ka laau makole i ike oe.
E P. R. Hooio e! Aole au i ike i kou mau ano a me kou helehelena, a ma ko'u ike ana i kou mau manao maloko o ka Nupepa Kuokoa, ua kau iki mai ia'u ka halia, he kanaka naauao oe, a i ka lua o kou hookomo ana i kou mau manao, alaila, hoomaopopo koke iho la au he kanaka hoopunipuni loa oe, a panai koke iho la au me ka hooka'ulua ole, inoa hou nou; aole oe e kapaia ma keia hope aku o P. R. Heeia; aka, o P. R. Hoopunipuni, he kanaka paulele ole ia e ka lehulehu, a me ka poe pono a pau loa he kanaka hoi i kau ke alina a ka maewaewa.
Eia hoi ke olelo mai nei oe, "eia ke waiho aku nei au imua ou i na rula o ka poe naauao, mai ninau mai oe ia'u me ka hai ole mai i ka ninau i ninauia'ku ai ia oukou." O na rula anei ia o ka poe naauao, o ko hoopuka i ko manao hoopunipuni ma ka Nupepa Kuokoa, me ka olelo ana iho he Lahainaluna o Keliikuoe, a na P. wale no ka mea puka ma ka hoopaapaa ana, aole he Lahainaluna? (Aole i pau.)
AWA O HONOLULU.
No ka Moku ku mai.
Oka. 2—Neke, mai Hilo mai, me 21 pahu ko, 21 eke pepeiao laau, a me na waiwai e ae.
2—Moikeiki, mai Kahului a me Lahaina mai, me 20 eke padi, 40 ili kao, a me 6 ohua.
3—Kiapa Am. Nelie Merrill, he 15 la mai Kapalakiko mai, a holo loa i Kina.
4—Kiapa Am. Emily Banning, he 13 la mai Kapalakiko mai, ku no mawaho, a holo hou aku i kekahi la ae i Kina.
4—Kiapa okohola Am. Coral, he 26 la mai ka Moana Atika mai, me 1,000 barela aila, 14,000 paona iwi kohola.
4—Kialua Am. Olivia, mai ka Atika mai, me 120 barela aila, 12,000 paona iwi kohola, 300 niho elepani, 300 ili fox.
4—Manuokawai, mai Hana mai, me 9 eke pepeiao laau, 11 eke pia, 256 pu awa, 5 ili bipi, 8 ili kao, 5 ope paka lau, 137 eke padi, 4 eke kulina, a me 36 ohua.
5—Kiapa Am. Jenny Ford, he 22 la mai Keomolewa mai.
5—Kekauluohi, mai Kona a me Kau mai, me 85 kukaa pulu , 2 kukaa a me 11 eke pepeiao laau, 11 eke bine, 45 eke kope, 500 kapuai laau koa, 2 bakeke hone, 2 pahu waiubata, 2 ope ili, 500 niu, 30,000 alani, 25 puaa.
7—Ema Ruka, mai Ulupalakua a me Lahaina mai me 12 paila wahie, 40 barela bipi, 30 barela malakeke, 72 pahu a me 70 eke ko, 45 ili bipi, 12 kukaa pepeiao laau, 30 barela uala Kahiki a me 25 barela uala maoli, 350 pai ai, 15 eke a me 2 barela i-a maloo, 1 lio, 6 puaa.
9—Moiwahine, mai Nawiliwili mai, me 24 pahu a me 76 barela malakeke, 32 pahu waiubata, 100 kiwi bipi, 10 ili bipi, 2 barela bipi, 1 barela aila bipi, 30 ili kao, 8 puaa, 248 eke padi, 6 paila wahie, a me 39 ohua.
9—Kiakahi Luika, mai Kahoolawe mai, me 28 eke hulu hipa, a me 24 hipa.
9—Kialua Marilda, he 10 la mai Fanning's Ilana mai, me 13,000 galani aila niu.
10—Kamoi, mai Kahului a me Lahaina mai, me 80 barela palaoa, a me 10 bipi, a me 7 ohua.
10—Kalama, mai Nawiliwili a me Koloa mai, me 20 paila wahie, 14 barela aila bipi, 30 ili bipi, 1 barela uala maoli, 1 pahu waiubata, a me 6 ohua.
HANAU.
Sept. 29, ma Manawai. Molokai, hanau o Kepaalani (k,) na Paele me Kanakaole.
Iulai 1. ma Kaawaloa, Kona, Hawaii, hanau o Kealoha (w,) na Kokoaliiole me Kepaa.
Sept. 26. ma Nawawa, Kona, Hawaii, hanau o S. Hauhio (k,) na G. W. Kini me Niniha.
Sept. 28, ma Kaawaloa, Kona, Hawaii, hanau o Inoaole (w,) na Ainoa me Wahinemaikai.
Sept. 23, ma Wainee, Lahaina, Maui, hanau o Pilipo Kekipikipiaina (k,) na Newa me Kea.
Aug. 28, ma Weha, Hamakua, Hawaii, hanau o Apolo (k,) na Kuawela me Kanakaole.
Iulai 17. ma Honokaa, Hamakua, Hawaii, hanau o Kauhane (k,) na Polohili me Nakupuna.
Sept. 16. ma Paauhau, Hamakua, Hawaii, hanau o Mareka Kauwe (w,) na Kaaikumu me Paele.
Sept. 20, ma Kalopa, Hamakua, Hawaii, hanau o Keawe (k.) na Kamakahoa me Kalawaia.
MARE.
Sept. 15, ma Manawai, Molokai, mare o Luia me Kaka, na Rev. A. O. Forebe laua i mare.
MAKE.
Oka. 7, ma Kaumakapili, Honolulu, make o Ohule (w.)
Aug. 3, ma Kahaluna, Niihau, make o Kaleipila (k.)
Aug. 30, ma Keawanui, Niihau, make o H. Kailiuli (k.)
Sept. 10, ma Kaununui, Niihau, make o Kaiana (w.)
Sept. 11, ma Halehaa, Niihau, make o Pakuiai (k.)
Sept. 30, ma Kaalaea, Koolau, Oahu, make o Paahana (k.)
Sept. 28, ma Kahana, Koolau, Oahu, make o Hano (w.)
Sept. 28, ma Waikane, Koolau, Oahu, make o Kaluwahi (k.)
Sept. 30, ma Halakaa, Lahaina, Maui, make o Apikaila (w.)
Sept. 10, ma Uli, Paalaa, Waialua, Oahu, make o Kaloku (k.)
Sept. 17, ma Paula, Kawailoa, Oahu, make o Naihe (k.)
Sept. 19, ma Kapaeloa, Waialua, Oahu, make o Leoaipalale (w.) ma ia la no, make o Kahewahewanui (k.) no Kawaihapai, Waialua, Oahu.
PA AUPUNI MA KUALOA.
E KUAI KUDALAIA'NA MA ka pa Aupuni,
MA KUALOA,
i ka Poaono, la 18 o Okatoba, ma ka hora 2 o ke ahiahi. Eia ke ano o na hao a me na holoholona :
1 Lio kane ulaula, hao BN.
1 Lio wahine ulaula, hao NA.
1 Lio kane ahinahina, hao ano e.
1 Lio wahine hulupala aole maopopo loa o ka hao.
1 Bipi wahine me ke keiki, hao PO.
JUDD A ME WILDER.
46-1t Na Luna Pa Aupuni.
OLELO HOOLAHA.
E KUAI KUDALAIA ANA NA LIO. Bipi, ma ka Pa Aupuni,
O Waiawa, Ewa,
ke hiki aku i ka Poakahi, oia ka la 13 o Okatoba, i ka hora 9 o ke kakahiaka. E hele nui mai ka poe makemake la la me ka makaukau i ke dala. Ke ano me na hao malalo nei:
Lio kane puakea maikai, hao ano e.
" hulupala, ua eha ma ka uha mua, hao ano e.
" ulaula elemakule ihu ahinahina keokeo, hao ano e.
" ulaula hou, hao ano e.
Lio wahine eleele kuapuka, hao ano e.
Bipi wahine eleele kiwi moku, hao ano e, no John Kritte.
" eleele malailua me ke keiki no, hao ano e.
" eleele ohi opu keokeo, hao ano e.
He mau holoholona komo hou mai no keia, e paa nei ma ka Pa Aupuni o Waiawa, Ewa, nei. E hele mai e nana i ko oukou mau holoholona i nalowale, me ka makaukau i ke dala. Ke ano me na hao malalo nei:
Lio kane kukaenalo kua puka, hao ano e.
" lokia haulaula maikai, hao ano e.
" kalakoa keokeo, hao ano e.
" eleele, hao ano e.
" ahinahina keokeo hao ano e.
" hulupala wiwi, hao ano e.
" ahinahina hauliuli, hao H. N.
" hulupala me ke kamaa, hao P O I.
" ulaula maikai, hao W.
Lio wahine lokia, hao ano e.
" puakea keokeo, hao ano e.
" keokeo, hao ano e,
" eleele, aole maopopo ka hao.
" ulaula, aole maopopo ka hao.
" ulaula kua puka, hao G. A.
Piula kane ahinahina hauliuli, hao akau M., hema B.
" puakea, hao ano e.
" puakea, hao ano e.
Piula wahine eleele me ke keiki, hao poahiahi.
D. K. KAAI.
Luna Pa Aupuni.
Waiawa, Ewa, Oka. 9, 1862. 46-1t*
OLELO HOOLAHA.
OWAU O KA MEA NONA KA INOA malalo iho nei, ke kauoha aku nei au ia
Kamakahi (k,)
e noho ana ma Lumahai i Kauai. E hele mai oia me ka lawe pu mai i kona mau dala aie ia'u ($10.00 a me ko'u poho pu kekahi $4.00. A ina aole oia e hiki mai a hala na la 17 mai keia la aku, alaila, e kuai lilo aku no wau i keia apana aina kuleana ona e waiho la ma Kaneohe, Koolau, e like me ka mea i hooholo like ia e maua ke kaa ole mai keia mau dala i olelo ia maluna. Me ka mahalo. JOSEPH KALAMA.
Kapuukolo, Honolulu, Oct. 4, 1862. 46-2t*
OLELO HOOLAHA.
OWAU o Maria Kanakaokai, KA moopuna ponoi a P. Peleleu, ka mea i make,
No Halawa, Molokai,
mamuli o kuu ike ana i ka "Olelo Hoolaha" a Kanui, ma ka Helu 44 o ka Nupepa Kuokoa. E olelo ana ua kuai aku ia ina Apana Aina ekolu o Peleleu, me E. P. Kamaipelekane nona na dala he $95.00. Ke papa aku nei au, ina mea a pau e komohewa, aohe kuleana o Kanui iloko o ua aina la, no ka mea, eia no ia'u ka moolelo mai na Lunakanawai Hooko Kauoha mai, e hooiaio mai ana ia'u i kana moopuna ponoi. Owau ka hooilina a mau aku, ina ike au i kekahi kanaka a mau kanaka paha e komohewa ana, e hoopii no au ma ke Kanawai.
Na MARIA KANAKAOKAI.
Polanui, Lahaina, Oct. 3, 1862. 46-1t*
KA MOKUAHI
" Annie Laurie,"
HANALE,.................................................Kapena
E holo ana no
MAUELE, Lanai,
LAHAINA,
KALEPOLEPO,
ULUPALAKUA,
HONOIPU,
KAWAIHAE,
KAILUA,
a me Kealakekua.
I KA
Poakahi........................Okatoba 13.
I ka hapalua o ka hora 4.
Ku mai ma Honolulu nei i ke kakahiaka o ka Poaono.
JANION, GREEN & CO.
Honolulu, Okat. 9, 1862. 45-tf
Olelo Hoolaha.
E IKE AUANEI OUKOU E NA KANAKA a pau, owau o ka mea nona ka inoa malalo nei, ke papa aku nei au i na mea holoholona a pau: NA
Lio,
Bipi,
Hoki,
Kekake,
Hipa,
Kao,
Puaa,
Moa,
Palahu.
Mai hookuuwale ma ko'u mau aina kuai, a me kahi o ke Aupuni i lilo ia'u, e pili pu la me ko'u mau aina kuai, mai kekahi hapa o Makaka a hiki i Moaula; ina i loaa ia'u, ai ka'u Luna paha kekahi o keia mau holoholona i haiia maluna, e uku ia hookahi dala ($1.00,) a i na i pilikia na mea kanu, e like me ka nui o ka poino pela no e nui ai ka uku. O ka la e laha ae ai ma ke Kuokoa, e lilo ia i Kanawai paa a mau loa aku; mai kii wale hoi kekahi i na mea oluna o ua mau aina la, ina i kue kekahi i keia mau olelo maluna, e hoopii no au ma ke Kanawai, e lohe no Kauai i ka uina o ko lae. Me ke aloha,
Na W. KAHALELAAU.
Makaka iki, Kau, Hawaii, Sept. 29, 1862. 46-1t*
OLELO HOOLAHA.
E IKE AUANEI NA MEA A PAU, KE nana mai lakou i keia, o ka'u wahine mare,
O Meleana,
ua haalele mai oia ia'u a me ko maua wahi moe, ua kue mai oia i ke Kanawai mare mawaena o maua, oiai au e noho aloha ana ia ia. Ua hoohalike mai oia ia'u, me he akua pueo la, ke kau o ka weweli ia ia. A o ka lua hoi keia o kona hoopai ia ana i ke Kanawai, aia no oia mamuli o ke kane i hihia ai a hiki i keia la. Nolaila, ua papa ia na mea a pau, mai hoaie mai ia ia, a i hookuli oukou, maluna o oukou ia poho. No ka mea, aole au e hookaa ana i kona mau aie ma keia hope aku. Ua kii aku no au, aole nae kela i ae mai. Nolaila, ke wehe nei ka pili la e ke hoa. S. KANEKUAPUU.
Waimea, Hawaii, Sept. 17, 1862. 44-1m*
Olelo Hoolaha.
E IKE AUANEI OUKOU A PAU E NA kanaka ke nana mai i keia Olelo Hoolaha, owau o ka mea nona ka inoa malalo nei, no kuu Kuleana Aina nona ka inoa i kapaia.
O Pohakuokauhi,
ma Wailuku, Maui Komohana, nona ka Helu 3360, ma ka Palapala Sila Nui, ua lilo loa ia'u ma ke ano Alodio, i kakau inoa ia e Kamehameha IV. a me ke Kuhina Nui, i hookoia mai hoi ia'u ma ka la 29 o Mei, A. D. 1862.
A nolaila, ke papa aku nei au i na kanaka a pau e hana ana i ua Kuleana la o'u, a mahiai paha, me ka manao no lakou ia wahi, a no ko lakou mau Haku mai paha, a ma keia Olelo Hoolaha ua lilo ka lakou hana ana i mea ole, ua lilo loa ia'u ia Kuleana a me ko'u mau Hooilina a mau loa aku. Ina o ka poe kanaka, a mau kanaka paha e kue ana i keia mau olelo papa a'u, alaila, e hiki no i kuu Hope Luna ke hoopii ia lakou ma ke Kanawai o ka Aina, oia hoi o Kemano.
JOSEPH LULANA.
Waikiki Waena, Sept. 22, 1862. 44-1m*
Olelo Hoolaha.
E IKE AUANEI NA MEA A PAU, O maua na mea nona na inoa malalo iho, ke hookapu aku nei maua i ko maua aina hoolimalima,
O Kalopa,
ke Ahupuaa ma Hamakua, Hawaii. Ina hele wale kekahi holoholona a mau holoholona paha o kela ano keia ano maluna o ua aina la, e uku ka mea nona ia holoholona a mau holoholona paha i hookahi dala ($1.00) no ke poo hookahi. Aole nohoi e kii wale kekahi i na mea ulu maluna o ua aina la o maua me ko maua ae ole, o ka mea kue i keia papa ana, e hana ia oia e like me ke Kanawai no ke komohewa. J. S. KEKOI.
T. OHAKEE.
Kalopa, Ham., Hawaii, Sept. 22, 1862. 45-2t*
Olelo Hoolaha.
Wahine Nalowale ma Honolulu,
E IKE AUANEI NA MEA A PAU, OWAU o ka mea nona ka inoa malalo nei, ua pilikia au a me ke kaumaha no kuu wahine mare, aole ia, ua nalo kumu ole kuu wahine, aole au i ike i ke kumu o kona haalele ana mai ia'u, aole maua i hakaka me ia, a paio kue i na makahiki i hala, a me na la i kaa hope ae, ke huli nei no au ma Honolulu nei. Ina ma ka hale o ke Kanaka, Pake, a Haole paha, ina e loaa aku ia'u iloko o keia mau hale, e hopu no au ia lakou i ka mea nana i huna i kuu wahine, a hoopaa i ka Halewai i na la elima. Oia la i lohe oukou a pau loa. Na PIKA.
Honuaula, Nahuna, Sept. 30, 1862. 45-2t*
Olelo Hoolaha.
UA NALOWALE KA LIO O KA mea nona ka inoa malalo nei,
Ma Waiawa,
Ewa, Oahu, ma kahi o Bihopa, i ka la 16 o Sepatemaba iho nei. Eia ke ano a me kona hao, he lio puakea, me ka hao G. M., ma ka aoao akau, a ua paa no i ke kapuai hao na wawae mua. A o ka mea nana e hoihoi mai i ua lio la, e uku aku no au ia ia ma kona luhi. C. FRED. PFLUGER.
(PELE, kaikaina o Kale olelo e.)
Hale Kuai Pukaaniani nui. 45 4t
OLELO HOOLAHA.
O KA POE A PUA I AIE MAI IA Andrew Lawrence, o Kalihi, i make aku nei, ke kauohaia aku nei, e hoike koke mai i ka mea nona ka inoa
malalo nei; a o ka poe a pau i aie aku ia ia ke kauohaia aku nei,
e uku mai i ka mea nona ka inoa malalo. J. LILOA.
45-3t Luna Hooponopono Waiwai.
OLELO HOOLAHA.
E IKE AUANEI NA MEA A PAU, KE nana mai lakou; ua kapu i kela mea keia mea ke hoaie aku i kuu wahine mare,
Ia Kawao,
oiai e kaawale ana maua. (45-4t*) J. HAO.
OLELO HOOLAHA.
UA HOOPII MAI O PALINA W. KUE I kana kane o Kuaulu, no Hanalei, Kauai, mamua, e hooki i ko laua mare ana, no ka haalele wale ana no na makahiki ekolu o Kuaulu, i kana kane. E hanaia keia hoopii imua o ka Mea Hanohano, John Ii, ka Lunakanawai o ka Aha Kiekie, ma ka la 15 o Okat., i ka hora 10 o ke kakahiaka, aia ma ka Hale Hookolokolo, ma Honolulu, Oahu.
JNO. E. BARNARD.
Kakauolelo o ka Aha Kiekie.
Honolulu, Okat. 3, 1862. 45 2t
Olelo Hoolaha.
NO KA MEA, UA NOI PONOIA MAI KA Mea Hanohano o G. M. Robertson, kekahi Lunakanawai o ka Aha Kiekie, e Kaheiheimalie, e hookohu ia ia i Luna Hooponopono Waiwai no Peleuli, ma Honolulu, Oahu, i make aku nei : Nolaila, ua hoike ia i na kanaka a pau loa, ke pili, o ka Poaono, oia ka la 11 o Okat., i ka hora 10 o kakahiaka, oia ka la a me ka hora i oleloia, no ka hoolohe i ka oiaio o keia Palapala Kauoha, a me keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.
JNO. E. BARNARD.
Kakauolelo o ka Aha Kiekie.
Honolulu, Okat. 3, 1862. 45-2t
OLELO HOOLAHA.
NO KA MEA, UA NOIIA MAI KA MEA Hanohano, G. M. Robertson, ka Lunakanawai o ka Aha Kiekie e C. Kanaina a me W. S. Pahukula, no ka hooiaio i na palapala kauoha o Kalakini (w,) i make aku nei: Nolaila, ua hoikeia i na kanaka a pau loa, ke pili, o ka Poalua, oia ka la 14 o Okat., i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia palapala kauoha, aia ma ka Hale Hookolokolo ma Honolulu, Oahu.
JNO. E. BARNARD.
Kakauolelo o ka Aha Kiekie.
Honolulu, Okat. 3, 1862. 45-2t
J. P. HUGHES.
MEA HANA
NOHO LIO!
AIA MA KA HALE KUAI O KA mea nona ka inoa maluna nei, he Noholio Pelekane a he Noholio Meleka, a me na Noholio Wahine, o na ano a pau, na Noho Paniolo nu hou.
NA HAO WAHA a me NA KEPA o na ano a pau,
NA KAULAWAHA, a me na mea e pono ai ka lio.
NA ILI KAUO o na ano a pau.
NA EKE ILI.
NA HUIPA.
NA HAO KEEHI.
NA PALAKI LIO,
NA KAHI LIO.
A me na mea e ae a pau loa e pili ana i na lio a me na kaaholo, a e kuai ana no ia mau mea,
No ke kumukuai makepono loa!
Aia no ke wai mau nei malaila na pela mauu.
O na pela pulu, na pela hulu, a me pela uwaea. E hanaia no e like me ka mea i kauohaia mai.
Ua hanaia no na kaa lealea me ka maikai loa, a me ka makepono hoi.
Ua hana hou ia na mea a pau e pili ana i ka'u oihana me ka maikai.
E malama pono ia no na mea a pau i kauohaia mai e pili ana i ka'u oihana. E loaa no wai ia oukou ma Monikahaae, ma ke kihi o ke Alanui Hokele a me ke Alanui Papu.
J. P. HUGHES.
Honolulu, Okatoba 4, 1862. 19-45-1y
OLELO HOOLAHA.
OWAU O Kanui, KA MOOPUNA KAUNAHE a me Peleleu, na mea i make,
No Halawa,
Molokai, he mau Aina Kuleana ko laua ekolu ma Halawa, a ua hoopii au imua o kekahi o na Lunakanawai Kiekie, a ua hooholo ia eia aha, ua pili ia'u keia mau Kuleana Ili o Kahaloko, 1 Mooaina ma ka Ili Hopuhewa, 2 Mokuaina ma ka Ili o Kii, ma ke Ahupuaa o Halawa, a ua hoonele ia o Kanakaokai a me Marie, ke hai akea nei au i ike na mea a pau. Ua kuai lilo loa aku au ia mau apana aina ekolu ia E. P. Kamaipelekane, ina dala he kanaiwakumamalima a ua loaa mai ia'u na dala i haiia, a nolaila, ua lilo loa ia ia ua mau apana aina la a mau loa.
Na KANUI.
Honolulu, Sept. 27, 1862. 44-3t*
E MAKAALA!
OWAU
O KAMUELA,
KA HOA KUAI O NA
KANAKA HAWAII,
NONA KA HALE KUAI PAPA MAuka iho o ka
Hale Hookolokolo
ma Honolulu. Ke hai aku nei au ia oukou, he mau la ku wale no keia o kuu moku papa,
O "Francisco,"
a ke ku mai oia, e loaa ana ia'u na
LAKO KAPILI HALE
o kela ano, keia ano.
EIA NO KE WAIHO NEI.
NA:
PAPA O KELA ANO, KEIA ANO.
LAAU HALE, o kela ano, keia ano.
PILI HALE,
PINE,
AAHO,
KEPA,
PANI PUKA
PUKA ANIANI,
OLEPELEPE,
KUI,
PENA,
AILA PENA,
WAI HOOMALOO PENA.
IA MEA AKU, IA MEA AKU,
Ua makaukau au e kuai aku me ka oluolu i keia mau mea, a no ka maopopo no paha ia oukou he KEIKI KAMAAInA au, he hiki ia oukou e ka Lahui
Mai Hawaii a Niihau,
ke kipa mai i o'u nei. E hiki ana no na moku papa o'u i na manawa a pau, a hoolako mau ia'u. He mea mau i na poe o ka hiki mai ka haanui, a me ke kaena. A he mau Luna kekahi i hoonoho ia e lakou e alako ana i ka poe maikai, me he lawehala la Aka, he hiki ole ia'u ke hana pela, o ko'u ano no ka oukou e imi, mai a loaa, maopopo no na hana a kakou, no ka mea, o ko Hawaii nei kupa ihola no ia, o ko oukou makamaka.
KAMUELA. (Kaikaina o Kimo Pelekane.)
Honolulu. Sept. 19, 1862. 43-8m
MAKEMAKEIA!
LOLI, PEPEIAO LAAU!
A ME KA
LALA MANO.
PENEI KA UKU ANA: -
No ka Pepeiao Laau 8 ½ keneta.
" " Lala Mano, 15 keneta.
" " Loli Kohola, 12 ½ keneta.
" " Loli Koko (ke nui,) 4 keneta
" " Loli Kae, (ke nui,) 4 keneta.
E hele mai ma ko maua hale kuai, ma ka aoao komohana o
ka Hale Kuai o Daimana, ma alanui Alii.
UTAI & AHEE.
Honolulu, Aug. 1, 1862. 38-3m
MEA KUI POI MAIKAI LOA.
UA MAKAUKAU KA MEA NONA KA inoa malalo, e hana i
Wili Kui Poi Maikai,
i mea nana e hoowali a Poi e like me ka lima kanaka; a he mea no hoi e hoouku ana i ka luhi o ka hana ana i ka Poi no ka ohana a no ka hoopukapuka paha. Aohe luhi iki o ka hana ana, he wili malie wale no, a aia hoi ua AEAE ka Poi. Na ka wili no e kui, hoowali, a kupele hoi i ka Poi me ka malaki loa, o ka poe a pau e makemake ana i
Wili Kui Poi
no lakou, e pono e hele ma ko'u hale, ma ke Alanui Alakeu, a ilaila hoi e ike ai i ke ano o ua wili la, he emi loa ke kumukuai. (43-3m*) PETER RICHMOND.
LIO NALOWALE.
UA NALOWALE, A UA AIHUEIA paha kuu mau Lio, penei ke ano : Hookahi Lio Wahine Puakea, ua kuniia i ka hao kuni o kuu makuakane. J. B. A hookahi Lio Ahinahina, me na wawae keokeo, ua kuniia i ka hao
O KEONI MIKI, X.
O ka mea nana e hoihoi mai ia mau Lio la, a i kekahi paha o laua, e uku pono ia no. KEO PU.
Pauoa, Honolulu, Sept. 19, 1862. 43-6t