Ka Nupepa Kuokoa, Volume I, Number 35, 26 July 1862 — Pau i ke Ahi! [ARTICLE]

Pau i ke Ahi!

Ua pau i ke ahi ka Hale Kulaniii o Lahainaluna, ma ka po o ka la 1S o lulai nei. Aole i ikeia ke kumu o ka raea nana i puhi i ke ahi. Ma ka hora 9 o ka po, ua hele o S. T. Alekane<lero, e nana a puni ka Hale ; aole i ikeia ka hoailona o ke uhi, a hookahi paha hora ina ia hope iho, ua hele hou ka Luna nui o na haumana, a me ka Makai, e nana i na haumana ; e moe ana lakou a pau, aole hoi i ikeia ka hoaihma ahi ia \va. A ma ka hom 1, a me ka hoia 2 paha, na ikeia ka lapalapa o ke ahi ma kaupaku, ma ka aoao Akau o ke keena pule, a maiaila aku ka a ana ma ka aoao Akau, a ma ka aoao Hema. Aole nae he keiki i pau i ke ahi, ua ola takou a pau. Ua eha n \e kekahi poe, no ka lele ana ma na puka aniani mai; ua hele hoi

kekahi p«>e i kahi aaha kupono ole. ua oili iwaho me ka hikileie a me kn puiwa. a me ke kaumaha pu no hoi. Ua hoalaia kekahi keiki 0 ke keena miluna loa. e ka nonolo o ka iha o kekahi keiki. a haliu nku ia ia ma ka pata o ka hale, ike aku !a ia i ka ulaula iki ana mai ma ka paia o ka hale, a lohe hoi i ka halulu nui, kii aku la ia a wehe i ka puka, e hpalapa mai ana ka ula oke uhi iloko. O kona kahea no ia, - Auwe ! Pau kakou ike Ahi!" Ala mai la na haumana o ia keena, a lele aku la ma ka puka aniani. A lohe iho la na haumana o na keena e ae, i ka halulu nui o ka lapalapa o ke ahi, a me ka uwalaau ana ; puoho mai la lakou, aia ka ! e a-a ia ana ka hale e ke ahi, a hoio aku la kekahi poe me ka makau nui, a me ka hiki ole ke lawelawe, no ka ilihia loa, no ka pau ana o ko lakou makua i ke ahi. Ua nui no ka pomaikai o keia Aupuni, 1 ke kukuluia ana o keia Kula. He malamalarna a-a hoi no keia Pae Aina, a me na aina pegana, ka Alemanaka hoi o ko Lahainaluna poe a pau. Auwe ! Ua pau kona nani, ka nani ku kamahao iwaena o keia mau Mokupuni. Aloha ino, e Lahainaluna e, ua wela oe i ke ahi. Auhea oukou e ko Lahainaluna poe, mai ke komo akahi ana, a hiki i keia wa. " Kn Mnku-i no keia, 0 k:\kttu a p;iu, 1 fio ai i ka ike, Me k.i noiau pu hoi." Aole anei e hiki ia kakou ke kokua i ke kukulu hou ana i keia Kula ? Ma ko kakou haawi lokomaikai ana i ka mea kupono i ko kakou aloha i ko kakou Makua. Auhea oukou e ka poe aloha i keia Lahui, e kokua mai oukou, i a-a mau ka malamalama, i ole e pio a pouli loa. Me ka mahaln. L. Aiiolo. Lahainaluna, Maui, lu!ai\s, ISG2.