Ka Nupepa Kuokoa, Volume I, Number 24, 10 May 1862 — Page 3

Page PDF (1.70 MB)

Ka Nupepa Kuokoa.

 

Na Palapala.

 

Kaula Kaakolu

O NA NINAU A G. M. KOHA.

                Ua nae iki, ua paupauaho a mauliawa o G. M. Koha, ma kou la haaheo o ka Helu 22, o ka la 26 o Aperila, i maalo ae nei. Eia mai na hua olelo pane, a me na wehewehe e poniuniu ai ko poo, me ke kahe o ka niniaole o na maka.

                Ke hoouna aku nei au i keia kaula kaakolu imua ou, a me na nunu lawe lau Oliva o ka Halelana o Noa, ka mea oi mamua o na kolaka o ke awaawa,

                O kau ipu makani i kuu mai nei, aole ia no ka ipu makani a Kuapakaa, he hua na ke kaka, a ua lawe hewa ka moa. E ke hoa, aole e loaa ka pohaku paa o Meripa ia oe, ka mea nana i ao mai ia Mose no ka hookiekie ona, ma ka hahau palua ana i ke kookoo.

                O au huaolelo a pau loa i pane mai nei, ua nana wau he ole wale no o Lasana, he lulu makani, he puahiohio ke loaa, he hee no kaluli kapae ka alaala, he kalo no ke kahua ke-ke ka oha: O au olelo liki, kaena, henehene, hooio, hooioi, o kou polohuku ia nana oe e hekau a loaa iho ke kekee o ko a-i i ka pohaku kaapalaoa, lapuu kela me he hau la o Nuuanu. O ua lae ewalu o Lonokaeho au i oki mai nei, aole e moku, he moe na ka laauloa, he kukuna ula, nana e ole kahi pilikia, he aalii paio me ka makani, he ala pahee e puu ai ka auwae, he kikiomakani e pu-a ai na pea.

                Wehewehe o na ninau a me na haina pu.

                1. Ma kahi hea o ka Halelana kahi i pa mua ai ka hamare a Noa ?—Haina, ma ke kua nui o ka iwikaele e moe ana mai mua a hope o ka Halelana, malaila kahi i pa ai ka hamare a Noa. Oiaio keia, ke ku mai nei na Halelana o keia wa e hoike, he moku ia kakou, he Halelana ia Noa. O ka makamua o na mea lana iloko o ka moana ka Noa hale i hana mua ai. (Ua olelo ia 300 kubika ka loa o ka Halelana, ua like me na anana 75 ka loihi, i na ua kapili o Noa e like me ka moku, alaihi, e kui auanei ua kua nui la, a kani mua ka hamare.) Ma ka nana iho i kona kii, he ano o ka moku no, a oluna he hale, o ka moku ka mea i ikeia i keia wa, aole ka Halelana, Hoike. Solomona 3: 15. " O ka mea mamua, oia ka mea e noho nei, a o ka mea e hiki mai ana, oia na mea, mamua aku."

                Olele pani, ke olelo nei oiala aku, " he ano holowaa ka Halelana a Noa i hana ai," aia mahea ia mamala olelo o ka Baibala kahi nona na ninau au i kahea hewahewa mai nei ma Keawaula, e hoike mai oe i ka mokuna a me ka pauku, imua o ka Baibala i ike ia e a'u, a me na Lilia o ke kula, i ike makou he ninau makilo kau ninau.

                2. E kuhikuhi mai oe i ke kanaka nana i poa ka opea o ka puaa imua o Iehova?— Haina, Asepanasa ka mea poa i ka opea o na keikikane o ka Iuda, oia o Daniela ma, he luna o ka poe i poaia, ua kaheia ko lakou opea, e like me ko na puaa, o ka inoa puaa nae aole ia malaila, aka, ma ka hoohalike he puaa ke kanaka, pela o Iesu ma Mataio, oia ka mea iloko o ka Baibala, kahi au i kiihelei ai i ka ninau.

                3. E lalau oe a e hoike mai i ka laau nani i oi i na laau ma Edena ?—Haina, he Kesela ka laau nani i oi i ko Edena, pela no ka olelo like ma Esekiela. Ua oi ka nani a me ka ulu o ke Kesela iloko o Edena mamua o na laau a pau oia kihapai, ua kupono ka haina i ka ninau, o ka pani aiaia, o Sanekeripa he alii, ua kauia no ma ia mokuna, aole nae ia o kau haina, he Kesela, he laau nani oia kau, nole nae i hoole mai, ua ku paha i ke a-u i ka i-a nuku oioi, a haha iho la e nemo ana.

                4. Na wai i hana ka mea ana hora a Ahaga ?—Haina, na Isaia. O Isaia ko Hesekia hoa kamailio no kona mau la, "ana hora," he manawa iloko o ke ola ana, he la, he hora, he minute, o Ahaga, nona na makahiki 15 o ka noho alii ana ma Ierusalema, a i ka 16 ona makahiki ona make noia, oia iho la no ke ano o ka hua olelo ana hora a Ahaga, i oleloia iloko o ka ninau. O Isaia nae ka mea nana i hana i na Desele he 10, he hewa ka ninau a me ka olelo, he hana ka hoihoi i hope a me ka hele imua, (o ka huaolelo Kesela, he ana loa a me ke kaumaha,) ma keia kahea ana o Isaia, loaa 15 makahiki o Hesekia, aole anei i like me na makahiki 15, o kona makuakane o Ahaga, ua like, no kou ike ole paha kou mea i ninau ai.

                5. Pehea ka wehewehe ana o Davida i ka palekaua keleawe o Golia i kona make ana? —Haina, me ka pahikaua no o Golia ka wehewehe ana, ma ia mea i lilo ai ko Golia ola, a pela i laweia ai ke poo, me kona palekaua, a pela i waiho ai ke kino me kona pale, o keia haina ka mea i kupono imua o ka ninau mahaoi, ka mea aole iloko o ka Baibala, kahi o ka ninau i puka ai.

                6. E hia na hua palapala o ka Baibala?— Haina he 75, pololei io no, 12 hua Hawaii, 24 hua haole, 10 hua helu, 10 hua Koma, 19 kiko,—penei, i na he hua Hawaii wale no aole hua haole, pehea e piha ai ka Baibala, oia keia, S. D. R. a pela aku, i na aole na hua helu, 1, 2, 3, pehea e loaa ai he pauku, na hua Roma, mokuna I, II, III, pehea e maopopo ai, na kiko, me na koma, a pela aku huikau loa na olelo, o ka mea nana na ninau, aole ike i ka io oloko, ua like me ke kanaka lawe i ka pahu poula, aole i ike he mea poha.

                7. Na ka la hea o ka Hebedoma i hoailona ia Matia, ma ka helu Helene?—Haina, Na ka la 4 o ka hebedoma i hoailona ia Matia, penei, 40 la o Iesu i noho ai a hiki i ka hoi ana iluna i ka Lani, mahope olaila ka hebedoma i hoailonaia'i o ka Matia, he poakahi ia kakou, he Sabati i na Iudaio, " mau la," pili i ka lua me ke kolu, hui me ka Poakahi, 4 la, oia ka mea i loaa ai na la 4, oia ka mea iloko o ka Baibala, kahi au i ninau ai, o kou manao ka lalau, me he mea ala he ninau imi akamai, aole e akamai he hana wale na ka manao lalau me ka hoike ole, ( he ninau Helene,) aole ia ma ke poo o kau olelo. " He mau ninau Baibala."

                8. O ka puke hea kai hoike mai i ka malama o Tamuka ma na helu Hepela ? Ua pololei ka hoole ana, aohe haina maanei o neia ninau, ua haalele oe i ka Baibala i ike ia e au a me lakou la, a ua lilo kau ninau malalo o ka hoku makapo o Poloahilani, ua lawe mai oe i ka ninau o ka olelo e i ao ole ia ma keia Aupuni, i ninau e haule ai na Alopeka o ke kaei oluolu o ke Aupuni Hawaii nei, aole e haule pela, aole no hoi he ninau maoli, he ninau lalau na ke keiki iluna ke alo, he loaa makilo, aole e maona ka ohua he hilahila ka hoopai?

                E ke hoa, e imi ka noonoo, o maloo kelelo, a kunihi ke kileo o hoi ka ai a pio ilalo, o lanakila auanei ka pohaku lima ole e kaa aku nei, o maloo ke kai o Keawaula, a loaa iho oe ua hele a kuanoni me ke kuawehi, e kolo ana me he aama olulo la. E aloha auanei, aole i pau ka olu o ko Niuhelewai kiowai, ke olu nei no.  S. D. KEOLANUI.

                Niuhelewai, Honolulu, Aper. 28, 1862.

 

He Paikau.

E ka Nupepa Kuokoa e; Aloha oe:

                Ma ka hale ao Paikau au ma ka po o ka la 14 o Aperila nei, o ka hiku paha ia o na po o ka hana ana, mai ka hoomaka ana mai a i ka nana ana 'ku i ka hana ana a na Luna oia oihana, ua maikai maoli no, a i kuu manao ana, he mea hou no ia i keia mau la ma Lahaina nei, a ke mau nei no ko lakou hana ana i na po a pau e hoomaka ana mai ka hora 7, aole na ke Aupuni mai, aka, na ka manao maikai, a me ka oluolu e lokahi pu ana o kekahi mau haumana o ke kula wae a me ke kula Beretania malalo iho o ko lakou mau luna P. K. Kalaikini o Davida Barrows.

                O Davida Barrows oia no ke keiki kane a Solomona Barrows i noho kamaaina ai, ma Honuaula Maui Hikina mamua, a ma Amerika Huipuia aku nei oia, a i loko o na la kaua o Amerika, ua komo no oia i koa malalo o Gen. Fremont oia no ka First Sergeant o kekahi papa koa malalo oia Generala, a hiki wale i kona hoi ana mai nei, a oia no ka Luna o keia Paikau ana ma Lahaina nei i keia mau la, ma ka lohe wale mai e hoomakaukau ana lakou no ka manawa Puali Inuwai e hiki mai ana ma Lahaina nei e like me ka ike ia ma na Nupepa i keia mau la, oia iho la ka mea hou i ike ia ma Lahaina nei i keia mau la, malalo iho i ka wela o ka la Kikiki haoa o ke kau. Ea; ma ka nana ana i na ano o ka lakoa hana ana ua ku no i ka mahalo ia aku e ka poe i hele e makaikai a ike hoi, a pela no hoi, e hoomaka ana e ao ia kehahi poe o lakou ma ke ano koa kaua lio, e like me na mea a Davida Barrows i ao ia ai ma ka Nothern States malalo o Gen. Fremont. O ka huina o ko lakou nui, ma ia po ma ka'u ike ana he 24, aole nae i pau ka makemake o na luna, a hiki i ke 40 pela mai kekahi o na luna. Oia iho la ka mea hou e waiho ia 'ku nei ma na kowa olu o ke Kilohana Pookela, o ka Lahui Hawaii, e hele ana lakou mawaho o ka ulu niu o Mala ke hiki aku i ka poaono la 19. Me ka mahalo.

A. KINIAKUA.

Lahaina, Maui, Aperila 18, 1862.

 

OLELO HOOLAHA.

No kekahi Hoopii e hanaia nei,

UA KAUOHAIA NA MEA A PAU AOLE e ae, a e hooholo e ae paha me DANIEL MONTGOMERY, i ka Aina i kapaia

O Puuloa,

aole hoi e kuai i kekahi mea, a lako paha e pili ana i ua aina nei, aole hoi i na lako hale, a me na lio maluna o ua aina nei; no ka mea, no'u no ia waiwai, a ua hoopii no au imua o ka Aha Kiekie, i mea e loaa hou mai ua Aina Waiwai nei. Ina e kuai kekahi mea me ua Daniel Montgomery nei, maluna ona no ka poho.  ISAAC MONTGOMERY.

Honolulu, Oahu, Mei 1, 1862.  24-1m

 

Olelo Hoolaha.

                E IKE AUANEI, NA HAOLE, NA PAKE, NA PUKIKI, a me na Kanaka maole, ma keia olelo hoolaha. Ke Kauoha aku nei au, e lawe mai i na Lio o oukou, e hookuu ma Kuu aina, ma

Kuaokala,

ma ke ano hoolimalima, elua dala ($2.00) no ke poo hookahi, no ka makahiki. Ina he Bipi, hookahi dala me ka hapalua ($1.50) A e kakauia na Palapala Hoolimalima. Pela no na Hoki, Miula, elua dala pakahi, me a'u no e hoolimalima ai, a i oleia me kuu Kakauolelo. E wiki mai.

PETER RAIKINI.

G. M. Koha, Kakauolelo,

Keawaula, Waianae, Mei 4, 1862.  24-2t*

 

Olelo Hoolaha.

                E IKE NA KANAKA A PAU, OWAU o Awahua, ka mea nona ka inoa malalo nei. Ua kapu o'u Aina,

O Onouli, a me Keopu.

                Ke kuleana i Kaawaloa ma kai, a me ke alanui halihali waiwai a Kanaina i hoolimalima ai, a me kuu Aina iloko o Kealakekua. Ua kapu na holoholona komo hewa : Lio, Hoki, Kao, Miula, Puaa, Bipi, Kekake. Aole kii wale na kanaka i na mea a pau e ulu ana i ka Aina a pau : Ulu, Hau, Ohia, Ulei, Kukui, Pili, Hala, Lauhala, Pepeiao Laau. Mai uka a hiki i kahakai, a me na lihi Aina i lawe ole ia e na Haole.

Mei, 1, 1862.  (24-1t*)  J. AWAHUA.

 

                Ke kauohaia'ku nei na Lunakula, a me na Kumukula e hooili mai i ka inoa o ka poe Hanau, Mare, a me ka poe Make, i hoolahaia'i ma ka Nupepa Kuokoa. E kakau mawaho o ka palapala ia H. M. Wini, Luna Pai o ke Kuokoa : a i ole ia, e haawi ae i na Luna o ke Kuokoa.

 

HANAU.

                KEAOKANI—Aper. 4 ma Humuula, Hilo, Hawaii, hanau o Keaokani (w.) na S. Kahaulelio me Kahele.

                PAUELUA—Aper. 4. ma Kahului, Kona Akau, Hawaii, hanau o Pauelua (k.) na Kahinu me Kulina.

                KAHOLE (k) ME KAALEOKEKAI (w.)—Aper. 17, ma Waiaha, Kona Akau, Hawaii, hanau a o Kahole (k.) me Kaaleokekai (w.) he mau mahoe laua na Nuka me Keanauha.

                KEAKAHIWA—Aper. 1, ma Kainehe, Hamakua, Hawaii, hanau o Keakahiwa (w,) na Keawe me Nehemia.

                KEONI—Aper. 6, ma Kaohe, Hamakua, Hawaii, hanau o Keoni (k) na R. Pihi me Kaipo.

                KAULAOKEAHI—Aper. 27. ma Kawaihae uka, Hawaii, hanau o Kaulaokeahi (k.) na Panini me Nauka.

                NAWAHINELUA—Aper. 22 ma Kalawahine, Honolulu, hanau o Nawahinelua (w.) na Kahawelu me Kekua.

 

MARE.

                MAHOE—KAAUWAEAINA—Mar. 3. ma Kuiaha, Maui, mare o Mahoe me Kaauwaeaina.

                ELISAI—ANA—Mar. 16. ma ia wahi no, mare o Elisai me Ane.

                OPUNUI—KEALA—Mar. 20, ma Holawa, Maui, mare o Opunui me Keala.

                KUPA—KEAKA—Aper. 19, ma Kaluanui, Maui, mare o Kupa me Keaka, na Rev. J. S. Green lakou i mare.

                KEANU—LIKAPA—Aper. 24, ma Makawao, Maui, mare o J. W. P. Keanu me Likapa.

                KEALAHULA—ROSE—Aper. 26. ma ia wahi no, mare o Kealahula me Rose, na Rev. C. B. Andrews lakou i mare.

                KAHOOULUWAA—NAKAIKUAANA—Mei 1, ma Kipahulu, Kaupo, mare o Kahoouluwaa me Nakaikuaana na Rev. S. E. Bishop laua i mare.

 

MAKE.

                KALELE—Feb. 23, ma Kalepolepo, Hilo, Hawaii, make o Kalele (w.)

                HANAPULE— Mar. 2. ma Hilo, Hawaii, make o Hanapule (k.)

                MAKA—Mar. 9, ma Piopio, Hawaii, make o Maka.

                KAHUE—Mar. 18 ma Hilo, Hawaii, make o Kahue (w.)

                HANA—Mar. 25. ma Kalihi, Hilo, Hawaii, make Hana (w.)

                KAHUE—Maraki 27, ma Nakapaa, Hilo, Hawaii, make o Kahue (w.)

                WAA—Mar. 28, ma Kalepolepo, Hilo, Hawaii, make o Waa (w.)

                MOKAHUELO—Aperila 14, ma Kikii, Waikikikai, Oahu make o Mokahuelo (w.)

                KAHAKULOA—Aperila 15, ma Apuakehau, Waikiki, make o Kahakuloa.

                KAHUE— Aperila 20, ma Waikiki, make o Kahue (w.)

                KAUAI—Aperila 24, ma ia wahi no, make o Kauai (k.)

                MAKAPILI—Aperila 24, ma Kapuukolo, Honolulu, make o Makapili (w.)

                NOU—Mar. 25, ma Pakeehana, Niihau make o Nou (k.)

                WEHIWEHI—Aperila 5, ma Puuwai, Niihau, make o Wehiwehi (w.)

                KAWAIHAE—Aper. 22, ma Koloa, Kauai, make o Kawaihae, he wela kona mai i make ai.

                KAHUAKAILAUHALA—Aper. ma ia wahi no, make o Lahuakailauhala, he kanaka kahiko oia.

                NAAI—Ma Kapuahi, Honolulu, make o Naai (w.)

                KANUHA—Mar. 24, ma Laupahoehoe, Hilo, Hawaii, make o Kanuha (k. )

                PIO—Aper. 6, ma ia wahi no, make o Pio (k.)

                NIAU—Aper. 23, ma Auhaukeae, Kona, Hawaii, make o Niau (w.)

                KAIKE—Aper. 24, ma ia wahi no, make o Kaike (k.)

                KEKAHA—Aper. 19, ma Huelo, Maui, make o Kekaha (w.)

                KAHUE—Aper. 19, ma ia wahi no, make o Kahue (k.)

                KIPU—Aper 25, ma Haiku, Maui, make o Kipu (k.)

                HAAHEO—Mar. 25, ma Kawaihae uka, make o Haaheo (w.)

                MAHA—Aper. 2, ma ia wahi no, make o Maha (w )

                MOEIKAPALAI—Mei 8, ma Kaneohe, Oahu, make o Elena Moeikapalai (w.) he kaikamahine i aloha nuiia e kona poe a pau.

                EMELIA—Mei 4, ma ia wahi no, make o Emelia (w.)

                KAMAKAHIKILANI.—Mei 8, ma Honolulu, make o Kamakahukilani (w.)

                PANAEWA—Mei 9, ma Waikahalulu, Honolulu, make o Panaewa (w.)

 

OLELO HOOLAHA.

                NO KA MEA, UA NOIIA MAI AU, KEKAHI O NA Lunakanawai Kaapuni o ka Apana Ekolu o ko Hawaii Pae Aina, e D. H. Hitchcock, Luna Hooponopono Waiwai o Kaiwi, o Kukuau, Hilo, Hawaii, i make, e hookohu aku i la no ka hoolohe ana i kona palapala moowaiwai hope loa ona : Nolaila, e ike auanei na mea a pau, ke pili, o ka Poakahi, oia ka la 9 o Iune, i ka hora 10 o kakahiaka, oia no ka la a me ka hora i oleloia, no ka hoolohe ana i ka mea i noiia mai, a me na mea a pau i hoole. Aia ma kuu Keena, ma Hilo, kahi i hana ia ai.  S. L. AUSTIN.

Lunakanawai Kaapuni o ka Apana 3.

Hilo, Hawaii, Mei 5, 1862.  24-3t

 

OLELO HOOLAHA.

                NO KA MEA, UA NOIIA MAI AU E KEKAHI LUNA Kanawai Kaapuni o Hawaii, e Ouku, no ka hookohu ana ia ia i Luna Hooponopono i Ka Waiwai, o KALEIKAO, i make Kauoha ole : Nolaila, ua hoike ia i na kanaka a pau, ke pili, o ka Poalua, oia ka la 20 o Mei, i ka hora 9 o kakahiaka, oia ka la a me ka hora e hoolohe ai i keia noi ana mai, a me ka poe i hoole e hoike ia. Aia ma kuu Keena, ma Hilo, kahi e hana ai.  S. L. AUSTIN.

Lunakanawai Kaapuni o Ka Apana 3.

Hilo, Hawaii, Aper. 23, 1862.  24-2t

 

OLELO HOOLAHA.

                NO KA MEA, UA NOIIA MAI AU, e Makaluhi, no ke koho ana ia ia i Luna Hooponopono Waiwai, o Lumaawe, o Waimea, Hawaii, i make aku nei: Nolaila, ke hoike ia aku nei i na mea a pau, i pili, o ka Poakolu, oia ka la o i ka hora 9 o kakahiaka, oia ka la a me ka hora i oleloia, no ka hoolohe ana i ka mea i noiia mai a me na mea hoole i hoike ia aku. Aia ma ka Hale Hookolokolo, ma Waimea, Hawaii, kahi e hana ai.  J. WIGHT.

Lunakanawai Kaapuni.

Kohala, Hawaii, Mei, 1862.  24-3t

 

OLELO HOOLAHA.

                NO KA MEA, UA NOIIA MAI AU, e S. Kanekuapuu, no ke koho ia ia i Luna Hooponopono Waiwai, o Kimo Hanehaue, o Waimea, Hawaii, i make aku nei: Nolaila, ke hoike ia aku nei i na mea a pau, i pili, o ka Poakolu, oia ka la o i ka hora 9 o kakahiaka, oia ka la a me ka hora i oleloia no ka hoolohe ana i ka mea i noiia mai a me na mea hoole i hoike ia aku ai. Aia ma ka Hale Hookolokolo, ma Waimea, Hawaii, kahi e hana ai.  J. WIGHT.

Lunakanawai Kaapuni.

Kohala, Hawaii, Mei 1862.  24-3t

 

KINI PAI KII!

MAKAUKAU LOA E PAI I NA

KII O OUKOU.

Aole o kanamai o na pahu KII

Ano Hou.

MA KA AOAO HIKINA O KA HALE LETA.

24-2m

 

OLELO HOOLAHA.

                E IKE AUANEI NA MEA A pau, owau o ka mea nona ka inoa malalo nei, ke hookapu aku nei au i kuu Apana Aina kuai, e waiho ana ma Puulena, Kau, Mokupuni o Hawaii. Aole e hele na holoholona: Lio, Bipi, Hoki, Kao, Hipa, Puaa. Maluna o kuu Aina Kuai i haiia maluna ae, o ka mea komo hewa a hoopoino i na mea kanu, e hoouku ia oia i hookahi dala ($1.00) no ke poo hookahi, no ka mauu hoi, he hapawalu (12 1/2) no ke poo hookahi. Ina aole e loaa mai ka uku e like me na mea i oleloia maluna, e hiki no ia'u ke hoopii e like me ke Kanawai.  Na B. NAIHE.

Puulena, Kau, Mei 6, 1862.  24-4t*

 

Ili Hooluuia.

                AIA MA KA HALE KUAI PAPA O Kamuela, e loaa ai na Ili Hooluu, o kela ano, o keia ano, he kumukuai oluolu no, e pono i na kanaka humu kamaa, a humu noho lio, e hele mai e kuai i ike i ka makepono.  

KIMO PELEKANE.

Honolulu, Feberuari 1, 1862.  11-3m

 

AWA O HONOLULU.

Na Moku ku mai.

Mei         2—Moku kuna Emma Ruka, mai Ulupalakua a me Lahaina mai, me 41 miula a me 38 barela malakeke.

                3—Moku kuna Kalama, mai Kawaihae a me Kohala mai, me 143 barela uala, 20 eke kope, 45 ili bipi, 10 eke pepeiao laau, a me 28 ohua.

                3—Moku kuna Odd Fellow, mai Hanalei mai, me 125 pahu a me 450 eke ko paa, 66 barela malakeke, 200 eke kope, 1 lio, a me 8 paila wahie.

                4—Moku kuna Kamoi, mai Kahului a me Lahaina mai, me 44 pahu ko paa, 20 eke kulina aeae, 2 ili, 11 pahu waiwai e ae, a me 22 ohua.

                4—Moku kuna Kamehameha IV., mai Kalepolepo mai, me 12 paila wahie, 60 laau mamane, 70 pai ai.

                5—Moku kiapa Rusini Triton, he 149 la mai Southampton mai, e holo ana i Kina, ku no mawaho.

                7—Moku kuna Moikeiki, mai Maliko a me Lahaina mai, me 50 pahu ko pa, 2 barela malakeke, a me 6 ohua.

                8—Moku kuna Hana, mai Hilo a me Laupahoehoe mai, me 280 pahu a me 173 eke ko paa, 40 kukaa pulu, 23 eke pepeiao laau, 6 eke kope, 31 ili kao, a me 6 ohua.

                9— Moku kuna Neke, mai Hilo a me Lahaina mai, me 600 pahu ko paa, 62 kukaa pulu, 17 ili, a me 61 ohua.

                9—Moku kuna Molokai, mai Hana a me Kipahulu mai, me 20 eke pepeiao laau, 33 ili, 22 ope awa, 248 ili kao, a me 28 ohua.

 

Olelo Hoolaha.

                NA KANAKA A PAU I AIE IA Wm. C. Shipman. o Kau, i make, ke kauoha ia aku nei oukou, e hookaa koke mai i ko oukou AIE mamua o ka la 1 o Iulai; a i na ua AIE oia i kekahi kanaka. He pono e hookomo koke mai oukou i ko oukou mau BILA, ia D. H. Hitchcock, ma Hilo, Hawaii, ko maua hope. Mamua o ka la i oleloia ae maluna o loaa ole ka oukou.  (Signed.) CHAS. H. WETMORE.

J. S. SHIPMAN

Luna Hooponopono Waiwai o W. C. Shipman.

Hilo, Hawaii, May 6, 1862.  24-2t

 

OLELO HOOLAHA.

                PAU MAKEMAKE I KA LOLI KE HAIIA'KU NEI NA KANAKA a pau, ua pau ko maua makemake ana e kuai i ka LOLI, ke hala aku hookahi mahina mai keia la aku. O ka poe mea Loli a pau, e lawe mai i keia malama ; no ka mea, ina i hala ka manawa i haiia maluna, aole no maua e kuai hou aku i ka LOLI.  UTAI A ME AHEE.

Honolulu, Oahu, Mei 8, 1862.  24-4t

 

OLELO HOOLAHA.

                NO KA MEA, UA NOIIA MAI KA MEA HANOHANO o G. M. Robertson, ka Lunakanawai o ka Aha Kiekie, e M. Waianeanea, no ka hooiaio ia ia i na Palapala Kauoha o G. Naniu, o Waiawa, Ewa, i make aku nei : Nolaila, ua hoikeia i na kanaka a pau loa, ke pili, o ka Poalua, oia ka la 13 o Mei, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.

JNO. E. BARNARD.

Kakauolelo o ka Aha Kiekie.

Honolulu, Oahu, Mei 3, 1862.  24-1t

 

OLELO HOOLAHA.

                NO KA MEA, UA NOI IA MAI KA MEA HANOHANO o G. M. Robertson, ka Lunakanawai o ka Aha Kiekie, e Kaniu no Kaahamalu w. no ka hookohu ia ia i Luna Hooponopono Waiwai, no Palaoanui, o Honolulu, i make aku nei : Nolaila, ua hoikeia i na kanaka a pau loa, ke pili, o ka Poaono, oia ka la 13 o Mei, i ka hora 9 o kakahiaka, oia ka la a me ka hora i oleloia no ka hoolohe i ka oiaio o keia noi ana mai, a me na mea hoole i hoikeia, aia ma ka Hale Hookolokolo mai Honolulu, Oahu.  JNO. E. BARNARD.

Kakauolelo o ka Aha Kiekie.

Honolulu, Oahu, Mei 3, 1862.  24-1t

 

OLELO HOOLAHA.

                NO KA MEA, UA NOIIA MAI KA MEA Hanohano o G. M. Robertson, ka Lunakanawai o ka Aha Kiekie, e Kaomea, no ka hooiaio i na Palapala Kauoha o KUAE, o Honolulu, Oahu, i make aku nei : Nolaila, ua hoikeia i na kanaka a pau loa, ke pili, o ka Poaono, oia ka la 10 o Mei, i ka hora 9 o kakahiaka, oia ka la a me ka hora i oleloia, no ka hoolohe i ka oiaio o keia Palapala Kauoha, a me keia noi ana mai, a me na mea hoole i hoikeia, aia ma ka Hale Hookolokolo ma Honolulu, Oahu.

JNO. E. BARNARD.

Kakauolelo o ka Aha Kiekie.

Honolulu, Oahu, Aper. 28, 1862.  23-2t

 

OLELO HOOLAHA.

                E IKE AUANEI NA KANAKA A PAU MA keia Aupuni, ua hoopauia ka noho Luna Hana ana o AKO (Pake,) ma ko maua aina mahiai, ma Amauulu, Hilo, Hawaii, ma Ka la 4 o Aperila nei. A ua lilo o AHANA (Pake,) a me AKANA liilii (Pake,) na Luna ma kona wahi, a na laua no e hana oluolu aku i ka poe a pau e makemake ana e hana KU MAKAHIKI, a hana eka paha me ka uku maikaiia.

                Eia hou.—O ka poe a pau i mahuka aku e pono e hoi mai, aole lakou e hana ino ia'ku, o na Luna Hana hou a maua i koho aku nei, ua kauohaia e hana me ka oluolu loa i na kanaka paahana.

UTAI & AHEE

Honolulu, Aperila 23, 1862.  23-1m

 

HANA KAMAA LIO!

$1.50 WALE NO.

Mauka o ka Halewai, ma Alanui Alii.

                E IKE NA KANAKA A PAU, UA MAKAUKAU au e Hana i na Kamaa, no na lio o ka poe e makemake ana i ko lakou mau wawae e paa i ke Kamaa Hao! ME KA EMI O KA UKU. Hookahi Dala me ka Hapalua! No na wawae mua, a i na pau na wawae eha Ekolu Dala wale no!

                Eia kekahi, ua makaukau no hoi oia e hana i na mea a pau e pili ana i kana oihana no ka uku emi loa, oia no na hao kuni, kapilipili kaa, a pela aku. E hele mai e ikemaka no oukou iho.

WM. DUNCAN.

Honolulu, Oahu, Mei 1, 1862.  23-3m

 

AA MAMUA O NA MEA A PAU

MA KA

Hana Kamaa Lio!

                UA MAKAUKAU KA MEA NONA KAinoa malalo, e hana i na KAMAA no na lio,me ka uku EMI LOA, oia hoi heHookahi dala me hapalua !NO NA WAWAE MUA.A Ekolu hoi dala, no na wawae 4. Me ka Hana Mikioi aku.Aia ko'u wahi ma ke Alanui Alii, ma ka aoao ma Ewa o ka hale noho o John H. Brown, Maikai Nui o Oahu. E hele mai na kanaka a pau.  D. J. STEWART, (Amala )

Honolulu, Oahu, Mei 1, 1862  23-1m

 

Kau Leo!

                KE KAUOHA AKU NEI AU I KA POE A PAU, E HOPU ana i na holoholona hele hewa, ma ka mokupuni o Maui, i kuniia penei q, e hele mai e hai mua ia'u, mamua o ka lawe ana i mau holoholona'la i na Pa Aupuni ; no ka mea, o ko'u hao kuai ia.  JAMES LOUZADA. (KIMO LUSEDA.)

Waikapu, Feb. 11, 1862.  13-6m.

 

OLELO HOOLAHA.

                OWAU O Akahi, KA MEA NONA KAinoa malalo nei. E ike na kanaka a pau ; ua hoi mai

O Kaiko,

mai ka palena makai a hiki i ka palena mauka, aohe aina kuai o ka haole i koe, ua hoi mai, eia me a'u; ua komo au iloko o kaHale Hoona Kuleana,ua hana hoi me ka Mea Hanohano, a ua hooiaio ia no'u.

Na AKAHI.

Kaoaopa, Oahu, Aper. 25, 1862.  22-4t

 

Olelo Hoolaha.

                NO KA MEA, UA NOIIA M AI KA MEA HANOHANOo G. M. Robertson, ka Lunakanawai o ka AhaKiekie, e Ionemalia, a me ka hookohu ia ia i Luna Hoopono-pono Waiwai, no Pao, o Honolulu, i make aku nei: Nolaila, uahoike ia i na kanaka a pau loa, ke pili, o ka Poalua, oia ka la13 o Mei, i ka hora 9 o kakahiaka, oia ka la a me ka hora ioleloia, no ka hoolohe i ka oiaio o keia noi ana mai, a me namea hoole i hoikeia, aia ma ka Hale Hookolokolo, a Honolulu,Oahu.  JNO. BARNARD.

Kakauolelo o ka Aha Kiekie.

Honolulu, Oahu, Aper. 28, 1862.  23-2t

 

OLELO HOOLAHA.

                UA HOOPII o Kahalekai, KuE I KANA WAHINEo Kahiliole, o Honolulu, mamua, e hooki i ko laua mareana, no ka haalele wale ana o ka mea i hoopii ia i kana wahine,no na makahiki elima. E hanaia keia hoopii imua a ka meaHanohano o John Ii, kekahi Lunakanawai o ka Aha Kiekie, maka Poaono, oia ka la 3 o Mei, i ka hora 9 o kakahiaka, aia maka Hale Hookolokolo, ma Honolulu, Oahu.  JNO. E. BARNARD.

Kakauolelo o ka Aha Kiekie.

Honolulu, Oahu, Aper. 11, 1862.  23-2t

 

OLELO HOOLAHA.

                UA HOOPII O AUANA w. kue I KANA KANE O KOOLAU, no Hamakua, Maui, mamua, e hooki i kolaua mare ana, no ka holo i Kahiki, aole i hoi mai, aole i loheia,no na makahiki ewalu o Koolau i kana wahine. E hanaia keiahoopii imua o ka mea Hanohano o John Ii, ka Lunakanawai oka Aha Kiekie, ma ka Poalima, oia ka la 9 o Mei, i ka hora 9 okakahiaka, aia ma ka Hale Hookiolkolo ma Honolulu, Oahu.

JNO. E. BARNARD.

Kakauolelo o ka Aha Kiekie.

Honolulu, Oahu, Aperila 11, 1862.  23-2t

 

HALE KUAI MAKEPONO.

MANUAHI LAUNAOLE

AIA MA KE ALO O KA LOIALA HOTELE, ma ke kihi o ke Alanui Nuuanu me ke Alanui Manini, E loaa'i na lole

MAKEPONO LOA,

o na ano a pau. He nui loa ka AILA manuahi ma ia Hale Kuai. E hele mai e nana no oukou iho, e na makamaka kanaka maoli a pau. A e kuai aku no au me ka maikai, a me ke ku i ko oukou makemake. KALE, (Charles Brenig.)

Honolulu, Aperila 24, 1862.  22-3m

 

PALENA! PALAOA!

A ME KA

Aila Kukui Makepono.

E IKE NA KANAKA A PAU. UA MAKAUkau au ka mea nona ka inoa malalo nei, e kuai aku i ka

Palena, Palaoa, a me ka Meaono.

maikai loa, ma ko'u Hale Kuai, ma ke kihi o ke Alanui Hotele me ke Alanui Maunakea, mauka iki ae o Lepekahoe. Me ka manuahi. He Aila Kukui maikai loa kekahi ma ko'u Hale Kuai nei, he emi loa ke kumukuai.

G. WILIHEMA.

Honolulu, Aperila 25, 1862.  22-3m*

 

HALE HANA KAMAA!

KE HAI AKU NEI KA MEA NONA inoa malalo, me ka mahalo i kona makamaka a me ka lehulehu no a pau, i kona makaukau e hana i na

Kamaa Buti a me Kamaa Maoli.

o na ano a pau, me ka maikai, a me ka mikioi. A no ka mea, ua makaukau oia i na mea a pau e pili ana i ka hana i na Kamaa Maikai Loa, Nolaila, ua hilinai oia i ka hiki ia ia ke hana'ku i na mea ku i ka makemake o ka poe a pau e oluolu ana e hele aku i kona wahi, mauka iho o Waialeale. Ma ke Alanui Hotele.

GEO. CLARK.

Honolulu, Aperila 24,1862.  22-3m

 

I NA KANAKA

O KO

HAWAII PAE AINA !

KE HOIHOI AKU NEI AU I ALOHA NO ka lokomaikai a oukou i haawi mai ia'u iloko o na makahiki he umikumamakahi i kaa hope ae, a e koi aku hoi ia oukou e hele mai e kuai. Ua hooili aku nei au ma ka moku Cometa mai keia wahi aku, he mau WAIWAI HOU no ka

Hale Kuai Nalomeli!

                Ua manao au e makemake nui ana oukou i kekahi o na mea a'u i hooili aku nei. E holo ana au mai anei aku i keia la ma ka

Golden Age:

                Ahiki i Nu Ioka, he 2200 ka nui o na tona o keia moku. Ma ia hope aku, e holo loa ana au i Enelani, a me Secotia, a malia paha o hala loa au i Farani, e kuai ai i mau lole a me na waiwai hou no oukou. E hooikaika ana au e imi i na mea i ike mua ole ia e oukou, me ka hooikaika e hooluolu ia oukou, a e imi hoi i ke dala mai a oukou mai.

                Ua lawa ko'u manao e ike i kekahi mau mea hou ma ka hoike makahiki nui, a i na au e hiki aku, e hai no au i na mea a pau a'u i ike ai.

                Mai poina i ko oukou manawa e makemake ai i na palule o na ano a pau, na koloka, na papale, na papale oo aa, na holoku maikai, a me na hulu maikai, a oukou i ike ole ai mamua, a me na waiwai e ae he nui wale. E na makamaka, e hele mai e kuai ma ka

Hale Kuai Nalomeli.

Aloha oukou a pau loa.

JOHN THOS. WATERHOUSE.

Kapalakiko, Aperila 1, 1862.  22-3m

 

Olelo Hoolaha.

UA KAPU NA HOLOHOLONA KOMO wale ma ko'u Aina Kuai, e waiho la ma

Kukuiopae elua,

Kona Hema, Hawaii. Aole komo ka

BIPI,

LIO.

HOKI.

HIPA.

KAO,

KEKAKE.

A me ka Puaa.

                Ina i komo kekahi o keia mau holoholona i haiia maluna, he hapawalu dala maoli kauku, no ke poo hookahi, o ka Bipi, Lio, Hoki. Hipa, Kao, Kekake, a me ka Puaa, he hapaumi kauku pakahi. Ina hoopoino lakou na mea kanu, e uku no e like me ka poino, ina uku ole mai, e hoopii no wau e like me ke Kanawai.  J. W. MAELE

Kukuiopae, Kona, Hawaii, Mar. 18, 1862.  21-1m

 

Olelo Hoolaha.

E IKE AUANEI NA KANAKA A PAU. ma keia Olelo Hoolaha. Ua haalele mai ka'u wahine mare ia'u, oia hoi

O Kapoluhi,

aia keia me kana kane manuahi, me Huaailani owau hoi o kana kane i mare ponoia ma ke Kanawai o ka Aina, imua o Iokewe. Kahuna Pope. Ua kekuia mai au. nolaila, aole au e hookaa ana i kona mau AIE a pau ma keia hope aku, i na e hoaie kekahi ia ia, maluna no o oukou iho ko oukou poho. Me ke aloha.

Owau no me ka mahalo,  S. KUI.

Paalaa. Waialua, Aper. 25, 1862.  22-1m*

 

MANUAHI, MANUAHI

                E IKE OUKOU E NA KANAKA a pau eia ma ko'u Hale Kuai Bipi, ma

Ulakoheo,

Na io bipi momona loa o na bipi kupaluia a pau o na kuaaina mai, i laweia mai ma ko'u  

HALE KUAI BIPI,

a he manuahi loa ke kuai ana. Maanei wale no ke keu o na Io Bipi Momona, Waliwali, a Palupalu hoi,

                O na io ma ka ai ana iho, aole hoohalahala iki ka puu i ka on oia mau mea, E hiki ia'u ke kuai aku ma ka paona, a me ke

KUAI MANUAHI,

me ka paona ole. Pono oukou ke hele nui mai e kuai me a'u, i ike io oukou i ka oiaio o na olelo maluna. Ua loihi loa ko'u noho ana ma keia oihana, no kuu aloha loa i na keiki a me ka lehulehu a pau o ke Kaona, a me keia Mokupuni okoa, a no ka pono o ka poe ma ka moana a me ko na aina e, a ua kamaaina loa au ia oukou. E hele nui mai oukou oiai au e noho ana i Kuene na oukou. E wiki mai oukou.

J. W. KAIKAINAHAOLE.

Honolulu, Aperila 25, 1862  22 tf

 

PA AUPUNI MA KUALOA.

                NO KA MEA, UA KOHOIA MAI mana i mau Luna no ka pa holoholona hele hewa, e ka mea Hanohano M. Kekuanaoa, Kiaaina o Oahu, ke hoolaha aka nei maua, aia ka pa ma Kualoa, Koolaupoko, ua makaukau maua e hana e like me ke Kanawai.

JUDD A me WILDER.

Honolulu, Maraki 1, 1862.  19-3m

 

NO KONA.

KA MOKUMAHU 'KILAUEA,'

E HOLO ANA NO

KONA!

E HOLO ANA NO O "KILAUEA," MAI HONOLULU aku, i ka Poalua, i ka hapalua o ka hora 4 o ke ahiahi, e like me ka mea i oleloia malalo nei, penei:LAHAINA, KALEPOLEPO, ULUPALAKUA, KOHALA, KAWAIHAE, KAILUA A ME KEALAKEKUA. Eia kekahi.—O ka manao o ka Ahahui Mokuahi, ma keiahope aku, o ka hana ana i wahi e hiki e mai ai ka moku i Honolulu nei i ke kakahiaka o ka Poaono, aole like me mamua, i ka la Sabati. E hanaia ana i papa kuhikuhi no ka wa e holo ai a me ka wa e ku ai, me ka papa kuhikuhi kekahi no ka uku ukana, a me ka uku o na ohua.

JANION, GREEN & CO.

Luna H. S. N. Co.

Honolulu, Mei, 1862. 24

 

AINA KUAI MAKEPONO.

                HOOKAHI HANERI EKA AINA KULA ME ekolu eka aina kalo, e kuai makepono ia aku i ka

poe e makemake mai ana, aia ma ka Apana o Waialua, Oahu. E loaa no wau ia oukou, ma ka aoao ma Ewa o ka hale kahiko o Hooliliamanu, ma Honolulu, Oahu. E ninau ia

R. E. WAKEMAN, (Lapaki.)

Honolulu, Aperila 10,1862.  20-lm

 

Olelo Hoolaha.

                E IKE AUANEI NA KANAKA A pau, owau o ka mea nona ka inoa malalo iho; ke makemake nei au e kuai lilo aku i kuu mau Kuleana Aina elua, aia ma Waiohinu, Kau, Hawaii. Apana akahi,

O Kaohe,

ka inoa nona ke kumukuai $500, oia hoi 2 1/2 eka. Apana elua,

O Waimalino,

ka inoa nona ke kumukuai $300, oia hoi 2 1/2 eka. O na kanaka a pau e makemake ana e kuai mai, e hele mai lakou a loaa wau ma ka Pa o Akahi, ma Honolulu nei. Peia nohoi na haole e makemake ana, a i ole ia, e loaa no au ma Waiohinu, i Kau Hawaii, i ka malama o Augate, 1862.

J. D. KANUHA.

Honolulu, Oahu, Aperila 23, 1862.  22-1m*

 

OLELO HOOLAHA.

                MAI KEIA LA AKU, MAI HOAIE MAI kekahi i ka'u wahine mare,

IA KAPEHE.

Aole au e hookaa ana i kona mau AIE ma keia hope aku.

KOKA PAKE.

Kalihikai. Kauai, Aper. 8. 1862.  2l-lm

 

BUTI & KAMAA MAOLI!

BOOTS AND SHOES

25

YEARS

NO KE KAMAAINA O KA MEA NONA KA INOA malalo, ke manao nei oia e wae ae i na mea e lawa'i o na ANO KAMAA a pau i oi ka maikai mamua o na Kamaa e ae ma ke Kaona o Honolulu nei. A ua loaa mai ma na moku (Artic, a me George Washington, mai Kapalakiko mai. E kuai ia aku no ma ke KUMUKUAI MAKEPONO LOA. Aia ma kou wahi kahiko ma ka HALE UINIHEPA. Ma ke kihi o ke Alanui Kalepa me Alanui Papu.

J. H. WOOD.

Honolulu, Aperila 11, 1862.  20-1m

 

KAMANO! KAMANO!!

                1050 PAHU KAMANO MAIKAI LOA i loaa mai nei. A e kuaiia aku e like me ka makemake o ka poe kuai mai. Ma kahi o  20-3m.  H. HACKFELD & Co. (KALEMA.)

 

MAKEMAKEIA

                ILIBIPI, ILIKAO, a me ke KELEAWE kahiko. UA MAKEMAKEIA NA MEA I HAIIA maluna e C. Brewer & Co, (Burua ma) ma ko laua Hale Kuai i kai o ka Uapo. E uku no laua i ke kumukuai makepono no ia mau mea.  20-3m.  C. BREWER & Co.

 

LALA MANO

A ME KA

Pepeiao Laau.

KE MAKEMAKE NEI NA MEA nona na inoa malalo, e kuai i ka Lala Mano a me ka Pepeiao Laau. Me ka uku aku i ke kumukuai make pono penei : No ka paona hookahi o ka Lala Mano, he 15 keneta. No ka Pepeiao LAAU, 8 keneta no ka paona hookahi.

                O ka poe e loaa'na na mea i haiia maluna, e pono e hele mai ma ko makou hale kuai, ma ke Alanui Alii, e pili ana ma ka aoao komohana o ko Daimana ma Hale Kuai.

19-3m  UTAI A ME AHEE

 

KA LAKO HALE

A ME NA

Pahu Kupapau!

                AUHEA OUKOU, E KA POE E MAKEMAKE ANA E kuai ma ke ano makepono wale! Eia no ke waihola ma kuu Hale Paahana, ma Alanui Papu.

NA PAPA KAUKAU!

NA LAKO HALE!

NA PAHU KUPAPAU!

PAHU KOA.....$12.

                Ua loaa mai hoi na mea hoonani Pahu Kupapau he nui loa, a e kuaiia no ka uku makepono.

                A ua makaukau no hoi au e kuai aku i na mau mea hoolako hale, a ka poe e makemake ana e kuai me a'u no ke dala. No-laila, ke makemake nei au e kuai aku i na lako hale o hai me ka uku aku i ke dala maoli, a ma lako hoi i na mea hoolako hale no ke kuu aku ia hai, no ke kumukuai emi loa.  

HANALE ALENA.

12-6m  Alanui Papu.

 

OLELO HOOLAHA.

Mea Makemakeia!

                KE MAKEMAKE NEI KA MEA NONA KA INOA MAlalo iho, e kuai aku i ke Kukane (Citron,) a me ke

KUKANE MAKA,

a e ukuia no ke kumukuai makepono, i ka poe a pau e lawe mai ana ia mea e kuai me ia. Nolaila, ke kauoha'ku nei au ka poe i lako i na hua.

KUKANE MAIKAI!

E hele mai ma ko'u Hale Kuai, ma ke kihi o ke Alanui Alii a me Alanui Maunakea, e pili ana ma ka aoao ma Ewa o ka pa O Keoni Miki.

WILLIAM HORNE.

Honolulu, Maraki 5. 1862.  15-3m