Ka Nupepa Kuokoa, Volume I, Number 21, 19 ʻApelila 1862 — He kamakamailio. [ARTICLE]

He kamakamailio.

He kakau pinepine mai ko makou roau makamaka ia makou, e ninau ana i kekahi mau mea, a e hoike ana me ka loihi i kekahi mau mea i hanaia ma kahi a lakou e noho nei, a no ka mea T aole he mau mea nui loa oloko o ka palapala a lakou ; nolaila, ao(e he pono o ke pai ana a pau loa. He nui na ps!apala i īoihi loa, a he hiki ke hoopokole, a ua ikea no na mea nui a pau maloko, £ nolaila, ke manao nei makou he pono ke kamakamailio aloha ana me na makamaka o makou, no ko lakou mau manao i ko lakou wa e kakau mai ai ia makou, me he mea la, ua kipa kino mai ma ko makou keena kakau, e kamailio ai. —Ke hai mai nei kekahi mea manao o Lahaina, o 44 HUahilai ka hana naaupo o kekahi kanaka ma ia wahi, oia hoi ka puni wale i ka olelo a na Kahuna hoopunipuni, a hele aku e kohi ma ke kauwahi i kapaia o Puulaina, me ka manao e loaa'na ke Gula, a me ke dala; me kona i pu hoi i kona kaumaha i ka ike ana'ku i kekahi kanaka naauao e puni wale ana i na mea hoopunipuni oia ano. O makou kekahi i manao, he mea lapuwale ka hilinai ana ma na hana epa oia ano. No ka loihi loa o kana palapala, nolaila, aole makou i manao he pono ke pai ia mea. —Ke kakaumai nei o L. Aholo, o Lahaina, Maui, no kekahi mea i pai ho.waia ma kana moolelo, o ka halawai 44 Ahahui Lunakahiko o Maui a me Molokai,"a penei na olelo ma kana palapala : 44 Ua pai hewaia no kela inoa o D. Kapela," o ka pololei, D. Kapuli; a o Kev D. Kapali paha. E hookomo aku au e ka poe e heluhelu ana ia wahi moolelo. i paiia ma ka helu 19, o ka Nupepa Kuokoa, o ka la 5 o Apen'la nei; i ka inoa D. Kapali. E hoole aku ia 4t Kapela," ua hewa ia. Ke hoakaka hou aku nei au ia mea, o haohao mai auanei paha oukou e ka poe i ike, a me ka poe paha i lohe, o Kapali ka mea i hookahunaia ma Wailuku, i ka malama o Maraki i hala aku la. No ka mea, ua haohao pu no me ke Kakauolelo o ka Ahahui hoouna Misionari. Ua hiki mai kana palapala ninau ia'u. A pela pnha e haohao pu mai ai kakou, nolaila, i mea e pau ai ia haohao. e hoole ouaole o "Kapela," o Kapali ka pono." No ko makou poe kukulu kepau -ka hewa, aole no ke Kakauolelo o ua Ahahui la, a no ia mea, ua hooponopono aku makou ma ka pepa o ka pule i hala ; aka, aole paha e lawa pono, nolaila, ma keia e hoopau aku ia pohihihi, —Ke hai mai nei o William Atkins o Kona, Hawaii, i ka hooweliweli ino o kekahi kanaka, e pepehi i kana keiki, i ko makou manao ana, aole he mea kupono, ka hoolahaia o na hihia ohana imua o ka lehulehu. —Na Davida Kaukaha, o Lahainaluna, Maui, kekahi manao paipai i na hoa Lahainaluna mai Hawaii a Niihau, e nonoi ana ia lakou e hele ae ma Lahainaluna, ma ka halawai o Mei ae nei, me ka makaukau e hele akuai, —Keninau mai nei kekahi o na makamaka o makou e noho ana ma ka maiu ulu o Lele, i ka uku a me ka ole o na Kanikau. Eia ko makou pane aku no ia mea: he mau hanele ka nui p na }kanikap e waiho nei ma i

ko makou papakakau, a ua hiki ole ia makou ke pai ia mau mea a pau, no ka nele i kahi kaawale ole, ina paha he paumi ae ka nui o ka makou pepa. A no ia mea, ua hana iho makou i Rula Hou, o ia hoi ka hoouku i na Kanikau a pau, i paiia e makou, he HapaluaDa2a no ka aoao pepa hookahi. Pela ka hana ana o na mea e pili ana i ka hoomanao a me ke aloha no kekahi makamaka i aloha nuiia, ke paiia ma na nupepa o na aina haole. —He nui no hoi na palapala ano ole i hiki mai io makau nei, e like me keia palapala maialo nei ? "E ka Nupepa Kuokoa e! Aloha oe ame kou Luna Hooponopomo, J. W. Kini H. Ke makemake nei au e lawe i kou kino. Ua makaukau au i ka ai e ola ai kou opu a me kou ohana, oia hoi 1 dala, eia no ma ko'u linia, e au mai oe ma na kai, a me na moana o Alenuihaha, a loaa au ia oe ma Kailua nei, maloko ae o loi eke leta o keaupuni. A lulu lima kaua. i -manao hoi au ia oe, i hoa hui oe no'u no ka hale leta, i hoa noho pu no ka hale. Mai kanalua oe, ke kumu o ko'u makemake nui ia oe, o ka hikiwawe loa ma ka €Jke'leta, a mau aku nohoi ko kaua launa pu ana. Na ke Akua Kiekie loa e hoopomaikai mai ia oe a mau loa aku, Kailua."

Eia ka makou kauoha i ko makou mau makamaka e oluolu ana e kakau mai i na manao no ke Kuokoa, e kakau mtii me ke kumu manao io, aole me na palapala ano ole, e like me ka mea i hoikeia'e la maluna. —O S. W. Palani, o Waimanalo, kekahi i kakau mai nei he palapala e hoike ana i ka moolelo aloha o E. Palea, i hanau ma Kalahiki, Kona, Hawaii, ma ka M. H. 1845, n i make aku nei hoi ma ka la 11 o Feb. M. H. 1562, i ka 17 o na makahiki o kona olaana, a no ke ano nui ole o na manao maloko, a ma ke ku ole paha i ka makemake o ka poe heluhelu, nolaila, ua aua iho makou i ke kuupau ana i na mea a pau ana i kakau mai ai. —Hiki mai nei he palapala na J. W. Kalaiokona, e mahalo ana i ka Luna Alanui o Kona Akau, a penei kana mau olelo: 44 Ua pau na wahi apuupuu i ka wawahiia me ka hamare, me kolopa, a me ka pauda,a ua hoopihaia, na wahi alualua i ka lepo me ke one. Ua hoolimalimaia ka hana ana i kekahi mau kanaka, o ka poe ku i ka Aufcau Alanui, o lakou pu ia e hana nei. E maikai ana na alanui o Kona Akau nei, ke mau keia Luna, oia o J. N. Kewiki." Aia no ia manawa aku kamakamailio hou no kakou.