Ka Nupepa Kuokoa, Volume I, Number 4, 2 December 1861 — He Kanikan. [ARTICLE]

He Kanikan.

Aloha oe :—E pai iho oe, a e hoolaha ae t i ike mai hoi kona mau kini e noho ana mai Hawaii a Niihau i ka make ana o Kelani. Oka nui o kona mau makahiki o ke ola ana he 14, a ua hala aku ia i ka aoao mua o ka honua nei. A eia malalo iho he \vahi mele aloha noiia: He uhane la he aloha, Nou no e Kelaui, Hele palamimo ka uhane, I ke ala hoi ole mai, Ua hoi ka uhane me ke Akua, Ua wehe i ka pili me ka makua, Haalele i ka pokii me ke kane, Me ou hoa alo o ka la wela, 0 ka la kikiki o Honolulu, Ka piina loa ana o Kaiwiula, Hele aku nei oe aohe lua, Hookahi ka uhane e maalo nei, 1 ka uka anuanu o Loiiki, Ka nahele pulu mau i ka ua noe, Huli ae o Kanio a ninau, " Auhea iho nei la o Kelani ? Ei aku nei paha i ke kui iei, I iei kahiko no ka uhane," He uhane hele loa no Kelani, Haalele i ka lai o Kalihi nei, Alo ana i ke kai o Pailolo, Nana i ka noe o Molokai, 0 ka noho nani mai a Lahaina, A ka malu ulu wale la o Lele, Oni mai Lahainaluna i ka ia, Ka piina loa ana o Kulilole, Makahehi ka uhane i ka palai, 1 ka holu nape mai i ka makani, He makani hookohu ko Ulupau, I ka lawe haaheo a ke kai loa, Hele loa oe la hoi o!e mai, Ehia hoi mea minamina, Kou kino i ka nalo ana, Aohe no oe e loaa aku, Koae noho lua nona pali, Pali hemolele ko* Pololu, Ka waiho kahela i ka makani, Hoohihi ka uhane ia Hiilawe, I ka wai koiawe i na pali, Oni ana o ka lae o Kauhola, Au ana i ke kai o Neue, I ka hala nee mai i na pali, „ Kūi ana ika lehna o Maluo, Lei ana i ka hala o Keawehala, Ua hala la ua nalo loa, Aia paha oe i Kau la, 0 Kau ia i ka palahemo, Hemo no oe Ia kaawale, 1 ka uka wale la o Halaakea, Akea ka uhane pili ole mai, Pilipiii aiaa ole qr»ai oe, 5» E ike i leou mau hoa luhi, O ka la welawela o Honoiulu, Manuahi mai ke aloha no na hoa, Aohe i pau ke ano aloha, A nou no hoi e Kelani. D. W. Keuuahi. Kalihi, Oahu, Nov. 27,1861.

Na Lokomaikai Liilii.—Kahea mai la kekahi kaikamahine uuku, u E kuu makuahine, ua haawi iho nei aa i kahi kaikamahioe makilo, i wahi aj»na bareua 9me ke kiaha wai e inu, Olelo maikai mai ia i kona lalau ana ntai. Aloha oe! a lele ka olioli o ku.u iutau i ka maikai o kelā mau hua olelo." E hiki no i na keiki a pau ke lokomaikai i na mea liilii, e haawi i kekahi wai paha r e haawi i fcahi ai na ka mea iiihune a pololi paha, e kokua i kekahi mea nawaliwali a mai paha, a e loaa koke mai ana ia ia ka uku me ka lele olioli ana o kona naau, e like me kela kaikamahine. Aole ma ka ukii waiwai ia mai ko kekahi pomaikai ana. E lokomaikai aku me ka iilanao ole 1 ka uku waiwai, ahila e loaa mai ka naau hauoli eoi ana mamua oka uku waiwai ia.