Ka Nupepa Kuokoa, Volume I, Number 4, 2 December 1861 — He Mele no ka Haku o Hawaii. [ARTICLE]

He Mele no ka Haku o Hawaii.

Aia i Kaukeha, ka halia o ke aloha Ke aweawe manao a ke kini o luna, E hea mai ana ka leo o ka pololei, E hoi e pili me Hihimanu, Me he manu la no ka ua e kaakepa nei, E wili nei i luna o ka laau, Luhe ke oho o ke kukui maeele i ka ua. Naku ka ua hookawewe i ka moana. Oloke, olooloke, pioloke ka leo o ka Palila, Kukuku ka ehu o ka ua i ka nahele, E kapapa ana i ke alo o Maunakea, Palale ka leo o ka ua i luna o ka laau, E hiohio haole ana i ke alo o na pali, Ka ua hookina, hookinakina, hookikina, Ka leo kapalulu, kapakapalulu, kapalili o ka makani, Makani lu lehua, lu ala o ka nahele — e—a, He nahele poai ia na ka Lani Kauikeaouli ke ola, Alaa oe—a, au eena nei—e.

Eo e ka Haku o Hawaii, he inoa, Aala laulehua ka \vai o Puna, Puako ula i ka mauu koolihilihi, Awea ula i ka maka o ka laau, Me he pa-u puakai la ka naliele, Ka owela o ka maha lehua o Pokai, Ula loa pua i ka nahele o Auwahi, Mohe ahi kahuna la no ka ul& o ka pua, Ka onohi ula i ka maka o ka lehua, Ka kihea ula i luna o ka laau—e, Kai aweawe ula ka ua i ka nahele, Noho pualena i ke oho o ke ki, He uka Kilauea, he kai Panaewa, Noho no ka nani ia Hilo Waiakea, Kupu no ka iehua noho no ka hala, Hala ka ua kanilehua i Makakalo, Kakala hewa i ke Akua, heaha ka hala, Aole, aole no au i ona e, ke hoa uakaia ua hina ia ia. Alaa oe—a, au eena nei—e.

Hanau mai o ka Lani, Haku nui o Hawaii, He hiapo na Kapuaiwa, Hii alo a Keanolani, 0 ka pua kela no ia, 01 o na mokupuni, Ka Moana Pakipika, Aupuni Kuokoa, Poai au a puni,' Aohe pua e like, Me ka Haku o Hawaii, Mea Haku o na Haku, I loaa mai luna mai T I lei kaimana no'u, I pua lei kahiko, No Hawaii a puni, Ka iini o ka iini, Ka iini mae ole ia, Ka iini o ka iini, Ka iini mae ole ia. Pjumo Honolulu, Nor>. 26, 1861.