Ka Nupepa Kuokoa, Volume I, Number 1, 1 ʻOkakopa 1861 — Na Palapala. He mooolelo pokole no ka hele ana o ka Ahahui Ekalesia ma Hauula. [ARTICLE]

Na Palapala.

{illegible} He mooolelo pokole no ka hele ana o ka Ahahui Ekalesia ma Hauula.

@ @ba 9.—Ua hoomaka ko @ @ hele ana mai Honolulu aku, @ @ awakea. Hela aku la ma- @ @hiki ma Koolau o Kaneohe, @ @ na Kumu me kekahi mau @ @ ma Kaneohe. Hele aku hoi @ @ a hiki ma Waiikane, ua hoo- @ @ a aloha mai na kamaaina ia makou malaila. Ua malama makou he mau halawai haipule ma Waikane. Ua oluolu no makou no na mea kino, a me ka olelo paipai no ka pono o ke Akua. Ia makou nae i hiki ai ma Waikane, pakele o G. P. Judd me ke Kahunapule o ka hale pule haole, mai poino laua. Penei ke kumu o ko laua poino ana, i huli pu ke Kaa, a haule iloko o ka wai, haule pu me G. P. Judd ma. Kokua makou ia laua, a ua pakele ke ola. Moe makou ia po a ao ae, hele aku makou, a noho ma Hauula. Hookipa maikai o M. Kuaen ia makou ia mau la o ka noho ana. Ua akoakoa mai na Kahu, me na Luna. Ma ka ekalesia o Kawaiahao; Rev. E. W. Kalaka ke Kahu, na Luna; 1 P. Naone ; 2 Ehu; 3 Pahukula; 4 Aumai; 5 Kaihumua. Ma Kaumakapili; Rev. L. Kamika ke Kahu ; na Luna; 1 Solomona; 2 Hu ; 3 Kaoliko ; 4 W. N. Pualewa; 5 Keolanui. No Ewa; S. Kahoohalahala ke Kahu ; na Luna : 1 Kame ; 2 Kulohi; 3 Ieke; 4 Kaeku ; 5 Kaomi. No Waianae, aole he Kahu, he mau Luna wale no ; 1 Kalama; 2 Kalino; 3 Halualani; 4 Kuapuu ; 5 Poomahoe. No Waialua; Emesona ke Kahu; na Luna ; 1 Kauwa; 2 Hakuaulani; 3 Ili; 4 Kukea; 5 Kaiaikawaha.—No Kahuku ; 1 Kahikapu. No Kaneohe ; Pareka ke Kahu ; na Luna; 1 Mahoe ; 2 Pii; 3 Meemano ; 4 Kaawa; 5 Kaneakalau. No Hauula; M. Kuaea ke Kahu ; na Luna; 1 Lua; 2 Wahinemaikai; 3 Ukeke; 4 Holokahiki ; 5 Kaleokahea. Ua nui na mea hou i hanaia ma keia Ahahui Ekalesia, e ike paha kakou ma ka "Hoku Loa" a me ka "Hae Hawaii," no ka mea ua hooholo ia, na Rev. L. Kamika e hoopuka. Aka, mamuli o ke koi nui o ka makemake, nolaila, ua lana no ka manao e hooili aku i keia manao ma ka "Nupepa Kuokoa." O kekahi mea hou ma keia halawai ana, oia no ka ahaaina a ka Haku. I ka poalima, oia ka pau ana o ka halawai ma Hauula, ua akoakoa na Kahunapule me na Luna, me na hoahanau i hiki mai. la Emesona ka wawahi berena, ia Kalaka ke kiaha, ia M. Kuaea me S. Kahoohalahala ka lawe berena me ka waina. Eia ka mea hou, i ko'u manao, o ka pau ole o na pa berena, no ka mea, ua nui loa makou, aole nae i pau. Pela no na kiaha, elua no kiaha, ua lawa na mea a pau a koe no, Aole pela na aha hoahanau, he inu ka hana, he pakela inu waina ka hope. Eia keia, ua mahalo makou no ka maikai o ka hale pule o Hauula, i ka nana aku, ua nani maoli, maikai o loko, maikai pu me waho, maikai na noho, maikai no na mea a pau. Ua hoohalike ia me ka olelo a ka poe haku mele i ka wa kahiko, e olelo ana, Maikai Kahana, he Ahiu ka makani. Ia kakou e hiki aku ai i Kaaawa, o ka hale pule o Hauula ka kakou e ike mua aku ai. E like me ka moku kalepa e hoea mai ana ma ka lae o Leahi, pela no ka luakini o Hauula, e ku kilakila ana me ka hoikeike i kona nani. Nolaila, ia oukou e na hoa o ka Ahahui "Nupepa Kuokoa," i mahele ia mai, mai loko mai o ka "Hoku Pakipika, e hoolana oukou i ko oukou manao, pela ka olelo a Paulo. "No oukou ka olelo hoolana, a no ka oukou poe keiki, a no ka poe i kahi mamao aku." He pono oukou ke hoopuka i Nupepa maikai, ano maemae na olelo o loko. No ka mea, mamuli o na elelo paipai a Kauka, e olelo ana, ina maikai na kumu wai, maikai no ka wai o na auwai, ina lepo ka wai o ra Ikuniiu wai, lepo pu no ka wai o na auwai. Pela no na Nupepa, wahi ana, ina maikai na Nupepa, maikai no na kanaka, ina ino na Nupepa, he waha-ka-le ka hana. Eia keia mea hou, mai ka maikai ana o ke alanui Nuuanu, a hiki mai i keia manawa, akahi no au a ike i ke Kaa Lio, e iho ana ma Nuuanu,

a e hele ana a hiki i Waialua, he mea hou ia i ko'u manao. Eia keia, ia oukou e na kanaka mai Hawaii a Niihau, ua ike mua paha oukou i na "Hoku Pakifika," eia ka'u ia oukou, eia mai ka pepa ku pono i ka makemake o ka poe pono, a me ka hoolawa ana i ka pono kuonoono o Kristo. W. N. PUALEWA. Kuliu, Honolulu.