Ka Nupepa Kuokoa, Volume I, Number 1, 1 October 1861 — Hela mea keia mea o Hawaii nei. [ARTICLE]

Kela mea keia mea o Hawaii nei.

He nui na manao i hooiliia mai no ka Nupepa Kuokoa, aka, ua piha e nae ka pepa i na mamao i hiki mua mai. A nolaila, e na makamaka, e pono oukou e hoomanawanui a ia manawa'ku, mai hookekeue e na hoa. O ka poe e makemake ana e loaa ka Pipi momona maikai, a me ka Hipa momona, maikai ke ai iho, e pono e hele ma ka HALE KUAI PIPI o CONAWELA & VIDA ma ke alanui alii; He emi loa ke kumu kuai, a he nui ka MANUAHI. MAKAU OLE MAOLI : —Ua maopopo ia kakou ke ano o ka pali o Nuuanu he inoino, a he hiki ole ke KAA ke holo ; I ka la 7 iho nei o Sept. nei, ua holo aku o G. P. Judd (Kauka) laua me Rev. . Corwin, (Kahunapule o ka Halepule haole ma ke Alanui Papu,) maluna o ke KAA i kauoia e ka lio hookahi, a iho no laua i ka pali o Nuuanu me ko laua kau no maluna o ke kaa. Aole laua i loohia i ka poino a hiki wale i ko laua hiki ana ilalo o Kekele. O ka maka mua keia o na kaa nana i hele ka pali o Nuuanu. A he keu no hoi keia a na mea makau ole, o ka hele ana ma ke kaa ma ia alanui nihinihi. Ina e hiki mau na kaa ma keia alanui, alaila, e pomaikai ana na mea kuai o ka apana Koolau. HANA INO IA KEKAHI KANAKA HAWAII MA JAPANA :—I ka malama o Aperila i hala aku nei, ua pepehi ino loa ia kekahi kanaka Hawaii ma lapana, e ka poe kamaaina o ia wahi. Ua loaa ua kanaka nei i kekahi mau alii o ka moku kaua Rukini e ku ana ilaila ia manawa, a ua lawe aku ia ia maluna o ko laua moku, malaila i hanaia'i kona eha e ke Kahunalapaau o ua moku kaua la. He pinepine ka loohia ana o na kanaka maoli i ka poino malaila, e like ke ano me keia, hele lakou ma na hale pakaukau o ia wahi, a, ilaila lakou e hui ai me na kamaaina, a iloko oia hui ana e loaa'i ka hoopaapaa ana, a me ka hakaka ana. E na kanaka a pau o Hawaii nei, i na oukou e hele ma ia wahi, mai hoolauna'ku, ma keia mau hale pakaukau. KAIKAMAHINE AKAMAI I KE KI PU.—Ua hele aku kekahi poe i na la mamua'ku nei, i ke kaapuni i keia mokupuni, a o kekahi o ua poe la he mea no ka aoao palupalu. I ko lakou hele ana a hiki ma Halemano (apana o Waialua,) ua noho lakou e hooluolu malaila i kekahi mau la. A e like me ke ano mau o ka poe e hele ana i ka makaikai, pela no keia poe, hele kekahi poe i ka lelekawa, kahi poe hoi i ke kapili manu, kahi poe hele i ke ki pu. Me keia poe e hele nei i ke ki pu, ka hele ana o kela kaikamahine i haiia maluna. Hele keia poe kipu a hoomakaukau i kekahi hoailona e ki aku ai; 145 kapuai mai kahi e ku ai ka mea e ki ana, a hiki i kahi o ka hoailona i kukuluia'i. Alaila, hoomaka ke ki ana : o ka mea mua i ki, o kekahi kanaka opiopio noloko mai o keia huakai hookahi i haiia maluna. Ki oia, a lele aku kana poka a ku, ma ka aoao o ka hoailona, elua iniha ke kaawale. Ki hou aku la ia, a hala hou no, hookahi kapuai ke kaawale mai kahi i ku ai ka hoailona, a hiki i kahi i ku ai kana poka. Ku mai la he kaikamahine me ka Punao kau poohiwi, a kau pono ae la i ka pu ma kona poohiwi, a ki aku la

me ka makau ole @ @ @ @ @ {illegible} Ia manawa, holo nui @ @ @ @ @{illegible} ku ana, e nana i ka @ @ @ @ @{illegible} ke ku, a me ka ole. @ @ @ @ @ {illegible} ana i kahi o ka hoailona i @ @ @ @ @ {illegible} la lakou ua ku ka hoailona @ @ @ @ @ {illegible} poe e makaikai ana i @ @ @ @ @ {illegible} a ua kaikamahine @ @ @ @ @ {illegible} mahalo aku i kona koa, a @ @ @ @ @ {illegible} akamai. E hoomanao nae kakou @ @ @ @ @ {illegible} oia e ki ana i ka pu aole ana ela@ @ @ @ @ {illegible} kona aoao. He oioi keia kaikama@ @ @ @ @ {illegible} a ke akamai i ke ki pu. Ua lo@ @ @ @ @ {illegible} mai o ke kaikamahine no keia a ka mea nona o Halemano ma keia mokupuni.